♡ JEHAZ KI TABAAH KAARIYAN ♡

●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-01
                       ●●●●

●•• Deen E Islam Ek Muqammal Deen Hai, Jo Cheez Islam Me Maujood Hai Wo Fayede Waali Hai Aur Jo Nahi Hai Wo Nuqsaan de Hai Aur Society Ke Liye Tabaah’kun Hai,

●•• Kitni Cheezein Aaj Society Me Chal Rahin Hain Jinka Islaam Se Koi Taalluq Nahin Hai Aur Unka Nuqsaan Bhi Duniya Walon Par Saaf Hai Lekin Fir Bhi Log Bator Fakhr Pasandi Ya Naak Rakhne Ke Liye Ya Kisi Aur Maqsad Ke Tahat  Is Jehaz Ki Laanat Ko Apna Rahen Hain Fir Is Par Bas Nahi Balke Jo Shakhs Is Ghair Shari (Unislamic) Kaamon Ko Na Kare To Usko Taane Diye Jaate Hain Aur Use Zaleel Kiya Jaata Hai Unmese Ek jehaz Ki Rasm Bhi Hai jehaz Ke Mane Ye Hain Ke

●•• Ek Shakhs Apni Beti Ko Ghar Me Istemaal Karne Ki Har Cheez Muhayya Karne Ki Koshish Kare Jiska Zimme Aurat Par Nahi Balke Mard Ka Hota Hai, Chaahe Use Qarz Uthaana Pade Ya Dacaiti , Fraud Ya Haq’talfi Karni Pade Ya Use Bheek Maang Kar Zaleel Hona Pade, Ye Sab Kuch Karta Hai  Lekin Beti Ko jehaz Zaroor Deta Hai,

●•• Ye Rasm Barre Sagheeer Me Islamic Hukumat Khatam Hone Se Pahle Bahut Kam Thi Aur Jahan Se Wahan Aksar Ameer Hindu Gharaanon Me Hoti Thi  Jinki Aamdani Haraam Maal Se Hua Karti Thi Lekin In Ameer Gharaanon Ki Dekha Dekhi Me Ye Marz Ghareebon Me Bhi Badhta Chala Gaya Jo Ke Aaj Cancer Ki Soorat Akhtiyaar Kar Chukka Hai, Jo Taqreeban Mulk Ke Har Ghar Me Ye Marz Daakhil Ho Chukka Hai Ye Aur Baat Hai Ke Kuch Log To jehaz Apni Khushi Se Dete Hain Aur Nabi E Akram Muhammad Sallallahu Alaihi Wasallam Ki Sunnat Aur Islam Ka Tareeqa Samjh Kar Dete Hain, Lekin Kuch Log Ise Samjhte To Najaiaz Hain Lekin Fir Bhi Wo jehaz Dete Hain Taake Society Me Unhe Zillat Na Uthaani Pade, Haalanke Zillat To Wo Hoti Jo Aakhirat Me  Hogi,

●•• Ham In Posts Me Is Rasm Ke Ghalat Hone Ke Dalail Denge Aur Ye Batayenge Ke jehaz Ke Kya Nuqsaanaat Hain Deendaar Aur Aqalmand Log In Cheezon Ko Padhenge To Khud Bhi Is Rasm Se Bachenge Aur Dusron Ko Bhi Mana Karenge Inshaallah

●•• Kayi Log Shadiyon Par Bahut Maal Lagaate Hain Aur Betiyon Ko jehaz  Zyada Se Zyada Dete Hain Unki Daleel Ye Hoti Hai Ke

●••“Shadi Ek Din Hoti Hai Baar Baar Nahi Hoti Isliye Ye Kharche Karna Sahih Hai”

●•• Halaanke Ye Haqeeqat Hai Ki Shadiyan Ek Baar Nahi Baar Baar Aati Hain Kiyunke Ek Shakhsh Ke Kayi Bête Aur Betiyan Hoti Hain Sab Ki Shadi Karni Hoti Hai To Maaloom Hua Ke Shadi Ek Baar Nahi Balke Baar Baar Aati Hai To Insaan Me Zindagi Bhar Ki Jama Ki Hui Punji (Capital) Ek Din Me Laga Deta Hai, Dusri Shadi Ke Liye Fir Se Koshish Shuru Kar Deta Hai Ye Kisi Tarah Bhi Sahih Nahin Hai,

●•• jehaz Asal Me Hinduon Ki Rasm Hai Jise Wo Daan Ka Naam Dete Hain Wo Dehaz Isliye Dete Hain Ke Hindu Mazhab Me Ye Hai Ke Chaahe Koi Shakhsh Maaldaar Ho Ya Ghareeb Uski Jaaydaad (Property) Thodi Ho Ya Caroron , Arabon, Me Jab Wo Mar Jaata Hai To Uski Jaaydaad Me Se Beti Ko Warsa (Hissa) Bilkul Nahi Milta , Isliye Jab Koi Hindu Apni Beti Ki Shadi Karta Hai  To Wo Apni Beti Ko Khaandaan Se Kaat Deta Hai to Wo Apni Beti Ko Ghar Me Kaam Aane Waali Cheezein Deta Hai, Taaki Beti Ki Hosla’afzaayi Ho

●•• To Sawaal Paida Hota Hai Ke Musalman Is Rasm Ko Kiyun Akhtiyaar Karte Hain Jab Ke Unke Islaam Me Toh Aurat Ko Apne Baap Ya Bête Waghairah Ki Jaaydaad Se Warsa Milta Hai Balke Kabhi Kabhi Mard Se Zyada Aurat Ko Warsa Milta Hai To Fir Musalman Ko Kya Zaroorat Hai Ke Wo Hinduon Ka Tareeqa Akhtiyaar Kare ???

