MIYA BIVI ME IKHTELAAF KA HAL MUKAMMAL PART

🍁🍁🍁
.                                  
       
         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
*MIYA BIVI ME IKHTELAAF KA HAL*            
╰•∽––∽–∽–∽–∽–∽–∽–∽•╮
       
                       *PART-01*
            ┅┅━━═۞═━━┅

*⚃➠ (01) AAJ KA MOZU SHOHAR KI ZIMMEDAARIYAN*

*⚃➠ Azdivaji jhagdo me Ab tak ye unwaan Raha hai ke Bivi ki kin GhaLtiyon ki wajah se miya bivi ke darmiyaan Ladaayi hoti hai jhagde hote hain Aaj ke mozu me hamne is cheez ko bayaan karna hai ke shoharon se kiya kotaahiyan Sarzad hoti hain ke baat jhagdon tak pohuch jaati hai ummeed  hai ke Shohar hazraat in baaton ko Tavajjo ke saath padhenge*

         *BEHATREEN SHAKHSH*

*⚃➠ Nabi e kareem Sallallahu alaihivasallam  ne irshad farmaya  Tumme Sab se behatreen  wo hai jo tumme AhLe khana ke liye behtar hai Chunache  mard ki Acchayi ka meyaar uska karobaar Nahi uska daftar Nahi uske Doston ki mehfiL nahi mard ki Acchayi ko parakhne ke liye uska meyaar uski bivi se Ta'alluq  hai Agar usne usko khush Rakha or uske gham khatm kar diye or usko pursakoon zindagi  dene ki koshish  ki to Yaqeenan  ye Accha insaan hai Nabi e kareem Sallallahu alaihivasallam  uski Tasdeeq farma Rahe hain or Nabi e Akram SaLLaLLahu ALaihi  ne ye bhi farmaya me tum Sab me se Ahle khana ke Liye Zada behtar hun goya (practical)  yani AmLi misaaL bhi Nabi e Akram SaLLaLLahu ALaihi wasaLLam  ne di*
                                    
       
                       *PART-02*
            ┅┅━━═۞═━━┅

*⚃➠ (02) KHAWIND KE ANDAR TAHAMMUL OR BARDAASHT HONI CHAHIYE*

*⚃➠ Aurat  ko Allah RabbuL izzat  ne mard ki pasLi se banaya iska matlab  ye hai ke Allah RabbuL izzat  ne na to Sar se banaya ke unko Sar pe bitha ke Rakho or na usko per'on se banaya ke usko pao'n ke niche Rakho Allah RabbuL izzat  ne use pasLi se banaya ke ye Tumhaare  diL ke Qareeb  hai tum hamesha  usko Apne diL ke Qareeb Rakho isliye  khawind  ko MutahammiL mizaaj hona chahiye  kiyu ke wo ghar ka zimmedaar hai Zara si baat par gusse me Aajana har waqt  gusse ki Zabaan boLna har waqt  Lehje badaL kar Bivi se baat kehna ye bewaqoof mardo ka kaam hai ye koi mardaagi nahi hoti ye to wahi baat hui jese kisi ne kaha ke mujhe Apne se choto par bada gussa Aata hai ji han Aap bado'n ke saath gussa kar ke dikhaayen to Aap ki Tabiyat  bhi thik kar denge kamzor par gussa Aana koi Acchi ALamat nahi hai uske saath to Reham diLi ka mamLa karna chahiye Ghar ke Andar  choti moti baaten ho jaati hain aisi baaton ko Nazar Andaaz karna chahiye (Clearance & Tolerance) Lachak or bardaasht  ka usooL istemaal  karna chahiye  Engineering  me ye UsooL bane hote hain duniya  me jitni bhi mishzi ChaL Rahi hain usko fiting me hamesha (Clearance & Tolerance) ka khayaaL Rakhna padta hai masLan Shaft ka Sa'iz itna ho to biring  ka Sa'iz itna hoga 2 Cheezon ko Aapas me fit karna hai iske darmiyaan  kitni Clearance honi chahiye  to Agar mishizi ne fit hona hai to usme  (Clearance & Tolerance) chahiye  to do insaano ne Apni Azduvaji  zindagi  me fit hona hai unko bhi Lachak or bardaasht ki Zaroorat  hoti hai dar guzar se kaam Lena chahiye  koi kisi moond me hai koi kisi moond me hai to choti choti baaton ko batanggad bana lena ye kabhi bhi AqaLmandi ki baat nahi hoti Mard kitna bura Lagta hai ke choti si baat se naraaz ho kar beth jaye isliye  kehne waLe ne kaha*

*⚃➠ To run a big show one should  have a big heart*

*⚃➠ Zada bada sho dikhane ke liye diL bhi bada hona chahiye shaadi ke baad to khawind  ko apna diL bahut bada kar lena chahiye  Angreezi ka ek maqoLa hai*

*⚃➠ high winds blow on high mountains*

*⚃➠ Unche pahadon ke upar Andhiyan bhi Zada Tez chala  karti hain Zindagi  me unch neech to hoti hai kabhi maa ki Taraf se shikve kabhi behan ki Taraf se shikve  kabhi bivi ki Taraf se shikve Ab ye zimmedaari Aadmi ki banti hai ke unko Acchi Tarah se nibhaaye*

                       *PART-03*
            ┅┅━━═۞═━━┅

*⚃➠ (03) BIVI KO MAA KE REHAM O KARAM PAR NA CHORE*

*⚃➠ Kayin khawind  ko dekha hai ke wo Apni bivi ko maa ke Reham o karam par chor kar khud ek Taraf ho jaate hain intehaayi ghair Zimmedarana baat hai  hamesha  Apni Position  ka khayaaL Rakhna Chahiye  Agar mehsoos  kar rahe ho ke Bivi ki ghaLti hai to usko pyaar se Samjhao Agar Samjh Rahe ho ke Ammi Zaroorat  se zada us waqt  us par Sakhti kar rahi hai to bade Adab ke saath ammi ki khidmat me guzarish karo Apni bivi ki wakaLat karte hue Zara bhi na Sharmao isliye  choti choti cheezen hi baad me badi bana karti hain to Bivi  ki hifazat  (Protect ) karna khawind  ki zimmedaari  hoti hai Ab usko yun kehna ke bhai mujhe nahi pata bas tum unhe khush Karo to Bivi  koshish  to karegi ke mere khawind  ki waLida hai me koshish  karun Magar hamne kayin baar dekha hai ke Saas badi  Tajurbe kaar hoti hai unch neech jaanti hai or aise Apni Anangaz kheLti hai ke us Ladki ko Out  kar ke Rakh deti hai to isme khawind  ki zimmedaari  hai ke wo Apni Position   ka khayaaL Rakhe or Agar dekhta hai ke Ammi Zaroorat se zada sakhti  kar rahi hai or usko mushkiL me daaL diya hai to unki baaton ko phir khud block  kare*

                                    

                       *PART-04*
            ┅┅━━═۞═━━┅

*⚃➠ (04) BIVI KE LIYE MAKAAN KA BANDOBAST  KARE*

*⚃➠ Jab mard ye dekhe ke mushtarka tor par Rehne se bivi ke huqooq ka tahaffuz Nahi ho Raha hai to phir ALag makaan hasiL karne ki koshish  kare isliye  ke Shari'at ne kaha ke mard ki zimmedaari  hai ke Apni Bivi  ko Alag makaan ya koi kamra Le kar de jis me wo koi Sukh ka Saans Le sake Bivi  ko Sar chupane ke liye jagah Le kar dena Shar'an khawind  ki Zimmedaari  hai Hamare  Hazrat  Rm farmaaya karte the ke Allah RabbuL izzat  khawind  ko Zara bhi gunjaish de to usko Apni Zindagi  me Sab se pehLe  makaan khareedna chahiye  baLke yahan tak farmate the jiska makaan Nahi uska imaan Nahi To Ek din is Aajiz ne Arz kiya ke Hazrat  ye itni badi baat jo Aap farmate hain uska background  kiya hai Hazrat  ne farmaya  dekho  Agar khawind  ne Apna ghar Nahi khareeda or uski Bivi kiraaye ke makaan me Reh Rahi hai Allah  na kare ke khawind  ki wafaat ho jaye koi Accident  ho jaye to kiraaye waLe to us Aurat  ko wahan Rehne Nahi denge wo kahan se kiraaya degi To jab wo uska Samaan uske ghar se nikaaLenge to ye Aurat  pareshaani  ke AaLam me kufriya boL boLegi iska imaan hi khatre me ho jayega to isliye  farmaate the ke khawind  ki zimmedaari  hai ke Aurat ko Sab se pehLe  Sar chupane ke Liye koi jagah de take usme wo Apni Zindagi  guzaar Sake*

                       *PART-05*
            ┅┅━━═۞═━━┅

*⚃➠ (05) BIVI KA DIL JEETNE KI KOSHISH  KAREN*

*⚃➠ Yaad Rakhen jitna muhabbat  o pyaar se miya Bivi  Rehte hain utna hi Allah RabbuL izzat  unse khush hote hain*

*House is built by hands  but home  is built by hearts*

*⚃➠ Inte'n judti hain to makaan ban jaate hain jab diL judte hain to ghar Aabaad ho jaate hain Lihaza  Bivi  ke saath khush AkhLaaqi se Rehna Khawind  ki Zimmedaari hoti hai or khush AkhLaaqi  isko nahi kehte ke choti choti baaton par insaan daant dapat karta phire gusse hota phire boLna chor de ye cheezen  miya Bivi  ke darmiyaan  hona intehaayi  bura hota hai Yaad Rakhe jo khawind  pyaar ke Zarye Apni Bivi ka diL jeet Na Saka wo taLwaar ke Zarye  bhi Bivi  ka diL Nahi jeet sakta ye Samjhna ke me daant dapat se sab seedha kar dunga ye har giz thik Nahi hota hamne dekha hai Daant dapat se Ulta kaam bigadta hai Bivi  Seham jayegi chup ho jayegi Lekin  jab Bivi bhi Apne khawind ke khiLaaf goreeLa jang Ladna shuru kar degi to kiya fayeda?? isliye  muhabbat  o pyaar hi Azduvaji  zindagi  ke Liye behatreen  AmaL hai khawind  ko ye baat Zehan me bitha Leni chahiye  pyaar ka waar Talwaar  se zada kaargar hota hai wo pyaar se Agar Apni Bivi ko Qa'iL nahi kar sakta to phir taLwaar  se bhi Apni Bivi  ko Qa'iL Nahi kar Sakega*

*⚃➠ MUSKURANE KI SUNNAT KO APNAAYE*

*⚃➠ Chunache  Nabi e Akram SaLLaLLahu ALaihi wasaLLam  ki Aadat e mubarka thi ke jab ghar koi cheez Laate the muskurate hue Aate the Or Apne Ahle khana ko saLaam kiya karte the muskurate  hue Aana or ghar waLon mo saLaam karna ye Acche mahoL ki ibteda hai jab khawind  muskurata hua Aayega to Yaqeenan  Bivi bhi muskurayegi Ab dono muhabbat  o pyaar se Rahenge*

                       *PART-06*
            ┅┅━━═۞═━━┅

*⚃➠ (06) MUSKURAHAT NE MUSKURAHATEN PHELAADI*

*⚃➠ Ek martaba mere pass Ek miya Bivi  ka mamLa Aaya Shaadi ko teen saaL ho chuke the dono likhe padhe Acchi family  ke bacche the dono be'at the or dono nek bhi the wo kehne Lage ji Ab ham is nateeje par pohche hain ke hamara  Guzara Nahi ho sakta kiyu Nahi ho sakta  kehne Lage isliye  ke hamari  Tabiyaten Nahi miLti ham Aapas me har waqt  behas karte Rehte hain koi din Zindagi  ka aisa nahi ke hamari  Aapas me behas Na hui ho Ham tang Aachuke hain or hamne bade Thande diL o dimaagh se socha hai ke Abhi to umre dono ki Aisi hi hain ke koi na koi dusri soorat bhi ban jayegi to kiyu ham Apni Zindagiyan barbaad karen ham Apne maa baap ko batana chahte the isse pehle  hamne Aapko batana munasib Samjha chunke  Aap hamari  Tarbiyat  ke Zimmedaar hain mene unse chand mint baat ki or Figure out kiya ke masLa kiya hai  Dar AsaL un dino unke kaam o karobaar ki position Acchi nahi chaL Rahi thi khawind  ke ek do mamLaat bhas gaye the kuch Adayigiyan Ruk gayi thi or wo Bahut Tension  me tha isliye  jab Daftar se ghar Aata tha to Bahut Sanjeeda hota tha Bivi  khana bana kar ghante do ghante se bhooki bethi hai khawind  Aayega me miL kar khana khungi jab khawind  ka chehra dekhti ke itna Serious to Nateeja ye nikaLti ke shayad  me Apne khawind  ko pasand  nahi hun or jab wo sochti ke me Apne khawind  ko pasand  hi nahi hun to use gussa Aata Chunke  wo khoobsoorat  bhi thi Nek bhi thi TaLeem Yafta bhi thi Acche gharane ki thi wo sochti thi mere Andar kiya kami hai ke khawind  meri Taraf pyaar se nahi dekhta Chunache  Bivi  peeche hat jaati khawind  wese serious  hota or dono ke darmiyan  ek dusre  ke saath phir khoob behas o mubahisa hone Lagta Mene unse kaha ke dekhen Aap Log Apna ye fesLa 6 maheene ke liye RokLen or me Aap Logon ko Ek Ek kaam Zimme Lagata hun Aap dono ne wo kaam karne hai phir 6 maheene  ke baad Aap sochna ke ham Aapas me ikhat'the Reh sakte hain ya Nahi unhone  ne kaha thik hai Chunache  mene khawind  se kaha Jab Aapne ghar Aana hai to Nabi e Akram SaLLaLLahu ALaihi wasaLLam ki sunnat par AmaL karna hai ke muskurate  chehre  ke saath Aao or Apne Ahle khana ko saLaam karo tumne is sunnat ko chora to uski bebarkati se tumhaare ghar ki khushiyan  Rooth gayi Jab  Aap ghar Aaya karo to business ki pareshaaniyan daftar me chor kar Aaya karo Bivi ka Qasoor nahi ke tumhara business  nahi chal Raha hai jab Aao to wo bechaari ghante do ghante  se intezaar  kar rahi hai Chehre  ke upar khushi ho khiLa hua chehra  ho insaan ki muhabbat  ke Aasaab chaLak Rahe hon wese to badi sunnaton ka khayaaL  karte ho is sunnat  ka khayaaL  kiyu nahi karte jab us nojawaan  ko ye baat Samjh Aayi to wo kehne Laga ji me is sunnat par zaroor  AmaL karunga Phir mene Bivi  ko kaha Ab Aapne bhi Ek AmaL karna hai ke jab khawind Aaye to Aapne hamesha  darwaze par khawind  ka istaqbaal karna hai or khawind  ko muskura  kar dekhna hai usne kaha thik hai  Mene kaha ye baat to thi jo mene Aapko sunnat  ke mutabiq  bataayi Ab is soorate HaaL me jab Aap Logon  ki tabiyaten ek dusre se itni door ho chuki hain khawind  ko ek AmaL or batata hun mene kaha Aap jab ghar Aaye to miya Bivi  hi to ghar me Rehte hain or to koi nahi to muskurate  chehre  ke saath Aayenge or jab ghar me Aayenge Bivi ko muskura  ke dekh kar uska bosa Lenge Ab ye Lafz  sun kar khawind  bada hairaan hua meri Taraf dekhne Laga mene kaha tumhaari  Apni Bivi  hai hairaan kiyu ho Rahe hain mene kaha ke tumhe nafLon ka itna sawaab nahi miLna jitna is bose par miLna hai khair  jab mene use zor de kar ye baat ki to usne diL ke saath keh diya ke bahut Accha mene usko khoob Taint kiya ke Agar tumne ye AmaL na kiya iska matlab  tumne us ghar ko Aabaad karne ke liye koshish  hi nahi ki or Zimmedaar  Aap honge wo kehne Laga Nahi ji me in sha Allah  us par AmaL karunga  Teen maheene ke baad dono ne haste muskurate  hue phone  kiya kehne Lage hame to yun Laga hai ke hamne ye Teen maheene honeymoon ki Tarah guzaare hain isliye  ke jab khawind  ghar muskurata hua Aata tha or Bivi  ko  (kiss) karta yani bosa leta tha or Bivi  muskurati thi to phir Saare ghar me muskuraten hi Aajati thi Arguments behas o takraar khatm hi ho jaati thi to kayin dafa ek chota sa AmaL Ujadte hue ghar ke Aabaad karne ka Sabab ban jata hai*

