✿ ❈ *Huqooq Ul ibaad* ❈ ✿

★
    ★

*✦вɪѕмɪʟʟααнɪʀʀαнмαռɪʀʀαнєєм*

●═══════════════════════●

    ✿ ❈ *Huqooq  Ul  ibaad*  ❈ ✿

●═══════════════════════●

     ✿●•·  *Sa'adat Mandi* ·•●✿   

        ❉*
╥────────────────────❥

✾─❥  Nabi Kareem Sallallahu Alaihivasallam ne  irshad Farmaya K ,

*_Aadmi Kï Sa'adat ye he k Khuda Ta'ala ne Jo uske liye muqaddar Farmayaus per Raazi rahe

Aur Aadmi Kï Mehroomi Ye he k Khuda Ta'ala se Khair maangna chhor de,

Aur Ye bhi Aadmi  Kï Mehroomi he k Khuda Ta'ala ne Jo uske liye Muqaddar Farmaya usse Naraaz ho ,
   ╨─────────────────────❥

    
✿●•·  *Maal Kï Pakeezgi* ·•●✿   

╥────────────────────❥

✾─❥ Nabi Kareem Sallallahu Alaihivasallam ne  irshad Farmaya K,

*_ Jis Shakhs ne Apne  Maal Kï Zakaat ada  kar Dï usse uski Burayi Jati rahi ,

*_ ( Yani Zakaat  na dene se Jo us Maal  me Nahusat aur Gandgi  aa jati he Wo nahi rahi )

╨─────────────────────❥

  
✿●•·  *Ganja Saanp* ·•●✿
  
            *

             ⇼✦⇼✦⇼✦⇼

✾─❥  Nabi Kareem Sallallahu Alaihivasallam ne  irshad Farmaya !

*_Jisko Allah Ta'ala ne  maal diya ho fir Wo uski zakaat adaa na kare  Qayamat ke Roz Wo maal  Ek Ganje Saanp Kï Shakl   bana diya jayega , jiski dono Aankho ke  ouper nuqte honge   (Esa Saanp bahut   zehrila hota hai )

*_ Aur uske gale mai Toq  (Yani Hansli ) Kï tarah  daal diya jayega ,aur  uski dono baachhe  pakdega aur Kahega  aur Kahega, Mai Tera maal maal hu'n , mai Teri Jama hu'n,

*_ Fir Aapne ( iski tasdeeq mai) Ye Aayat Padhi,

       *وَلَا يَحْسَبَنَّ الَّذِينَ يَبْخَلُونَ ...*

*(Surah Aal-e-Imran, Aayat 180)*

*__( is Aayat mai Maal ke Toq banaye Jane ka zikr hai )

╨─────────────────────❥

✿●•·  *Paanch Cheezo Ka Hisaab* ·•●✿   

             
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

*__ Qayamat ke Din kisi Aadmi ke qadam ( Hisaab ke moqe se ) nahi hatenge Jab tak Usse Paanch Cheezo ka sawal na ho chukega

Aur ( un Paanch mai Do ye bhi hai'n k ) us Maal ke mutalliq bhi ( sawal hoga ) k Kaha'n se Kamaya ( Yani Halaal se Ya Haraam se ) aur Kaha'n kharch kiya ?

╨─────────────────────❥

     
✿●•·  *Duniya Aur Uski Zillat* ·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya :-

*__ Rasulullah Sallallahu Alaihivasallam ka ek Kaan kate mare hue Bakri ke baachhe per guzar hua ,

__Aapne farmaya ,tumme se kon pasand karta hai ke ye ( murda baachha ) isko ek dirham ke badle mil jaye,?

__Logo ne arz Kiya ( dirham to badi cheez ) hum to isko bhi pasand nahi karte k wo humko kisi adna cheez ke badle bhi mil jaye,

__Aap Sallallahu Alaihivasallam ne farmaya:- Qasam Allah ki Duniya Allah ta'ala ke nazdeek isse bhi zyada zaleel hai Jis qadar ye tumhare nazdeek hai ,

•┄┄┅┅━━═۞═━━┅┅┄┄•
                *ReF-┐*
   
         * Muslim_*

╥────────────────────❥

✿●•·  *Pardesiyo Ki Tarah Raho* ·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

✾─❥ Hazrat Abdullah bin Umar Raziyallahu Anhu se rivayat hai k Rasulullah Sallallahu Alaihivasallam ne mere dono Shaane pakde, fir farmaya,