●•• Asal Baat Ye Hai Ke Musalmano Me Bhi Hinduon Ki Tarah Riwaaj Hai Musalman Bhi Apni Betiyon Ko Jaydaad Se Mahroom Kar Dete Hain Agar Jaaydaad Me Hissa Dete Bhi Hain To Poora Nahi Dete,

●•• Halaanke Allah Taala Ne jehaz Dene Ka Hukm Nahi Diya Balke Wiraasat Dene Ka Allah Ne Hukm Diya Hai Aur Jo Log Aulaad Ko Warsa Nahin Dete Unko Quraan Me Jahunnum Ki Saza Sunaayi Hai,

●•• Kitne Afsos Ki Baat Hai Ke jehaz Ka Hukm Allah Ne Nahi Diya Wo To Badh Chadh Kar Diya Ja Raha Hai Aur Warsa Dene Ka Hukm Diya Hai To Betiyon Ko Isse Mahroom Kiya Jaa Raha Hai, jehaz Ka Riwaaj Pehle Bahut Kam Tha Fir Dheere Dheere 2 Sadiyon Me Badh Gaya Aur Maujooda Daur Me jehaz Ek Rasm Ke Saath Sath Ek Bahtareen Karobaar Ban Chuka hai
          
            *📁 Admin Ki Diary,*

     *Next- 02, in sha Allah ta'aala,*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

   ●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-02
                       ●●●●

*●•• KYA NABI E KAREEM MUHAMMAD SALLALLAHU ALAIHI WASALLAM NE  HAZRAT FATIMAH (RA) KO JEHAZ DIYA THA*

●•• jehaz Ke Haami Kahte Hain Ke Nabi E Kareem Muhammad Sallalahu Alaihi Wasallam Ne Apni Beti Hazrat  Fatimah Raziyallahu anha Ko Takiyah, Mashkeeza Wagerah Cheezein Di Thi Nabi E Kareem Muhammad Sallalahu Alaihi Wasallam Ne Jo Cheezein jehaz Me Di Thi Wo Us Waqt Ke Lihaaz Se  qeemati Thi, Aaj Kiyu ke Khush’hali Ka Daur Hai Isliye Aaj Beti Ko jehaz Me qeenmati Samaan Dene Me Koi Harj Nahi“

●•• Agar jehaz Ka Tasawwur Islam Me Hota To  Nabi E Akram Muhammad Sallalahu Alaihi Wasallam Sirf Hazrat E Fatimah (Ra) Ko Nahi Apni Tamaam Betiyon Ko jehaz Dete, Dusra Ye Ke Aap jehaz Me Sirf Ye  Cheezein Na Dete Balke Aap Arab Ke Baadshah The Aap Ek  Waqt Me Sainkdon Oont Sadaqah Kar Diya Karte The, Agar Aap Sallalahu Alaihi Wasallam Chaahte To Ohud Pahaad Sone Ka Ban Jaata Agar Aap Sallalahu Alaihi Wasallam Dua Karte To Betiyon Ke jehaz Ke Moqe Par Allah  Taala Apne Nabi Ko Bahut Kuch Ataa Farma Deta, Jab Aap Sallalahu Alaihi Wasallam Ne Iske Bawajood Wo Chand Mamooli Cheezein Di Thi Aur jehaz Nahi Diya To Malum Hua Ke jehaz Ki Koi Haqeeqat Nahin Hai,

●•• Nabi E Kareem Muhammad Sallalahu Alaihi Wasallam Ki Zaujah  Mohtarma Hazrat Khadija (Ra)  Apni Badi Beti Hazrat Zainab (Ra) Ko  Haar Diya Tha, Nabi E Kareem Muhammad Sallalahu Alaihi Wasallam Ne Hazrat Fatimah Ko Mashkeza, Takiya Waghaerah Cheezein Di Thi Wo jehaz Ka Saboot Nahi Ban Sakta,

●•• Jahan Tak Hazrat Zainab (Ra) Ke Haar Ka Ta'alluq Hai Wo Nabi E Kareem Muhammad Sallalahu Alaihi Wasallam Ne Nahi Diya Tha Balke Hazrat E Khadija Ne Diya Tha, Dusra Ye Ke Koi Ba’zid Hokar Kahta Hai Ke Wo Haar Nabi E Akram Muhammad Sallallahu Alaihi Wasallam Ne Hi Apni Beti Ko Diya Tha or Ye Waqiyah Aap Sallalaho Alaihi Wasallam Ke Nabi Ban Kar Duniya Me Aane Se Pahle Ka Waaqiyah Hai, Aur Besat E Nubuwwat Se Pahle Kiya Gaya Kaam Daleel Nahin Ban Sakta,

●•• Teesra Ye Ke Wo Haar Bataur jehaz Nahin Balke Apni Beti Ko Rukhsat Karte Waqt Wo Haar Tohfa Diya  Ya Is  Tarah Samjho Ke Wo Haar Hazrat E Zainab Pahna Karti Thi Kyunke Wo Hazrat E Khadija Ki Badi Beti Thi Jab Unki Rukhsati Hui To Wo Haar Hazrat E Zainab Se Nahi Utarwaaya Gaya,

●•• Us Haar Se Zyadah Se Zyadah Ye Saabit Hota Hai Ke Agar Kisi Ladki Ko Maa Rukhsati Ke Waqt Koi Cheez Apni Khushi Se  De De Toh Wo Jaayez Hai Aaj Bhi Aisa Kiya Jaa Sakta Hai Lekin jehaz, Hiba Ya Tohfa Nahin Balke Ye Koi Aur Cheez Hoti Hai,