       
                       *PART-07*
            ┅┅━━═۞═━━┅

*⚃➠ (07)  SHOHAR KI NARMI SE BIVI KI ISLAAH*

*⚃➠ Mere pass Lahor ka ek nojawaan  Aaya intehaayi  nek Tahajjud guzaar muttaqi parhaizgaar usko be'at  hue ek SaaL hua tha Magar Allah RabbuL izzat  ne uski Tabiyat  me neki Rakhdi or wo khoob Taqve ki Zindagi  guzaar Raha tha Aaya to bade gusse me tha phoocha khair to hai kehne Laga bas kiya karun Bivi Aisi hai Deen ki Taraf  Aane ko bilkul  tayyar Nahi Na TV chorti hai Parde ka khayaaL  Nahi karti SaLaam Nahi karti ULta me deen ki baat karun to Aage se ULti baat kar deti hai Me Tang Aachuka hun Bas Hazrat  Aap mujhe  bataayen ke me kiya karun AsaL me wo Ab mujhse ijazat  Lena chahta tha ke ya to Bivi  ki pitaayi karun ya phir Bivi  ko mayeke Bhejdun mene usse baat ki or usse kaha Accha batao tumhaari  Shaadi kese hui Pata chaLa ye Sahab bhi ek SaaL pehLe wese hi the or dono  ki Aapas me Love marriage  thi dono  ka ek saaL tak Affair mashuqa chaLta Raha pasand  ki shaadi thi to mene use Samjhaya ke dekho  dono ka background  ek hi hai jesa tha farq ye hai ke Aapko nek mehfiL miLi to Aap ek dam badaL gaye Bivi  ko Na ye bayanaat miLe na ye sohbaten miLi  Na ye khair ki baat sunne ka moqa miLa to Bivi  kese itna jaLdi badaL jayegi wo to time  Legi to kiyu itna pareshaan hote ho kehne Laga bas me kiya karun bahut hi be'deen hai wo bahut hi Zada fasiqa hai wo Baar Baar Yahi baat kahe ja Raha tha mene kaha Accha me Aapke Zimme ek kaam Lagata hun ji bataayen mene kaha Accha ye bataayen kabhi Aapne khana khate hue Apni Bivi  ke muh me Luqma DaLa hai kehne Laga nahi mene kaha kiyu kiya ye Sunnat Nahi hai kehne  Laga accha sunnat hai mene kaha han bilkul  jao or khana khate hue mithaayi dabba Agar dastarkhan  par pada hua ho to usme se ek ghuLaab jamun utha kar uske muh me daaL dena Ab iski Saans jese Ruki hui hai or Meri Taraf  dekh Raha hai kiyu ke iski Tabiyat  me to Sakhti thi wo pitaayi ke moond me Aaya tha or Aage se usko koi or nuskha miL gaya wo Baar baar meri Taraf dekh Raha tha Hazrat  uske muh me daaLun to phir kiya karna ?? mene kaha jao or ja kar us par AmaL  karna ji Hazrat  phir mene uski khoob Acchi Tarah khabarLi or usko Samjhaya ke Deendar  Logon ki be'ja Tabiyat  ki Sakhti  Apni Biviyo'n  ko be'deen banane ka bada Sabab banti hain mene kaha ke ye kahan ka AkhLaaq  hai jo tum Samjhte ho bade  tum Iqamat e deen ki koshish  karte phirte ho jao pyaar se Raho or kaL mujhe Aakar batana ke muh me Luqma dala kehne Laga thik hai*

*⚃➠  AgLe din Aaya Ab chehre  par thodi si muskurahat thi poocha kiya hua kehne  Laga ji Hazrat  dastarkhan  Laga pehle  to me khana hi ALag kha Leta tha me pass betha khana khane Laga khane ke doraan mene ghuLaab jamun uthaya or Bivi  ki muh ki Taraf jo kiya to Bivi  hairaan mene usse kaha ke me Aapke muh me ghuLaab jamun Rakhna chata hun kehne Laga khair usne kha liya Lekin  ek dam uski HaLat badaL gayi kehne Lagi ye tumne kahan se Seekha to mene kaha ke mujhe Aaj pata chaLa ke ye Sunnat  hai wo kehne  Lagi Accha Sunnat itni Acchi hoti hai Chunache  usne deen ki baaten poochni shuru kardi or dastarkhan  se uth kar usne us waqt  ki jo Namaz thi usko padhi jab khawind  ki itni si muhabbat  dene par Bivi deen ke Qareeb Aagayi or chand dino me wo Sharee parda karne waLi Tahajjud  guzaar Ladki ban gayi khawind  Agar muhabbat  o pyaar se Rahe to Bivi  kiyu nahi uski wajah se Apni Zindagi  badLegi ?? Umuman Darmiyaan me koi na koi masLa hota hai jo Rukawat banta hai*

*⚃➠ In waqiyaat se hame ek or Sabaq miL jata hai jo hazraat  sunnat ko haLka Samjhte hain wo kabhi sakoon ki Zindagi Nahi jee sakte sakoon ki  Zindagi  Agar guzaarni hai ghar me khushiyan  Laani hai to sunnaten Zinda karo Allah RabbuL izzat  ham sabko Tamaam  sunnaton to AmaL karne ki tofeeq Ata farmaaye Aameen ya RabbuL AaLameen*

                       *PART-08*
            ┅┅━━═۞═━━┅

*⚃➠ (08) DILO'N KO AELFI SHARIYAT*

*⚃➠  Ye bhi Aksar dekha hai ke nek or Deendar  Logon ke gharo'n me Aapas me Muhabbat  o pyaar hota hai ye deen diLo ko jodta hai Allah RabbuL izzat  farmaate hai ke jo Log imaan La kar nek AamaaL karen Allah RabbuL izzat  unke diLon me Muhabbaten bhar dete hain isliye  me nojawaan  baccho ko Samjhata hun ke Agar tum pursakoon zindagi  guzaarna chahte ho to gharon me deen ka mahoL peda karLo deeni mahoL ki wajah  se diLo me Muhabbaten peda ho jayengi*

*⚃➠  Kayin nojawaan  Aaye ji kiya karen ham miya Bivi ki banti Nahi kiyu ?? Bas ji hamare diL ek dusre se bahut khatte ho gaye hain mene kaha tum diLo ki AeLfi istemaaL karo Ab wo mujhe hairaan ho kar dekhne Lage ke kon si AeLfi istemaal  karen mene kaha han AeLfi cheezon ko Aapas me jodti hai isi Tarah ek AeLfi  diLo ko bhi jod deti hai or wo AeLfi Shariyat hai tum jao or deen waLi Zindagi  guzaara shuru karo Allah RabbuL izzat  Bivi  ke diL ko is Tarah jod denge jese AeLfi  do cheezon ko Aapas me jod deti hai*

*⚃➠  Or waaqi jo muhabbaten jo pyaar deendaar  jode Aapas me karte hain fasq o fujoor me Zindagi  guzaarne waLon ko uska pata bhi nahi  Lekin  kabhi kabhi aisa hota hai baaz deendaar  nojawaano me Tabiyat  ki Sakhti Aajati hai ye khushk muLLa toba toba aisa Ajeeb haaL hota hai ke bas har waqt  Ro'ab chaLa Rahe hote hain unko Lehja badaL kar baat karne ki Aadat ho jaati hai ye Normal moond me baat hi nahi karte*

*⚃➠  Mere bhaiyon Allah RabbuL izzat  ne mard ko ghar me bada maqaam diya Magar iska matlab  ye Nahi ke bas Ab tum Danda hi chaLana Seekho Tum Apni Position ka khayaaL Rakho or ye dekho ke Nabi e Akram SaLLaLLahu ALaihi wasaLLam ne kiya farmaaya  Nabi e Akram SaLLaLLahu ALaihi wasaLLam  ne irshad farmaya  tumme Sab se behtar wo hai jo Apne AhLe khana ke liye behtar hai*

                       *PART-09*
            ┅┅━━═۞═━━┅

*⚃➠ (09) •EK KHATOON KA ANOKHA ANDAZ E SHIKAYAT*

*⚃➠ Chunache  Sayyadna Umar Farooq Raziyallahu Anhu  ke pass Abi bin ka'ab RaziyallahuAnhu  Tashreef farma the Ek khatoon  Aayi or Aakar kehne Lagi AmeeruL mumineen Mera khawind  Bahut nek hai Sari Raat Tahajjud  padhta Rehta hai Or Sara din Roza Rakhta hai or ye keh kar khamosh ho gayi Hazrat  Umar RaziyaLLahu Anhu  pade hairaan ke khatoon  kiya kehne Aayi hai usne phir Yani baat dohraayi ke mera khawind  bahut nek hai Saari  Raat Tahajjud me guzaar deta hai or Sara din Roza Rakhta hai is par Abi bin ka'ab Raziyallahu Anhu  boLe Aye AmeeruL mumineen  usne Apne khawind  ki bade Acche Andaaz me Shikayat  ki hai kesi shikayat  ki AmeeruL mumineen  jab wo Saari Raat Tahajjud  padhta Rahega Or Sara din Roza Rakhega to phir Bivi ko kab waqt  dega to ye kehne Aayi hai ke mere khawind  nek to hain magar mujhe  waqt  Nahi dete*

*⚃➠ Chunache  Hazrat Umar RaziyaLLahu Anhu ne uske khawind  ko buLaaya to usne kaha han me mujahida karta hun ye karta hun wo karta hun Hazrat  Umar RaziyaLLahu Anhu  ne Hazrat Abi bin ka'ab Raziyallahu Anhu  se kaha ke Aap inka fesLa karen Hazrat ka'ab  RaziyallahuAnhu ne un Sahab se kaha ke dekho Shar'an Tumhare  liye Zaroori  hai ke tum Apni Bivi  ke Saath waqt guzaaro hansi khushi uske saath Raho or kam az kam Teen din ke baad Apni Bivi  ne hambistari karo khair  wo Miya bivi  to chaLe gaye to Hazrat  Umar RaziyaLLahu Anhu ne Abi bin ka'ab Raziyallahu Anhu se  poocha Aapne ye shart  kiyu Lagayi ke har teen din ke baad Bivi  se miLaap karo Unhone  kaha dekhe Allah RabbuL izzat  ne mard ko Zada se Zada 4 Shadiyon ki ijazat  di chunanche  Agar chaar Shadiyan hon to Teen din ke baad phir Bivi ka din Aata hai to mene usse  kaha ke tum Zada se Zada Teen din ibadat  kar sakte ho Teen din ke baad Ek Din Raat tumhaari  Bivi ka haqq hai Tumhe guzaarna  padega To dekho Shariyat  insaan ko kiya khoobsoorat  Baaten batati hai*

                       *PART-10*
            ┅┅━━═۞═━━┅

*⚃➠ (10) NABI E AKRAM SALLALLAHU ALAIHIVASALLAM KA APNI AZWAAJ E MUTAHIRAAT SE RAVAYYA*

*⚃➠  Ek martaba Eid ka din tha Bahar kuch habshi nojawaan  kheL Rahe the Do'd Rahe the Nabi e Akram SaLLaLLahu ALaihi wasaLLam  ne  Hazrat Aaisha  siddiqa Raziyallahu  Anha se farmaya  ke Aaisha  kiya Aap ye kheL dekhna Chahogi farmaya ji dekhna Chahungi to Aap Sallallahu Alaihivasallam  is Tarah khade hue ke Hazrat  Aaisha  siddiqa  Raziyallahu  Anha ko Apni ot me Le Liya or Aap sallallahu alaihivasallam  ke baazu par Hazrat  Aaisha  siddiqa  Raziyallahu anha ne Apni thodi Rakhi or is Tarah wo kheL dekhne Lagi Nabi e Akram SaLLaLLahu ALaihi wasaLLam  kuch der baad poochte hain Tum dekh Rahi ho bas karen Farmaya  Nahi Abhi or dekhna Chahti hun Do Teen martaba  aisa hua Nabi e Akram SaLLaLLahu ALaihi wasaLLam ne farmaya  tumhe ye kheL Bahut Accha Laga Ab dekhiye Allah RabbuL izzat ke pyaare Habeeb  SaLLaLLahu ALaihi wasaLLam parde ki Aayat NaziL hone se pehle  ye kheL khud Apni Bivi  ko dikha Rahe hain*

*⚃➠  Chunache  Hazrat  Aaisha siddiqa Raziyallahu Anha  ko Nabi e Akram SaLLaLLahu ALaihi wasaLLam  ne  No (9) Aurto'n  ki kahani sunaayi ke kuve par paani bharne ke Liye No Aurten  ikhat'thi hui Ek ne kaha tum Aaj bilkul  khari khari baat suna do to ek ne kaha mera khawind  aisa hai wesa hai dusri  kaha mera khawind  Aisa Teesri  ne kaha mera khawind  aisa Ab dekho  Allah RabbuL izzat  ke Habeeb  Nabi e Akram SaLLaLLahu ALaihi wasaLLam  ne Apni Bivi ko un Aurto'n  ki kahani sunaayi or farmaaya ke unme se ek Aurat  umme Zara thi usne Abu Zara ke bare me kaha wo mujhe  itni muhabbat  se Rakhta hai wo mujhe  itna khiLata hai usne mujhe sone se Laadh Diya usne mujhe itni muhabbat  di ye baaten suna kar Nabi e Akram SaLLaLLahu ALaihi wasaLLam ne farmaya  Aaisha  Abu zara umme Zara se jitni muhabbat  karta tha me usse zada tumse muhabbat  karta hun Ab bataayen khawind  Agar aisi baat Bivi  se karega to uski Zindagi  me to khushiyan  Aajayengi usko to Apna ghar basta hua Nazar Aayega*

*⚃➠ Nabi e Akram SaLLaLLahu ALaihi wasaLLam ki Sawaari ek martaba  Ja Rahi thi Hazrat  Aaisha  siddiqa Raziyallahu Anha dusre oont par Sawaar thi Allah RabbuL izzat  ki Shaan wo oont bhaag gaya Nabi e Akram SaLLaLLahu ALaihi wasaLLam ne jab dekha wo oont bhaag Raha hai to farmaya  Haaye Meri duLhan Ab Andaza Lagaayen Ke Allah RabbuL izzat ke  habeeb Sallallahu Alaihivasallam ka wo Shaadi ka din Nahi tha SaaLon guzar Gaye the Shaadi ko us waqt  jab Hazrat  Aaisha siddiqa Raziyallahu Anha  ka oont bhaga Tezi ke Saath to Nabi e Akram SaLLaLLahu ALaihi wasaLLam ne farmaya  Haaye Meri duLhan to Jab Khawind  is Tarah Bivi  ke Saath pyaar kare to Bivi kiyu Nahi ghar ko Aabaad  karegi*

*⚃➠ Anjusha Sahabi Raziyallahu Anhu  khawateen ke oonto ki muhaar pakad ke chaL Rahe the to unhone  Zara Tez chaLna shuru kar diya unke peeche  oonto ne bhi bhaagna shuru kar diya Nabi e Akram SaLLaLLahu ALaihi wasaLLam ne  jab dekha  ke  oont Tezi se bhaag Rahe hain to Anjusha  Raziyallahu Anhu  ko farmaaya ke oonto ko Aahista chaLao unke Upar hamare Aabgehne Sawaar hain jese sheeshe ki bani hui cheez ko Zara Nazukh hone ki wajah se handle  karna chahiye  to Allah RabbuL izzat ke pyaare  Habeeb SaLLaLLahu ALaihi wasaLLam ne ye ALfaaz istemaal  kiya Aap sochiye jo Allah RabbuL izzat pyaare Habeeb SaLLaLLahu ALaihi wasaLLam oonto ko tez chaLa kar bhi unko Takleef  dena nahi chahte or wo Apni Biviyo'n  ko kitna khush Rakhte honge Chunache  Hazrat dr AbduL wahi Sahab Rm ki Bivi  unke baare me farmaya  karti thi ke unhone  ne poori Zindagi  kabhi mujhse Lehja badal kar baat nahi ki kiya husn e muaashirat hai kiya husn e AkhLaaq hai farmati hain Naraaz  hona gussa hona to badi door ki baat hai unhone  ne kabhi mere saath Lehja badaL kar baat nahi ki hamesha  muhabbat o pyaar  ke Lehje me baat kiya karte the*
       
