SAWAAL JAWAAB ZARURI MASAIL 1-SE-14

 S A W A A L- 01
      =============

     Kya  Jaadu  Karne  Se  Aadmii  Andha  aur  Na-mard  ho  jaata  hei....?

     Aur  Use  Khatm  Karne  Ke  Leye  AmaLiyaat  Ke  Zariye  iLaaj  Karwaaya  Jaa  Sakta  hei.....?

     Kya  istarah  iLaaj  Karne  Se  Shirk  Ka  Khtra  Laahiq  hota  hei...?
➖=➖=➖=➖=➖=➖=➖
 J A W A A B- 01
      =============
     Jaadu  { Magic}  Se Insaan  Ko  Nuqsaan  Pahunch  Sakta  hei,  Binaai  { Vision }  Mardangi  { SexuaL Power }  Khatm  ho  Saktii  hei.

     Lekin  Istarah  Kii  Baaten  Zyadatar  Beemarii  Kii  Wajah  Se  Pesh  Aatii  hein...... Is Liye  Aise  Waaqiwaat  mei  Doctor  Se  Rujooa  Karna  Chaahye.

     Fir  Bhii  Agar  GhaaLib  Guman  { Most LikeLy }  ho  Ke  Jaadu  hii  hei,   Aur   Muttaqee,  Parhezgaar  Aur  Muatabar  AamiL  Aisa  Batata  ho........to  Aise  AamiL  Se  ILaaj  Karane  mei  Koi  haraj  Nahie  Jo  Qur'aanii  Aayaat  Aur Hadeethe  Paak  Ki  Duaaon  Se  ILaaj  Karta  ho......Aur  Mushrikaana  Tareeqa  Ikhtiyar  Na  Karta  ho.
�� Kitab-uL-fatawaa-1/372.
……………………………………

 S A W A A L- 02
      =============
     AajkaL  FLats  Ke   Farokht  {SeLLing}  Kii  Ye  Soorat   har  Jaga  aam  ho Gayii  hei  Ke  PehLe  Pure  Project  Ka Naqsha  Bana  Liya  jaata  hei,  Aur  Taameer  Shuroo  hone  Se  PehLe  hii  Zyadatar  FLats  Farokht  {SeLL}  Kar Diye  Jaate  hei,   Kya  Istarah  FLats  Farokht  {SeLL}  Karna  Jaaiz  hei ?
➖=➖=➖=➖=➖=➖=➖=➖
 J A W A A B- 02
      =============
     Jab  Tak  Ek  Cheez   Wajood  mei  Na  Aajaye  Us   Ko  Bechna  Durust   Nahei,
   Lekin  Isse  Ek  Soorat  Mustasna  {Excepted}  hei,  Jis  Ko  "Istisna'a"  Kehte  hei.....Yaanii  Aisii  Cheez  Jin  Ko  Order  Par  Tayyar  Karne  Ka  Riwaaj  ho,  Jaise  Joota  {Shoes}  Waghairah.

     AajkaL  FLats  Usii  Andaaz  Par  Banaaye  Jaate  hein,  FLats  Ke  Naqshe,  Us  Ki  Makaaniyat  {Views}  Taameerii  Me'ayaar  {QauLity}  Aur  Poori  TafseeLaat  {DetaiL}  PehLe  Waazeh  {CLear}  Kardii  Jaatii  hei,  MahaLLe  Wuqooa  {Location}  Dekhne  Kii  Bhii  Gunjaaish  hotii  hei,  Aur  FLates  Kis  ManziL  {FLoor}  Par  hoga  Ye  Bhi  CLear  Kar  Diya  Jaata  hei,  Jis  Kii  Wajah  Se  Niza'a  {Dispute}  Ka  Andeshah  Khatm  Ya  Bahut  Kam  ho  Jaata hei,

     Is  Liye  Jo  Log  FLats  Taameer  Kar  Ke  Bechte  hein,  Un  Ke  Liye  Istarah  Bechne  Kii  Gunjaaish  hei.

�� KitaabuL Fatawaa-5/273.