●•• jehaz Na Dene Ka Ye Matlab Nahin Hai Ke Aadmi Apni Beti Se Wo Cheezein Bhi Le Le Jo Wo Ghar Me Istemaal Kiya Karti Thi, Maslan Kapde, Joote, Zewar Wagerah Hazrat Zainab (Ra) Agar Wo Haar Pehna Karti Thin To Unse Utaar Lena  Na’munaasib Tha Isliye Wo Saath Le Gayin Thin,

●•• Baaqi Raha Hazrat E Fatimah Ka jehaz Pahle Wo To jehaz Na Tha Kiyunke jehaz Do, Teen Cheezon Ka Naam Nahin Hai,

●•• Chalo Agar Maan Liya Ke Wo jehaz Tha Agar Aap Muhammad Sallalahu Alaihi Wasallam Ne Ye Cheezein Bataur jehaz Di Thi To Musalmaano Ko  Nabi E Kareem Muhammad Sallalahu Alaihi Wasallam Ki Sunnat Par Amal Karte Hue Sirf Wahi Cheezein Deni Chahiye Jo Nabi E Kareem Muhammad Sallalahu Alaihi Wasallam ne Apni Lakht E Jigar Ko Di Thi, Agar jehaz Dena Hota To Aap Sallalahu Alaihi Wasallam Aur Bhi Bahut Kuch Dete Agar Aap Sallalahu Alaihi Wasallam Ne Sirf Yahi Cheezein Di Hain To Maaloom Hota Hai Ke jehaz Me Sirf Yahi Cheezin Di Jaaye,

●•• Haqeeqat Baat Ye Hai Wo jehaz Nahin Tha Balke Wo Samaan Hazrat Ali (Ra)  Ki Jarrah Bech Kar Banaaya Gaya Tha Jo Ke Hazrat E Ali (Ra) Ne Hazrat E Fatimah (Ra) Ko Haq Meher Me Di Thi,

●•• Aaj Bhi Agar Koi Shakhsh Apni Beti Ke Haq Mehar Ki Raqam Pehle Se Le Aur Use Beti Ki Zarooriyaat Ka Bando’bast Kare Aur Rukhsati Ke Waqt Wo Cheezein Apni Beti Ke Saath Rawaana Kar De To Isme Koi Harj Nahin Balke Ye Sunnat E Nabawi Par Amal Hoga,

●•• Agar Koi Shakhsh Ye Maanne Ke Liye Tayyar Hi Nahi  Ke Wo Samaan Hazrat  Fatimah (Ra) Ke Mehar Me Di Jaane Waali Jarrah Bech Kar Banaaya Gaya Tha

●•• Toh Ham Use Kahenge Ke Agar Wo Samaan Khud Nabi E Kareem Muhammad Sallalahu Alaihi Wasallam Ne Napni Taraf Se Diya Tha, Tab Bhi Wo jehaz Nahin Tha  Balke Wo To Nabi E Akram Muhammad Sallalahu Alaihi Wasallam Ki Taraf Se Hazrat Ali (Ra) Ko Ta’aawun Tha Kiyunke Hazrat Ali (Ra) Ke Paas Naa To Koi Ghar Tha Aur Na Hi Zindagi Basar Karne Ka Koi Dusra Samaan, Hazrat Ali (Ra)  Kiyunke Nabi E Kareem Muhammad Sallalahu Alaihi Wasdallam Ki Parwarish Me The Aur Hazrat Ali (Ra) Ke Waalid Faut Ho Chuke The To Hazrat Ali (Ra) Ki Nigraani Aur Parwarish Nabi E Kareem Muhammad Sallalahu Alaihi Wasallam Khud Hi Kiya Karte The Isliye Aap Ne Apni Beti ko Chand Zaroori Cheezein Dekar Rawaana Farmaaya Tha,

●•• Nabi E Kareem Muhammad Sallalahu Alaihi Wasallam Ne Hazrat Ali (Ra) Ko Ye Cheezein Bataur E jehaz Nahin Balke Ba’haisiyat Sar’parast Ta’aawun Ke Tor Par Ataa Ki Thi ,,

●•• Isliye Agar Aaj Bhi Koi Shakhsh Kisi Ki Parwarish Karta Hai Fir Apni Beti Ka Rishta Use Kar Deta Hai To Wo Sarparast Ki Haisiyat Se Jo Kuch Apni Ladki Ko Rukhsati Ke Waqt De Dega To Wo Sahi Aur Sunnat Ke Mutaabiq Hoga,

●•• Khulaasa  Kalaam Ye Hai Ke Nabi E Kareem Muhammad Sallalahu Alaihi Wasallam Ne Hazrat E Fatimah (Ra) Ko Jo bhi Diya Tha wo jehaz Nahin Tha or Na Ummat Ke Liye jehaz Ka Saboot Ban Sakta Hai, Isliye Is Gandi Rasm Ko Sunnat E Nabawi Ke Saath jodne Ke Jurm Ka Artikaab Na Kiya Jaaye
          
            *📁 Admin Ki Diary,*

     *Next- 03, in sha Allah ta'aala,*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

       ●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-03
                       ●●●●

*●•• DAHEJ EK RISHWAT HAI*

●•• Ek Shakhsh Kisi Ki Ladki Is Shart Par Leta Hai Ke Ladki Ka Baap Use Dehaz  Ki Soorat Me Maal De  To Ye Ek Kameeni Harkat Hai Or Wo Haraam Maal Lene Ka Murtakib Hoga Kyunki Ye Rishwat Ke Zamre Me Aata Hai,

●•• Agar Koi Sasur Apne Daamaad Se Apni Beti Biyaahne Ki Wajah Se  Kuch Leta Hai To Ise Fiqh Hanfi Ne Haraam Kaha Hai,

*●••SOCHNE KI BATEIN*

●•• Sochne Ki Baat Hai Ke Ek Baap Apni Beti Paida Hone Se Lekar Kayi Saalon Tak Uski Parwarish Par (Khaane , Peene,Libaas, Ilaaj Etc) Bila’hisaab Maal Kharch Karta Hai Lekin Wo Damaad Se Kuch Lene Ka Haq Nahi Rakhta To Damaad Ko Kya Haq Pohunchta Hai Ke Wo Kisi Se uski Beti bhi leLe Aur Uska Ghar Bhi Saaf Kar Le ???