                       *PART-11*
            ┅┅━━═۞═━━┅

*⚃➠ (11) SHAADI SE PEHLE  OR BAAD NOJAWAANO  KI SOCH ME FARQ*

*⚃➠ Ye nojawaan  jab kuwaare hote hain us waqt  unki Sab se badi Tamanna  hoti hai ke Shaadi ho jaye Bivi miL jaye Ek Dusre ke pass beth'te Hain ji Bivi ke baghair koi zindagi  Nahi ( No life without wife ) us waqt  unko Bivi ka intezaar hota hai Har waqt  wahi sochen har waqt  wahi baaten wahi nojawaano ka hansi mazaakh us waqt  Samjhte hain pata Nahi ye kiya niyamat hai Allah RabbuL izzat  mujhe JaLdi se de de Chunache  Ek nojawaan  kehne Laga ke mujhe  maut se Muhabbat  hi isliye  hai ke wo Aati hai Aata Nahi hai to jab kuwaare  the itna shonq ke haaye Allah  mujhe  ye Niyamat  de de or jab wo Bivi ghar me Aajati hai to Ab usko Nani Yaad Aajati hai Sakhtiyan yaad Aajati hain us waqt  bhi muhabbat  o pyaar Se Rahe*

       
                       *PART-12*
            ┅┅━━═۞═━━┅

*⚃➠ (12) BAAZ SHOHAR DIL JALATE HAIN*

*⚃➠ Or Aaj kaL ke khawind  to diL jaLate hain Shaadi hui or bas kayi Log to aise hote hain jo khud fasq o fujoor  me pad jaate hai ghair Aurto'n  ki Taraf  mutawajjah ho jaate hain miya bivi  me jhagdo ki pichattar feesad jo wajuhaat hain unme se ek wajah ye hai ke shaadi ke baad nojawaan  mard ghair Ladkiyon  ke saath Envoleve  ho jaate hain or Apni Bivi ko Ignore  karte yani Nazar Andaaz kar dete hain ghar waqt  Nahi dete ghar Aate hain to unko neend Aayi hui hoti hai Bivi  se baat karne ki fursat  nahi hoti wo baat bhi karti hai to do Lafzon me jawaab de dete hain kahin bethe hote hain Bivi  phone  karti hai Accha tum mujhe  kaam karne Nahi de Rahi ho or kaam kiya hote hain bethe massage  kar rahe hote hain ye kis Qadar zuLm hai jis ko ye nikaah ke baad Apne ghar Laya jin muhabbaton ki wo haqdaar thi Ab usne wo muhabbaten ghair Ladki ke liye istemaal  karni shuru kardi Kehte hai na jab jee bhara hua hota hai to Agar kisi ke Samne biryaani bhi Rakhdo to uska jee Nahi chahta kitni bhi Acchi cheez Rakhdo baLke hath lagane ko bhi diL nahi karta unka yahi haaL hota hai ke bahar phone  kar ke baaten kar ke miss you  me tumhaare  baghair Nahi Reh Sakunga keh kar Apni muhabbaton ke jazbe poore kar ke Aate hain to Bivi biryaani ki tarah bhi ho to bhi unka diL dekhne ko Nahi karta ye un jhagdon ki bunyaadi wajah hai nojawaan  Ladko ko chahiye  ke wo Apni Zimmedaariyon ko dekhe ghar me Aakar unka diL na dukhaaye baLke dar guzar se kaam lena chahiye*

       
                       *PART-13*
            ┅┅━━═۞═━━┅

*⚃➠ (13) BIVI KI NAAZ BARDAARI BHI HONI CHAHIYE*

*⚃➠ Shariyat  ne kaha hai ke Bivi ka chunke khawind  ke Saath pyaar ka Ta'alluq  hota hai Ab us muhabbat  me Kayi martaba  Bivi me Naaz bhi Aajata hai to AytadaaL ke saath Bivi ke Naaz ko bardaasht  kar Lena Chahiye  or us Par Sabar kar Lena chahiye*

*⚃➠ Chunache  Allah RabbuL izzat ke pyaare Habeeb SaLLaLLahu ALaihi wasaLLam or Hazrat  Aaisha siddiqa Raziyallahu Anha ke darmiyaan  koi baat ho gayi Abhi ye baat chaL Rahi thi ke udhar Se Siddeeq e Akbar Raziyallahu Anhu  Tashreef  Le Aaye Nabi e Akram SaLLaLLahu ALaihi wasaLLam ne farmaya  Abu bakar  Siddeeq RaziyaLLahu anhu  tum Acche waqt  par Aaye Aao ham tumhe kehte hain ke tum hamare darmiyaan  ek baat ka fesLa karo to Siddeeq e akbar Raziyallahu Anhu ne farmaya  thik hai ji to farmaya  ke kon baat karega to Nabi e Akram SaLLaLLahu ALaihi wasaLLam ne farmaya ke me baat karta hun me batata hun ke kiya hua to Hazrat  Aaisha siddiqa Raziyallahu Anha  Zara gusse me thi kehne Lagi ke han thik hai Aap hi baat karen magar thik thik baat karen Ab jab Abu bakar  Siddeeq RaziyaLLahu anhu  ne ye suna ke baat Aap farmaye lekin  thik thik baat karen to unhone  Hazrat  Aaisha siddiqa Raziyallahu Anha ko ek Zor ka Thappad Lagaya kehne Lage Teri maa Roye kiya Allah RabbuL izzat ke pyaare Habeeb SaLLaLLahu ALaihi wasaLLam thik baat Nahi karenge Ab jab thappad  Laga to beti thi jaLdi se Nabi e Akram SaLLaLLahu ALaihi wasaLLam  ke peeche chup gayi ke Dusra na Lag jaye*

*⚃➠ Nabi e Akram SaLLaLLahu ALaihi wasaLLam  ne farmaya  Abu bakar Siddeeq RaziyaLLahu anhu hamne Aapko fesLe ke liye buLaya tha ye to nahi kaha tha ke maarna shuru karden Aap jayen ham Apna mamLa khud Samet Lenge chunanche  Hazrat  siddiq e Akbar  Raziyallahu Anhu chaLe gaye jese hi wo gaye Hazrat  Aaisha siddiqa Raziyallahu Anha  Aapke perche se Dusri Taraf Aayi Nabi e Akram SaLLaLLahu ALaihi wasaLLam ne muskura  kar dekha or farmaaya  dusre thappad  se mene hi tumhaari  jaan bachaayi h Na itni si baat par phir pyaar o muhabbat  ki Zindagi*

*⚃➠ To maLoom hua ke Biviyaon ke Saath TahammuL mizaaji ke saath Rehna chahiye  or AytadaaL ke saath unke Naaz o nakhre ko bardaasht  kar lena chahiye*

                       *PART-14*
            ┅┅━━═۞═━━┅

*⚃➠ (14) SAAS KE SOCHNE KA AJEEB ANDAAZ*

*⚃➠ Ab Saas ko ye cheez buri Lagti hai Magar wo Apni Zindagi  par Nazar dodaaye ke jab wo bahu thi  to wo kitne Naaz kiya karti thi Ab chunke boodhi ho gayi isliye  usko ye Sab cheezen Acchi Nahi Lagti phir wo bete ko Samjhaati Rehti hai ke kiya tumhaari  Bivi bani Rehti hai Tum Bivi  ke saath bethe Rehte ho AsaL me wo Nahi boL Rahi hoti bechaari ka budhapa boL Raha hota hai to me Samjhta hun Saas bhi bechaari beqsoor hi hoti hai Khud Nahi boL Rahi hoti uska budhapa boL Raha hota hai Agar  wo is Umar me hoti jis umar me Ab ye bacche or bachiyan hain to iski soch bhi mukhtalif  hoti*

                       *PART-15*
            ┅┅━━═۞═━━┅

*⚃➠ (15) HAZRAT  MOLANA ASHRAF ALI THANVI RM KA APNI BIVI SE RAVAYYA*

*⚃➠ Hazrat thanvi Rm farmate  hain ke AwLaad na hone ki wajah se Dusri  Shaadi karni padi to Biviyo'n  ke Andar ek dusre  ke saath Aapas me mamLa chaLta hi hai kabhi ye Naraaz  to kabhi wo Naraaz  farmate  hain ke kayi martaba  aisa hota ke me ek ghar jata to darwaze  ko kundi Lagi hui hoti wo khoLti hi nahi thi to me wahi darwaze par musaLLa bicha kar Namaz  padh Leta or wapas  Aajata tha Ye hakeem UL ummat Rm hain jinko Allah RabbuL izzat  ne iLm ka Samandar banaya tha*

*⚃➠ Farmate  hain ke ek martaba  meri badi ghar waaLi kahin jaane Lagi or mujhe  keh gayi ke ghar me murghiyan paaLi hui hain to unko Apne waqt  par dana paani daaL dijyega  mene kaha bahut  Accha farmate hain mujhe  baat hi bhooL gayi Ab me Tafseer bayanuL Qur'aan  likhne betha to koi mazmoon  warid Nahi ho Raha Badi Allah RabbuL izzat  se toba ki duayen mangi magar tabiyat me koi insharah hi nahi ho Raha Aamd ka siLsiLa bilkul  band tha kaafi der ke baad faramane Lage ke ho na ho mujhse  aisi koi kotaahi hui gunaah hua jis ki wajah se jo Roz mujhpar iLm Aata tha Allah RabbuL izzat  ne mujhe us marifat se mehroom kar diya kehne Lage me beth kar sochne Laga to Achanak mujhe khayaaL  Aaya Oh mene to murghiyon ko Aaj dana hi nahi daLa unko paani diya jab murghiyon  ne wo paani piya or dana khaya Allah RabbuL izzat  ne mazameen phir warid karne shuru kar diye or phir mene Aakar Allah RabbuL izzat  ke Qur'aan  Shareef ki Tafseer  likhi*

*⚃➠ Agar murghiyon  ko takleef  pohche to Allah RabbuL izzat  Apni marifat  ke iLm Rok lete hain jo Apni Bivi  ka diL dukhaayega Allah RabbuL izzat  ki marifat  kese paayega  ?? To deendaar Logon ko is baat ka khayaaL  Rakhna Chahiye*

                       *PART-16*
            ┅┅━━═۞═━━┅

*⚃➠ (16) BIVI KO MAAF KARNE PAR EK SHAKHSH  KI BAKHSHISH*

*⚃➠ Hazrat thanvi Rm  ne ye waaqiya likha hai ke ek Shakhsh ki Bivi se koi ghaLti  kotaahi ho gayi Ab wo use Saza deta to haqq bijanib tha Magar usne usko Allah RabbuL izzat ki bandi Samjh kar maaf kar diya kuch Arse baad khawind  ki wafaat ho gayi kisi ne khaab me poocha sunao kiya hua ?? kehne Laga Allah RabbuL izzat  ke huzoor me peshi hui farmaya  ke tune us moqe par Apni Bivi  ko meri bandi Samjh ke maaf kar diya tha Aao Aaj me tumhe Apna banda Samjh kar maaf kar deta hun isse Andaza lagaye Allah RabbuL izzat  is baat ko kitna pasand  karte hain isliye  maaf karne ki Aadat  daLo kiyu ke Allah RabbuL izzat  maaf karne waLon ko pasand  karta hai*

                       *PART-17*
            ┅┅━━═۞═━━┅

*⚃➠ (17) ABU HASAN KHARQAANI RM KI KARAMAT*

*⚃➠ Chunache  abu hasan kharqaani Rm Sher ki Sawaari kar ke Aa Rahe the kisi ne poocha hazrat  ye karamat Aapko kese miLi ke Sher par Sawaar hote hain farmaane Lage ghar me meri Bivi Tez mizaaj ki hai me uski TaLkh mizaaji par Sabar kar Leta hun to Allah RabbuL izzat  ka sher mere bojh ko Uthaane par Sabar kar leta hai*

       
                       *PART-18*
            ┅┅━━═۞═━━┅

*⚃➠ (18) HAZRAT MIRZA MUZHIR JANE JANA RM KO MAQAAM KESE MILA ?*

*⚃➠ Hazrat  mirza muzhir jane jana Rm bahut hi Zada nazukh mijaaz the unke waqiyaat  bahut hi Zada hain Magar Roohani maqaam itna tha ke Shaah waLiuLLah Delhivi Rm Farmate  the Allah RabbuL izzat  ne mujhe aisa kashf diya ke me poori Duniya  ko is Tarah dekhta hun jese hatheLi par pade hue kisi daane ko dekhta hun ye Shaah waliuLLah  muhaddis Delhivi Rm ne likha h or farmate  hain us kashf ke hasiL hone ke baad me kehta hun ke is waqt poori duniya  me mirza muzhir jsne jana Rm jesa dusra koi buzurg  mojood  nahi to jinke baare me ek muhaddis  mufassir ye keh Raha ho us Mirza  muzhir  jane jana Rm ko jo maqaam  mila uaki bunyaadi  wajah ye thi unki Bivi Zara Tez Zabaan thi baat baat par sakht Lafz boL deti thi to unhone  ne apni Bivi  ki is Iza yani takleef  par Sabar kiya Allah RabbuL izzat ne usko wiLayat ka itna bada maqaam  Ata farma diya*

*⚃➠ Chunache nabi e Akram SaLLaLLahu ALaihi wasaLLam ne irshad farmaya  kareem Logon par ye ghaLib Aajati  hai or kameene Log un par ghalib  Aajate hain*

*📁Ref RoohuL maani /5/14*

*⚃➠ Me ye pasand  karta hun ke me kareem banu Agar che maghLoob ho jaun Lekin  ye pasand  nahi karta ke bad'AkhLaaq banu or un par ghaLib Rahun*

*⚃➠ To kareemi ko or Narmi ko itna pasand  farmaya  ke me chahta hun ke me kareem ban kar Rahun Agar che meri Bivi mujhpar GhaLib hi kiyu na Aajaye ye Allah RabbuL izzat ke  pyaare Habeeb SaLLaLLahu ALaihi wasaLLam ne farmaya hai*

       
                       *PART-19*
            ┅┅━━═۞═━━┅

*⚃➠ (19) BIVI KO KUCH ZAATI KARCHA BHI DENA CHAHIYE*

*⚃➠ Baaz auqaat  jhagde ki ek bunyaadi  wajah  ye bhi hoti hai ke khawind  Apni Bivi ko kharch ke liye munasib  paise Nahi dete karobaar bhi hai magar ghar me kanjoos bane hue hote hain Ab Zaroorat  ki cheez bhi Na La kar dena ya Bivi kahe ghar me faLan cheez ki Zaroorat  hai or wo bhooL hi jana Mardon ka Shewa hai to Yaqeenan  jhagda hoga to AytadaaL  ke saath uski Zaroorat  ko poora karna usko kapda jooti Le kar dena Zaroorat  ki cheezen Le kar dena Accha khana Le kar dena Ye khawind  ka farz mansabi hota hai Shariyat  ne ye kaha hai ke ghar ke kharch ikhrajaat to Apni jagah  Apni haisiyat ke itbaar se khawind  har maheene Bivi ka jeb kharch muta'iyyan karde or Dene ke baad usko bhooL jaye uske bare me ye na soche ke kahan Lagaya Shariyat  ka husn dekhiye  Shariyat  ki khoobsoorti  dekhiye  kiyu?? isliye  ke Bivi ke Apne to Zaraye Aamdani hote Nahi hain use to khawind  par inhisaar karna padta hai Ab khawind  use ek paisa bhi Zarooriyat ke Liye nahi deta to Zaati Zaroorat  ki cheezen wo kese Le Sakegi ??*

*⚃➠ Phir uske pass uski behan ka beta Aaya bhai ka beta Aaya koi baccha Aaya ye khaLa hai phoopi hai iska bhi jee chahta hai me kisi ko khiLona le kar dun kisi ko gift  le kar dun pyaar se kisi ko hadya dun to kiya ye Apne khawind  se har waqt  bheek mangti Rahegi to Shariyat  ne kaha hai ke Bivi ke Liye Apni haisiyat  ke itbaar se jeb kharch muta'iyyan  kardo usko kharcha dena shuru kardo Magar uske baare me mat poocho ke usne kahan kharch kiya ho sakta hai uska diL chahe to wo Apni kisi ghareeb padosan kisi ghareeb seheLi  ki madad karna chahe Allah RabbuL izzat ke  Raste me kharch karna chahe to wo kar sake to Shariyat  kehti hai ke AytadaaL  ke saath Biviyon ko kharch dena zaroori  hota hai Chunache  khawind  ko chahiye  ke Apni biviyon ka mahana muta'iyyan  karen*

