( WALIDEN KA DIL JEETNE WALE DAS KAAM )

🍁🍁🍁
.

         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
    *WALIDEN KA DIL JEETNE WALE*
                       *DAS KAAM*
╰•∽––∽–∽–∽–∽–∽–∽–∽•╮

                       *PART-01*
            ┅┅━━═۞═━━┅

*⚃➠(01) Aaj ke daur me nojawan Ladke Ladkiyon ki diLchaspi ke Liye bahut si cheezen ijaad Ho gayi hain Video games computer Tv Social media or Doston ka ek bahut bada haLqah unhe is QabiL hi nahi chordta ke wo Apne waliden ke pass kuch ghante guzaar sake Magar yaad Rakhen Aap chahe kitne hi bade ho jayen Apne waliden ki Nazar me wahi do teen saLah bacche ke manind hain jo Apne jigar goshe ko har paL apne Qareeb dekhna chahte hain Aapki Tamaam khidmaat se badh kar jo cheez Aapke waliden ke Liye nihayat Qeemati hai wo aapka unke pass bethna hai koshish karen ye bethna khana poori or jabr waLa na ho baLke aisa bethna ho jese do intehaayi muhabbat karne waLe Dost Aapas me beth kar gap shap kiya karte hain ek dusre ki diL ki baat sunte hain ek dusre ki Guftagu se Lutf Andoz Hote hain phir wo khushkhabri to Aapne suni hogi ke waliden ke chehro par padne waLi Aapki muhabbat bhari Nazar ek maqbooL haj or umre ke Sawaab ke Barabar hai kiya ye Soda bura hai ?*

                       *PART-02*
            ┅┅━━═۞═━━┅

*⚃➠(02) Unko markazi haisiyat dein jab waliden boodhe ho jayen to unhe kisi kone me chaar paayi pe daaL kar Azwa e mu'attaL bana kar na rakh de baLke unko har maamLe me markazi haisiyat de thik hai Aap jawaan ho gaye hain Tamaam zimmedaariyan SabhaaL chuke hain Aapki shaadi bhi ho gayi hai Magar uske bawajood har har maamLe me waliden ko mehsoos karwayen ke Aap unke mashware ke baghir koi kaam nahi karte kaam Aapne hi karna hai or usi tarah karna hai jis tarah Aap chahte hain Magar jab waliden se pehle mashwarah karLenge to wo bahut khushi mehsoos karenge unhe Ahsaas hoga wo Ab bhi Retired nahi ho gaye baLke unhi ke mashwaro or tawun se ghar ka karobaar chaL Raha hai Yaad hai jab Aap chote the itne chote ke do kiLo wazan bhi na utha sakte the or Apne waliden ki koi bhaari cheez uthane me madad karte the to wo aapka diL rakhne ke khatir Aapko yahi Ahsaas diLate the ke AsaL kaam to Aapne kiya hai bas yahi Qarzah Ab wapas Lotane ka waqt hai*

                       *PART-03*
            ┅┅━━═۞═━━┅

*⚃➠(03) Uktahat or bezaari ke izhaar se parhaiz kijiye Umar ke saath saath insaan ki yaad'daasht bhi kamzor ho jaati hai isliye jab aapke walid ya waldah aapko koi aisa waqiya sunaayen jo ke aap unki Zabaani kayi baar sun chuke ho to bezaari ke izhaar ke bajaye aisi diLchaspi or ghor se sune jese wo waqiya aap pehLi baar sun rahe hain ye mat boLe ke aap baar baar ek hi waqiya kiyu bayaan karte hain aisa karne se unka diL toot jayega or wo diL me Sharminda ho jayenge jab wo baat karen to unki baat darmiyan me na kaate ye Adab ke bhi khiLaaf hai or ye cheez unke ander Ahsaas e kamtari peda kar degi*

*PART-04*
┅┅━━═۞═━━┅

*⚃➠(04) unke Saamne khane me Ahtiyaat karen unke Samne wo cheezen na khaayen jisne doctor ne unhe parhaiz karne ka kaha hai badi Umar me Aksar hazraat ko Sugar ho jaati hai Agar khuda na khaasta Aapke waliden me se kisi ke saath ye masLa hai to koshish karen ke unke Samne meethi cheez na khaaye Aam (mango) ke dino me unka diL bhi Aam (mango) khane ko aisa hi karta hai jesa Aapka isliye koshish karen is tarah ki cheezen un se ALag hat kar khaaye isi Tarah mithaayi ka mamLa hai*

                       *PART-05*
            ┅┅━━═۞═━━┅

*⚃➠(05) ibteda or taqseem unhi se karwaayen jab ghar me koi cheez jese phaL furoot waghaira Laaye to Ammi ko dein ke Lijye Ammi jaan Aap hi Taqseem kijiye usse unko bahut khushi hogi isi tarah Agar qurbaani ki gayi hai to walid sahab ko kahiye ke abbu jaan Aap batayen kis Tarah hisse nikaaLne hain or kis kis ko dene hain maqsad wahi ke unko Ahmiyat di jaye ghar ki Rozana Sabzi ya SaLan Laate waqt Waliden se maLoom karen ke Aaj kiya pakaya jaye ye cheez unko bahut zada khush kar degi bazaar jaate waqt unse maLoom karLen unhe koi cheez chahiye to nahi Agar nahi bhi chahiye to kam az kam ghar se nikaLte waqt wo aapke Liye dua to kar hi denge*

