🍂🍂🍂
.
❈ *बिस्मिल्लाहिर्रहमानिर्रहीम* ❈
╭•∽–∽–∽–∽–∽–∽–∽–∽–∽•╮
*DIL KHOON KE AANSU ROTA HAI*
╰•∽––∽–∽–∽–∽–∽–∽–∽•╮
*PART-01*
┅┅━━═۞═━━┅
*⚃➠ Mohtaram doston 12 RabiuL AwwaL jese hi Aata hai musalmano me khushi ki Lehar do'd jaati hai kuch Log eid miLaad Un Nabi manate hain kuch Log Apne gharo'n ko kum kumo se Sajate hain kuch Log Apni masjido'n par Tarah Tarah ki Roshiya'n jhag'magate hain kuch Log new Libaas pehante hain har taraf gumbade khazra ka Sabz Rang noor barsata hua Nazar Aata hai ishq v muhabbat ke Nazare har taraf dekhne ko miLte hain or duniya ke Log poochte hain musalmano ko kiya hua RabiuL AwwaL ke maheene me ye saari khushiyan kiyu Nazar Aarahi hain ye jhag'magate hue kum kume kis Liye damak Rahe hain Ye jagah jagah mehfiLe kiyu Sajaayi ja Rahi hain ye mombat'tiyan kiyu jaL Rahi hain ye charaagh kiyu jaLaye ja rahe hain musalman kiyu ek dusre ko mubarak baad dete phir Rahe hain har koi Apne Apne tor pe Apne Apne Andaaz me kiyu jashn mata phirta hai*
*⚃➠ Jawaab dete hain is maheene me janaab Muhammad RasooLuLLah SaLLaLLahu ALaihi wasaLLam Tashreef Laaye the Aapki pedaish mubarak hui thi duniya zuLmaton se Aazaad hui thi is wajah se ham Log khushiyan manate hain Magar Duniya ke dusre Log poochte hain tumne Muhammad SaLLaLLahu ALaihi wasaLLam ke Naam ko to yaad Rakha hai kiya kabhi unke kaam ke baare me bhi socha tumne Muhammad SaLLaLLahu ALaihi wasaLLam ki pedaish ki to khushi manayi Lekin tumne us deen ka kiya - kiya wo jo Tumhe de kar gaye the tab musalman sochta hai waqi hamne nabi ka Naam to yaad Rakha Lekin unke kaam ko bhuLa diya unke Aane ki to khushiyan Manayi Magar unke deen ko Apne gharo tak me ghusne na diya Apne jism tak me ghusne na diya*
*⚃➠ Hamare Libaas ghair ke Tariqo'n par hamare chehre ghairo'n waLe hamare mamLaat ghairo'n waLe deeni taLeem ko chord kar Ham duniyavi taLeem ko Apne Liye AaLa samjhne Lage Hamne gharo'n se deen ko nikaaL diya Hamne sunnaton ka mazaakh Udaya Hamne deen ko Ruswa kiya Hamne wo saare kaam kiye jo Allah RabbuL izzat ke hukm or Nabi e Akram SaLLaLLahu ALaihi wasaLLam ke Tariqe ke khiLaaf the phir kis baat ki khushiya'n manate ho Aakhir ye sab kiyu kiya yahi Aashiqe RasooL hain kiya 2 din khushiyan mana kar ham nabi ke Aashiq or Allah RabbuL izzat ke pyaare ho jayenge Hargiz nahi mere doston hargiz nahi*
*PART-02*
┅┅━━═۞═━━┅
*⚃➠ Muhammade Arbi SaLLaLLahu ALaihi wasaLLam Aaye the duniya se zuLm ka khaatma hua tha Magar Aaj ham Muhammade Arbi SaLLaLLahu ALaihi wasaLLam ki khushi manate hain or khud ZaLim ban chuke hain
*⚃➠ Muhammade Arbi SaLLaLLahu ALaihi wasaLLam Aaye the duniya se shirk ka khatma hua tha ham Muhammade Arbi SaLLaLLahu ALaihi wasaLLam ki khushi manate hain or hamne shirk ko Apne jism v jaan me dakhiL kar Liya Apne hukmarano me dakhiL kar Liya Apne gaLi v koocho me dakhiL kar Liya Apni Awaam me dakhiL kar Liya
*⚃➠ Hazrat MuhammadeArbi SaLLaLLahu ALaihi wasaLLam Aaye the isLaam ko izzat miLi thi Lekin hamne isLaam ko ziLLat ki taraf dhakeL diya musalmano ko ziLLat ki taraf dhakeL diya