*⚃➠ Chand din hue ek Business  man ke pass bethe hue the to baat karte karte wo kehne Laga ke Hazrat  bivi  bahut mehgi hoti hai is baat ko sun kar mujhe hairaani hui ke Allah RabbuL izzat ne us bande ko itna diya ke mere khayaaL me Agar ye chaahe har maheene Lakho kharch kar sakta hai magar uski baat dekhen ke kehne Laga Hazrat  Bivi  bahut mehgi  hoti hai paise ki muhabbat  ka ye haaL Allah hu akbar*

                       *PART-20*
            ┅┅━━═۞═━━┅

*⚃➠ (20) BIVI KO APNE MAA BAAP SE MILNE ME RUKAAWAT NA DAALE*

*⚃➠ Ek jhagde  ki wajah ye bhi hoti hai  ke jab Shaadi ho jaati hai to khawind  Apni Bivi ko Apne maa baap se bhi kayi Dafa miLne ki ijazat  Nahi dete bas jee kaam hai bas masroof  hain kabhi gusse se Rok dete hain kabhi pyaar se mana kar dete hain ek khawind  hafiz Sahab the 9 SaaL se Apni Bivi ko Apne maa baap se miLne Nahi diya khud imaraat me Rehte the or uske maa baap India  me the Ab wo bacchi Aalima bhi hai Acchi ibaadat  guzaar bacchi magar diL se itni dukhi haLanke khawind  bhi deendaar  tha Bivi  jab kehti mera bahut diL chahta hai me Ammi ke pass jaun to wo kehte kiya karogi mera tumhaare  baghair guzara  Nahi hota mujhe  Andaza hua to mene unko kaha hafiz Sahab 9 saaL guzar gaye Beti hai uska bhi diL chahta hai ke me Ammi abbu se miLun To Aap jaane den to kehne Lage kiya karun mujhe  uske baghair  neend Nahi Aati mene kaha bahut Accha tumhe Neend  Nahi Aati Ab Apni job  se Ek maheene ki chutti Lo or khud bhi uske Saaath jao or ek maheene wahin par Raho Ab hafiz Sahab  ki Aankhe khuLi chunanche  jab usne dekha ke Hazrat Sahab serious  hain Ab usne waaqi Ek hafte ki chutti Li or Apni Bivi ko Le kar gaya or ja kar Apni Bivi  ko waliden se miLa kar Laya jab ke un 9 SaaLon me wo 24so Baar Apne waliden  se miL kar Aaya tha to Apne waliden  se miLne ka waqt  hai us waqt  Neend  kese Aajaati hai Bhai ye bewaqoofiyan hoti hain ke Apne mehram Rishtedaaron se maa baap se behan se bhai se bhi usko miLne na dena hamne ghar me koi jaanwar paLa hua hai usko insaan Samjhye or uski Zarooraton ko mehsoos  kijye ye khawind  ki zimmedaari  hoti hai Yaad Rakhen ke Shaadi se pehle  khawind  ke Ek maa baap hote hain or shaadi ke baad Ab Saas Sasur ke Liye bhi maa or baap ka hukm hai Agar ye usko uske maa baap se miLne Nahi de Raha to goya Apne maa baap se miLne Nahi de Raha*

       
                       *PART-21*
            ┅┅━━═۞═━━┅

*⚃➠ (21) JHAGDON KI EK BADI WAJAH BUDHAPA*

*⚃➠ Phir Shaadi ke jhagdon me ek badi wajah budhapa hota hai ye ek Ajeeb Zindagi ka waqt hota hai Jisme Tabiyaton ke Andar Bahut Zada Sakhti Aajati hai or Tabiyaten Has'saas ho jaati hain Chunache Agar Aurten boodhi hon ya mard boodhe hon Zara Zara si baat par Naraaz ho jaate hain hamne baaz boodhon ko dekha hai ke wo hawa ko ghaLiyan De Rahe hote hain Tabiyaten aisi has'saas ho gayi*

*⚃➠ Hamare Hazrat Rm farmaaya karte the ke ek boodha Doctor ke pass gaya kehne Laga Doctor sahab meri binaayi kamzor ho gayi hai usne kaha budhaapa hai Doctor Sahab mere teen chaar daant bhi gir gaye usne kaha budhapa hai Doctor Sahab mujhe Uncha sunta hai usne kaha budhaapa hai Doctor Sahab mujhe khana bhi hazam nahi hota usne kaha budhapa hai Doctor ne baar baar kaha ke budhapa hai to boodhe miya ko gussa Aaya uske kaha ye kiya har baat par Budhapa  hai budhapa  hai doctor  ne kaha bade miya ye gussa bhi budhape ki wajah  se hai*

*⚃➠ To budhape me bande ki tabiyat aisi ho jaati hai miya bivi  ki Aksar Ladaayiyan is umar me hoti hain jab unko ek dusre ki Tab'ee Zaroorat  kam ho jaati hai yani ek dusre  ki Zaroorat  nahi Rehti to unke ye jhagde  bahut badh jaaate hain*

*⚃➠ Chunache  ek Sahab ne kaha ke jab meri Shaadi hui to me boLta tha or meri Bivi sunti thi phir bacche ho gaye or Maa ke vote  badh gaye phir Bivi  boLti thi or me sunta tha phir ham dono boodhe ho gaye to phir ham dono boLte the Or mehaLLe waLe sunte the to budhape  ki Ladaayiyan Aisi hoti hain*

*⚃➠ Shariyat  ka husn o jamaaL dekhiye ke Shariyat  ne miya Bivi ke ta'alluq  me 2 Alfaaz istemaal  kiye irshaa farmaya*

*◑ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ  (30:21)*

*⚃➠ Allah RabbuL izzat ki  Nishaaniyon me se ye hai ke usne tumme se tumhaare  liye joda banaya take tum usse sakoon  hasiL kar sako or tumhaare  darmiyaan  mavaddat o Rehmat Rakhdi beshak  usme Nishaaniyan  hain AqaL waLon ke liye   (30:21)*

*⚃➠ Mufassireen  ne likha hai mavaddat  jawaani me hoti hai jawaani  ki umar  me ek Dusre  ki Zaroorat  hoti hai miya bivi  Lad bhi padte hain to Raat me phir ek ho jaate hain miya bivi  Naraaz  bhi hote hain to ek dusre  ki Zaroorat  unko phir manwane par majboor  kar deti hai ye mavaddat  hoti hai*

*⚃➠ Lekin  jab boodhe  ho jaate hain to ek dusre  ki jo tab'ee Zaroorat  hoti hai wo to Nahi Rehti wo Ta'alluq  to bahut kamzor ho jata hai to Ab dono  ko jodne ke liye kiya cheez  hai to Farmaya  tumhaare  darmiyaan  Rehmat ka Ta'alluq  bhi Rakh diya Rehmat ka kiya matlab ?? ke khawind  Agar boodha ho gaya to Bivi  ye soche ke me Jab Aayi thi to ye kitna nojawaan  tha usne kamaya usne ghar banaya uske bacche hain usne mujhe  khushiyan  di or mujhe  khushiyan  de de kar Ab ye boodha ho gaya Agar uski Tabiyat  me Sakhti Aa bhi gayi hai to jese ek bimaar  Aadmi  ke saath banda deeL karta hai to mujhe  uske itne saaLon ki muhabbaton ka badLa dena hai or budhaape me uski khidmat  karni hai*

*⚃➠ Or farmaaya  ke khawind  ye soche  ke ye jab mere pass Aayi thi ye kis Qadar  nojawaan  or khoobsoorat  Ladki thi phir  yahan Aakar uske bacche hue or uska ye haaL ho gaya ke boodhi ho gayi us Ladki  ne Apni jawaani   meri khidmat  karte karte guzaar  di or budhape  ko Aagayi Ab us budhape me Uski Tabiyat  me TaLkhi hai Tezi hai koi aisa masLa hai to usne Apne Aap ko meri hi khatir boodha kiya hai to mujhe  uska Lihaz to Rakhna hai jawaani   me dono ne Jo itne saaL ek dusre  ko Muhabbaten di Farmaya  ke uska Lihaz  karte hue ek dusre  ka khayaaL  Rakhna chahiye usko Rehmat  kehte hain to budhape  me Agar Rehmat  ka khayaaL  Rakhen or kahen ke ji han hamne itni Acchi  Zindagi  guzaari hai to budhapa  to hame ek dusre  ke saath Accha hi guzaarna chahiye  to Yaqeenan  diLo me ek dusre ke khiLaaf Nafraten khatm ho jayengi*

                       *PART-22*
            ┅┅━━═۞═━━┅

*⚃➠ (22) JANNAT ME NAHI JANA*

*⚃➠ Ye budhaape ki Nafraten  itni hoti hain ke toba toba Baaz dafa to aisi soorate haaL hoti hai ke mere khayaaL me Agar khawind ko kahe Na ke tumhare haath me Agar goLi ho to kis ko maroge to kahega Bivi ko or Bivi  se pooche ke tumhare haath me Agar goLi ho to kis ko marogi to kahegi khawind  ko Ek Dusre  se Aisi Nafraten*

*⚃➠ Ek martaba  mujhe kahi jane ka moqa miLa ek boodhe miya the Apne zamane  me industry  ki line  me the or bade khate peete the badi kothi me rehte the jawani  me to deen ki taraf itna Rujhaan Nahi tha budhape  me thoda deen ki Taraf bhi Aagaye dono  miya bivi  ne Namazen  bhi shuru kardi Magar bivi  bhi to Ameer khawind  ki bivi  thi or dono miya bivi  fasq o fujoor  me Rehne waLe the usne Apne  miya ko jawani  me khoob Tif time  diya tha hatta ke miya bivi  dono boodhe ho gaye Ab wo miLne ke liye Aaye to koi baat chaLi or darmiyaan  me kahi Jannat  ka tazkira Aagaya mene uski tafseel  kuch bayaan kardi ke insaan  ibadat  karta hai To Allah RabbuL izzat uski Aankhon  me thandak ke liye Jannat  me ye ye samaan bana Rakha hai jab mene ye saari baaten batayi to boodhe miya kehne Lage Hazrat  Jannat  me meri Bivi  to nahi hogi na mene kaha kiyu kehne laga ke Agar ye Jannat  me hogi to mene Jannat  me nahi jana yani itna wo tang tha kehta tha ke Agar ye Jannat  me hui to mene Jannat  me nahi jana phir  mene use Samjhaya ke ye jesi Ab hai wesi ban kar Jannat  me Nahi jayegi Jannat  me ye nek ban kar Acchi ban kar jayegi mujhe  us boodhe  ko convinced (manwane) karne me 5 10 mint Lage wo kehta tha ke mene Jannat  me jana hi nahi jahan ye hogi ye budhape  ke jhagde Aise hote hain*

                       *PART-23*
            ┅┅━━═۞═━━┅

*⚃➠ (23) EK DUSRE KI QADAR KAREN*

*⚃➠  Aam tor par dekha gaya hai ke jab miya bivi  qareeb hote hain to ek dusre  se Ladai'yan hoti hain Agar is haLat me khawind  fot ho jaye to yahi bivi  saari zindagi  khawind  ko yaad kar ke Roti Rahegi ke jee itna  Accha tha mere liye to bahut hi Accha tha Agar bivi  fot ho jaye to yahi khawind  saari zindagi yaad kar ke Rota Rahega ke Bivi  itni Acchi thi mera kitna khayaaL  Rakhti thi to panjaab  ki ek kahawat hai (bande di Qadar Aandi Aye Tar gaya ya mar gaya)*

*⚃➠  Ham bande ki Qadar uske Qareeb  Rehte hue kar liya karen kayi martaba  dekha gaya hai miya bivi  jhagde  me Ek dusre  ko TaLaaq de dete hain jab hosh Aati hai to khawind  Apni jagah  pagaL pana phirta hai or Bivi  Apni jagah  pagal bani phirti hai phir  hamare  pass Aate hain ke moLana sahab koi aisi soorat nahi ho sakti ke ham phir se miya Bivi  ban kar reh sake Aisi soorate  haaL hargiz Nahi Aane deni chahiye  TahammuL  se kaam lena chahiye  balke ek Roothe dusre  ko mana Lena chahiye* 

*⚃➠  Ye baat bahut ghalat  hai ke wo Nahi boLi mere saath me bhi Nahi bhoLunga pehLe  wo maafi mange ghaLti  uski hai jhukne se izzat  kam  Nahi or Zada badhti hai baLke me to ye kahunga jo pehle  maafi mange use us Rishte ki Zada Qadar hai*

                       *PART-24*
            ┅┅━━═۞═━━┅

*⚃➠ (24) ALLAH RABBUL IZZAT KI SIFARISH*

*⚃➠ Taham Allah RabbuL izzat ne Qur'aan Majeed  me Aurto'n  ke baare me ek Sifarish farmayi hai badi Aham baat hai khawind  ko diL ke kaano se ye baat sunni chahiye  Allah RabbuL izzat  farmaate  hain*

*⚃➠ Ke tum Apni Aurto'n  ke saath bade Acche andaaz se zindagi  guzaaro) AbduLLah ibne Abbaas Raziyallahu Anhu  farmate  the ke jo Shakhsh  Allah RabbuL izzat  ki is Sifarish  ka Lihaaz or khayaaL  Rakhega Allah RabbuL izzat  Qayamat  ke din us bande ke gunaaho ke bakhshne me uska Lihaaz karenge or farmaaya  jo Apni  Biviyo'n  ko Tang karega museebat  me Rakhega RuLaayega Dukh pohchayega farmaya  ke Qayamat  ke din Jab Allah RabbuL izzat  ke huzoor  jayega Allah RabbuL izzat  farmayenge ke dekho mene Sifarish  ki thi ke tum Apni Biviyo'n  ke Saath pyaar or muhabbat se Raho Lekin  tum use RuLaate the tum use Tang karte the Raaton ko Sone Nahi dete the tum use mayeke bhejte the tum uske saath itni Ziyaatti karte the tumne meri baat ka lihaaz Nahi Rakha Aaj tum meri Rehamat ke kese TaLabgaar bante ho aise bande ko Allah RabbuL izzat jannnam ke Andar ULta Latka denge*

*⚃➠ To Aaj Agar bivi ka baap police  me IG ho or wo phone  karde ke Meri beti ke saath thik Rehna to nojawaan  kaanp Rahe hote hain kiyu ke Agar Bivi  ne shikayat  kardi to uske Abbu mere liye museebat  ban jayenge Ek police  ka banda ek duniya  ka haakim Agar uski baat na maani jaye to wo kiya kuch kar deta hai To Agar Allah RabbuL izzat  ki baat Nahi manege to Allah RabbuL izzat  ko kitna jaLaaL Aayega Yaad Rakhiye jo biLa wajah Apni Biviyo'n  ko Tang karte hain to hamare  buzurgon  ne farmaya ke jese Sher gusse ki haLat me hota hai Allah RabbuL izzat  us khawind  ke upar is Tarah gussa farmate hain Allah RabbuL izzat  ham sab ko sahi samjh Ata farmaye  Aameen ya Rab AaLameen*

                       *PART-25*
            ┅┅━━═۞═━━┅

*⚃➠ (25) NABI E AKRAM SALLALLAHU ALAIHIVASALLAM KI AAKHRI NASEEHAT*

*⚃➠ Allah RabbuL izzat ke pyaare Habeeb SaLLaLLahu ALaihi wasaLLam jab is duniya  se jaane Lage to Aap Sallallahu Alaihivasallam ki mubarak  Zabaan se jo Aakhri baat Hazrat  Aaisha siddiqa Raziyallahu Anha farmaati hain mene kaan Laga kar suni ke Nabi e Akram SaLLaLLahu ALaihi wasaLLam farma Rahe the ke Toheed par jame Rehna jo Tumhare  matehat hain Apni Biviyo'n  ke baare me Allah RabbuL izzat se darte rehna To unki itni Ahmiyat  hai ke Huzoor e Akram SaLLaLLahu ALaihi wasaLLam Ay'n Aakhri waqt  bhi uski Wasiyat kar ke gaye*

*⚃➠ Ek hadees  paak me Nabi e Akram SaLLaLLahu ALaihi wasaLLam ne farmaya Logon  Apne matehton ke saath Accha saLook karna me Qayamat  ke din unka wakeeL ban jaunga*

*⚃➠ Agar tumne unke saath Ziyaatti  ki zuLm kiya Sakhti ki or Apni Position  se Najaaiz  Fayeda uthaya Allah RabbuL izzat ke pyaare Habeeb SaLLaLLahu ALaihi wasaLLam  farmate  hain Qayamat  ke din unka wakeeL  ban jaunga or tumse unka haqq diLa kar Rahunga*