*PART-06*
┅┅━━═۞═━━┅

*⚃➠(06) Agar aap beroon muLk ya kisi dusre Shehar me Rehte ho to jab ghar pe phone karen to pehle waliden se baat karen unke baad apne Bivi baccho se isi tarah jab aap Samaan ka beg beroon muLk se Laaye to waliden ke Samne khoLe ke tajassus to unke ander bhi baccho waLa hi hota hai bas bechaare izhaar nahi karte waliden ka koi Zariya Aamdani na ho to Apni gunjaish ke mutabiq jitna Aasaani se ho sake unka jeb kharch muqarrar karde biLkuL isi tarah jis tarah wo bachpan me aapko jeb kharch diya karte the unka sirf khana peena Apne zimme Lena kaafi Nahi ho sakta hai ke kabhi unka diL koi cheez khareedne ko kar raha ho Magar jeb me paise na ho or wo Aapse mangne ki himmat bhi na karen yun unki masoom si khahishaat diL me ghut kar dam tod jaati hai isliye zaroori hai ke Allah RabbuL izzat ne jitni Aapko tofeeq di hai utna jeb kharch mahana unko de diya karen take wo Apni marzi se jis tarah chaahe kharch karen*

*PART-07*
┅┅━━═۞═━━┅

*⚃➠(07) Jab Apni family ko ghumane phiraane ke liye kisi maqaam par Le jaayen to waliden ko bhi Le kar jaayen unko ghar par chokidaar ke tor par chord ke na jana intehaayi bura AmaL hai Han Agar khud hi na jana chahen to koi muzayeqa Nahi unke Samne hamesha ummeeden waLi baaten karo mayoosi waLi baaten bure khabre or waqiyaat jinse unka koi Ta'alluq hi na ho zikr karna unki sehat par bure Asraat murattib kar sakta hai*

                       *PART-08*
            ┅┅━━═۞═━━┅

*⚃➠(08) AwLaad me tafriqah waLi baaton se ijtenaab baaz Logon me Aadat hoti hai ke wo Apne waliden ke saamne Apne sage behan bhai ki buraayi karte hain ho sakta hai waliden unka diL Rakhne ke liye unki han me han miLayen Magar ye cheez unko bahut takleef deti hai or unhe Ranj'jeedah kar deti hai mera ek bhai Sharjah me Rehta hai me jab bhi usse miLne ke Liye jata tha to wahi se walidah mohtarma ko phone kar ke batata tha ke Aaj me bhai ke yahan Aaya hun to wo bahut khush hoti thi ye Yaad Rakhen duniya ke baaqi Rishte matLabi ho sakte hain Lekin waliden ka Rishta Apni AwLaad ke liye beLoos hota hai isliye unki khahish hoti hai ke unki AwLaad hamesha Aapas me Sher o shukr Rahen duniya ke koi bhi waliden ye kabhi nahi chahenge ke unki AwLaad Aapas me Lade ya Tafriqah ki shikaar ho jaye*

                       *PART-09*
            ┅┅━━═۞═━━┅

*⚃➠(09) Ghar me Tanaziyah ki soorat me Aap Fareeq na bane Tanaziyah Aapke waliden ka bhi Aapas me ho sakta hai or Aapke waliden or aapki Bivi ya Shohar ke darmiyan bhi aisi soorat me aapko jaj ban kar faisLa Nahi karna baLke hikmat ke saath mamLe ko thanda karna hai waliden ko bawajood iske ke unki ghaLati ho tokna ya Sharminda karna darust AmaL nahi dekha Gaya hai maa baap kisi waqt aapas me teekhe meethe ho jaate hain to AwLaad unme se kisi ek ka saath deti hai to ye GhaLat hai isi tarah Aapki Bivi or aapki walidah ka bhi Aapas me jhagda ho sakta hai aisi soorat me bhi jaj ban kar maa baap ko ghaLat Qaraar dene ki bajaye inkasari or tawazo ka Ravayyah Ikhtiyaar karna behtar hai*

                       *PART-10*
            ┅┅━━═۞═━━┅

*⚃➠(10) Adab o Ahtaraam unke Samne Apni Aawaaz ko past Rakhen or Guftagu me aise ALfaaz istemal na karen jis se unki be'adbi hoti ho unki Taraf Pao'n pheLa kar na bethe or na chaLte hue is tarah Gandhe par haath Rakh kar chaLen ke jese kisi ko mehsoos ho ke do dost Aarahe hain Aage Aage chaLne ki bajaye ya to peeche chaLen ya saath saath Agar walid ya waldah bazaar se Samaan Lekar pedaL Aarahe ho,n to Aage badh kar khud Le Len or ghar tak chor kar Aayen kabhi unko ye na boLe ke Aapne hamare Liye kiya hi kiya hai BaLke Doston or Rishtedaaron me unki muhabbaton or qurbaaniyon ka tazkirah karen jinke waliden wafaat paa gaye ho'n wo har waqt unke liye dua karte Rahen or unki di gayi Acchi tarbiyat par AmaL karte Rahen take unko uska sawaab miLta Rahe Yaad Rakhen Allah RabbuL izzat ne Quraan paak me nek waliden or unke nek baccho ko jannat me ikattha karne ka wada kiya hai Lihaza Allah RabbuL izzat se har namaz me dua karen ke wo Aapke waliden ki bakhshish farmaye or un par is tarah reham farmaye jis tarah unhone Aap par bachpan ki bebas zindagi ke Doraan Reham kiya tha*

*╟❥ ALHAMDULILLAH MUKAMMAL*
•┄┄┅┅━━═۞═━━┅┅┄┄•

💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏ ✍🏻 *RAAH-E-HAQQ*     ▏.

http://apkemasailorunkahal.blogspot.com/?m=1