*⚃➠ Muhammade Arbi SaLLaLLahu ALaihi wasaLLam Aaye the Saari Duniya ko LaLkaar kar kaha tha Duniya waLo'n me tum sab ki Taraf RasooL ban ke Aaya hun ghore ki Taraf bhi kaaLe ki Taraf bhi Arbi ki Taraf bhi Ajmi ki Taraf bhi Magar Aaj hame Muhammade Arbi SaLLaLLahu ALaihi wasaLLam ki khushiya'n to yaad Rahi unka paigham bhooL gaye
*⚃➠ Muhammade Arbi SaLLaLLahu ALaihi wasaLLam Aaye the maao or behno ke Saro par dupatte ki hifazat hui thi Lekin hamne wo dupatta utaar phenka Allah RabbuL izzat ke Nabi ki eid miLaad un nabi ki chadar bana daLa Aurat ko bepardah kar diya mard behaya ho gaya musalman maghLoob ho gaya tum Muhammade arbi SaLLaLLahu ALaihi wasaLLam ki khushi to manate ho magar dekho to sahi tumhare musalman kis ziLLat ke saath zindagi guzaar Rahe hain Agar Muhammade Arbi SaLLaLLahu ALaihi wasaLLam zindah hote ek Musalman par zuLm bardaasht na karte ek beti ke sar se utra hua dupatta bardaasht na karte
*⚃➠ Muhammade Arbi SaLLaLLahu ALaihi wasaLLam ki khushiya'n manane waLo'n Sahaba ne to Nabi ki jaan ki hifazat ki Nabi ke aqwaaL ki hifazat ki Nabi ke Af'aaL ki hifazat ki Nabi ke deen ki hifazat ki Nabi ke muh se girne waLe Lu'aab ko bhi Zaaye na hone diya tumne to Allah RabbuL izzat ke pyaare Habeeb SaLLaLLahu ALaihi wasaLLam ke deen ko Zaaye kiya or kehte ho ke dekho Aaqa Aapki khushiya'n Ham mana Rahe hain
*PART-03*
┅┅━━═۞═━━┅
*⚃➠ Madeena chaLe madeena waLe Nabi se mulaqaaten karen madeenah waLe nabi ke paao'n me beth kar dekhe'n ke hamne Seeratun Nabi ke jaLse kar kar ke hamne eid miLaad Un Nabi ke jashn mana mana ke Apne upar matam kiya hai ya jashan Manaya hai Aaj Agar Muhammade Arbi SaLLaLLahu ALaihi wasaLLam ka deen zindah hota Muhammade Arbi SaLLaLLahu ALaihi wasaLLam ne jo deen Apne jism par ptthar kha ke Ham tak pohchaya tha Apne jism pe Zakhm kha ke ham tak pohchaya tha Agar Aaj ye deen mere or tumhare gharo me Zindah hota hukmarano ki Hukumaton me zindah hota musalmano ki Sadko or goLiyon me zindah hota Agar Musalman ghairatmand hota musalman haya me hota musalman Agar imaan par hota musalman Agar izzat ki haLat me hota musalman me siddiqe Akbar Jesi Sadaqat hoti Hazrate umar jesi AdaLat hoti Usmaan jesi Haya hoti Hazrat Ali jesi shuja'at hoti Hazrat Ameer muvayiya jesa Tadabbur hota Hazrat hasan husen jesi Qurbaani hoti Hazrate Abdullah bin masood jesa iLm hota Hazrate Abbas jesi Tafseer hoti Hazrat Abu Huraira jesi Hadees hoti ibne umar jesa ittaba e sunnat hota HanzaLah ki Tarah qurbaani hoti ke pehLi Raat ki duLhan chord ke Shahadat ko muh Lagane chaLe gaye
*⚃➠ Agar ye sab kuch hota to musalmano tumhare Liye jayaz tha tum khushiyan manate Agar Aaj makka or madeena waLa deen Saari Duniya pe Raaj kar Raha hota musalmano tumhare Liye jayaz tha ke tum khushiya'n manate tum jashn manate musalmano Agar Muhammade Arbi SaLLaLLahu ALaihi wasaLLam ka AyLaan inni Rasulullahi iLaikum jamia Logon ne tasLeem kar Liya hota tumhare Liye jayaz tha tum khushiyan manate