*⚃➠ Ab sochiye Jab Allah RabbuL izzat ke pyaare Habeeb SaLLaLLahu ALaihi wasaLLam  unke wakeeL  ban jayenge to hame Allah RabbuL izzat ke  habeeb Sallallahu Alaihivasallam ki Shifaa'at kese Naseeb  hogi ??*

                       *PART-26*
            ┅┅━━═۞═━━┅

*⚃➠    (26) AAJ WAQT  HAI*

*⚃➠ Aaj waqt  hai Apni susti or Apni kotaahi se maafi mangne ka isliye  Aajiz ki ye ek Naseehat hai ke Agar Bivi  Samjhti hai ke mene khawind  ke Saath Ziyaatti  ki to wo Aaj Apne khawind  ke pao'n pad kar maafi mangLe or Agar khawind  Samjhta hai ke mene Bivi ko Sataaya or RuLaya hai Aaj ja kar Apni Bivi  se maafi mangLe uska diL khush karLe Apni  Bivi ka diL khush karega Dusre  Lafzo'n me Apne pyaareHabeeb SaLLaLLahu ALaihi wasaLLam ka diL khush karega or Apne Allah RabbuL izzat  ko khush karega Allah RabbuL izzat  hame haqeeqaten haaL ko Samjhne ki tofeeq  Ata farmaaye Aameen ya RabbuL AaLameen*

                       *PART-27*
            ┅┅━━═۞═━━┅

*⚃➠    (27) AAKHRI  BAAT*

*⚃➠ Aakhri  baat sun lijye  Aap sallallahu alaihivasallam  ghar me Tashreef  Laate hain Hazrat Aaisha siddiqa Raziyallahu Anha PiyaaLe me paani pee Rahi hain Nabi e Akram SaLLaLLahu ALaihi wasaLLam ne  door se dekha or farmaaya  humera ?? Labbek ya Rasoolullaah sallallahu alaihivasallam  Aye Allah RabbuL izzat  ke pyaare Habeeb  hukm farmaye humera  mere Liye kuch paani bacha dena sochne ki baat hai ke barkaten to Allah RabbuL izzat ke pyaare Habeeb SaLLaLLahu ALaihi wasaLLam me thi Aap barkaton waLi zaat the Aap Apni Bivi ka bacha hua paani kiyu peena chahte the AsaL me Muhabbat izhaar mangti hai izhaar ke baghair wo Reh nahi sakti Nabi e Akram SaLLaLLahu ALaihi wasaLLam  hukm dete Thanda paani Aapko kahin se bhi pesh kar diya jata magar Bivi ka bacha hua paani muhabbat  ke izhaar ke Liye Aap peena chahte the farmaya  humera  paani mere liye bhi bacha dena Aap sallallahu alaihivasallam  tashreef  Laaye Hazrat Aaisha siddiqa Raziyallahu Anha ne wo bacha hua paani ka piyaaLa Aap ke hawaLe kiya Nabi e Akram SaLLaLLahu ALaihi wasaLLam ne  mubarak  haathon se Le Liya or uske baad Aap peene Lage to Aap Sallallahu Alaihivasallam  ne piyaaLe ko ek jagah Rok kar poocha humera  tumne kis jagah Apne Lab Laga kar paani piya tha Hazrat Aaisha siddiqa Raziyallahu  Anha  ne ungLi ke ishaare se bata diya ke Allah RabbuL izzat ke pyaare Habeeb SaLLaLLahu ALaihi wasaLLam mene piyaaLe ke is jagah se paani piya tha Nabi e Akram SaLLaLLahu ALaihi wasaLLam ne piyaaLe ka Rukh phera or usi jagah Apne mubarak  Lab Laga kar paani nosh farmaya  jab khawind  Apni Bivi  ko itni muhabbaten dega uska dimaagh kharaab hai ke wo ghar ko Aabaad Nahi karegi ye to miya bivi  ke upar murattib hai ke Agar Bivi  ko Muhabbaten  deta hai ghar Aabaad ho jata hai Sahi heandiL Nahi karta hai to ghar barbaad ho jata hai Allah RabbuL izzat hame Samjh Ata farmaaye  or Azduvaji zindagi ke jhagdon se hame bachaaye or gharon ke fasaad se Allah RabbuL izzat  hame mehfooz farmaye or hamare gharon ko Allah RabbuL izzat  choti si Jannat  ka mahoL Ata farmaaye Aameen ya RabbuL AaLameen*

                       *PART-28*
            ┅┅━━═۞═━━┅

*⚃➠ (28) MIYA BIVI  KA TA'ALLUQ  GHAR KI BUNIYAAD HAI*

*⚃➠  Hamare  gharon  se hamare  mahoL or muaashre  se ye Ladayi jhagde kese khatm hon is par kayin dino se baat chaL Rahi hai in Ladaayi jhagdon  me ek bada RooL miya bivi  ke Ladaayi  jhagdon ka hota hai miya bivi  dono miL kar ek ghar bante hain Agar unke Aapas ke darmiyan  bhi Ladaayi  jhagde  shuru ho jayen to goya ye ghar barbaad hone ki nishaani hoti hai miya Bivi  ka ta'alluq  koi kaccha dhaga Nahi hai ek gehra Rishta  hai Allah RabbuL izzat farmaate  hain (or unhone tumse pakka Ahad liya) isliye  Qur'aan  paak  ne Apni Bivi ko karwat ka saathi kaha hai ye Zindagi  bhar ka saath hota hai miya or Bivi  dono ko Samjhdaari se kaam lena chahiye  or muhabbat  o pyaar se zindagi  guzaar kar Shaitaan  ko usme dakhaL Andaazi ka moqa hi Nahi dena chahiye  Inten judti hain to makaan ban jaate hain jab diL judte hain to ghar Aabaad ho jaate hain ye Zimmedaari  khawind  ki bhi hoti hai or Bivi  ki bhi hoti hai dono ek dusre  ke saath muhabbat  o pyaar se kaamLen*

*⚃➠  Ye UsooL yaad Rakhen jahan muhabbat  moti hoti hai wahan Ayb patLe ho jaate hain or jahan muhabbat  patLi hoti hai wahan Ayb mote ho jaate hain isliye  Shariyat  ne nikaah ke baad muhabbat  ko Ajr o sawaab ka Zarya bataya hai Chunache  miya bivi  Aapas me jitni muhabbat  karenge jitna pyaar karenge utna hi Allah RabbuL izzat unse Raazi honge Ek hadees  mubarak  me Aaya hai jab Bivi  Apne khawind  ko dekh kar muskurati hai or khawind  Apni Bivi  ko dekh kar muskurata hai to Allah RabbuL izzat  un dono ko dekh kar muskurate  hain*

                       *PART-29*
            ┅┅━━═۞═━━┅

*⚃➠ (29) SHAADI KA MAQSAD*

*◑ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ  (30:21)*

*⚃➠ Allah RabbuL izzat ki  Nishaaniyon me se ye hai ke usne tumme se tumhaare  liye joda banaya take tum usse sakoon  hasiL kar sako or tumhaare  darmiyaan  mavaddat o Rehmat Rakhdi beshak  usme Nishaaniyan  hain AqaL waLon ke liye   (30:21)*

*⚃➠ To maLoom  hua ke Shaadi ka maqsad  ye hai ke sakoon hasiL ho jahan Aap dekhen ke miya Bivi  ki Zindagi  me sakoon Nahi har waqt  jhagda har waqt  jaLi kati baaten ek dusre  ko karte Rehte hain behas o mubahisa me ULjhe Rehte hain SamjhLen ke kahi na kahi daaL me kuch kaaLa hai Bivi  ki taraf se kotaahi hai ya shohar  ki Taraf se kotaahi hai or Aam tor par hamara  Tajurba yahi hai ke dono ki Taraf  se kotaahi hoti hai*

                       *PART-30*
            ┅┅━━═۞═━━┅

*⚃➠ (30) AAJ KA MOZU*

*⚃➠  Is siLsiLe  me Aaj ham Bivi ki Side  ka Tazkira  karenge ke kon si GhaLtiyan or kotaahiyan wo karti hai jis ki wajah se ghar barbaad ho sakta hai*

*⚃➠ Ek usooLi baat yaad rakhe Allah RabbuL izzat ne Qur'aan Majeed  me Shadi ka maqsad  bataya (ke tum Apni Biviyo'n se sakoon pa'o) jo bhi apne khawind  ke liye sakoon ka Sabab banegi wo apne ghar me hansi khushi zindagi  guzaaregi or jo khawind  ki pareshaani  ka Sabab banegi wo khud bhi pareshaani  uthaayegi isliye  ghar ko basana Aurat  ke Akhtiyaar me hota hai hamare  bade kaha karte the ke mard Kassi Le kar ghar ko girana chahe to wo Nahi gira sakta Aurat  agar sooyi le kar ghar ko girane Lage to mard se pehLe gira liya karti hai isliye  Aurat  ko ghar waaLi kaha jata hai Ghar ka basana Aurat  ke upar munhasir hai*

                       *PART-31*
            ┅┅━━═۞═━━┅

*⚃➠ (31) KHAWIND SE MUHABBAT  KA RISHTA MAZBOOT KAREN*

*⚃➠ Yaad Rakhen  khoobsoorat  TaLeem yafta or maaLdaar bivi ko bhi khawind  ke diL ki malika banne ke Liye Samjhdaari se kaam lena padta hai Lihaza  zindagi  ke is safar me ek dusre  ke saath muhabbat  ka Rishta  mazboot karen bivi  ko chahiye  ke khawind  ko yaad dahani karwaaye Sirf muhabbat  ka izhaar zaroori  nahi isko mehsoos  bhi karwaaye ke waaqi bivi  mujhse muhabbat  karti hai khawind  ke Samne Sharm dikhana Takalluf karna Jhagde  ki buniyaad  hota hai Shaitaan  bhi kitna makkaar hai ke jab Bivi  khawind  ke pass hoti hai to us par Ajeeb sharm o haya taari kar deta hai or jab mehfiL  me bethi hoti hai to phir uske Samne khiL khiLa kar hans Rahi hoti hai to ye zehan me Rakhen ke Shari'at  ne jahan muhabbat  ka izhaar karne ke liye kaha wahan muhabbat  ka izhaar karna bhi Sawaab hai*

*⚃➠ Kayi jagah  hamne jhagdon ki buniyaad ye dekhi khawind  pyaar bhi karta hai muhabbat  ka izhaar  bhi karta hai or Bivi  apne Andar diL diL me khush bhi hai Lekin  izhaar  aise karti hai jese use koi farq hi nahi padta izhaar  aise karti hai jese mujhe  uski Zaroorat  hi nahi hai ye itna bada bawandar hai ke isse pada bawandar Aurat  apni zindagi me Nahi La sakti muhabbat  ka jawaab  hamesha  muhabbat  se dena chahiye  jab khawind  chahta hai ke Bivi  muhabbat  ka izhaar kare to Bivi  ke liye ye sunhera moqa hai aisi baat kahe aise Alfaaz kahe ke khawind  ka diL baagh baagh ho jaye*

*⚃➠ Aap Zara sochiye  ke UmmuL mumineen Hazrat Aaisha siddiqa Raziyallahu Anha Nabi e Akram SaLLaLLahu ALaihi wasaLLam se Muhabbat  ka izhaar farmaati thi chunanche  baat cheet ke doraan Ek martaba  Nabi e Akram SaLLaLLahu ALaihi wasaLLam ne farmaya   Aaisha siddiqa Raziyallahu Anha Aap mujhe makkhan or khajoor ko miLa kar khane se bhi Zada marghoob ho Hazrat Aaisha siddiqa Raziyallahu Anha muskurayi or foran  jawaab me kaha Aye Allah RabbuL izzat ke pyaare Habeeb SaLLaLLahu ALaihi wasaLLam Aap mujhe  makkhan or Shehad ko miLa kar khane se bhi Zada Marghoob hain Nabi e Akram SaLLaLLahu ALaihi wasaLLam muskura pade or farmaaya  Aaisha siddiqa Raziyallahu Anha  Tera jawaab  behtar  hai Ab dekhen  khawind  ne jo baat kahi Bivi  ne ek dam Aage badh kar baat kahi*

*⚃➠ Khawind se Muhabbat  ka izhaar  Nahi karegi to kis ke saath karegi ?*

*⚃➠ Insaan  ki fitrat  hai ke jab wo kisi se Muhabbat  karta hai to muhabbat izhaar chahti hai Yaad Rakhen ishq Chupa Nahi Reh sakta hamesha  izhaar mangta hai jahan bhi honge ye Aapko Zahir kiye baghair  Nahi Rahenge isi  tarah  bivi  jab khawind  se Muhabbat  karti hai to ye sochna ke Agar me Muhabbat ka izhaar  kardun to khawind  ki Nazar me gir jaungi ye Bahut badi ghaLti hai kese mumkin  hai ke ek banda Apne QoL o fe'al se Muhabbat  ka izhaar kar Raha ho or dusre  bande ki Nazar me uski Qadar kam ho Rahi ho ??*
*⚃➠ Han jab khawind  chahta hai ke Bivi  muhabbat  ka izhaar  kare or Bivi  aise ban kar Rahe ke jese wo bilkuL  thad'de Baraf waLe diL ki manind hai ye Aurat  apna ghar barbaad  karne ki koshish  kar rahi hai*

                       *PART-32*
            ┅┅━━═۞═━━┅

*⚃➠ (32) AFSOSNAAK WAQOYA*

*⚃➠  Chunache  mash'hoor waqiya  hai ek ghareeb ghar ki Ladki thi jo ke bahut khoobsoorat  thi Ek nek Ameer gharane ke bacche ne uski Taraf Shadi ka offer  bheja Shaadi ho gayi maa baap bhi khush the ke bacchi ki shaadi Aachi jagah  ho gayi hai uske bhaiyon ke liye bhi Rozgaar ki koi Soorat  nikaL Aayegi or bacchi khud bhi khush Rahegi jab ye ghar pohchi  to khawind  ne uske saath bahut zada muhabbat  ka izhaar  kiya ye us muhabbat  ko dekh kar Nakhre me Aagayi khawind  bahut zada uski diL joyi karta Subah Shaam bas usi ki Rat Lagaye Rakhta tum mere ghar ki malika  ho tumne mere ghar ko Jannat  bana diya me to soch bhi Nahi sakta  tha ke itni  Acchi  or khoobsoorat  bivi  mujhe miL jayegi ye jitna zada uski Tareef sunti utni zada nakhre me Aati khair kuch din guzar gaye Ek din ye Rote hue Apne ghar waapas Aagayi khawind  usko mayeke chord kar chala gaya maa ne poocha beti kiya hua kehne lagi khawind  bahut zada muhabbat  ke moond me tha mujhe  pyaar kar Raha tha chahta tha ke me uske saath muhabbat  ka izhaar  karun me aise gum sum thi ke mujhpar koi Asar hi nahi ho raha biL Aakhir  Tang Aakar usne mujhse poocha ke me is Qadar  tumse muhabbat  karta hun kiya tumhe mujhse  muhabbat  hai kehne Lagi ke pata nahi mere dimaagh par parda pada ke mene us waqt  nakhre me Aakar keh diya ke Nahi mujhe tumse muhabbat  Nahi hai bas ye Lafz kehna tha ke khawind  gusse me Aagaya or kehne Laga ke jab tumhe mujhse  muhabbat  hi nahi to jao jahan ho wahi zindagi  guzaarna meri Taraf  se tumhe teen taLaaq hai Ab jab shaadi ke ek maheene baad usko taLaaq  ho gayi or phir maa baap  ke ghar me usko Rehna pada tab uski Aankhe khuLi*

*⚃➠  Lamho'n ne khata ki Sadiyon ne Saza Paayi*
               
*⚃➠  phir uske baad uski Dusri  Shaadi na ho saki Uske liye jo acche Rishte  the wo kuwaari Ladki se shaadi karna chahte the or uske Naam par jo shaadi ka dhabba Lag chuka tha or jo Rishte  Aate the wo bahut boodhe Ya Shaadi  Shuda Logon ke Aate the unse shaadi  karte hue ye gabrati thi to us nojawaan  khoobsoorat  Ladki ki Zindagi  Rote dhote guzar  gayi*