●•• Jo Shakhsh Apni Beti Ko Apni Naak Rakhne Ke Liye Dehaz Deta Hai To Damaad Ko Chahiye Ke Wo Dehaz  Lene Se Inkaar Kar De, Agar Wo Le Lega To Wo Haraam Kaam Ka Murtakib Hoga Kyunke Maaloom Nahi Ke Baap Ne Kis Tarah Museebat Kaat Kar Dehaz Banaaya Tha Ya wo Naak Rakhne Ke Khaatir De Raha Hai ?? Agar Ye Log Beti Ko Dehaz Dene Me Mukhlis Hain To Warsa (Wiraasat Me Hissa) Kyun Nahi Dete ???

●•• Agar Koi Shakhsh Bhikaariyon Ka Tareeqa Ikhtiyaar Karte Hue Susuraal Se Maal Ka Mutaalba Karta Hai To Wo Ikhlaaqan, Aqalan, Shar’an Har Tarah Se Mujrim Aur Gunaah E Kabeera Ka Murtakib Hai, Is Bheek Maangne Se To Ye Accha Tha Ke Wo Kisi Road Par Ya Masjid Ke Darwaaze Par Kapda Bichha Kar Baith Jaata Aur Har Aane Waale Se  Rupiya Maang Kar Apna Matlooba Maal Bana Leta, Kam Se Kam Wo Log Use Rupiya Apni Khushi Se De Jaate  Jabke Apne Susraal Se Zabardasti Maangta Hai Ya Dehaz Ko Apna Haq Jaankar Usse Maal Milne Ki Khwaahish Rakhta Hai Ye Dono Cheezein Ghalat Hain,

●•• Dekhiye Auratein Mard Ki Khaadimah Hoti Hain Wo Apni Khidmat Ke Badle Mard Ke Ghar Se Khaati, Peeti, Pehanti Hai Aur Shohar Ke Bacchon Ki Bhi Ghulaami Aur Khidmat Karti Hain Agar Use Talaaq Ho Jaati Hai To Sab Kuch Chhrod Kar Apne Maa Baap Ke Paas Chali Jaati Hai Yani Shohar Ke Ghar Aur Maal Aur Aulaad Mese Uska  Kuch Bhi Nahi Hota To Koi Aqalmand Ye Keh Sakta Hai Ke Aurat Apne Shohar Ki Ghulaami Bhi Kare Aur Apne Saath Maal Bhi Lekar Aaye Taaki Mard Ko Mehnat Na Karni Pade Aur Muft Me Use Sab Kuch Mil Jaaye ??

●•• Society Me Aise Bhi Kayi Log Hain Jo Kisi Faahisha Aurat Ke Dance Par Laakhon Ya Hazaaron Rupiye Lutaa Dete Hain, Lekin Apni Biwi Ko Jayaz Aur Munaasib Haq Mehar Dene Ko Tayyar Nahin Hote, Jisko Poori Zindagi Unki Khidmat Karni Hoti Hai,

*●••DEHAZ KE LAALCHI AURATON PAR KYA KYA ZULM KARTE HAIN*

●•• Damaad Sasur Se Uski Lakht E jigar Ke Saath Saath Samaan Ki List Bhi Pesh Kar Deta Hai, Ladki Ka Baap Jaise Taise Kar Ke Uski List Poori Kar De Tab Bhi Ye Silsila Khatam Nahin Ho Jaata, Balke Jab Wo Biwi Ko Ghar Me Laata Hai To Uske Baad Bhi Apne Sasuraal Ko Farmaish Bhejta Hai Ke Falan Cheezein De Do Aur Agar Ye Cheezein Na Mili To Main Tumhari Beti Ko Talaaq De Dunga, Ab Maa Baap Ke Liye Ajeeb Pareshaani Hoti Hai Wo Samjh Nahin Paate Ki Wo Kya Karen…

●•• Agar Matlooba Cheezein Mil Gayi To Theek Warna Ladki Ko Talaaq Mil Jaati Hai Ya Fir Din Me Kayi Baar Use Ulti Chhuri Se Zibaah Kiya Jaata Hai Kabhi Kabhi Ladki Tang Aakar Khud’kushi (Suicide) Bhi Kar Leti Hai dekhiye Dehaz Ne Kya Kya Gul Khilaayen Hain ??