*⚃➠ Lekin ek taraf Sahaba hain or ek taraf ham jese Namuraad hain ek Taraf sahaba hai wo Aasmaan ke sitaare jinki taraf koi thooke thook muh par giregi ek taraf sahaba hain jinhone Nabi e Akram SaLLaLLahu ALaihi wasaLLam ke jism tak teer Nahi pohuchne diye or ek ham hain jinhone Muhammade Arbi SaLLaLLahu ALaihi wasaLLam ke deen ko Sare bazaar farokht kar diya
*PART-04*
┅┅━━═۞═━━┅
*⚃➠ Kiya nisbat Reh chuki hai hamare or unke darmiyaan me kiya bacha hai musalmano jashn manane ke Liye kiyu Apne Aapko jhooti TasaLLiya Dete ho kum kume Saja kar kin Qadaro'n pe matam Kar Rahe ho tumhara Nabi to bahadur tha tum to buzdiL ho chuke ho Tumhara Nabi to Qurbaani dene waLa nabi tha tumhare nabi ne Rab ke ALawa kisi ke Samne Sar ko Nahi jhukaya tum to ek ek dar se bheek mangte phirte ho tumhare Nabi ne jism par zakhm kha kar Apni Rooh ko bachaya tha tum Apne jism bacha kar Apni Rooh ko gandah kar chuke ho*
*⚃➠ Tumhare Nabi ka chehra Lahu Luhaan hua tha tumhare chero'n par to ghairo'n ki Creme maLi hui hai tumhare nabi ke daant Mubarak Allah RabbuL izzat ke Raste me shaheed hue the tumhare Daant to Sood ke paise se kharidah hua Gosht chaba Rahe hain*
*⚃➠ Nabi ke manne waLo'n Allah RabbuL izzat ke nabi ke Sar se behne waLa khoon Aapke paao'n tak pohcha tha Aasmaan ke farishte Laraz Uthe the Zameen par Aachuke the musalmano tumhare haatho se to khud musalmano ka khoon beh Raha hai Kiya nisbat Reh chuki hai kuch bacha hai hamare haatho me tumhe to nabi ki ShakaL tak Acchi Nahi Lagi musalman Dhaadi katwate hain kiya Nabi e Akram SaLLaLLahu ALaihi wasaLLam ke chehre mubarak par dhaadi Nahi thi ? Ye baat tumne kitaabo me nahi padhi Ulama se nahi suni Apne baap dada se nahi suni jab tumhe pata hai tumhare nabi ke chehre par dhaadi mojood thi us dhaadi me Gangah karte the Aaqa Us dhaadi ke 3 baaL Safed hue the baaqi Saare kaaLe the me qurbaan ho jaun Nabi ki us haseen dhaadi par jis par farishte bhi Rashk karte the misar ki Aurto'n ne Hazrat Yusuf Alaihissalam ki dhaadi ko dekha haath kaat bethi Agar mere mehboob ke chehre anwar ko dekhti to diL ke tukde kar bheth'ti mere nabi husn ke pekar the jibraiL Alaihissalam Aap Sallallahu Alaihivasallam ki ziyarat ko Aate the ye chodhvi Raat ka chaand Apne Upar dhaag Rakhta hai Lekin mere nabi to bedaagh the jab Nabi ke chehre par dhaadi hai to musalman tere chehre par kiyu dhaadi Nahi*
*⚃➠ Musalman tu subah bhi us nabi ka kaLmah padhta hai shaam ko bhi us nabi ka kaLmah padhta hai Qabar me bhi tune jawaab dena hai ke ye nabi kon tha tune medaan e hashar me bhi usi se hozekosar ka piyaLah Lena hai Magar tu chehra saaf karta hai chehre par ustarah pherta hai dhaadi Uthata hai naaLi me daaLta hai jahan peshaab pehta hai musalman kahan gayi teri ghairat kahan gaya Tera imaan kahan gaya Tera jazbah ghairo'n ki shakaL tujhe acchi Lagti hai nabi ki ShakaL tujhe Acchi na Lagi ? Kiya nisbat Reh chuki hai kis baat ki khushiya'n Aakhir ? Kis baat ki khushi ?*
*PART-04*
┅┅━━═۞═━━┅
*⚃➠ Aaj isLaam par jitna zuLm musalman dhaata hai itna or koi nahi me Raaste se guzarta hun Masjido'n me kutte peshaab kar Rahe hote hain or jao in bad'numa cinemao me Line Lagi hui hai ticket nahi miLti Logo'n ko musalmano kiya muh dikhaoge Apne Aaqa Muhammad SaLLaLLahu ALaihi wasaLLam ko*
