AWLAAD KE HUQOOQ WALIDEIN KE ZIMME

🍁🍁🍁
.                                   
        
         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
            *AWLAAD  KE HUQOOQ*
              *WALIDEIN  KE ZIMME*     
╰•∽––∽–∽–∽–∽–∽–∽–∽•╮
        
                       *PART-01*
            ┅┅━━═۞═━━┅

*⚃➠ Awlaad ke bhi kuch huquq hain walidain ke zimme.  Walidain ke zimme un ka Ada karna zaroori hai*

*⚃➠ ❶ Awlaad ka pehLa haqq jo un ke paida hone se pehLe se hi shuru ho jata hai wo ye he ke Awlaad ke liye acchi maa ka intikhab kare yani hone wali biwi acche AkhLaaq wali ho, deendar ho,  Acche khandan wali ho*

*⚃➠ ❷ Nikah ke bad miya biwi sohbat karein to us mauqe ki manqooL duayen padhein take hone wali awlaad Shaitaani Asaraat se mahfooz rahe*

*⚃➠ ❸ Jab bachcha paida ho to Nehlaane ke bad sidhe kaan me Azaan or ulte kaan me iqaamat kahi jaaye*

*⚃➠ ❹ Bachche ke pet me kisi tarah ki giza jane se pehle kisi nek aadmi se TEHNEEK karwayi jaaye yani kisi nek aadmi se khajoor chabwa kar bachche ko chatayi jaaye.*

*⚃➠ ❺ Bachche ka umda Naam Rakhein, umda naam ye ke kisi nabi, sahabi ya wali ka naam rakha jaaye, ya aisa naam rakha jaaye ke jis ke ma'na deeni itebaar se acche ho*

*⚃➠ ❻ Awlaad ki deeni tarbiyat v ta'leem ki fikr ki jaaye Aksar waliden isme bahut zada kotaahi kar rahe hain duniyavi taLeem ko deeni TaLeem se AaLa samjhte hain or baccha jahan padhne qabiL hua foran college ya schooL daaL dete hain or aise usko deeni taLeem se Mehroom kar dete hain Allah RabbuL izzat Tamaam waliden ko sahi samjh ata farmaye*

             *ßachcho ki Ðeeni*
           *₮arbiyat ki ₳hmiyat*

*⚃➠ Agar walidain apni awlaad ke khair khawah hein to mazhabi or islami taleem dene me pesh pesh rahein Yani Aage Rahe deeni taLeem dene me  Yaad Rakhein Awlaad ke baad deen hone or bigadne ki tamam zimmedari walidain par hai  Agar walidain ne awlaad ko deen se jahil rakha or namaz wagera ka paband nahi banaya sunnat ke mutabiq zindagi guzarne ka Aadi na banaya, jahannam se bach kar jannat me pohnchne ka rasta na samjhaya to Qayamat ke roz yahi awlaad Allah se shikayat karegi*
                                            
     *® ƒatawa ₹ahimiya: 2/98*

*⚃➠ ❶ Halal Giza ka Ahtemam kare bachche ki maa [ jo use doodh pilane wali ho ] aisi ho jo haLaaL giza khati ho kyunke jo doodh haram rizq se paida hota hai us me koi khair v barkat nahi hoti balke jab haram ke doodh se bachche ki parwarish hoti hai to bachche ke badan me khabasat Reh jati hai jis ki wajah se bachche ki tabiyat Shaitaani kamo ki taraf maail hoti hai*

*® ℳajmua Rasail Imam Gazali rh. 1/192*

*⚃➠ ❷ Aadabe Ta'am yani bachche ko khane ke Aadab sikhaye jaayein*

*⚃➠① Sidhe hath se khayen*

*⚃➠② Bismillah padhe*

*⚃➠③ Apne samne se khayen*

*⚃➠④ Dusro se pehle hath na badhaaye*

*⚃➠⑤ Acchi tarah chaba kar khaye*

*⚃➠⑥ Salan wagera se hath or kapde kharab na kare*

*⚃➠⑦ Ziyada khane se roka jaaye,  ziyada khane ki burayi bayan ki jaaye*

*⚃➠⑧ sada khana khane ki Aadat daLi jaaye*

*⚃➠⑨ khana khane me dusro ka khayal rakhne ki Aadat daLi jaye.*
                                            
*® ℳajmua Rasail Imam Gazali rh. 1/193, 194*

*⚃➠ ❸ Aadabe Libaas  yani bachcho ko bachpan hi se kapde pehnne ke Aadab sikhaye jaaye*
*⚃➠① Rangin or Reshmi kapdo ke bajaye safed kapdo ki muhabbat diL me daLi jaaye*