●•• Dehaz Na Milne Ki Wajah Se Insaan Apni Biwi Par Zyadati Karta Hai Use Taane Deta Hai Use Pareshaan Karta Hai Yun Miyan Biwi Ke Taalluqaat Khush’gawaar Nahin Ho Paate Balke Unke Darmiyaan Ikhtelafaat Ho Jaate Hain Aur Ye Ikhtelafaat Miyan Biwi Ke Darmiyaan Nahin Balke Do Khaandaano Ke Darmiyaan Hote Hain Aur Do Khaandaano Ka Ikhtelaafaat Maamuli Nahin Hota Balke Ye Junglr Ki Aag Hoti Hai Jo Dono Khaandano Ke Kayi Afraad Ko Bhasm Kar Deti Hai,

●••Aur Hadees E Rasool Muhammad Sallalahu Alaihi Wasallam Me Aaya Hai Ke,

●••“Shaitaan Ko Jitni Khushi Miyan Biwi Ke Darmiyaan Taalluqaat Khatam Hone Par Hoti Hai Utni Kisi Cheez Par Nahin Hoti Hai”

●••Dehaz Ka Bhooka Jahan Bheek Maang Raha Hota Hai Wahan Wo Apni Biwi Par Zyaadati Karta Hai Use Pareshaan Karta Hai, Haraam Maal Ka Mutaalba Kar Raha Hota Hai, Do Khaandaan Ke Darmiyaan Ikhtelafaat Ko Hawa De Raha Hota Hai, Shaitaan Ko Khush Kar Raha Hota Hai, Allah Ko Naraaz Kar Raha Hota Hai Wagerah Wagerah,

●•• Allah Taala Ne Mard Ko Aurat Par Isliye Bhi Fazeelat Di Hai Ke Wo Apne Biwi Bacchhon Par Kharch Karta Hai Agar Mard Ke Akhraajaat Aurat Kare  Toh Fir Ye Nikamma Mard Kis Kaam Ka ???
          
            *📁 Admin Ki Diary,*

     *Next- 04, in sha Allah ta'aala,*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

  ●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-04
                       ●●●●

*●•• DEHAZ LENE  ME LAALACH AUR HAQQ MEHAR DENE ME KANJOOSI*

●••Dehaz Ka Tassawwur Islam Me Nahin Hai Log Jhooti Baton Ki Buniyaad Par Dehaz Ko Saabit Karte Hain Aur Dehaz Na Dene Waalon Ko Taana Dete Hain, Lekin Dusri Taraf Allah Taala Ne Quraan Me Kayi Baar Haqq Mehar Dene Ka Hukm Diya Hai, Lekin Insaan Hai Ke Allah RabbuL izzat  Ki Baghaawat Aur Shaitaan Ki Himaayat Par Tula Hua Hai, Shadi Ke Moqe Par Dehaz Leta Hai,Gaane , Baaje,  Ka Ahtemam Karta Hai Aur Khilaaf E Sunnat Dawaatein Bhi Karta Hai  Aur  Na Jaane Kon Kon Se Ulte Kaam Karta Chala Jaata Hai, Lekin Jab Molvi Sahab Ko Nikaah Padhaane Ke Liye Laaya Jaata Hai Aur Wo Poochte Hain Ke

●••Janaab ! Haq Mehar Kitne Denge “

●•• To Muh Tedha Kar ke Kahta Hai Ke :-“Jo Shariat Kahegi  !”

●•• Sharm Nahi Aati Ke Mangni Se Lekar Baraat Ki Waapsi Tak Balke Rukhsati Se Lekar Kayi Din Baad Tak Jo Kaam Kiya Wo Kaam Khilaaf E Shariyat The Unme Shaitaan Ko Raazi Karta Chala Aaya Lekin Haqq Mehar Jo Aurat Ka Haqq Hota Hai Uske Beghair Nikah Nahi Hota Hai, Agar Biwi Se Sacchi Muhabbat Karte Hue Lakh Rupiye Bhi De De To Jayez Hoga Is Jayez Kaam Me Wo Kam’chori Par Tula Hua Hota Hai,

●•• Haq Mehar Me Agar Koi Shakhsh Crore Rupiye Bhi De Dega To Ye Jayez Hoga Kyun ke Apni Biwi Par Ye Ahsaan Hoga, Haqq Mehar Aurat Ka Haqq Hota Hai Isme Mard Ka Koi Ikhtiyaar Nahi Hota, Aurat Apna Haqq Mehar Jahan Lagaaye Laga Sakti Hai,Mard Ko Is Par Koi Aitraaz Ka Haqq Nahin Hota,

●•• Agar Ye Apni Biwi Ki Milkiyat Me Crore Rupiye Kar Deta Hai  Tohm Ye  Bilkul Durust Hoga Lekin Afsaos Hai Ke Uski Tamaam Rusumaat Me Se Koi Cheez Bhi Shariyat Ke Mutaabiq Nahin Thi Sirf Nikah Ka Khutba Aur Haqq Mehar Ki Adaayegi Shariyat Ke Mutaabiq The Inme Use Shariyat Yaad Aa Gayi, Fir Agar Kisi Ne Bata Diya Ke Shari Haq To 25 Rupiye Hai To Ye Sunkar Wo Khush Ho Jaata Hai Aur Poori Zindagi Khidmat Ka Sila Aurat Ko 25 Rupiye Hi Deta Hai, Itni Badi Sakhaawat Itni Badi Qurbani ?? Subhaanallah

●•• Kuch Log 100 Ya 500 Rupiye Haq Mehar Me Dekar Biwi Par Itna Bada Ahsaan Karne Me Kaamyaab Ho Jaate Hain, Inna Lillahi Wa Inna Ilaihi Rajioon,

●•• Kuch Log Sham Ko Haq Mehar Dete Hain Fir Subah Sawere Uthte Hi Biwi Ko Kahte Hain Ke

●••“Raat Jo Maine Haq Mahar Me 500 Rupiye Diye The Wo Mujhe Qarz De Do Main Aapko Falan Din De Dunga”

●•• Aurat Bechaari Seedhi Saadhi Hoti Hai Wo Kuch Waalidain Ki Judaayi Ke Gham Me Hoti Hai Aur Kuch Use Khouf Hota Hai Ke Maloom Nahin Naye Ghar wale Mere Saath Kaisa Sulook Karenge, In Baton Ke Pesh E Nazar Wo Majboor Hoti Hai Wo Apne Shohar Ko Saari Raqam De Deti Hai, Use Kya Maaloom Ke Ye Mujhse Dhoka Kar Raha Hai Aur Mujhse Jhoot Bolkar Paise Le Ja Raha Hai, Fir Ye Mujhe Waapas Nahin Karega ??