⚪ ALLaah Ta'aaLa  Jahaane IsLam Ko Dusmanon Kii Reshaadawaniyon Se hifaazat Farmaye, aamiin.
……………………………………

 S A W A A L- 03
      =============
     Wo  Gaon  {ViLLage}  Jo  Shahar  Se  Qareeb  ho  Aur  Gaon  Tak  Azaane  Jumaa  Kii  Aawaaz  Jaatii  ho  to  Us  Gaon  {ViLLage}  WaaLon  Par  Namaze  Jumaa  Waajib  hei ?
➖➖➖➖➖➖➖➖➖➖➖
 J A W A A B- 03
      =============

     Gaon  WaaLon  Par  Namaze  Jumaa Waajib  Nahie,

     Agarche  Wo  Gaon  Shahar  {City}  Se  Qareeb  ho,  Aur  Azane  Jumaa  Kii  Aawaaz  Pahunchtii  ho.

     ALLaah  Ta'aaLa  AaLame  IsLaam Ko  har  Qisam  Ke  Shurooro  Fitan  Se  Mehfooz  Rakhkhe........aamiin.

�� Fatawaa DaruL ULoom-VoL-5/60.
……………………………………

S A W A A L- 04
      =============
     Ghar  mei  Tasweer {Photo}  Rakhna  Ya  Latkana  Na-jaaiz  hei,  Isitarah  Jis  Ghar  mei  Tasweer  {Photo}  ho...Wahan  Rahmat  Ke   Farishte  Nahie  Aate.

      Magar  Rozana  Ghar   mei  Jo  Akhbaar  {Newspapers}  aate  hein,  Un  mei  Jaandaar {Spirited}  kii                                Tasweeren  Bhie  Hotii   hein.....Uska  Shar'ee   Hukm  Kya  hei?
➖➖➖➖➖➖➖➖➖➖➖
 J A W A A B- 04
      =============
     Ye  Saheeh  hei  Ke  Ghar mei  Jaandaar  {Spirited}  Kii Tasweer  {Photo}  Rakhna  aur  Latkana  Jaaiz  Nahie,

     Magar  Ghar mei  Akhbaar  {Newspapers}  Ka  Lana  Jaaiz  hei,  Koi  Qabaahat  Nahie.....Kyun  Ke  Us  mei  Maqsood  Khabren  hotii  hein......Na  Ke  Tasweeren,  Tasweeron  Kii Haisiyyat  Zimnee  hotii  hei.

     Agar  Koi  FiLmii  Magazine  Jo  Actors, Actress  Aur  ModeLs  Kii   Tasweeron  Se  Bhare  huye  ho,  Aur  Use  Sirf  Tasweeren  Dekhne  hii  Ke  Liye  Ghar  mei  Laaya  Jaaye  To  ye  Kisii  Surat  mei  Jaaiz  Na  hoga,  Aur  Aise  Magazine  Kii  SeLLing   Bhii  Jaaiz  Nahie.

     ALLaah  Ta'aaLa  Hum  Sab  Ko  AmaL  kii  Taufeeq  Se  Nawaaze,  aamiin.

�� Kitaab-uL-fatawaa-5/279.                          
……………………………………

 S A W A A L- 05
      =============
      AajkaL  Bahut  Se  Dukandaar  {Vendor}  Khareedaaron  {Customers}  Ko  Mutawajjeh  {Attracted}  Karne  Ke  Liye  Khareedii  huyii  Cheez  Ke  Saath  In'aam  {Gift}  Bhii  Dete hein,  Kya  Aise  In'aam  {Gift}  Ka  Lena  Jaaiz  hei ?
➖=➖=➖=➖=➖=➖=➖=➖
 J A W A A B- 05
    ==============
     Agar  Khareedii  huyii  Cheezon  Ke  Saath  Har  Khareedar  Ko  In'aam  {Gift}  Ke  Taur  par  Koi  Cheez  Dijaatii  hei  to  Us  Ke  Jaaiz  hone  mei  Koi  Shubah  {Suspect}  Nahie,  Ye  SeLLing  Karne  WaaLe  Kii  Taraf  Se  Ek  Tarah  Ka  Izaafah  {Increase}  hei,  Aur  Fuqahaa  Ne  Mabee'a  {SoLd}  mei  Izaafe  Ko  Jaaiz  Qarar  Diya  hei,  Aur  Chunke  Khareedar  Ko  Apne  Paise  Kii  Cheez  miL  Jaatii  hei,  IsLiye  Ye  Soorat  Juwe   {Casino}  Ke  Under  mei  Nahie  aatii.