*⚃➠  To dekhe ye kitni badi bewaqoofi hai Wo Zindagi  ka saathi hai Apne diL ke sakoon  ke Liye diL ke itminaan ke liye Agar ye chahta hai ke me us bivi  se itni muhabbat  karta hun to ye bhi mujhse muhabbat  kare To Bivi ko uska izhaar  karna chahiye  kehna chahiye  ke han Aap hi se to muhabbat  hai Aap hi to meri  zindagi  ke saathi hain meri chahaten meri Muhabbaten Saari Aap hi ke Liye hai Aapne hi mere liye duniya ko Jannat  bana diya hai meri to khushiyan  hi Aapke saath wabasta hain Aise alfaaz kehne me kiya Rukawat  hoti hai Siwaaye iske ke nafs ki Shararat hoti hai Ya Shaitaan  uske peeche pareshaan karne ke liye TuLa hua hota hai iske siwa or kuch Nahi hota*

       
                       *PART-33*
            ┅┅━━═۞═━━┅

*⚃➠ (33) SAYYADA HAZRAT  AAISHA SIDDIQA RAZIYALLAHU ANHA KA IZHAAR E MUHABBAT*

⚃➠ Hazrat Aaisha siddiqa Raziyallahu Anha  ne nabi e Akram SaLLaLLahu ALaihi wasaLLam ki muhabbat  me Ash'aar banaye or ye unke She'ar bahut mash'hoor  hain ke Nabi e Akram SaLLaLLahu ALaihi wasaLLam isha ki Namaz  ke baad Sahaba Raziyallahu Anhum  ki majLis se Farigh  ho kar ghar Tashreef  Laate the to Hazrat Aaisha siddiqa Raziyallahu Anha farmaati  hain ke Nabi e Akram SaLLaLLahu ALaihi wasaLLam muskurate  chehre ke saath Aate the SaLaam karte the us waqt  Hazrat Aaisha siddiqa Raziyallahu Anha  Aap SaLLaLLahu alaihivasallam ko ye she'ar sunaati thi kiya sunati thi farmati hain

*◑•••Aye Aasmaan ek Tera bhi Sooraj hai or ek hamara bhi Sooraj hai*

*◑•••Or mera sooraj  Aasmaan  ke Sooraj  se behtar  hai*

*◑•••Isliye  ke Aasmaan  ka Sooraj to Fajar ke baad TuLu hota hai*

*◑•••Or mera Sooraj  to mere ghar me Isha ke baad TuLu hota hai*

⚃➠ Ab sochiye  ke Agar Bivi  in Alfaaz se khawind  ka istaqbaal  karegi to khawind  ke diL me Kis Qadar  muhabbat  Aayegi *koi hai Aapme se aisi bivi  ke jisne kabhi khawind  ki muhabbat  me Ash'aar kahe hon* Aurat  ye Samjh Leti hai ke bas khawind  ki hi Zimmedaari hai ke wo izhaar  kare Or Apne aapko Samjhti hai ke me jitna  izhaar  nahi karungi utni badi mehbooba Banugi ye bahut badi (misunderstanding ) ghaLat fehmi hai TaaLi do haath se hi bajti hai Isliye  chahiye  ke muhabbat  ka Acche Andaaz me izhaar  kiya jaye AmaL se bhi QoL se bhi fe'aL se bhi Chunache  jab khawind  muhabbat  ka izhaar  kare to Bivi  bhi jawaab  me Muhabbat ka izhaar  kare aise Alfaaz se ke khawind  ka diL mutma'in  ho jaye ke meri Bivi mujhse hi muhabbat  karti hai

⚃➠ Ye Zehan me Rakhna  ke Agar khawind  ke diL me Shak pad jaye ke meri  Bivi  mujhe Nahi chahti hai to ye jo Nuqta (hai hi bhi) ka ye khawind  ke diL me farq daaLta hai Bivi  ko aise zindagi  guzaarni chahiye  ke khawind  ko yaqeen  dahani karaye ke Aap hi se Muhabbat  karti hun

                        *PART-34*
            ┅┅━━═۞═━━┅

*⚃➠ (34) APNI KHUSHI  PAR KHAWIND KI KHUSHI KO TARJEEH DEN*

⚃➠ Dusri Aam tor par ye ghaLti  hai ke Apni khushi  par khawind  ki khushi  ko tarjeeh dena isko ye fikar Lagi Rahe ke khawind  ka diL  usse khush Rahe ye Nahi ke har waqt  bas mujhe  hi khush Rehna hai khawind  ki khushi  ka khayaaL  Rakhe uska diL khush hoga to ghar ki zimmedaariyon ko bhi QabooL  karega uski Tavajjoh ka itLaaq bahar ki bajaye Apna ghar ban jayega wo daftar  me beth kar Ghar ke liye udaas hoga Log use Apne kaam ke Liye Rokenge or ye jaan chura kar ghar ki Taraf bhaag Raha hoga kiyu?? isliye  ke ye Samjhta hoga ke ghar ja kar mujhe  Sakoon miLega

⚃➠ Khawind  ki marzi ke khaiLaaf koi kaam na kare kayi martaba  dekha ke khawind  ek baat se mana karta hai Bivi  suni an suni kar deti hai or phir  wahi kaam karti hai jab mana karne ke bawajood  phir  wahi kaam kiya jaye to ye cheez  jhagde ka Sabab banti hai or jhagda Na bhi ho diL me meL Aane ka Sabab Zaroor ban jaati hai

                       *PART-35*
            ┅┅━━═۞═━━┅

*⚃➠ (35) KHAWIND  KOI KAAM KAHE TO USKO ZIMMEDAARI SE KAREN*

*⚃➠ Teesri  baat Agar khawind  koi kaam Zimme Lagaye use is Tarah  karo ke khawind  befikar ho jaye ye nahi ke jo kaam usne Zimme  Lagaya usko to kiya Nahi or dusre  kaamo me Lagi Rahi misaaL ke Tor par khawind  ne Subaah daftar  jana hota hai us waqt  khawind  ke kapde tayyar hon uska khana tayyar ho ye Bivi  ki zimmedaari  hai Ab khawind  ke daftar  ka waqt  ho gaya or Bivi  bechaari ne Abhi kapde hi Nahi nikaaLe kiyu Nahi nikaLe ?? Jee me so kar hi der se Uthi hun to ye cheez ULjhan ka Sabab banegi Apni zimmedaari  ko mehsoos  karen ke mujhe us moqe par kiya karna hai sone ka jaagne ka kuch usooL hona chahiye  kuch Awqaat aise hote hain ke Aurat  ko Apne haath se kaam karna padta hai Ab ghar ki nokraniyon ko keh dena ke kapde dho dena Kapdo par press  Kar dena or khawind  ke Liye ye Samjh Lena ke khud hi kapde nikaaL Lega or tayyar ho kar daftar  me chaLa jayega Or us waqt  meri neend me khaLaL Nahi Aana chahiye  ye intehayi  bewaqoofo waali baat hai ye Zindagi  ki Saathi hai use Apni khidmat  ke Zarye  khawind  ka diL jeetna chahiye  Chunache  Agar khawind  koi bhi kaam Zimme Lagaye to use Apna Duty of Charter Samjhe Uski Zaroorat  ko Apni Zaroorat  par Tarjeeh de
                      
       
                       *PART-36*
            ┅┅━━═۞═━━┅

*⚃➠ (36) FARMAISH KARTE HUE MARD KI GUNJAISH  KO DEKHNA*

*⚃➠ Ye bhi dekha gaya hai ke basa Awqaat  Aurat  mard ki gunjaish  se badi farmaaish karti hai to farmaaish karte hue mard ki gunjaish  ko bhi dekha karo Ab Agar khawind  Afford hi Nahi kar sakta or Aapne zid kar ke Agar kapde khareed bhi Liye to pehan  kar Aap khawind  ko khush kese kar sakti hain uska diL Agar dukhi hoga to Aap kapde  Le kar uski muhabbat  me koi Izafa Nahi karengi to ye UsooL  ki baat yaad Rakhen ke farmaaish hamesha  gunjaish  ke mutabiq  honi chahiye 

                       *PART-37*
            ┅┅━━═۞═━━┅

*⚃➠ (37) KHAWIND  KI ATA PAR SHUKRIYA  ADA KAREN*

◑•••Aap ki farmaaish  ko Agar khawind  poora karde to Aap uska Shukriya  bhi Ada karen ye bhi dekha gaya hai ke khawind  Bivi  ki har jayaz  Zaroorat ko poora karte hain or jawaab  me Bivi  ki Zabaan se shukriya  ka Lafz bhi Nahi nikaLta kiyu nahi nikaLta ?? Allah RabbuL izzat  jaane ye wo badi GhaLtiyan  hain jo Zahir me Choti Nazar Aati hain Magar diLon me farq jaaL deti hain khawind  Tohfa Laya phaL khareed kar Laaya khaas tor par koi cheez Apni Bivi  ke Liye Laaya or Bivi uski Taraf  koi tawajjoh  Na de aise Samjhe han thik hai Aagayi hai koi baat nahi

◑•••To is Tarah  Agar beparwaahi ka izhaar  karegi to khawind  ke diL par iski chot Lagegi jab khawind  tohfa Laaye to aap usko uski Ahmiyat  ka Ahsaas diLaayen or khushi ka izhaar karen Take AgLi dafa usse behtar  tohfe ki mustahiq  ban sake

                       *PART-38*
            ┅┅━━═۞═━━┅

*⚃➠ (38) KHAWIND  KE AATE HI GHAR KA RONA DHONA NA LE KAR BETH JAYE*

*⚃➠ Ye bhi Zehan me Rkahen ke khawind  jese hi ghar me Aaye or foran uske samne Rona dhona Le kar beth jaye pehle  usse baat cheet kar ke pooche ke bahar uska waqt  kese guzra  wo khush Ghar aaya hai ya kisi  baat ki wajah  se pareshaan ghar aaya hai ye baat to maLoom Nahi karti bas khawind  ko dekhti hai or Apna Rona dhona Shuru  kar deti hai

*⚃➠ Pehle  aap usse baat cheet karen usse pooche uska Andaza Lagayen ke khawind  bahar se kis kefiyat ke saath Aaya hai koi karobaari pareshaani  Kisi Aadmi  ne kisi mamLe me Zehani tor par pareshaan to Nahi kar diya usko gussa to Nahi diLaya khawind  Agar bahar se hi kisi  pareshaani  ke AaLam me Aaya hai to Ab bivi  ko chahiye  ke pehle  uske diL ko khush kare usse meethi meethi pyaar wali baaten kare hansi khushi ki baaten kar ke uske moond ko Normal  kare phir uske baad jo kehna hai kahe Lekin  khawind  par Nazar padte hi shikve shikayat karne beth jana tumhaari Ammi ne ye keh diya tumhaare  behan ne ye kar diya me to is ghar me Aakar pareshaan ho gayi hun tum mujhe  kin museebaton  ke paLLe daaL kar chaLe gaye is Qisam ki baaten to use zada (Frustrate) pareshaan karne waali baat hai ye zehan me Rakhen ke bahar se Aane waLe khawind  ko pehle  bithaaye or baat cheet ke Zarye  Andaza Lagayen ke uska Zehan fresh hai ya Nahi Agar jaane ke thik hai to Aap ki to jayaz baat hai Zaroor karen Moqe ki baat Sone ki daaLiyon ki manind hoti hai or be'moqa baat jhagde ka Sabab banti hai Agar kisi waqt  aapka khawind  gusse me hai to phir  uske samne bilkul  Naram ho jaye to ye baaten har Bivi  ko Acchi Tarah  Samjh Leni chahiye  Agar ghar ko Jannat  banana chahti hain to choti choti baton par ghor karen or un par AmaL karen

                       *PART-39*
            ┅┅━━═۞═━━┅

*⚃➠ (39) •JAB KHAWIND  GUSSE ME HO TO BIVI NARAM HO JAYE*

*⚃➠  Rassi ka ek Sira Agar koi dheeLa chord de or Dusra kheenche to Rassi kabhi Nahi Toot'ti Rassi Jabhi toot'ti hai jab ek Sira ek banda kheenchta hai or dusra sira dusra banda kheenchna shuru kar deta hai or khawind  kisi waqt  gusse me hai or jawaab  me Bivi Sahiba ne bhi moond bana liya ye to mahaz e jang khoLne waLi baat ho gayi Na

*⚃➠  Isliye  Agar khawind  gusse me hai to aap Naram  ho jayen or Agar khawind  Naraaz hai to aap usko Raazi karne ki koshish  karen Muhabbat  ke ek boL se khawind  Razi ho jata hai Rootha hua khawind  muskura padta hai
       
                       *PART-40*
            ┅┅━━═۞═━━┅

*⚃➠ (40) SAMAJHDAARI SE KAAM LEN*

*⚃➠ Isliye  aap Samjhdaari se kaam Len faqat ye baat ke me khoobsoorat  hun kaafi Nahi hoti khawind  ko khush karne ke liye chaLakte hue dhamakte hue husn ki Zaroorat  nahi hoti Samjhdaari  ki Zaroorat  hoti hai isliye  buzurgo ne moqoLa banaya ( wahi Suhagan jise piya chahe)

*⚃➠ Wahi suhagan hoti hai jise khawind  pasand  kare kiya Ajeeb baat hai ke Ladki  ki ShakaL Sirf ek waleeme ke din Log dekhte hain or baaqi Saari umar uski AqaL dekhi jaati hai or Ladki  ko pasand  karte hue baaz martaba  Saas Sahiba bhi uski AqaL dekhti hi Nahi faqat ShakaL par hi Lattu ho jaati hai or kayi dafa khawind  sahab bhi shakaL  par Lattu  ho jaate hain maa baap bhi kehte hain nahi teri  Shaadi uske saath  thik Nahi Nojawaan  zid kar lete hain ke Nahi mujhe to uske saath hi Shaadi  karni hai isliye  ke kahin ek nazar  dekhi or Zahir ki shakaL  dekh kar wo Acchi Lag gayi Ab maa baap ko bahut majboor  kar ke wahan shaadi karwate hain or jab wo ghar Aajati hai to phir insaan  ko uski Haqeeqat  ka pata chalta hai ke itni khoobsoorat  shakaL  ke Andar AqaL to h hi Nahi to jab Saari  zindagi  AqaL ne kaam Aana hai to phir usko kiyu Nahi dekhte isliye  Samjhdaari  or AqaLmandi ghar Aabaad karne ki buniyaadi wajah hai

       
                       *PART-41*
            ┅┅━━═۞═━━┅

*⚃➠ (41) HUSN-E-INTEZAAM OR SALEEQA SE KAAM LEIN*

*⚃➠ Aurat  ko chahiye  ke husn e intezaam ke Zarye  Apne ghar ko purwaqaar bana de jitni Aurat  AqaLmand hogi utni hi wo Apne ghar ke Andar  har cheez  tarbiyat se Rakhegi betarteeb cheez pheLa dena ghar ko ganda Rakhna baccho ko ganda Rakhna khud bhi gandi Bani Rehna is cheez ka gahr barbaad  karne me ek bahut bada hissa hota hai ghar ki Safaayi  ke Liye koi Qeemat  bhi kharch Nahi karni padti han waqt  nikaL'Len or ghar ko saaf Rakhen Apne aapko saaf Rakhen Apne baccho ko saaf Suthra Rakhen Safaayi Aadha Imaan hai Jab Shariyat  keh Rahi hai ke Safaayi  Aadha imaan hai to hame bhi Safaayi  se Muhabbat  honi chahiye  Duniya  ka koi insaan  Aisa Nahi hai jo ye kahe mujhe saaf Suthra ghar Accha Nahi Lagta mujhe  Saaf Suthra  baccha Accha nahi Lagta ye kese mumkin  hai Allah RabbuL izzat ne insaan  ki fitrat  hi aisi banayi hai ke saaf Suthra  mahoL Saaf Suthre bacche Saaf Suthri Bivi  hamesha  uske diL ko Apni Taraf  mutawajjah karti hai or Saaf Suthre rehne ke Liye koi bahut Qeemti  libaas ki bhi Zaroorat Nahi Ek Aam Qeemat  ka libaas  bhi Agar Aurat  pehne Lekin  Saaf Suthra  ho or Agar uski Banawat purkashish ho to wo khawind  ke diL ko Apni  Taraf  mutawajjah  kar sakta hai isko husn e intezaam  kehte hain to apne husn e intezaam  se Apne ghar ke mahoL ko purwaqaar  banayen