"__Duniya mai is Tarah Raho jese goya tu pardesi hai ( jiska qiyaam pardes mai aarzi hota hai , isliye isse Dil nahi lagata )

__ ya ( balki esi tarah raho jese goya tu ) raaste mai chala ja raha hai ( Jiska Bilkul hi qiyaam nahi ),

✾─❥ Aur Hazrat ibne Umar Raziyallahu Anhu farmaya karte they k Jab Shaam Ka waqt aaye to Subeh ke waqt Ka intezaar mat karo Aur Jab Subeh Ka Waqt aaye to Shaam ke waqt Ka intezaar mat karo _"

•┄┄┅┅━━═۞═━━┅┅┄┄•
                *ReF-┐*
   
         * Bukhari _*

╥────────────────────❥

✿●•·  *Qarz Chhod Kar Marna* ·•●✿   

╥────────────────────❥

✾─❥ Nabi Kareem Sallallahu Alaihivasallam ne irahad farmaya :-

"__Kabaa'ir ( Bade Gunaaho ) ke baad sabse bada gunaah ye hai k Koi Shakhs mar jaye aur us per Den ( yani kisi ka maali Haq ya Qarz ) ho

Aur uske ada karne ke liye kuchh na chhod jaye ,_"

•┄┄┅┅━━═۞═━━┅┅┄┄•
                *ReF-┐*
   
         *Ahmad ,Abu Daowd,*

      *
╥────────────────────❥

✿●•·  *Bager ijazat Maal v Zameen Lena*·•●✿   

      *
╥────────────────────❥

✾─❥ Nabi Kareem Sallallahu Alaihivasallam ne irshad farmaya :-

"__Suno ! Zulm mat karna _,

Suno ! Kisi ka maal halaal nahi lo bager uski khush dili ke _"

     *ReF-┐*

         *Behyqi v Daarmi ,*

✾─❥ Nabi Kareem Sallallahu Alaihivasallam ne irshad farmaya :-

"__ Jo Shakhs ( kisi Ki ) zameen se bager Haq ke Zara si bhi le le ( Ahmad Ki ek hadees mai ek baalisht aaya hai )

Usko qayamat ke roz saato zameen mai dhansa diya jayega _",

        *ReF-┐*
   
              *Bukhari _*

•┄┄┅┅━━═۞═━━┅┅┄┄•

   ✿●•·  *Rishwat* ·•●✿   

╥────────────────────❥

✾─❥ Nabi Kareem Sallallahu Alaihivasallam ne laanat farmayi hai :-

"__ Rishwat lene wale per ,( Abu Daowd v ibne maaja v tirmizi ) _"

"__Aur Sobaan Ki rivayat mai ye bhi zyada hai ( aur laanat farmayi hai ) us Shakhs per Jo in dono ( rishwat lene aur dene wale ) ke bich mai maamla thehrane wala ho _",

•┄┄┅┅━━═۞═━━┅┅┄┄•
                *ReF-┐*
   
         *Ahmad v Bayhqi*
╥────────────────────❥

✿●•· *Munafiqana Khaslate'n*·•●✿    
❉*
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Chaar Khaslate'n hai'n , Jisme wo chaaro khaslate'n hai'n WO khaalis munafiq hoga aur jisme ek khaslat ho usme nifaaq Ki ek khaslat hogi Jab tak usko chhod na dega ,

"__( WO Khaslate'n ye hai'n )
_Jab usko Amanat di jaye chahe maal ho ya koi baat ho ,WO khayanat kare ,

_ Aur jab baat kahe to Jhoot bole ,

_Aur Jab Ahad ( vaada ) kare usko tod daale,

_ Aur Jab kisi se jhagde to gaaliya'n dene lage ,

•┄┄┅┅━━═۞═━━┅┅┄┄•
                *ReF-┐*
   
         *Bukhari v Muslim_*

╥────────────────────❥

✿●•· *Narmi aur Jhagda Chhodna*·•●✿   

             ❉*
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Allah Ta'ala narmi ka maamla karne wale hai'n, aur narmi ke maamle ko pasand farmate hai'n ,

_Aur Naram Khui per WO Ajr dete ata farmate hai'n Jo Tazi aur Sakhti per nahi dete ( balki ) kisi aur cheez per nahi dete ,

                *ReF-┐*
   
         *_Sahih Muslim_*

✾─❥ Nabi Kareem Sallallahu Alaihivasallam ne irshad farmaya !