●•• Isliye Ham Ladki Ke Waarison Se Ghuzaarish Karenge Ke Haqq Mehar wo Nikah Se Pahle Wasool Kar Len Fir Jab Ladki Apne Sasuraal Chali Jaaye, 15-20 Din Use Ghar Ke Mahol Se Waaqfiyat Ho Jaayegi Aur Use Apni Zarooriyaat Ka Pata Bhi Chal Jaayega Tab Wo Raqam Munaasib Moqe Par Apni Beti Ke Hawale Kar De Is Tarah Wo Haq Mehar Beti Ke Kaam Aa Jaata Hai,

●•• Kuch Log Dehaz Nakad (Cash) Ya Advance Le Lete Hain Lekin Haq Mehar Udhaar Kar Lete Hain, Ye Bhi Zulm Hai, Haq Mehar Me Mard Chaahe 100 Rupiye De Ya Lakh Wo kaam To Apne Ghar Hi Aata Hai To Fir Log Aakhir Haq Mehar Dene Me Kyun Hichkichate Hain ???

*●••SHADI KE MOQE PAR BARAAT KA KHARCHA KON KAREGA*

●••Shadi Par Aane Waale Tamaam Kharche Ka Zimmedaar Shohar Hota Hai Lekin Mojoodah Dor Me Amuman Ye Hota Hai Ke Saari Baraat Ki Pur’takalluf Daawat Bhi Beti Waalon Ke Zimme Hoti Hai, Ab Bataayen Ke Beti Waala Beti Bhi De Aur Uske Saath Saath Dehax Ke Samaan Ke  Truck Bhi De Aur Baraat Ki Pur’takalluf Daawat Bhi De To Beti Waale Itna Bada Bojh Halal Kamaayi Se Kahan Uthaa Sakte Hain  ??

●•• Zaahir Hai Itna Bada Bojh Uthaane Ke Liye Waalidain Najayez Tareeqon Se Maal Ikattha Karenge Jo Society Ke Liye Har Soorat Me Nuqsaan De Hai, Baraat Ko Khilaane Ke Liye Zaroori Nahin Ke Pur’takalluf Daawat Di Jaaye Balke Khajoor Aur Sharbat Se Khaatir Ki Ja Sakti Hai, Pur’takalluf Daawat Khilaakar Logon Ke Saamne To Insaan Sarkhuru Ho Jaata Hai Lekin Uska Deeni Aur Muaasharti Nuqsaan Hadh Se Zyadah Hai,

●•• Shadi Ka Maqsad Khana Aabaadi Hoti Hai Lekin Pur’takalluf Dawaton Aur Aur Dehaz Se Khana Aabaadi Nahi Balke Khana Barbaadi Ho Jaati Hai……
          
            *📁 Admin Ki Diary,*

     *Next- 05, in sha Allah ta'aala,*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

        ●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-05
                       ●●●●

*●••DEHAZ KA MAAL HARAAM HAI, AUR HAQQ MEHAR AURAT KA HAQQ HAI*

*●••AURAT EK AZEEM NIYAMAT*

●•• Duniya  E Kaaynaat Ki Tamaam Cheezein Jo Insaan  Ke Istemaal Me Hain Unme se Sabse Aala Niyamat Aurat Hai Ye Allah Taala Ki Qudrat Ka Azeem Shahkaar Hai Uske Ba’ghair Duniya Ka Wajood Hi Khatam Ho Jaata Hai Insaan Jo Aurat Se Faayeda Aur Lutf Uthaata Hai Us Lutf  Par Duniya Ke Tamaam Lutf Qurbaan Kiye Ja Sakte Hain , Aapne Suna Hoga Ke Kayi Maaldaar Ek Raat Ke Lutf Ke Liye Tawaif Mangwakar Unse Dance Karate Hain Aur Subah Ko Wo Laakhon Rupiye Lekar Chalti Banti Hai,

●•• Isse Bhi Maaloom Ho Jaata Hai Ki Aurat Kitni Azeem Cheez Hai ?? Ke  Usko Ek Raat Ki Ujrat Laakhon Rupiye De Di Jaati Hai Agarche Ye Tareeqa Haraam Hai Aur Gunaah Kabeera Hai Aur Shariyat Ke Yahan Ye Jahannum Waalon Ka Kaam Hai,  Ye Alag Baat Hai Lekin Isse Duniya Walon Ke Yahan Aurat Ki Qeemat Waazeh Hai ,

●•• Nabi E Kareem Muhammad Sallalahu Alaihi Wasallam Ka Farmaan Bhi Auraton Ke Mutaalliq Mulahiza Farmaayen

●••“Poori Duniya Ek Samaan Aur Nafa Ki Cheez Hai Lekin Duniya Ka Sabse Bahtareen Samaan Ek Aurat Hai”

📁(Muslim Kitab Un Nikah)

●•• Allah Ke Nabi Muhammad Sallalahu Alaihi Wasallam Aurat Ko Duniya Ka Sabse Qeemati Samaan Qaraar De Rahen Hain Aakhir Kya Ho Gaya Hamaari Society Ko Ke Ek Shakhsh Itna Umda Maal Kisi Ko Deta Hai To Usse Us Ahsaan Ka Inteqaam Yun Liya Jaata Hai Ke Usse Mutaalba Kiya Jaata Hai Ke Gharelu Zarooriyaat Ke Saath Saath, T.V , Fridge, Car Wagerah Wagerah Bhi Zaroor Do Warna Tumhari Beti Ki Bhi Hamen Zaroorat Nahin Hai,  Aisi Baatein Allah Ke Azaab Ko Daawat Dene Ke Liye Kaafi Hain,

