EK WALID KI APNE BETE KO KUCH QEEMTI NASEEHAT

🍁🍁🍁
.

         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
*EK WALID KI APNE BETE KO KUCH*
             *QEEMTI NASEEHAT*
╰•∽––∽–∽–∽–∽–∽–∽–∽•╮

                       *PART-01*
            ┅┅━━═۞═━━┅

*⚃➠(01) Mere Bete Google Facebook Twitter whatshap or Tamaam Social network program Aapsi Ta'alluqaat or Ijtamayi Rawabit peda karne me ek Behre Aqeem ki Haisiyat Rakhte hain jisme doob kar mard or Khawateen or bade boodhe Afraad bhi AkhLaaq o AqaL kho chuke hain iski Lehro ne kuwariyon ki Sharm o haya hi nahi baLke buzurgo'n ki izzat or takreem ko bhi Apni Lapet me Le Liya hai jis ki wajah se bahut se Log haLakat ki dehLeez paar kar chuke hain or bahut se Log Abhi muntazir hain beta khabar daar isme mashgooL na ho jana*

                       *PART-02*
            ┅┅━━═۞═━━┅

*⚃➠(02) Beta is purfitan mahoL me tum Shehad ki makkhi ki Tarah bano jo ghandgi par nahi Saaf Suthre phooL par bethti hai or wahan se sirf mitha Ras Lekar baaqi cheezon ko chord deti hai tum Internet se paak Saaf mawaad or maLumaat hasiL karo jisse tumhe tumhare Dost o Ahbaab ko Fayeda pohche gandi or AkhLaaq Soz Site se khud bhi bacho or Apne dost o Ahbaab ko bhi door Rakho Beta tum Internet ki duniya me Aam makkhi ki Tarah na bano jo har Acchi or Buri cheez par madLaati hai or baghir kisi Sha'oor ke mu'aashre me bimaariyan pheLane ka Zariya banti hain*

                       *PART-03*
            ┅┅━━═۞═━━┅

*⚃➠(03) Beta Internet ek bahut badi market or khuLa hua bazaar hai jisme koi bhi Aadmi Apna maaL muft me farokht nahi karta Har Shakhsh badLe me kuch chahta hai kuch Log Apne Samaan ke badLe AkhLaaqi bigaad chahte hain to kuch Log fikri bigaad ke saath saath tumhare diLo me Shakook o Shabahat peda karna chahte hain isme bahut se Shohrat ke taLabgaar hote hain jo Shohrat hasiL karne ke Liye Apna Samaan farokht karte hain or is bazaar me kuch masLiheen bhi miLenge Lekin yaad Rakhna isLaah gar ka Samaan bhi us waqt tak na khareedna jab tak tum Acchi Tarah jaanch padtaaL na karLo beta baaz wab site ko khoLne ki koshish bhi na karna isliye ke unme siwaaye Tabaahi or barbaadi or dhoka dahi ke kuch Nahi hota*

                       *PART-04*
            ┅┅━━═۞═━━┅

*⚃➠(04) Beta bekaar ki Afwaahe'n jhoote mazakh par mabni baaton ki Tashheer se bachna haraam or mamnu Tasaweer ki Isha'at se gurez karna Beta is baat ko Acchi Tarah yaad Rakho har Acche or bure kaam ka badLa Zaroor miLta hai Agar tumhara Mawaad Acchayi'yon par mabni hoga to tumhe Sawaab miLega or Agar tumhara irsaaL karda mawaad burayi'yon par mabni hoga to tum ko gunaah miLega Aakhir tum kis kis gunaah ko Apne Sar Lete Rahoge Lihaza kuch bhi mawaad Aage bhejne se PehLe Acchi Tarah jaanchLa ke tumhara pesh karda Samaan kahi kisi Kharaabi ka Zariya to nahi banega Isliye ke kharidaar tumse mashwarah Nahi karega baLke seedha Dusre ko Farokht kar dega Aaj ham khoob Acchi Tarah khud ki bhi jaanch karLe ham Aakhir kiya kar Rahe hain yahan Internet par kiya hamne koi Aisi cheez to share nahi ki jiska gunaah hame kaL Qayamat tak miLta Rahe Allah RabbuL izzat hame AmaL ki tofeeq ata farmaye Aameen Ya RabbuL AaLameen*

*PART-05*
┅┅━━═۞═━━┅

*⚃➠(05) Beta kisi bhi cheez ko Aage share karne se pehle acchi Tarah ghor o fikar kar Lena ke usme Allah RabbuL izzat Raazi hoga Ya Naraaz Beta suni hui baat dekhi hui baat ki Tarah Nahi hoti jab tak tum kisi cheez ko Apni Aankhon se na dekhLo kisi ki baaton par Aytamad na karna Beta kisi begunaah or masoom shakhsh ki Shakhshiyat ko majrooh na karna Kisi ke posheeda Uyoob posheeda Raaz Zahir kar ke uski Sharmindagi ka ba'is na banna Aaj kaL to Facebook whatshap par bada Riwaaj chaLa hai kisi ko ZaLeeL karne ke Liye uske Screen shot Liye jaate hain or hazaaro'n insaano'n ke beech usko ZaLeeL kiya jata hai yaad Rakho kisi ko sahi Raah par Lane ke Liye usko ZaLeeL kar ke Sahi Raah par tum hargiz nahi La sakte baLke usko pehLe se zada bigaad to sakte ho Agar koi ghaLat hai to please aap uske jese na bane nahi to phir usme or aapme kiya farq reh jayega kisi ki isLaah ke Liye usko AkeLe me Samjhana sab se behtar hai Allah RabbuL izzat hame sahi samjh Ata farmaye Aameen Ya RabbuL AaLameen*

*╟❥ ALHAMDULILLAH MUKAMMAL*
•┄┄┅┅━━═۞═━━┅┅┄┄•

💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏ ✍🏻 *RAAH-E-HAQQ*     ▏.

http://apkemasailorunkahal.blogspot.com/?m=1