"_ Mai us Shakhs ko Jannat ke kinaaro per ghar dilwane Ki zamanat deta hu'n Jo jhagda chhod de , Chahe WO Haq per ho _"

                *ReF-┐*
   
      *_Sunan Abu Daowd*

•┄┄┅┅━━═۞═━━┅┅┄┄•

✿●•· *Miyana Ravi v Daulatmandi*·•●✿   

    
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Jo Shakhs Duniya mai Miyana Ravi akhtyar karta hai WO kabhi muflis nahi hota ,"

                *ReF-┐*
   
         *_Musnad Ahmad*

✾─❥ Nabi Kareem Sallallahu Alaihivasallam ne irshad farmaya !

"__Jo Aadmi Miyana Ravi akhtyar karta hai Khuda usko gani kar deta hai aur Jo fizool kharchi karta hai khuda usko muflis bana deta hai ,

Aur Jo farotni ( narmi akhtyar ) karta hai ,Khuda uske darje ko buland karta hai aur Jo guroor karta hai Khuda usko Past kar deta hai ,"

                *ReF-┐*
   
         *_Ravaah Bizzar*

•┄┄┅┅━━═۞═━━┅┅┄┄•

   ✿●•· *Nijaat Ka Raasta*·•●✿    
*
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Musalmano ! Sachchaai akhtyar karo , Agarche iske akhtyar karne mai halaakat ka andesha ho ,

"__Kyunki Dar Haqeeqat nijaat isi mai hai,

"_Aur Jhoot se hamesha parhez karo _agarche isme nijaat ho ,Kyunki Dar Haqeeqat isi mai halaakat hai ,"

•┄┄┅┅━━═۞═━━┅┅┄┄•
                *ReF-┐*
   
         *_ Ravaah Hinaad*

      
╥────────────────────❥

✿●•· *Vaada Qarz Hai*·•●✿   

      
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Vaada ek tarah ka Qarz hai, Kambakhti hai uski Jo Vaada kare Fir us Vaade ke Khilaaf kare _"

                *ReF-┐*
   
         *_Ravaah ibne Asaakir*

•┄┄┅┅━━═۞═━━┅┅┄┄•

✿●•· *Apne Aapko Zaleel Na karo*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Kisi Musalman ko laazim nahi hai k Wo Apne nafs ko zaleel kare  ,

Logo ne puchha k ,Ya Rasulullah Sallallahu Alaihivasallam Nafs ke zaleel karne se kiya muraad hai ,

Aap Sallallahu Alaihivasallam ne farmaya k , isse Apne Aapko esi mehnat mai daalna muraad hai Jiske tahammul ( bardasht ) karne ki taaqat na ho _"

•┄┄┅┅━━═۞═━━┅┅┄┄•
                *ReF-┐*
   
         *_Ravaah ibne Maaja*

•┄┄┅┅━━═۞═━━┅┅┄┄•

✿●•· *Musalman Ke Huqooq*·•●✿   

       *
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Ek Musalman ke doosre Musalman per kuchh haq hai'n ,

__Agar WO bimaar ho to uski mizaaj pursi kare ,

__Agar WO mar jaye to uske janaze per jaye ,

__Agar WO Dawat kare to uski Dawat ko qubool kare ,

__Agar WO mile to usko salaam kare ,

__Usko Chheenk aaye to Alhamdulillah kahe ,

__Aur hamesha uska Khair khwaah rahe ,Chahe WO mojood ho ,chahe gaayab ho _"

•┄┄┅┅━━═۞═━━┅┅┄┄•
                *ReF-┐*
   
         *_Sunan Tirmiz*

●═══════════════════════●

✿●•· *Zameen Qabza Karna*·•●✿   

*
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Jo Aadmi kisi ki Zameen se ek baalisht tukda bhi Zulm se gasb kar lega

WO Khuda ke saamne is haalat mai jayega k Khuda us per gazab naak hoga _,"

•┄┄┅┅━━═۞═━━┅┅┄┄•
                *ReF-┐*
   
         *_Ravaah Tabrani*

●═══════════════════════●

✿●•·*Sachchai ,insaaf v Raham*·•●✿   

           
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Meri Ummat usi waqt tak sarsabz rahegi jab tak k ye Teen Khaslate'n usme baqi rahegi ,