●•• Agar Koi Shakhsh Beti Ko Bator Tohfa Koi Cheez De Deta Hai To Wo Jayaz Hai Isme Koi Harj Nahin Hai Lekin Ye Baat Yaad Rahe Ek Aurat Jo Cheez Apne Maa Baap Ke Yahan Se Le Jaati Hai Aur Haq Mehar Me Usko Jo Kuch Milta Hai Wo Khaalis Aurat Ki Milkiyat Hoti Hai, Usme Se Kisi Ko Yahan Tak Ke Shohar Ko Bhi Beghair Ijaazat Mudakhilat Karne Ki Ijaazat Nahin Hoti Aur Jo Shakhsh Beti Ko Dehaz Dene Ke Liye Halal Wa Haraam Har Qism Ke Tareeqon Se  Maal Jama Karta Hai Wo Ghalat Harkat Hone Ke Saath Saath Fuzool Kharchi Bhi Hai Aur Allah Paak Ne Quraan E Muqaddas Me Farmaaya Hai

●••“Beshaq Fizool Kharch Log Shaitaan Ke Bhai Hote Hain”

📁(Bani Israel)

Is Tarah Hadith Me Bhi Fizool Kharchi Ki Muzammat Aayi Hai Lihaaza Jo Shakhsh Apne Sasuraal Se Dehaz Ka Mutaalba Karta Hai Aur Wo Unko Majboor Karke Maal Haasil Karta Hai To Ye Zulm Aur Haraam Hai, Agar Ladki Ke Maa Baap Bheek Maang Kar Bhi Dehaz Banaate Hain Tab Bhi Ye Haraam Hai Kyunke Bheek Maangna Ya To Majboor Logon Ka Kaam Hota Hai Ya Fir Gunaahgaaron Ka Kaam Hai Aur Ye Dono Tareeqe Ghalat Hain Allah Taala Ka Irshad Giraami Hai

●••“Tum Ek Dusre Ka Maal Baatil Tareeqon Se Mat Khao”

📁(Surah Baqarah Ayat No 188)

●•• Kuch Log Dehaz Ko Deen Ka Kaam Samjhte Hain, Halaanke Iska Door Door Tak Deen Se Waasta Bhi Nahin Hai Agar Islam Me Dehaz Hota To Nabi E Akram Muhammad Sallalahu Alaihi Wasallam Zaroor Apni Betiyon Ko Dehaz Dete Aur Aapki Biwiyan Zaroor Dehaz Lekar Aati Lekin Koi Bhi Saabit Nahin Kar Sakta Ke Aap Sallalaho Alaihi Wasallam Ne Kisi Biwi Se Degaz Liya Ho,

●•• Dekhiye Hazrat  Abu Bakr Raziyallahu Anhu  Wo Sahabi Hain Jo Aap Salallahu Alaihi Wasallam Ko Agar Jaan Ki Zaroorat Padi To Jaan Haazir Kar Di Agar  Maal Ki Zaroorat Padi To Ghar Ka Saara Maal Aap Sallalahiu Alaihi Wasallam Ke Qadamon Me Rakh Diya Iski Tarah Unki Beshumaar Qurbaaniyan Hain, Lekin Jab Aap Sallalahu Alaihi Wasallam Ko Apni Beti Hazrat E Aisha (Raziyallahu Anha ) Nikah Me De Di To Hazrar E Aisha (Raziyallahu Anha ) Apne Saath Kuch Bhi Nahin Lekar Aayin, Isi Tarah Dusre Sahaba Kiraam Se Bhi Saboot Nahin Milta Ke Unhone Apni Biwi Se  Dehaz Liya Ho Ya Apni Beti Ko Dehaz Diya Ho, Lihaaza Maaloom Hua Ke Degaz Jaahilaana Aur Kaafiraana Rasm Hai Iska Islaam Se Koi Ta'alluq Nahin Hai Isliye Isse Bachna Bahut Zaroori Hai

*●••Allaah RabbuL izzat Amal karne ki tofeeq ata farmaye Aameen ya Rabbul aalameen*

            *📁 Admin Ki Diary,*

     *Next- 06, in sha Allah ta'aala,*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

   ●●●   
                                             
       ︻︻︻︻︻︻︻︻︻︻︻︻︻
       Bismillahirrahmanirraheem
       ︼︼︼︼︼︼︼︼︼︼︼︼︼

        ●●●●●●●●●●●●
            *JEHAZ KI TABAAH*
                    *KAARIYAN*
        ●●●●●●●●●●●●

                       PART-06
                       ●●●●

*●••DAHEJ KE BE’SHUMAAR  NUKSANAAT*

●•• Ham Dehaz ke  Kuch Nuqsanaat Aur Aib Likhte Hain 

●••,1-Insaan Beti Bhi De Aur Ghar Bhi Luta De, Ye Zyadati Aur Aqalan Shar’an Ikhlaaqan Ghalat Hai,

●••2-Dehaz Ki Wajah Se Kayi Auraton Ko Qatal Ya Jaan Bhoojh Kar Haadse Ka Shikaar Kiya Jaata Hai Ke Dehaz Na Dena Pade,

●••3-Beshumaar Auratein Ghar Me Baithi Baithi Boodhi Ho Jaati Hain Shadi Se Mahroom Ho Jaati Hain,

●•• 4-Ghar Me Baithi Beti Zina Ka Darwaaza Khol Deti Hai Ya Khud’kashi Kar Leti Hai To Khud’kushi Aur Badkaari Ka Zimmedaar Kon ??