*⚃➠ RabiuL AwwaL ke kum kume sajane waLo'n Nabi ki Aamad ki khushiya'n manane waLo'n Nabi ke deen ki koi jhaLak tumne baaqi Rakhi hai Apne Ander tumhara ghar dekh ke Lagta hai ye musalman ka ghar hai ? Tumhari Aurat ko dekh kar Lagta hai ye Amma Aaisha siddiqa Raziyallahu Anha ki beti hai Amma Fatima Raziyallahu Anha ki beti hai ?*
*⚃➠ Har Shakhsh Aaj zina ki Taraf dod Raha hai Sharaab ki Taraf bhaag Raha hai musalmano ke majme me AyLaan karo Koi hai tumme paak daman Crore me ek bhi Nazar nahi Aata tumhara Nabi itni haya waLa tha Saari zindagi SharmiLi Ladki ki tarah usne kabhi Aankh Utha ke kisi ko Nahi dekha tha itne haya waLe nabi ne tumhare Liye jannat ki hoore mangi thi jo Qabar me bhi tumhara istaqbaal karti Lekin tum Zaani Aurto'n ke pass gaye fahashi tumne ki behayayi tumne ki Qome Loot ke AmaL ko tumne zindah kiya kehte ho ham musalman hain ham nabi ka jashn manate hain Qayamat ke din jab Zaani ki Sharamgaah uske muh par Latki hogi to Nabi e Akram SaLLaLLahu ALaihi wasaLLam ke diL par kiya guzregi kiya chorda hai musalmano tumne kiya chorda hai Aakhir hamne ?*
*⚃➠ Aaqa madni SaLLaLLahu ALaihi wasaLLam Qayamat ke din jab Apni ummat ki ye haLat dekhenge Laakho Log Be'namazi hain ' me Aazaan ki Aawaaz sunta hun dekhta hun musalman kis haaL me betha hai me poocha hun tu Allah RabbuL izzat ki itni bhi Qadar ni karta jitni Police ke hawaLdaar ki karta hai wo tujhe buLata tu baagh ke jata or tera Allah tujhe pukaar Raha hai buLa Raha hai or tu masjid nahi jaata tune masjid ko wiraan kar diya*
*⚃➠ Ek Shakhsh ne khaab dekha Aap SaLLaLLahu ALaihi wasaLLam bethe hue hain or Aankh mubarak Sooji hui hai usne kisi Buzurg Allah waLe ke pass Aakar kaha Tabeer de do kaha Aaqa ne kaha tha Namaz meri Aankhon ki thandak hai ummat ne Namaz chordi Aaqa Ro Ro kar Apni Aankhen Sujaaye bethe hain musalmano kiya Rahat di hai tumne Apne nabi ko Aaqa Aasmano par gaye Rab se Namaz Lekar Aaye Lekin tumne Namaz Zaaye kardi*
*⚃➠ Musalmano ye kis cheez ka jashn nazar Aata hai Sadko'n par se guzro'n shor hai Sharbat baanta Ja raha hai kaash nabi se koi Ta'alluq Rakha hota Nabi ki kahi'n Laaj Rakhi hoti nabi se koi nisbat hoti nabi ke saath koi Rishta hota kaash ? tumne mukammal deen ko zindah kiya hota to tumhare liye jayaz tha tum khushiyan manate so feesad deen tumhari zindagiyo'n me Zindah hota tumhare Liye jayaz tha tum khushiyan manate kis baat ki khushiya'n Aakhir Allah RabbuL izzat hame sahi Samajh Ata farmaaye*
*⚃➠ Allah RabbuL izzat ham sabko Sahi samjh Ata farmaaye or pyaare Aaqa SaLLaLLahu ALaihi wasaLLam ki sacchi muhabbat Ata farmaaye or tamam sunnato'n par AmaL karne waLa banaye Aameen ya RabbuL AaLameen*
*╟❥ ALHAMDULILLAH MUKAMMAL*
•┄┄┅┅━━═۞═━━┅┅┄┄•
💕 *ʀєαd,ғσʟʟσɯ αɳd ғσʀɯαʀd*💕
︶︶︶︶︶︶︶︶︶︶︶︶
*Shayad ke utar jaaye*
*Tere diL me meri baat*
︶︶︶︶︶︶︶︶︶︶︶
⌈﹂﹂﹂﹂﹂﹂﹂﹂﹂﹂⌉
*RAAH-E-HAQQ*
www.raahehaqq.blogspot.in/?m=1
www.facebook.com/babar.khansr.1
👆🏻👆🏻 *Visit for all Msgs*
⌊﹁﹁﹁﹁﹁﹁﹁﹁﹁﹁⌋
🍂🍂🍂
No comments:
Post a Comment