*⚃➠ Agar husn e intezaam  Nahi hoga battiyan JaLti Rahengi biL zada Aayega or Takiyon se paani behta Rahega to paani ka biL zada Aayega Bartano ko sahi Tarteeb  se na Rakha gaya to wo toot jayenge or kharaab  ho jayenge to ye badnazmi se be'barkati hoti hai kaam me ULajhte hain waqt  Zaye hota hai Cheezen kharaab hoti hain Nuqsaan  bhi zada hota hai har cheez  ko Apni Jagah  par Rakhna waqt  par Saaf kar dena Acchi Aadat  hoti hai to Aurat  usko Apni Zimmedaari Samjhe

*⚃➠ Aaj musalmano  ke Andar se Safaayi  bilkul  khatm hoti jaa Rahe hain jo iLaaqe musalmano ke hain wahi sab se gande paaye jaate hain Aakhir  kiyu jab ke hame bataya gaya hai Safaayi  Aadha imaan  hai Allah RabbuL izzat  ham sabko AmaL  karne ki tofeeq  Ata farmaaye Aameen ya RabbuL AaLameen

       
                       *PART-42*
            ┅┅━━═۞═━━┅

*⚃➠ (42) KHAWIND  KE SAATH ZID'BAAZI NA KAREN*

◑ Ye bhi zehan me Rakhen Tabe farmaan Auraten biL Aakhir  Apne khawind  ko Apna Tabedaar bana Leti hain wo Auraten  jo khawind  ki marzi poori karne ki koshish  me Lagi Rehti hain ek Waqt  aisa Aata hai ke khawind  ke diL me unke Liye itni muhabbat  hoti hai ke phir Khawind  uski har marzi ko poora kar dikhata hai Farmabardaari khidmatguzari wo Acchi sifaat hain ke jin ki wajah  se Aurat  Apne khawind  ke diL ki malika  ban sakti hai isme jo Rukawat  banti hai wo Ananiyat hai Zid'baazi hai Saari Duniya  se zid karLo itna Nuqsaan  Nahi pohchega jitna khawind  ke saath zid'baazi ka Nuqsaan  hota hai or kayin bacchiyan to khawind  hi ke saath zid karti hain Baaqi Saare Logon ke Saath normal  Rehti hain khawind  ke Saath  zid'baazi  bana Leti hain

◑  To khawind  ke saath zid kar ke Dang'gaL ka AyLaan mat karen Anjaam uska hamesha  bura hi hota hai Aajzi Allah RabbuL izzat  ko bhi pasand  hai or Aajzi  insaan ke masaiL ka haL bhi hai koi kaam waqt  par na kar saki kotaahi Reh gayi kami Reh gayi sorry  boLne me kiya Rukawat hai maafi mangne me kiya Rukawat  hai ghaLti  ko manLene me kiya Rukawat  hai Aage se zid kar lena Ana ka masLa bana lena jhagda kar bethna behas kar bethna ye cheezen  insaan ke liye pareshaani  ka Sabab  banti hain

                       *PART-43*
            ┅┅━━═۞═━━┅

*⚃➠ (43) GUSSE  ME AAYE KHAWIND  KO DALEEL MAT DEIN*

◑ Kabhi kabhi gusse me Aaye hue khawind  ke Samne Logic DaLeeL mat den kabhi kabhi gusse me Aaye hue khawind  ko Tana mat den ye to Aag ke upar teL daLne waLi baat hai baLke  petrol  daLne waLi baat hai Shaitaan  mardood Yahi chahta hai ke khawind  gusse me pehle  hi hai ye usko or gussa diLaye or khawind  Zabaan se taLaaq ka Lafz NikaLe to ye Zehan me Rakhen ke jab biLgharz biLa wajah khawind  Naraaz ho gaya to gusse ki HaLat  me kabhi uske Samne Logic  Nahi deni khamoshi Akhtiyaar  karni hai Agar boLna hai to Naram boL bole dekhna hai to muhabbat  ke saath dekhe aise ke Dusre bande ka gussa  hi bilkul  khatm  ho jaye

                       *PART-44*
            ┅┅━━═۞═━━┅

*⚃➠ (44)  PUR KASHISH LIBAAS PEHNE*

◑ Libaas pehno to pur kashish pehno pur kashish  ka matlab  ye nahi ke Aadha jism Nanga ho or Aadha Dhanpa hua ho Shariyat  ke Daayere me Rehte hue Aurat  aisa libaas pehne ke uske jism ke upar pur kashish  lage be'dhanga libaas  pehanna aisa libaas ke jisko dekh kar Banda Zara bhi mutawajjah  na ho Ye bhi Acchi Aadat Nahi Baaz nek Biviya'n  Saadgi ke Naam par Apne kapdon ki Taraf se bilkul  hi be'dhiyaan ban jaati hain aisa Nahi karna chahiye  khawind  jab bhi Bivi  ki Taraf  dekhta hai wo aise pur kashish  dekhna chahta hai or jab uski  bivi  pur kashish  Nahi hoti to Saaf Zahir hai ke use bahar bahut zada pur kashish  cheezen Nazar Aati hain to jo gandgi use bahar mutawajjah  kar sakti hai kiya wo Acchayi ban kar use ghar me mutawajjah  Nahi kar sakti to libaas  aisa banaye ke hamesha  pur kashish  ho Ras o Riwaaj ko Samne Na Rakhen balke  usko Samne Rakhen ke ye libaas  mere jism ko pur kashish  dikhaaye mere jism par pehna hua khawind  ko pasand  Aaye

                       *PART-45*
            ┅┅━━═۞═━━┅

*⚃➠ (45)  KHAWIND  SE MUKHLIS OR NEK NIYAT BANE*

◑ Ye Or baat hai ke kuch Aurten  Aisi hoti hain ke kapde pehanne se uske husn me izafa Nahi hota BaLke wo kapde pehan Leti hai un kapdon ke jism me izafa ho jata hai uske chehre par masoomiyat hoti hai uske chehre pe Taqwe ka noor hota hai phir unka libaas jab wo pehan leti hai to wo khud hi khoobsoorat  Nazar Aane Lag jata hai to Aurat  ko chahiye  ke diL ki masoomiyat  se wo khawind  ka diL jeet Le ye diL ki masoomiyat  har khawind  ko Acchi Lagti hai or jab khawind  ka diL ye samjhta hai ke meri Bivi  diL se bahut masoom hai intehaayi  darje ki mukhLis hai to us Bivi  ko wo hamesha  Aapni Aankh ki putLi bana kar Rakhega Yani Bahut zada muhabbat  ke saath Rakhta hai

*◑ Jhooti Aurat  makkar Aurat  dhoka dene waaLi Aurat  khawind  ko miss guide  gumraah karne waLi Aurat  hamesha  Apna ghar barbaad  karwa beth'ti hai*

◑ khawind  ke saath kabhi jhoot  ka mamLa na barte jis bande ke saath kabhi ek do ghante ki mulaqaat  hai uske Samne to jhoot chaL jata hai or jiske Saath 24 Ghante ka wasta ho uske saath jhoot Nahi chaLta Ek Nahi to do '' Do Nahi to teen din baad kabhi na kabhi jhoot  khuL hi jata hai or jab khawind  ko ye Ahsaas  ho jaye ke Bivi  mere saath jhoot  boLti hai to phir Bivi ka maqaam khawind  ki Nazar se gir jata hai isliye  jhoot boLna khawind  ke bare me diL me Nafrat ya kina Rakhna ye Aurat  ki GhaLtiyon  me se ek badi ghaLti  hoti hai nek niyat Aap hongi uska Asar Aapke khawind  ke diL par padega

                       *PART-46*
            ┅┅━━═۞═━━┅

*⚃➠ (46) DIL KO DIL SE RAAH HOTI HAI*

◑ Ye hamesha  zehan me Rakhna ke diL ko diL se Raah hoti hai Aap ke diL me khawind  ki Azmat  hogi pyaar hoga muhabbat  hogi khud ba khud khawind  ke diL me Aap ki muhabbat  peda ho jayegi

◑ Chunache  ek baadshah Apne wazeer ke saath ja Raha tha usne Apne wazeer se poocha ye jo kehte hain ke diL se diL ko Raah hoti hai iska kiya matlab  hai wazeer  ba'tadbeer tha usne kaha baadshah  saLamat  Aapko ye baat me Aankho  se dikha sakta hun Magar  Aap kisi waqt  Aam kapde pehan kar mere saath chaLen baadshah  ne kaha bahut Accha chunanche  ek din Baadshah  ne Apna Taaj apne kapde utaar kar Aam Logon  ka libaas pehan liya or wazeer  ke saath bahar mehaL ke nikaL gaya chaLte chaLte ek banda Aage Aaraha tha to wazeer  ne baadshah  se poocha ke baadshah  SaLamat  ye kesa Aadmi  hai usne kaha bewaqoof  Lagta hai jahiL hai Lagta hai koi Tameez Nahi hai usko isne kaha thik hai Aaye Zara phir us bande se sune Wazeer  us bande ke pass gaya SaLaam dua ki kehne Laga sunao yaar Aaj kaL hamara  baadshah  kesa hai kehne  Laga pata Nahi kahan ka bewaqoof  baadshah  ban gaya hai usko Samjh hi Nahi hai wo baadshah  banne ke Layiq hi Nahi hai usne bhi Aage se aise hi Ulte seedhe jawaab diye

◑ Khair thoda sa Aage gaye to wazeer  ki Nazar ek nojawaan  par padi usne baadshah  se poocha baadshah SaLamat iske bare me aapki kiya Raye hai Baadshah  ne kaha bhaLa Aadmi Nazar Aata hai usne kaha Aayen Ab zara usse poochte hain Wazeer  ne usse ja kar poocha sunao  bhai hamara  baadshah  kesa hai kehne  Laga bahut hi Samajhdaar hai or usne to Riaaya ko bahut hi khush kar Rakha hai or ham Log to bade khush  Qismat  hain ke hamara  baadshah  is Qadar QabiL hai Ab Wazeer  ne baadshah  ko kaha ke dekhen Aapke Zehan me dusron ke bare me jo khayaLaat Aarahe the Aapke baare me wahi khayaLaat dusre  bande ke diL me Aarahe the ye hai ke ( diL ko diL se Rahat hoti hai )

◑ Aapke  diL me Agar dusron ke liye muhabbat  ke jazbaat uth Rahe hain Pyaar Aaraha hai to ye paighaam unko khud ba khud pohuch jata hai or dusra  diL us paighaam ko khud ba khud Le Leta hai or Dusron  ke diL me bhi uske baare me pyaar or muhabbat  ke jazbaat  bhar deta hai to Apne  diL me khawind  ke Liye hamesha  muhabbat  Rakhen balke  Agar khawind  ki kotaahiyan bhi hon GhaLtiyan  bhi hon Agar wo bad'kaari me padne waLa bhi ho Aapka to khawind  hai Na Aap uske Aeibo,n ko janne ke bawajood  usse muhabbat  karen AsaL muhabbat  karne waLa wahi hota hai jo Aeib jaan kar bhi saath Rahe wo Aapki zindagi  ka Saathi hai doston  ne mahoL ne haLaat ne usko bigad diya Ab aapki muhabbat  usko neki ki Taraf Le Aayegi Or Aapke jhagde usko or zada Bura bana denge to Aeibo'n  ko jaante hue bhi Dar guzar se kaam Lena chahiye  Allah RabbuL izzat  ki Sifat hai or hadees  paak  me farmaya  gaya ( tum apne aap ko AkhLaaq se muzayyan karo )

*◑ Aurat  ko chahiye  ke khawind  ki bad'kaari  ke bawajood  GhaLtiyon  ke bawajood  Apne diL me uske saath muhabbat  Rakhen*

                       *PART-47*
            ┅┅━━═۞═━━┅

*⚃➠ (47) BAHAR GHOOMNE PHIRNE KI AADAT NA DALEN*

◑ Ek or baat jo jhagde ka ba,is banti hai wo Bahar ghoomne ki Aadat hai Aam tor par mard Aurto'n  ko bahar ghoomne ki Aadat daaLte hain or kayin martaba  ye Aadat  Aurto'n  ko maa baap ke ghar se hi padi hoti hai bhar ghoomne ki Ye bahar ghoomna Azduvaji zindagi ke liye bahut Nuqsaan  de hota hai iski wajah ye hai ke Aurat  jab bahar nikaLti hai to Shaitaan  Taank jhaank karne waLon ko bhi Saath Laga deta hai Ab 2 Qismat  ki museebat Samne Aayi Bahar ke mard honge jo us Aurat  ki Taank jhaank me Lagenge or kisi  ko uski ShakaL  Acchi  Lag gayi uska Ata pata karega usko message  karne ki koshish  karega or khaam kha uska ghar barbaad  karega or khawind  ki Nazar kisi ghair par pad gayi to khawind  apni Bivi  ke bajaaye uske saath Attach  Ziyada  ho jayega to miya Bivi  ka ye sochna ke Aao ghoomte phirte hain ye firang'giyon ki Taraz hai firang'giyon ka Tariqa hai isliye  hamne to uska Anjaam hamesha  bura hi dekha hai

◑ Auraten Agar apne  khawind  ke saath bahar jana chahti hain to kisi park  me jana ya kisi aisi jagah jana jahan Aam mujamma na ho bilkul  thik hai Magar ghar ki bajaye   chaLo  Pezahat par ja kar khana kha ke aate hain Accha bhai Aaj ham ja kar F.C par khana khate hain ye jo Muhabbat  hai or Zindagi  ki tarteeb  hai ye Bahut  hi zada insaan  ke liye Nuqsaan de hai Shaitaan  Bivi  ko kisi gunaah  me phasane ke Liye Kaamyaab ho jata hai ya khawind  ko kisi gunaah  me phasane me kaam  ho jata hai to isliye pabLik maqamaat par ghoomne  ki Aadat  daLna ye Aam tor par jhagdon  ka Sabab banta hai

◑ Yaad Rakhen Acchi  Zindagi  guzaarne ke liye Agar khawind  ko ghar me hi chuLha gharam miL jaye or gharam diL miL jaye to uske siwa usko koi teesri cheez  nahi chahiye Aap ghar me hi usko Acche khane bana kar de den or gahr me hi usko Apne diL ki gharmi ka Ahsaas  diLa den ke Aap kitni  muhabbat  karti hain to phir  khawind  ko bahar ghoomne  ki kiya Zaroorat  hai

                      *PART-48*
            ┅┅━━═۞═━━┅

*⚃➠ (48) KHAWIND  SE MULAQAAT ME UZAR NA KAREN*

◑ Ye bhi dekha hai kayi martaba khawind  chahta hai ke Bivi  se mulaqaat  karun miLu or Bivi  Sahiba ke uzar bahane hi khatm Nahi hote ye cheez jhagde  ka Sabab  banti hai khawind  gusse me ho to usko bhi AqaLmandi  se deal karna chahiye or khawind  par jab Shehwat ka bhoot Sawaar ho to uske saath bhi AqaLmandi  ka mamLa karna chahiye  jese bhi ho uske us Nashe ko utaaro

◑ Shariyat  ne to yahan tak bhi kaha ke Aurat  Agar oont par Sawaar hai or khawind  ishara kare ke niche Aao mujhe  tumhaari  Zaroorat  hai to wo oont se niche utre khawind  ki Zaroorat  ko poora kare or phir oont par dubara Sawaar ho

◑ Shariyat  ne kitne khoobsoorat UsooL hame bata diye or yahan to miya Bivi  hain ek bistar  par hain or Bivi  ke bahane Nahi khatm hote

       
                       *PART-49*
            ┅┅━━═۞═━━┅

*⚃➠ (49) KHAWIND PAR SHAK NA KAREN*

◑ Ek or cheez jhagde ka Sabab banti hai wo ye hai ke khawind  kabhi kabhi kaam ki wajah se daftar  ki wajah  se deen ke kaam ki wajah  se ya doston  ki wajah  se ghar der se aata hai to khawind  ke der se Aane par ye shak diL me rakh lena ke bahar uska kisi ke saath Ta'alluq  hai ye intehayi  Nuqsaan  de baat hai Jab Bivi  khawind  ko kisi aise gunaah  ka Tana de jo usne Nahi kiya to us par khawind  ka Gusse me Aana ek mard hone ke Nate Hamesha  bahut zada hota hai

◑ Kiya Bivi  iLzaam bardaasht  kar sakti hai ke khawind  usko kahe ke tumhara kisi ghair ke Saath Ta'alluq  hai Agar  Bivi  is baat ko sun kar foran bhadak jaati hai to tumne ye baat kar kese di ???