__ Ek to ye k Jab WO baat kare to sach bole ,

__Doosre ye k jab WO logo ke mamlaat ka faisla kare to insaaf ko haath se na de ,

__Teesre ye k Jab unse Raham ki darkhwast ki jaye to WO kamzoro per Raham kare _",

•┄┄┅┅━━═۞═━━┅┅┄┄•
                *ReF-┐*
   
*_Al Khateeb fil muttafiq v Al muftariq*

●═══════════════════════●

✿●•· *Kisi Ko Hiqarat se na dekho*·•●✿   

     *
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Musalmano mai se kisi ko hiqarat ki nigaah se na dekho,

__Kyunki Jo is qaum mai chhota bhi hai Wo Khuda ke nazdeek bada hai _,"

•┄┄┅┅━━═۞═━━┅┅┄┄•
                *ReF-┐*
   
         *_Ravaah Fil Musnad*

●═══════════════════════●

✿●•· *Halaal Rizq Ki Talash*·•●✿   

         
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Halaal Rizq ki talash har Musalman per waajib hai ,

                *ReF-┐*
   
         *_Tabrani*

"__Halaal Rizq ki talash fara'iz ki adaygi ke baad doosra fariza hai _",

                *ReF-┐*
   
         *_Tabrani v Bahyqi*

"__Ey logo ! Allah se daro aur Talab ( Rizq )mai  aitdaal se kaam lo , Koi Shakhs us waqt tak nahi marega jab tak WO Apna ( muqaddar shuda ) Rizq poora poora wasool na kar le

__Aur agar kabhi Rizq ke husool mai dair ho jaye to bhi Allah se daro , koshish mai aitdaal se kaam lo , Jo Rizq Halaal ho use lo aur Jo haraam ho use chhod do _",

                *ReF-┐*
   
         *_ibne Maaja*

•┄┄┅┅━━═۞═━━┅┅┄┄•

●═══════════════════════●

✿●•· *Haraam Ki Nahusat*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Baaz martaba ek Aadmi taveel safar kar ke aata hai, Baal pareshan chehra gubaae alood ,Asmaan ki taraf haath failaye hue Parwardigaar pukaar raha hai ,

__halanki uska khana bhi haraam ,uska peena bhi haraam ,uska libaas bhi haraam aur uski parwarish bhi haraam giza se hui ,uski Dua bhala kese qubool ho ??_"
                *ReF-┐*
   
         *_Muslim v Tirmizi*

"__Jis Shakhs ne das dirham mai koi kapda kharida aur un das dirham mai se koi ek dirham bhi haraam ka tha ,

__Jab tak WO kapda uske jism per rahega ,Allah Ta'ala uski Namaz qubool nahi karega _,"

                *ReF-┐*
   
             *_Ahmad*

"__Ey Sa'ad ! Apne khane mai Halaal ka ahatmam karo ,Tumhari Duae'n qubool hone lagegi ,

__Us zaat ki qasam jiske haath mai Muhammad ( Sallallahu Alaihivasallam ) ki jaan hai ,Ek banda apne pet mai koi haraam luqma daalta hai to Allah Ta'ala Chalees ( 40 ) roz tak uska Nek Amal qubool nahi karta aur Jis Bande ka gosht haraam uga ho ,Aag uski zyada mustahiq hoti hai _",

                *ReF-┐*
   
           *_Tabrani*

•┄┄┅┅━━═۞═━━┅┅┄┄•

●═══════════════════════●

✿●•· *Narm Tabiyat Taajir*·•●✿   

       
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Allah Us Shakhs Per Raham kare Jo Narm tabiyat ho ,

Bechte waqt bhi ,Khareedte waqt bhi aur Apne Huqooq ka mutalba karte waqt bhi _,"

•┄┄┅┅━━═۞═━━┅┅┄┄•
                *ReF-┐*
   
     *_Bukhari ,Mishkaat*

●═══════════════════════●

✿●•· *Qasme'n Khane Se Bacho*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Bay Ke waqt ( sauda karte waqt ) zyada qasme'n khane se bacho ,

__isliye k isse ( Shuru mai ) Tijaarat kuchh chamakti hai ,lekin Fir tabaahi hai _",

•┄┄┅┅━━═۞═━━┅┅┄┄•
                *ReF-┐*
   
      *_Muslim, Mishkaat*

●═══════════════════════●

         ✿●•· *Milawat*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Jo Shakhs hamare Saath milawat Kare Wo humme se nahi ,

