Sawal 301-400
SAWAL # 301
Aap Sallallahu Alayhi Wasallam Ki Konsi Zawjah Hai Jin Ka Nikah Or Uroosi ( Pehli Raat ) Or Vafat Tino Ek Hi Jagah Hui ?
1. Hazrat Maymunah R.D.
2. Hazrat Juveriyah R.D.
3. Hazrat Safiyah R.D.
4. Hazrat Sawda R.D.
Sahih Jawab # 1. Hazrat Maymunah R.D.
Ye Tino Chize Maqam E Sareef Me Pesh Aayi Thi.
Maarif Ul Hadis
SAWAL # 302
Hazrat Zainab Binte Jahash R.D. Aap Sallallahu Alayhi Wasallam Ki Kis Fufi Ki Sahabzadi Hai ?
1. Arwa
2. Aatikah
3. Umaima
4. Umme Hakim
Sahih Jawab # 3. Umaima Binte Abdul Muttalib
Seerat Ul Mustufa
SAWAL # 303
Umme Habiba R.D. Ki Validah Kis Ki Fufi Hai ?
1. Hazrat Abu Bakar Siddiq R.D.
2. Hazrat Umar Farooq R.D.
3. Hazrat Usman Gani R.D.
4. Hazrat Ali Bin Abi Talib R.D.
Sahih Jawab # 3. Hazrat Usman Gani R.D.
Maarif Ul Hadis /4
SAWAL # 304
Najashi Ne Umme Habiba R.D. Ko Huzur E Akram Sallallahu Alayhi Wasallam K Pass Kis K Sath Bheja Tha ?
1. Hazrat Jafar R.D.
2. Hazrat Usman R.D.
3. Hazrat Abdul Rahman Bin Auf R.D.
4. Hazrat Shurahbil Bin Hasanah R.D.
Sahih Jawab # 4. Hazrat Shurahbil Bin Hasanah R.D.
Maarif Ul Hadis /4
SAWAL # 305
Wo Konsi Zawjah Hai Jis K Valima Me Aap Sallallahu Alayhi Wasallam Ne Bahot Ahtamam Farmaya Tha ?
1. Hazrat Aaysha R.D.
2. Hazrat Juveriyah R.D.
3. Hazrat Maimunah R.D.
4. Hazrat Zainab Binte Jahash R.D.
Sahih Jawab # 4. Hazrat Zainab Binte Jahash R.D.
Maarif Ul Hadis / 4
SAWAL # 306
1. Wo Konse Sahabi Hai Jo Tabuk Me Bukhar Ki Wajah Se Shaeed Hue Or Un Ki Tadfin Me Hazrat Abu Bakar Or Hazrat Umar K Sath Khud Aap Sallallahu Alayhi Wasallam Bhi Sharik The Or Aap Ne Farmaya Ay Allah Me Aaj Tak Is Se Khush Raha Tu Bhi Is Se Khush Ho Ja.
2. In K Tadfin K Waqt Kis Sahabi Ne Rashk Kiya Tha K Kash In Ki Jagah Is Qabar Me Mujhe Dabaya Jata.
Sahih Jawab
1. Hazrat Abdullah Zul Bajadin R.D.
2. Hazrat Abdullah Ibne Msood R.D.
Tazkera Rasule Arbi Sallallahu Alayhi Wasallam
SAWAL # 307
Wo Konsi Zawjah Hai Jin K Valima Me Aap Sallallahu Alayhi Wasallam Ne Sahaba Se Dastarkhawan Bichhane Ko Kaha. Phir Sahaba Ne Dastarkhawan Bichhaya Or Khana La Kar Rakha Gaya.
Yahi Us Zawjah Ka Valima Tha.
1. Hazrat Juveriyah R.D.
2. Hazrat Maymunah R.D.
3. Hazrat Zainab Binte Khuzaimah R.D.
4. Hazrat Safiyah R.D.
Sahih Jawab # 4. Hazrat Safiyah R.D.
Seerat Ul Mustufa
SAWAL # 308
Azwaj E Mutahharat Me Se Konsi Zawjah Hai Jinho Ne Apne Inteqal K Waqt Hazrat Aaysha R.D. Ko Bula Kar Farmaya K Tum Janti Ho K Sokano K Darmayan Aapas Me Kya Hota Hai. Is Liye Me Tum Se Muaafi Chahti Hoo.
1. Hazrat Sawdah R.D.
2. Hazrat Umme Habiba R.D.
3. Hazrat Zainab Binte Jahash R.D.
4. Hazrat Hafsa R.D.
Sahih Jawab # 2. Hazrat Umme Habiba R.D.