◑ To khawind  ka bhi to yahi mamLa hai Agar wo der se Aaya to der se Aane ki so wajuhaat Hoti hain wo doston  ke saath beth kar ghap shap marta Raha khata peeta Raha ya daftar  me der Lag gayi Ya kisi  deen ke kaam ki wajah  se masjid  me betha Raha to der se Aane ki to bahut si wajuhaat  ho sakti hain

◑ Hamesha  usse Ek hi natija nikaaLna ke jee khawind der se ghar aata hai mujhe  to Lagta hai ke daaL me kuch kaLa hai ye bad'gumaani miya bivi  ke darmiyaan  Nafraten  peda karne ka Sabab  ban jaati hain

◑ Lihaza baghair  kisi Thos Saboot ke khawind  ke upar bad'gumaani  Na karen Bas Zada muhabbat  den Take bahar ki bajaye  usko Apne ghar ke Andar muhabbat  miLe Agar ghar me Aap jhagda karne ki Aadi ban gayi Zid karne ki Aadi ban gayi Subah  Apne khawind  ka Na nashta tayyar kiya Na kapde diye or Na khud hi usne apne kapde Liye or pehne or isi tarah wo bhooka ghar se chaLa gaya to aisa pareshaan  haaL khawind  jab Daftar  me jayega or wahan daftar  me kaam karne waLi koi be'parda Ladki usko ye Lafz kehde ke Sar Aap Aaj bade pareshaan  Nazar Aarahe hain to bas ye ek lafz khawind  ko uski Taraf  mutawajjah kar ke Rakh dega phir daftar  me uska Affere shuru ho jayega Aap usko ghar se pareshaan  mat bheje Allah RabbuL izzat  ne Qur'aan Majeed me farmaya khawind  tumse Sakoon paye Jab aapne baghair  sakoon ke usko ghar se bhej diya to buniyaadi  ghaLti to Aapne ki hai       
                   
       
                       *PART-50*
            ┅┅━━═۞═━━┅

*⚃➠ (50) ROOTHE SHOHAR  KO MANANE KI KOSHISH  KAREN*

◑ Agar aap mehsoos karen ke Shohar  Rootha hua hai to usko manane ki koshish  karen Kabhi bhi aisi soorat  Nahi honi chahiye  ke insaan  ek dusre  ke saath Narazgi ki haLat me so jaye jab tak ek dusre  ko maafi TaLafi na karLen Sorry  na karLen ek dusre  se pyaar o muhabbat  na karLen kabhi bhi us waqt  tak na soye gusse  ki haLat me jab ek ka chehra ek Taraf ho or dusre  ka chehra  dusri  Taraf ho to SamjhLen ke hamne Zindagi  ke fasLe Te karne ke Liye mukhtalif  Simto'n ko QabooL  kar liya aisi Aurat  jo Naraaz  shohar ki parwaah hi Nahi karti Wo shohar  ki mojoodgi  ke bawajood  Beva ki Zindagi  guzaarne waLi Aurat  hoti hai Kayin aisi bhi Aurten hoti hain ke shohar ke hote hue bhi bewa hoti hain ye aisi hi Aurten  hoti hain Ziddi kham kha khawind  ke saath jhagda kar Lena ye cheez  zindagi  ko Mushkil  me daal deti hai

       
                       *PART-51*
            ┅┅━━═۞═━━┅

*⚃➠ (51) KHAWIND  KA DUSRON  KI NAZAR ME WAQAAR BADHAYEN*

◑ Or kabhi kabhi jhagde  ka Sabab ye banta hai ke khawind  bura hota hai Magar Bivi  uski buraayi ka Dhandora Peetna Shuru kar deti hai Mayeke bhi phone  kar ke Apni Ammi ko bata Rahi hai ke kis museebat  me Aapne mujhe  daaL diya SehLiyon ko bhi phone  kar ke bata Rahi hai ke me museebat  me pad gayi baccho  ke samne bhi baap ki buraayi  kar Rahi hai Jab aapne uski buraayi  ka itna Dhandora peetna shuru  kar diya to aap uski Nazar  me kahan se Acchi  Rahi? Aapne bhi to Sabit kar diya ke buraayi  me Aapne bhi koi kami Nahi chori

◑ Yaad Rakhen hamesha  Apne khawind  ki dusron  ke Samne Izzat  banayen khawind  aapka diL dukhaaye Aapko pareshaan  kare Magar phir bhi aapki Aadat ye ho Aapka khaLq ye hona chahiye  ke dusron  ke Samne uska Accha Tazkira karen is Tarah  baat karen ke dusron  ki nazar me khawind  ki Izzat  or maqaam badh jaye ye ghar Aabaad  karne ke liye intehaayi  Zaroori  hai

                       *PART-52*
            ┅┅━━═۞═━━┅

*⚃➠ (52) KHAWIND  KO FESLA KUN POSITION PAR NA LE JAYEN*

◑ Ek or ghaLti  aam tor par jhagde  ka Sabab  banti hai ke Bivi  Apne khawind  ko kabhi kabhi Aisi position  pe Lakar khada kar deti hai ke jahan use ek ko chorna padta hai or Dusre  ko Rakhna padta hai Kabhi bhi Apne  khawind  ko aisi position  par La kar khada Na karen ke Ya wo Aapko Rakhe ya Apni Maa ko Rakhe ya Aapko Rakhe ya Apni behan ko Rakhe kiyu Aapne is position  par use La kar khada kiya Ab wo jis Taraf bhi Qadam badhayega fasaad hi fasaad hai to aisi soorate HaaL par baat Na Laayen

◑ Hamesha  Apne khawind  ki Zimmedaariyon  ka khayaaL  karen Agar wo ek hi beta hai to apni maa ko kahan bench nikaLega Aapko uski Maa ke saath Zindagi  guzaarne ke liye mujahida  karna hai

       
                       *PART-53*
            ┅┅━━═۞═━━┅

*⚃➠ (53) GHAIR MARD SE TANHAAYI  ME BAAT NA KAREN*

◑ Ek or cheez jhagde ka Sabab banti hai wo ye hai ke kisi ghair mard ke saath Tanhaayi  me baat karna ya phone  par baat karna ye Aurat  ki itni badi ghaLti hoti hai ke uska natija hamesha  barbaadi hoti hai Yaad Rakhen mard Aurat  ki har kotaahi ko bardaasht  kar sakta hai uski kirdaar ki buraayi ko kabhi bardaasht  Nahi kar sakta to ghair  mard ke saath guftugu  karne se Aise ghabraaye jesa baccha kisi Sher ko dekh kar ya biLLi ko dekh kar ghabrata hai is mamLe me Apne kirdaar ko bedaagh Rakhen jab mard ke diL me ye baat hoti hai ke Meri Bivi  paak daman hai to phir wo uski kadwi kaseLi bhi Aaraam se bardaasht  kar jata hai Aapne dekha Nahi hai ke kitni  khoobsoorat  Ladkiyon  ko TaLaaqe hoti hain unka Sabab Yahi museebat  banti hai Kisi ka phone  Aaraha hai kisi ke message  Aarahe hain kisi se baat ho Rahi hai khawind  ko Zara uska pata chaLa to bas ye cheez  miya bivi  ke darmiyaan  fasLe peda karne ka Sabab  ban jaati hai

                       *PART-54*
            ┅┅━━═۞═━━┅

*⚃➠ (54) KHAWIND KI IJAZAT  KE BAGHAIR GHAR SE NA NIKLEN*

◑ Isliye  khawind  ki ijazat  ke baghair koi kaam na kiya karen or khawind  ki ijazat  ke baghair  ghar se bhi Na nikLa karen hadees paak  me aata hai jo Bivi  Apne khawind  ki ijazat  ke baghair  ghar se bahar nikaLti hai jab tak Lot kar Nahi Aati Allah RabbuL izzat  ke Farishte us Aurat  ke upar Lanat barsaate Rehte hain ek or hadees  paak me hai Aurat  ka khawind  Agar kisi  jayaz  baat par usse Naraaz  ho or Aurat  uski parwaah Nahi karti Uska khayal  hi nahi karti Jab tak mard  Naraaz  hai Allah RabbuL izzat us Aurat  ki Namaazon ko bhi QabooL  nahi farmate

◑ Haqeeqate Haal ko Samjh kar deeni zindagi  guzaaregi in Sha Allaah ye jhagde  hi khatm ho jayenge ye baaten to wo thi ke Aam tor se Aurto'n  se kotaahiyan  hoti hain jin par miya bivi  ke darmiyaan jhagde  hote hain biLa ijazat  kaam karna baghair  ijazat  ghar se nikaLna ye badi GhaLtiyon me se ek ghaLti  hai

                       *PART-55*
            ┅┅━━═۞═━━┅

*⚃➠ (55) EK SAHABIYA RAZIYALLAHU ANHA KI BE'MISAAL FARMABARDAARI*

◑ Ab ek hadees mubaraka Sun Lijye  Nabi e Akram SaLLaLLahu ALaihi wasaLLam ke  Zamane me ek miya bivi  upar ki manziL par Rehte the or niche ki manziL par Bivi  ke maa baap Rehte the khawind  kahin Safar par gaya or usne Bivi  ko keh diya tumhaare  pass Zaroorat  ki har cheez hai tumne niche Nahi Utarna chunanche  ye keh kar khawind chaLa gaya Allah RabbuL izzat  ki Shaan dekhe ke waLid Sahab bimaar ho gaye Wo Sahabiya Raz Aurat  Samjhti thi ke khawind  ki ijazat  ki Shariyat  me kitni Ahmiyat  hai Ab ye nahi ke usne suna ke walid bimaar hain to niche Aagayi usne Apne khawind  ki baat ki Qadar ki or Nabi e Akram SaLLaLLahu ALaihi wasaLLam ki  khidmat  me paigham  bhijwaya ke mere khawind  ne mujhe  ghar se nikaLne se mana kar diya tha usse Rabta bhi mumkin  Nahi us Zamane  me koi cell phone  bhi Nahi hote the ke dubara pooch liya jata To Aye Allah RabbuL izzat ke pyaare Habeeb SaLLaLLahu ALaihi wasaLLam kiya mujhe  niche jana chahiye  Nabi e Akram SaLLaLLahu ALaihi wasaLLam ne farmaya ke Nahi Aapke khawind  ne Chunke Aapko mana kar diya Aap niche Na Aayen Ab Zara ghor kijye Nabi e Akram SaLLaLLahu ALaihi wasaLLam ye baat farma Rahe hain ke khawind  ki ijazat  ke baghair  niche mat Aayen Chunache  wo niche Nahi Aayi

◑ Allah RabbuL izzat ki Shaan ke unke walid ki tabiyat zada kharaab ho gayi hatta ke walid ki wafaat ho gayi jab walid ki wafaat ho gayi to us Sahabiya Raz ne phir Paigham  bhijwaya Nabi e Akram SaLLaLLahu ALaihi wasaLLam kiya me Apne baap ka chehra Aakhri martaba  dekh Sakti hun mere walid duniya  se chaLe gaye mere liye kitna bada Sadma hai Nabi e Akram SaLLaLLahu ALaihi wasaLLam ne phir farmaya chunke  tumhaare  khawind  ne tumhe Rok diya tha Isliye  tum upar hi Raho or Apne Walid  ka chehra  dekhne ke liye niche Aana Zaroori  nahi wo Sahabiya  Upar hi Rahi soche us ke diL par kiya guzari hogi kitna Sadma uske diL par hua hoga uske walid ka Janaza padhaya gaya usko dafan kar diya gaya Nabi e Akram SaLLaLLahu ALaihi wasaLLam ne us beti ki Taraf  paigham  bhijwaya ke Allah RabbuL izzat ne tumhaare  apne khawind  ka Lihaaz karne ki wajah  se tumhaare  baap ke sab gunaaho ko maaf farma diya to maLoom  hua ke aap apne ghar me jo kaam bhi karen khawind  se ijazat  Le kar karen

       
                       *PART-56*
            ┅┅━━═۞═━━┅

*⚃➠ (56) KHULASA-E-KALAM*

*◑ Ab tak jo Sabaq jo baaten Aap sab Logon tak pohchayi gayi hain un sabka khuLasa*

◑ Aurat  ko chahiye  ke wo ghar me Zinda diL ban kar Rahe jab shohar  Aaye to khanda peshaani se uska istaqbaal  kare uska diL baagh baagh ho jaye khane ke waqt  dastarkhan  par Apne Shohar se diL'chasp baate kare Jab zehan me be'fikri hoti hai to daaL me bhi Qorme ka maza Aata hai to Bivi Apni Sheeri Zabaan se Apne khawind  ke gham ko khatm kar de uske jitne bhi kaam ho un sabko apne Haath se kare or usko Apne Liye Sa'adat Samjhe Khawind  ki khushi ko Apni khushi khawind  ke gham ko apna gham Samjhe

◑ Kharch o ikhrajaat me kifaayate Sha'aari se kaam Le Bure waqt  ke liye hamesha kuch na kuch Raqam ALag rakhne ki koshish  kare Agar kabhi khawind  ko koi Zaroorat  ho wo pareshaani ke AaLam me ho to us waqt wo Raqam khawind ko pesh karde Aisa karne se aap Apne khawind  ke diL me Apni jagah bana sakti hain  wese bhi jama shuda Raqam me se uske kapde See kar de diye SiLwa kar de diye kabhi ghadi Tohfa Le kar dedi Hadees  paak me Aaya hai Hadya do muhabbat  badhegi Ye hamesha  khawind  ki Zimmedaari  Nahi hoti ke wo hadya de khawind  ki us jama shuda Raqam  me se kabhi bivi bhi use koi personal Cheez Le kar de de khawind  ki khushi  me izafa hoga

◑ Ye UsooL yaad Rakhen ke pehle khawind ko khiLaayen phir khud khaayen pehle khawind ko piLaayen phir khud piyen jis kaam me khawind ko diL'chaspi na ho use Na karen chorde aisi kabhi bhi nobat Na Aane den ke tum muh idhar karLo ham udhar muh karLenge Muhabbat ke medaan me Baazi ko haar kar hi insaan jeet'ta hai Kabhi bhi Apne khawind ke Saath bad'Aytamadi or be'itminaani ka izhaar Na karen Jo Aurat apna diL bhi Sawarti hai or Apna jism bhi Sawarti hai wo hamesha Apne khawind ki pasandeeda banti hai isliye ke jhaLakte hue husn ki Zaroorat nahi hoti Samjhdaari ki Zaroorat hoti hai Mard kabhi bhi ziddi Aurat  ko pasand  nahi karta jab bhi koi aisi baat ho to zid khatm kar ke hamesha  mard ki baat ko maan liya karen paakdamani wo Sift hai jiski Wajah se Aurat  mard ke diL par Raaj karti hai khawind  ke Aaraam ka khayaaL  Rakhe usko Apna Dost  banaye or Dusron  ki nazar me uski izzat  badhaye ye wo baaten hain ke Aurat  Agar in baaton ka khayaaL  Rakhe to ghar ka mahoL  pursakoon  rehta hai miya bivi ke darmiyaan  muhabbat  badhti hai

◑ Aaj Chunke part Last  hai Pehle part  me bata diya gaya tha ke miya bivi  do insaan  hain jinhone  miL kar zindagi  guzaarni hoti hai to kabhi Bivi  ki ghaLti  se jhagda to kabhi Shohar  ki ghaLti  se jhagda 35 Part  ke baad se Aurto'n  ke muta'alliq baaten batayi Ummeed  hai ke Aurten  in GhaLtiyon  se Apne Aapko bachayegi or khushi ke mahoL me Zindagi  guzaaregi

● To ye simple  si baat hai Agar ham kisi ka ho jana chahte hain ya kisi ko Apna banana  chahte hain to hame uski pasand  ko Apni pasand  banana hota hai Dusri  baat ye hai ke bardaasht  karne ki dar guzar  karne ki Aadat  dalen ek Naraaz  ho to dusra  foran use mana Le Allah RabbuL izzat  Tamaam  baaton par ham sabko AmaL karne ki tofeeq  Ata farmaaye  or ye jo ghar ghar ke jhagde hain Allah RabbuL izzat  inko Aafiyat me badaL de or hamare  gharo me sakoon  or cheen Ata farmaaye  Aapas me pyaar o muhabbat Ata farmaaye Aameen ya RabbuL AaLameen

  *╟❥ ALHAMDULILLAH MUKAMMAL*
•┄┄┅┅━━═۞═━━┅┅┄┄•
                                    
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏  ✍🏻  *RAAH-E-HAQQ*     ▏.   

     www.raahehaqq.blogspot.com
  www.facebook.com/babar.khansr.1
👆🏻👆🏻 *Visit for all Msgs*

      ⌊﹁﹁﹁﹁﹁﹁﹁﹁﹁﹁⌋

🍁🍁🍁