●•• 5-Kayi Auratein Ghar Se Faraar Ho Jaati Hain Maa Baap Ke Liye Laanat Aur Taana Ban Jaati Hain,

●••6-Waalidain  Aur Bhai Dehaz Ke Liye Pareshaan Wa Zaleel Hote Hain

●••7-Dehaz Ki Wajah Se Kitne Ghar Ujad Gaye Aur Kitne Badhaal Ho Gaye To Dehaz Ke Fasaad Fil Arz Hone Me Koi Cheez Mane Nahin

●••8-Nikaah Me Deeni, Dunyawi, Roohaani, jismaani, Akhlaaqi Faayede Hote Hain Lekin Dehaz Ka Taalib In Faayede Ke Liye Mahroom Ho Jaata Hai, Dehaz Ka Taalib Insaaniyat Ka Dushman Hai Aaj Ye Sasuraal Se Bheek Maangta Hai Kal Use Apni Batiyon  Ke Liye Bhi Bheek Maangni Padegi , Jaisa Karoge Waisa  Bharoge,

●••Allah RabbuL izzat  Ka Farmaan Hai Ke Allah RabbuL izzat  Insaaf Aur Ahsaan Karne Ka Hukm Deta Hai “

●••Shohar Ka Farz Tha Ke Wo Ahsaan Ka Badla Ahsaan Me Deta Lekin Ye Ulta Unse Dehaz Maangta Hai Jo Ke Mojoodah Daur Ka Bahut Bada Fitna Hai Jisne Be’shumaar Gharon Ko Ujaada Hai,

●••9-Dehaz Se Khaandanon Ke Darmiyaan Dushmani Paida Hoti Hai Halaanke Shadi Ka Maqsad Do Khaandaano Ko Jodna Hai Aur Dehaz Lane Waali Aurat Amooman Na’farmaan Hoti Hai Kyunke Use Apne Dehaz Par Fakhr Hota Hai,

●••10-Log Kahte Hain Ki Jis Ghar Me Beti Jawaan Ho Uske Ghar Ka Khaana Haraam Hai Wagerah Wagerah, Sawaal Ye Paida Hota Hai Ke Jiske Ghar Me Ladki Jawaan Ho Uske Ghar Ka Khaana To Haraam Hai, Agar Kisi Ke Ghar Me Ladka Jawaan Ho Uske Ghar Ka Khaana Halal Hoga ?? Agar Ghar Me Jawaan Ladki Ki Mojoodagi Ki Wajah Se  Ghar Ka Khaana Halaal Nahin To Agar Kisi Ghar Me Beta Jawaan Hoga To Uske Ghar Ka Khaana Bhi Haraam Hoga,

●•• Dar’asal Baat Ye Hai Ke Agar Kisi Ladki Ya Ladke Ka Munaasib Rishta Milta Hai Fir Rishta Nahin Kiya Jaata To Ye Gunaah Hai, Lekin Agar Deendaar Aur Munaasib Rishta Nahi Milta To Aisi Soorat E Haal Me Waalidain Par Koi Gunaah Nahi Hoga, Baaz Log Apni Behno Betiyon Ke Deendaar Gharaane Ke Rishta Milne Ke Ba’wajood Taal Matol Karte Rahte Hain, Ye Bilkul ghaLat baat hai Accha Rishta bhi Allah RabbuL izzat ki Niyamat hai jo niyamaton ko thukrata hai Allaah RabbuL izzat use us cheez se mehroom kar dete hain phir gaate phirte hain Rishte  Nahi hai jab umar  hoti hai Ladki  jab karte Nahi hai or jab umar  nikaL jaati hai phir ji pada pareshan  hun dua karna ghar me beti jawaan hai koi accha rishta miL jaye

●••Ye Tamaam  baaten chahe kisi ko Acchi Lage ya buri Lekin  ye ek haqq hai Tanhaayi  me beth kar sochna or meri baaton par ghor karna kiya ye sab Nahi kar Rahe hain ham

●••Phir jese hamare  AamaaL honge Allah RabbuL izzat faisLe bhi hamare  liye aise hi karega kiyu pareshan  hai aaj ka musaLmaan har tarah  se musalman  qom pareshan  hai Aakhir kiyu??

●••Kiyu ke hamne jo kaam karne the jiska hukm Allah RabbuL izzat ne hame diya tha jo kaam Aap Sallalahu Alaihi Wasallam ne kiye wo hamne chor diye ye sab usi ka wabaaL hai

●••Allaah RabbuL izzat Tamaam  ummate Muslima ko Sahi samjh Ata farmaye  or dehaz jese fitne se ham sab ki hifazat farmaye ham iraada karen ke in sha Allah ta'aala ham aaj se in baaton par amal karenge Allah RabbuL izzat ke hukm ko manege nabi e akramSallallahu Alaihivasallam ki sunnaton par amaL karenge  phir dekhna tum hi sar buLand rahoge in sha Allah ta'aala Allah RabbuL izzat kehne sunne se zada AmaL ki tofeeq ata farmaye Aameen ya Rabbul Aalameen

            *📁 Admin Ki Diary,*

      *ALHAMDULILLAH MUKAMMAL*
     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶

        ⌈﹂﹂﹂﹂﹂﹂﹂﹂﹂﹂⌉
       ▏✍🏻  *Ahle deoband*     ▏.    
          ✆ *+91 7037363325*
  
      ⌊﹁﹁﹁﹁﹁﹁﹁﹁﹁﹁⌋
  

●●●