HAMARI IBAADATO'N ME LAZZAT KIYU NAHI

🍁🍁🍁
.

         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
   *HAMARI IBAADATO'N ME LAZZAT*
                        *KIYU NAHI*
╰•∽––∽–∽–∽–∽–∽–∽–∽•╮

                       *PART-01*
            ┅┅━━═۞═━━┅

*⚃➠(01) Me Namaz padhna shuru kar deti hun phir chut jaati hai kabhi bahut Accha Lagta hai kabhi Namaz sakoon deti hai Magar thode hi time baad bezaar ho jaati hun Namaz bojh Lagti hai mujhe Apna bhaari wajood Namaz ke Liye uthana mushkiL Lagta hai wo bahut thake hue Lehje me keh Rahi thi mujhe Lag Raha tha baat karte karte uska Saans phooL Raha tha wo mujhe Zahiri nahi batini Tor par thaki hui mehsoos hui Nazar ka parda karti ho ?? Mene Narmi se dekhte hue usse SawaaL kiya usne Hairat se meri Taraf dekha is baat ki Shayad Tawaqqo nahi thi use Nazar ka parda ? Me .... me to Naqaab karti hun me Samjhi nahi nazar ke parde ka kiya Ta'alluq hai Namaz se ALfaaz be'tarteeb the me muskura diya*

                       *PART-02*
            ┅┅━━═۞═━━┅

*⚃➠(02) Ta'alluq to hai bahut gehra hai Buri Nazar shaitaan ke ZehriLe Teero me se ek teer hai jo insaan ke diL me Utar jata hai pardah karna bahut Aasaan hai Magar Nazar ka pardah kuch mushkiL hai jab nigaah paak Nahi Rehti to ibadaaton se Lazzat jaati Rehti hai jab nigaah paak Nahi Rehti to soch bhi paak Nahi Rehti or jab soch kharaab to niyat khataab or AamaaL ka Daromadaar to hai hi niyaton par tumhe pata hai ? Insaan jo dekhta hai sochta hai sunta hai wo uske diL par Asar Rakhta hai ham kiya dekhte hain kiya sunte hain kiya baat karte hain kabhi socha hai ??*

                       *PART-03*
            ┅┅━━═۞═━━┅

*⚃➠(03) Tum khud to pardah karti ho to kiya har wo Na'mehram jo tumhari Nazar ko accha Lage use pehLi Nazar ke baad Apne nafs ki taskeen ke Liye kitni baar dekhti ho ke wo kis Qadar khoobsoorat hai ?? Fb whatshap par koi ghair munasib Tasveer koi Video koi baat jab koi Nahi dekh Raha ho Tanhaayi me Magar sirf Allah RabbuL izzat !! To kiya ek dafa us par Rukti ho ? Kabhi koi film koi Song gana jisme Na'mehram to khair chordo'n Hamari Apni Sanaf ka bhi parda poora Nahi hota be'khayaaLi me dekh Leti ho ?? Or phir Na'mehram hamare ird gird ke mard to nahi hain na -- ye jo television par Aane Wale actors Jinki Ghayebana muhabbat me ham giraftaar hote hain unhe ghor se dekhte hain*

                       *PART-04*
            ┅┅━━═۞═━━┅

*⚃➠(04) Unki body dressing or looks ki Tareef Ye Sab Nazar ka pardah khatm hone ke baad hi hota hai to tum socho me nahi keh Raha iska jawaab mujhe do Apna Tajziya karo iska jawaab Apne diL ko do Agar iska jawaab Haan me Aaye to Samjh jao Ye Nazar ki khayanat tumse tumhari ibadaat ki Lazzat cheen Rahi hai diL ko Siyaah kar rahi hai Zina sirf ek Tarah ka to nahi hota Agar haath se kuch ghalat chua to haath ka zina Zabaan se fahash baat kahi to zabaan ka zina Aankhon se haraam dekha to Aankhon ka zina hai Nazar ki bepardagi diL me Aisa suraakh kar deti hai ke jisse hamare diL ka noor Behta Jata hai*

*PART-05*
┅┅━━═۞═━━┅

*⚃➠(05) Or phir Jo Log Nazar ka Pardah nahi karte unki Namaze'n un par bhaari ho jaati hain Agar wo Namaz padh bhi Le to be'diLi se padhte hain diL nahi Lagta bojh Sa Rehta hai diL par to kiya tum Nazar ka pardah karti ho ? Agar nahi to Aaj se Ahad karLo Nazar ka pardah karogi jab kuch ghalati se ghaLat dekh bhi Lo Agar kabhi tumhara Nafs tumhare imaan par haawi Aajaye to foran Astaghfaar kar Liya karo Allah RabbuL izzat ki Taraf Ruju kar liya karo phir tum dekhna Namazo'n ka Lutf ibaadat ki Lazzat or diL ka sakoon sab tumko Ata kar diya jayega*

                       *PART-06*
            ┅┅━━═۞═━━┅

*⚃➠(06) Or ek or baat Sakoon Namaz me Rakha gaya hai Quraan shareef khud kehta hai Beshak Allah RabbuL izzat ke zikr se diLo ko sakoon hasiL hai (13:28) Ab Agar kisi ko wo sakoon mehsoos nahi hota to use ek misaaL se Samjho ek bimaar shakhsh hai Aap usko uska pasandidah khana La kar do wo Nahi khayega wo kahega khane me Lazzat nahi hai ye to koi baat na hui na khane me Lazzat hai khana wahi hai Magar uska madah bimaar hai isi Tarah sakoon ibaadat me Rakha gaya hai Lekin jisko nahi miLta usko Samjh jana chahiye uska diL bimaar hai*

                       *PART-07*
            ┅┅━━═۞═━━┅

*⚃➠(07) Or is diL ki Sehat Yaabi ka Tandrusti ka Nazar ki hifazat se bahut gehra Ta'alluq hai meri pyaari mene TahammuL se Apni baat mukammal kar ke uski janib dekha jo baat mene khud Ek Arse ki koshish becheni or Iztaraab ke baad Samjhi thi us tak pohcha di thi mujhe Jawab ki Zaroorat Nahi Rahi thi uski Aankho'n ki chamak mere Liye kaafi thi Allah RabbuL izzat ham sabko Nazar ki hifazat karne ki Tofeeq Ata farmaye Aameen Ya RabbuL AaLameen*

*╟❥ ALHAMDULILLAH MUKAMMAL*
•┄┄┅┅━━═۞═━━┅┅┄┄•

💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏ ✍🏻 *RAAH-E-HAQQ*     ▏.

http://apkemasailorunkahal.blogspot.com/?m=1