     Lekin  Agar  Khareedne  WaaLe  Ka Maqsood  hii  Gift  Cupon  HaasiL  Karna  Tha,  Aur  Usii  Maqsad  Ke  Liye  Samaan  Khareed  Kiya  tha  to  Ye  Soorat  Jaaiz  Na  hogii........BaLke  Ye  Juwa  {Casino}  Ke  Hukm  mei  hoga.

�� KitaabuL Fatawaa,VoL-5/249.
……………………………………

 S A W A A L- 06
    ➖=➖=➖=➖=➖
      Kisii   Mazhabii   Yaa   Deenii   Ijtima'a,   JaLsa   Waghairah   Kii   Videography   Karna   Is   Niyyat   Se   Ke   Uske   Zariye   Dusre   Logon   Tak   Deen   Kii   Baaten   Pahunchayi   Jaaye   Aur   Deen   Seekhaya   Jaaye,   To   Kya   Istarah   Videography   Karna   Jaaiz   hei ?
➖=➖=➖=➖=➖=➖=➖=➖
 J A W A A B- 06
     =============
     Sharee'at  mei  Kisii  Baat  Ke  Jaaiz  hone  Ke  Liye  2  Cheezen  Zaroorii  hein,

1) Kaam  Ka  Maqsad  Durust  ho,  KhiLaafe  Sharee'at  Na  ho,

2) Us  Maqsad  Ke  Liye  Jo  Zareeya  Ikhtiyaar  Kiya  Jaaye  Wo  bhii  Jaaiz  ho,  Agar  Maqsad  Nek  ho,  Lekin  Agar  Usko HaasiL  Karne  Ke  Liye  Ghair  Shar'ee  Tareeqah  Ikhtiyaar  Kiya  Jaaye  to  Ye  bhii  Gunah  hei,

     MasaLan  Koi  Shakhs  Ghareebon  Ki  heLp  Ke  Liye  Dakaitii  {Robbery}  Kare,  Beemaron  Ke  ILaaj  Ke  SiLsiLe  mei  Raqs  {Dance}  Waghairah  Karke  Paisa  WusooL  Kare.......To  Goya  Maqsad  Nek  hei,  Lekin  Chunke  Na-Jaaiz  Aur  Ghair  Shar'ee  Tareeqah  Ikhtiyaar  Kiya  Gaya  hei,  IsLiye Ye  Gunah  hii  Ka  Baais  hoga  Na  Ke  Sawaab  ka,

     Logon  Ko  Deen  Kii Baaten  Seekhana  Aur  Seekhne  Sheekhane  Ki  Targheeb  Dena  Yaqeenan  Nek  Kaam  Aur  Ajro  Sawaab  Ka  Baais  hei,  Lekin  Iske  Liye  Photography Jaaiz  Nahie,  Shar'ee  Zaroorat  Ke  Baghair  Photo  Kheenchna  Aur  Kheenchwana  Gunahe  Kabeerah  hei,

    Photography  Ki  Mazammat  Par  Kasrat  Se  Riwayaat  Maujood  hein,  Aur  Mazhabee  Wa   Deenii  Ijtima'a  Ya  JaLsa  Jaisii  Muqaddas  Aur  Mubaarak  Jagah  mei  photography  to  Gunah  BaLaaye  Gunah  hei,  Deen  Ke  Seekhne  Aur  Seekhane  Ka  Maqsad  Photography  Ke  Baghair  bhii  Behtar  Aur  Mu'assir  Tareeqe  Par  HaasiL  Kiya  Jaasakta  hei.

��  KitaabuL  Fatawaa, VoL-6/169.
……………………………………

 S A W A A L- 07
     =============
     Tambaku  {Tobacco}  WaaLa  Paan,  Gutkha,  Cigaratte   Waghairah  Cheezen  Nosh  Karna  Jaaiz  hei  Ya  Na-jaaiz ?
➖=➖=➖=➖=➖=➖=➖=➖
 J A W A A B- 07
     =============
    Tambaku  {Tobacco}  WaaLa  Paan,  Isse  Zyadah  Cigaratte  Aur  Isse  Bhii  Barh  Kar  Gutkha  Insaanii  Sehat  {heaLth}  Ke  Leye  Muzir  {harmfuL}  hei