__Aur Dhoka Fareb karne wale Jahannam mai honge _",

•┄┄┅┅━━═۞═━━┅┅┄┄•
                *ReF-┐*
   
         *_Tabrani vagera*
*                     
                  ╨─────────────────────❥

✿●•· *Bechi Hui Cheez Wapas Karna*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Jo Shakhs kisi Musalman ( ke kehne per us ) ke haath bechi hui koi cheez waapas kar le ,

__To Allah Ta'ala Qayamat ke Din uski lagzisho ko maaf farma dega _",

•┄┄┅┅━━═۞═━━┅┅┄┄•
                *ReF-┐*
   
*_Abu Daowd, Ibne maaja*

●═══════════════════════●

✿●•· *Sood Ka Ek Dirham*·•●✿   

*
╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Agar koi Shakhs Jaan boojh kar Sood ka ek Dirham Kha le to Chhattees ( 36 ) martaba Zina karne se bhi zyada Sangeen Gunaah hai _",

                *ReF-┐*
   
      *_Ahmad ,Mishkaat*

✾─❥ Nabi Kareem Sallallahu Alaihivasallam ne irshad farmaya !

"__Logo per ek esa zamana aa jayega k koi esa Shakhs baqi na rahega Jisne Sood na khaya ho aur agar Sood na khaya hoga to uska gubaar use zaroor Pahunchega _,"

                *ReF-┐*
   
*_Ahmad ,Abu Daowd, Mishkaat*

●═══════════════════════●

✿●•· *Qarz Ki Adaygi Ki Niyat*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__Jo Shakhs logo Ka maal is Niyat se k use ada kar dega to Allah ta'ala uski taraf se Adaygi Ka intezam farma deta hai ,

Aur Jo Shakhs logo Ka maal zaay karne ke waaste le Allah ta'ala khud Us shakhs ko zaay kar dega _,"

•┄┄┅┅━━═۞═━━┅┅┄┄•
                *ReF-┐*
   
         *_ Bukhari v ibne maja*

●═══════════════════════●

✿●•· *Magfirat Ka Sabab*·•●✿   

╥────────────────────❥

✾─❥ Nabi Kareem Sallallahu Alaihivasallam ne irshad farmaya !

"__ Ek Shakhs logo ko Qarz diya karta tha ,aur usne apne nauker se keh rakha tha k Agar tum ese shakhs ke paas ( Qarz vasool karne ke liye ) pahuncho Jo tangdast ho to usse darguzar kar diya karo, Shayad Allah ta'ala( is Amal ke sile mai ) Hamare gunaho se darguzar kare,

Chunache wo Shakhs marne ke baad Allah se mila to Allah ta'ala ne uski Magfirat kar di _,"

•┄┄┅┅━━═۞═━━┅┅┄┄•
                *ReF-┐*
   
         *_Bukhari v Muslim*

●═══════════════════════●

✿●•· *Musalmano Ki izzat*·•●✿   

╥────────────────────❥

✾─❥ __ Hazrat Abu Huraira Raziyallahu Anhu se rivayat hai k Janabe Rasulullah Sallallahu Alaihivasallam ne irshad farmaya,:-

"__Har Musalman Doosre Musalman ka Bhai hai ,us per waajib hai k WO us per koi zulm v zyadti na kare aur use ( Jab Madad ki zarurat ho to ) be yaaro madadgaar na chhode , na use Haqeer Jane aur na uske Saath hiqarat ka bartaav kare ,

"__Fir Aap Sallallahu Alaihivasallam ne teen martaba Apne seene ki taraf ishara karte hue irshad farmaya k taqwa Yaha'n hota hai ,( Yani ho sakta hai k tum kisi Shakhs ko uske zahiri haal se mamooli Aadmi samjho lekin Apne Dil ke taqwe ki vajah se WO Allah Ta'ala ke nazdeek mohatram ho ,isliye kabhi Musalman ko haqeer na samjho ),

"_Aadmi ke bura hone ke liye itna kaafi hai k WO Apne Musalman Bhai ko haqeer samjhe aur uske Saath hiqarat se pesh aaye , Musalman ki har cheez doosre Musalman ke liye qabile ahatram hai ,uska khoon bhi ,uska maal bhi aur uski Aabroo bhi _"

•┄┄┅┅━━═۞═━━┅┅┄┄•
                *ReF-┐*
   
    *_Sahih Muslim*

            ╟❥       *Alhamdulillah*                     
                  ╨─────────────────────❥

 *ʀєαd,ғσʟʟσɯ αɳd ғσʀɯαʀd*