*⚃➠② Ladko ko Aurto ki mushabahat wale or Ladkiyon ko mardo ki mushabahat wale Libaas ki nafrat diLayi jaaye*

*⚃➠③ Fakhirana Libaas pehnne wale bachcho se door Rakha jaaye.*

*⚃➠④ Libaas pehnne ke waqt ki duaein yaad karayi jaaye*

*⚃➠⑤ satar ka khayal rakhna sikhaya jaaye*                                          

*® ℳajmua Rasail Imam Gazali rh. 1/195*

*⚃➠ ❹ Sone ke Aadab  chote bachcho ko sone Aadab sikhaaye jaaye*

*⚃➠① din ke waqt ziyada sone se Roka jaaye, is se susti paida hoti hai raat me sone se na rokein*

*⚃➠② Naram bistar se roka jaaye take aaza mazboot ho or badan buddha na hone paaye*

*⚃➠③ Raat me be wajah jagta na rahe, jaLd sone ki Aadat daLi jaaye*

*⚃➠④ sone se pehle duao ka Ahtemam kiya jaaye*

*⚃➠⑤ sone ka behtareen tariqa ye hai ke qible ki taraf munh kar ke sidhi karwat par Letein, qibLe ki taraf pair kar ke Letna jaiz nahi, pet ke bal letna bhi mana hai*                                            

*® ℳajmua Rasail Imam Gazali rh. 1/195*

*⚃➠ ❺ MajLis or baat cheet ke Aadaab   bachpan hi se bachcho ko ye sikhaya jaaye ke jab do char Aadmiyo ke sath bethe ho to kese bethein ? Kisi se baat cheet kese karein ?*

*⚃➠① Bado ka Adab sikhaya jaaye*

*⚃➠② Bado se baat karne or un ko pukarne ka tariqa sikhaya jaaye*

*⚃➠③ Bado ki wo batein jo zahir me kadwi ho lekin islah ke khatir kahi gayi ho use sunne or maan Lena sikhaya jaaye*

*⚃➠④ Bado ke samne Adab se bethna sikhaya jaaye*

*⚃➠ ⑤ majlis me thukne or naak saaf karne se roka jaaye*

*⚃➠⑥ kisi bade ki taraf pair ya pith kar ke bethne se roka jaaye*

*⚃➠⑦ zyada batein karne or bolne se roka jaaye*

*⚃➠⑧ jhoot bolne, bahane banane, be'hayayi ki batein karne, zyada qasme khane se sakhti se roka jaaye warna tambih ki jaaye*

*⚃➠⑨ Aise bachcho or logo ki sohbat se bachaya jaaye jin se bachche ki bolchal par asar padta ho*                                        

*® ℳajmua Rasail Imam Gazali rh. 1/200, 201*

*⚃➠ Awlaad ke huquq me ek Aham tarin haqq ye he Deendar ladka― ladki se shadi karayi jaaye Hazrat Abu Huraira Raziyallahu Anhu se riwayat hai ke Rasulullah Sallalahu Alayhi Wasallam ne irshad farmaya ke jab tumhare pass Rishta bheje wo Shakhsh jis ka deen or akhlaq tumhe pasand ho to tum [ apni beti ya bahan ki shadi kar do agar tum shadi nahi karaoge to zameen me bahut bada fasad or fitna phelega*
                                           
           *® ₮irmizi : 1/207*

*╟❥  ALHAMDULLAH MUKAMMAL*
•┄┄┅┅━━═۞═━━┅┅┄┄• 
                                     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏  ✍🏻  *RAAH-E-HAQQ*     ▏.    
 
http://apkemasailorunkahal.blogspot.com/?m=1

*https://www.facebook.com/babar.khansr.1
👆🏻👆🏻 *Visit for all Msgs*

      ⌊﹁﹁﹁﹁﹁﹁﹁﹁﹁﹁⌋

🍁🍁🍁