     Is  Liye  In  Muzir  {harmfuL}  Cheezon  Se  Bachna  Zaroorii  hei,  Aur  Inka  Khaana,  Chabaana,  Munh  mei  Rakhna  Aur  Peena  Makrooh  hei,

     Kyun  Ke  RasooLe  Akram  SaLLaLLaahu  ALayhi  WasaLLam Ne  Sehat  {heaLth}  Ke  Liye  Mazarrat  Rasan  {harmfuL}  Cheezon Se  Mana'a  Farmaya  hei,

     Aur  Ab  In  Cheezon  Ka  Sehat  {heaLth}  Ke  Liye  Nuqsaandeh  hona  Poori  Tarah  Saabit  ho  Chuka  hei................Lihaza  In  Khatarnak  {Dangerous}  Cheezon  Se  Parhez  Karna  Behtar  hei.         WaLLaahu Subhanahu  Wa  Ta'aaLa  AaLam.

�� Kitaab-uL-fatawaa-6/188.

⚪ ALLaah Ta'aaLa ham Sab kii Zaahirii Aur Baatini Tamam Beemariyon Se hifazat Farmaye, aamiin.
……………………………………

 S A W A A L- 08
     =============
     Kya  Ghair  MusLim  Ke  Haath  Ka  Pakwaan  {Cooked}  IstimaL  Karna  Jaaiz  hei  Ya  Na-jaaiz ?
➖=➖=➖=➖=➖=➖=➖=➖
 J A W A A B- 08
     =============
     IsLaam  mei  Tamam  Insaan  Bhai  Bhai  hein,  Aur  Zaat  Paat  Kii  Bunyaad  Par  Koi  Tafreeq  Nahie,  MusLim  Ke  Haath  Ka  Pakwaan  Khaana  Jaaiz  hei,  Aur  Ghair  MusLim  Ke  Haath  Ka  Bhii,

     RasooLuLLah  SaLLaahu  ALayhi  WasaLLam  Ne  Khud  Ghair  MusLimon  Ka  Pakwaan Bhii TanawuL  Farmaya  hei.

 �� Bukhaarii, hadeeth No.-2617.

     Is  Liye  Kisii  Insaan  Ke  Pakwaan  Se  Usko  Haqeer  Samajhte  huye  Gurez  Karna  Qat'an  Jaaiz  Nahie,  Aur  Ye  IsLaami  TaaLeemat  Ke  BiLkuL  Mughaair  {Against}  hei.

�� KitabuL Fatawaa-6/189.

⚪ ALLaah Ta'aaLa ham Sab Kii Rizqe haram Se hifazat Farmaye, Aur Rizqe haLaaL haasiL Karne Ki Taufeeq Ataa Kare.
……………………………………

 S A W A A L- 09
     =============
     Beedii,  Cigaratte,  Gutkha  Aur  Tobacco  WaaLe  Paan  Waghaira  Kii  Dukaan  Lagana  Jaaiz  hei  Ya  Na-Jaaiz?
➖=➖=➖=➖=➖=➖=➖=➖
 J A W A A B- 09
      =============
     Khareedo  Farokht  {Buy & SeLL}  Ke  SiLsiLe  mei  UsooL  Ye  hei  Ke  Jo  Cheez  Jaaiz  ho  Uska  Bechna  Jaaiz  hei,  Jo  Cheez  haraam  ho  Uska  Bechna  haraam,  Aur  Jo  Makrooh  ho  Uska  Bechna  bhi  Makrooh  hei,  Phir  Uske  IstimaL  mei  Jis  Darjah  Ki  Karaahat  hogi,  Farokht  Karne  mei  bhi  Us  Darjah  Ki  Karaahat  hogi,

     Cigaratte,  Beedii,   Gutkha  Aur  Tobbeco  WaaLa  Paan  Sehat  {heaLth}  Ke  Liye  Muzir  hei,  Is  Liye  Karaahat  Se  KhaaLi  Nahie,
              WaLLahu Ta'aaLa AaLam.
 KitaabuL Fatawaa-5/201.

⚪ ALLaah Ta'aaLa ham Sab Ko Kasbe HaLaaL Naseeb Farmaye, aamiin.
……………………………………

 S A W A A L- 10
     =============
    AeropLane  mei  Gosht  {Meat}  Aur  Mashroobat  {Drinks}  Ke  Baare  mei  Ye  MaaLum  Karna  MushkiL  hei  Ke  Ye  haLaaL  hei  Ya  haraam ?............Aisii  Soorat  mei  Kya  Karna  Chahye ?
➖=➖=➖=➖=➖=➖=➖=➖
 J A W A A B- 10
    ==============
     Mashroobat  Ke  Baare  mei  haLaaL  Aur  haraam  Ka  MaLoom  Karna  Isqadar  Dushwaar  Nahie,   Lekin  Gosht  {Meat}  Ke  Baare  mei  Dushwaarii  ho  Saktii  hei,   Aisii  Soorat  mei  UsooL  Ye  hei  Ke  Agar    Mu'atabar  Khabar  Dene WaaLa  Koi  Shakhs  Maujood  Na  ho  to  Qareenah  Se  FaisaLa  Kiya  Jaaye..........Aur  Qareena  Ye  hei  Ke  Agar  Kisii  MusLim  MuLk  Se  AeropLane  Kii  Udaan  ho  to  GhaaLib  Gumaan  Ye  hei  Ke  Wo  Gosht  {Meat}  Zabeehah  Ka  hoga,  Aur  Ghair  MusLim  MuLk  Se  AeropLane  Uda  ho  to  GhaaLib  Gumaan  Us  Ke  haraam  hone  Ka  hei,   Lihaaza  Is  Kii  Raushnee  mei  FaisLa  Kiya  Jasakta  hei,

     Lekin  BaharhaaL  Ehtiyaat  Is  mei  hei  Ke  AeropLane  Aur  Train  mei  Vegiterian  Khane  Ka  Ehtimaam  Kiya  Jaaye,  Aur  Non Vegiterian  Se  Ijtinaab  Kiya  Jaaye.
               WaLLahu Ta'aaLa AaLam.

�� KitaabuL Fatawaa-6/188.

⚪ ALLaah Ta'aaLa ham Sab Ki haraam khuree Se hifaazat farmaye, aamiin.
➖=➖=➖=➖=➖=➖=➖=➖
……………………………………
 S A W A A L- 11
     =============
    IsLaam  mei  Tijaratii  Cheezon  Par  Munafa  Kii  Miqdaar  Aur  had  Kya  hei ?
➖=➖=➖=➖=➖=➖=➖
 J A W A A B- 11
     =============
     Sharee'at mei Munafa {Profit} Ki Koi had Muqarrar Nahie Kii Gayii hei, Aur Usko Fitree Utaar Charaao {Market VoLatiLity}Par Rakhkha Gaya hei,

     ALbattah RasooLe Kareem SaLLaLLahu ALayhi WasaLam Ne Tijarat {Trade} Ke Ahkaam mei Is Baat Ko MaLhooz Rakhkha hei Ke TaLab Aur Rasad mei Tawaazun {BaLance}Qaaim Rahe, Taake Qeemat mei Bhii Tawaazun {BaLance} Baqee Rahe,

     ALbattah Kisii Cheez Par Itna Zyadah Munafa {Profit} Lena, Jo Ghabane Faahish Ke Daaire {Under} mei Aata ho to Karaahat Se KhaaLii Nahie,

     Ghabane Faahish Se Itna Munafa {Profit} Muraad hei Ke Jo Saaman Kii Qeemat Muqarrar Karne WaaLon Ke Daaira-e-Takhmeen Se Bhii Zayadah ho, Yaanii Ek Cheez Market mei 10 Se 15 Rs.mei MiLtee hei, Lekin Koi Shakhs 15 Rs. Se Bhii Zyadah WasooL KarLe to Ye Soorat Ghabane Faahish hei, Aur Isko Fuqahaa Ne Na-pasand Qarar Diya he.

�� KitaabuL Fatawaa-5/221.

⚪ ALLaah Ta'aaLa ham Sab Ko IsLaami UsooLon Par Tijarat Karne Kii Taufeeq Ataa Farmaye, aamiin.
➖=➖=➖=➖=➖=➖=➖
……………………………………

S A W A A L- 12
     =============
     Qur'aani Ayaat Aur Ahaadeese Nabwiyyah Ke AppLication InstaL Karne Ya pdf Kii Soorat mei DownLoad Karne Ya msg Ke Lihaaz Se Seve Karne Ke Baad Mitaane {DeLete} Ke MutaaLiq Shar'ee Etibaar Se Kya hukm hei ?
➖=➖=➖=➖=➖=➖=➖
 J A W A A B- 12
      =============
     Qur'aani Ayaat Aur Ahaadeese Nabweeyyah Ke AppLication, pdf Books Aur Msg MobiLe Phone Aur Computers mei Save Karne Ke Baad DeLete Karne mei Koi Qabaahat Nahie,

     Kyun Ke Jab Darodeewar Par Likhe huye Isme Baaree Ta'aaLa Ke Mitane {DeLete} Kii Ijaazat hei,  Jismei Be-adabee Ka Shaaiba Bhii hei to MobiLe Phone mei Msg Waghairah Mitaane {DeLete} mei Kya haraj hei, Jismei Ye EhtimaaL Bhii Nahie,

     Lihaaza Aise Msg, ApLication Aur pdf Books Mitaane {DeLete} mei Shar'an Koi Qabaahat Nahie,  Is Liye BiLa Wajah Shukooko Shubhaat mei Pharne Se Ehtiraaz Karna Chaahye.

Chunanchay Durre Mukhtaar mei Mazkoor hei Ke Wo Kitaaben Jo Ghair Muntafea hein, Un mei Se ALLaah Ka, Farishton Aur RasuLon Ka Naam Mita Diya jaye.
WaLLahu Ta'aaLa AaLam.

�� By : DaruL Iftaa WaL-qazaa, Jamia Binoria.

⚪ ALLaah Ta'aaLa ham Sab Ko Ishaa'ate Deen Aur Seekhne Seekhane Ke Liye MobiLe Phone IstimaaL Karne Ke Taufeeq Ataa Farmaye,aamiin.
……………………………………

 S A W A A L- 13
     =============
     MobiLe  Phone  mei  Qur'aane  Paak  Kii TiLaawat  Karna  Ya  Sunna  Jaaiz  hei ?  Agar  jaaiz  hei  to  Be-wuzoo Parhna  Durust  hei ?
➖=➖=➖=➖=➖=➖=➖
 J A W A A B- 13
     =============
    MobiLe Phone mei Qur'aane Paak Kii TiLaawat Karna Aur Sunna Donon Jaaiz hei, TiLaawat Karne Ki HaaLat mei Jab Ke MobiLe Phone Haath mei ho Aur UngaLyon Se Waraq {Pages} PaLat Raha ho to Ba-Wuzoo hona Zaroorii hei, ALbattah Audio FiLe Yaanii MP3 Sunne Ki Soorat mei Ba-wuzoo hona Zaroorii  Nahie.

�� By : DaruL Iftaa WaL-qazaa. Jamia Binoroa.

⚪ ALLaah Ta'aaLa ham Sab Ko Zayada Se Zyada Qur'aane Paak Kii TiLaawat Kare Use Samajhne Aur Us Par AmaL Karne Ki Taufeeq Ataa Farmaye, aamiin.
……………………………………

 S A W A A L- 14
    ==============
     MobiLe Phone Ya TV Par Aayate Sajdah Sunne Se Sajdah Waajib hota hei ?

     Neez TV Ya Radio Par Live Aayate Sajdah Sunne Kii Soorat mei Wujoobe Sajdah Ke MutaaLiq Shar'ee Kya hukm hei ?
➖=➖=➖=➖=➖=➖=➖
J A W A A B- 14
     ==============
TV Par Jo TiLaawate Qur'aan  Nashra {Broadcast} Kii Jaatii he,  Aam Taur Se Us Ko PehLe Se Record Kar Liya Jaata hei,  Us Ke Baad Use TV Par Nashra {Broadcast} Kiya Jaata hei,  Aisii Soorat mei Sunne WaaLe Par Sajda-e- tiLaawat Waajib Nahie hoga,  Aur Yahii hukm MobiLe Phone Par Sunne Ka Bhii hei,

     Lekin Agar Radio Ya TV Se Live TeLecast Ki Soorat mei Aayate Sajdah Sunne Par Sajda-e-tiLaawat Waajib hoga,
            WaLLaahu Ta'aaLa AaLam.

�� AhsanuL Fatawaa-4/65.

⚪ ALLaah Ta'aaLa hamare Liye Qur'aan Ke Ahkamo MasaaiL Par ChaLna Aasan Farmaye, aamiin