Seerat Ul Mustafa
SAWAL # 309
Wo Konsi Zawjah Hai Jin K Valid Huzur E Akram Sallallahu Alayhi Wasallam K Pass Aae The Apni Beti Ko Lene Or Raaste Me 2 Unt Chhupa Diye The. Or Baaqi Unt Lekar Asp Ki Khidmat Me Hazir Hue The.Aap Sallallahu Alayhi Wasallam Ne Farmaya K Wo 2 Unt Tum Ne Chhupae Hai Wo Kaha Hai? Wo Heran Ho Gae Or Samajh Gae K Aap Nabi Hai Or Allah Hi Ne Aap Ko Batlaya Hai To Kalma Padh Kar Musalman Ho Gae.
1. Hazrat Safiyah R.D.
2. Hazrat Umme Habiba R.D.
3. Hazrat Juveriyah R.D.
4. Hazrat Umme Salma R.D.
Sahih Jawab # 3. Hazrat Juveriyah R.D.
Seerat Ul Mustafa
SAWAL # 310
1. Gazwa E Khaibar
2. Gazwa E Khandak
3. Gazwa E Tabuk
4. Gazwa E HunainIn Chaaro Gazwat Ko Pesh Aane K Etebar Se Tartib Se Batlaiye K Kon Sa Gazwa Pehle Huwa.
Sirf No. Hi Batlaiye.
Sahih Jawab
2. Gazwa E Khandak
1. Gazwa E Khaibar
4. Gazwa E Hunain
3. Gazwa E Tabuk
SAWAL # 311
Fathe Makka K Safar Me Azwaj E Mutahharat Me Se Kon Aap Sallallahu Alayhi Wasallam K Sath Thi ?
1. Hazrat Aaysha R.D.
2. Hazrat Hafsa R.D.
3. Hazrat Umme Salma R.D.
4. Hazrat Aaysha R.D. & Hazrat Hafsa R.D.
5. Hazrat Maymunah R.D. & Hazrat Umme Salma R.D.
6. Hazrat Umme Habiba R.D. & Umme Salma R.D.
7. Hazrat Aaysha R.D. & Hazrat Hafsa R.D. & Hazrat Sawdah R.D.
8. Hazrat Aaysha R.D. & Hazrat Zainab Binte Jahash R.D. & Hazrat Umme Salma R.D.
9. Hazrat Juveriyah R.D. & Hazrat Safiyah R.D.
10. Koi Nahi. Aap Sallallahu Alayhi Wasallam Kisi Bhi Zawjah Ko Nahi Le Gae The.
Sahih Jawab # 5. Hazrat Maymunah R.D. & Hazrat Umme Salma R.D.
Tazkera Rasule Arbi Sallallahu Alayhi Wasallam
SAWAL # 312
Muteemu Tayris Samaa ( Aasman K Parindo Ko Khilane Wala )
Ye Laqab Kin Ka Pada Tha ?
Aaj Koi Options Nahi. Sathi Apni Tahqiq K Mutabiq Jawab Dene Ki Koshish Kare.
Jawab Dene Ka Waqt Magrib Tak. Ulama Jawab Na De.
Sahih Jawab
Abdul Muttalib
Siratul Mustafa
SAWAL # 313
Wo Konse Sahabi Hai Jin K Bare Me Aap Sallallahu Alayhi Wasallam Ne Farmaya Akela Chala Aa Raha Hai Akela Hi Marega Or Akela Hi Uthaya Jaega.
1. Hazrat Abu Moosa Ashari R.D.
2. Hazrat Abu Zar Gifari R.D.
3. Hazrat Abu Talha Ansari R.D.
4. Hazrat Abu Saeed Khudri R.D.
Sahih Jawab # 2. Hazrat Abu Zar Gifari R.D.
Maarif Ul Hadis /4
SAWAL # 314
Me Jutha Nabi Nahi Hoo. Me Abdul Muttalib Ka Beta Hoo.
Ye Jumala Aap Sallallahu Alayhi Wasallam Ne Kis Gazwe Me Farmaya ?
1. Gazwa E Badr
2. Gazwa E Uhad
3. Gazwa E Khandaq
4. Gazwa E Hunain
Sahih Jawab # 4. Gazwa E Hunain
Seerat Ul Mustafa
SAWAL # 315
Kis Gazwe Me Musalmano Ko Apni Tadad Par Naaz Hone Laga Tha?
1. Gazwa E Fathe Makkah
2. Gazwae Tabuk
3. Gazwa E Hunain
4. Gazwa E Khaibar
Sahih Jawab # 3. Gazwa E Hunain
Seerat Ul Mustafa
SAWAL # 316
Wo Konsa Dushaman E Rasul Hai Jis Ko Haq Ta’Ala Ne Ye Saza Di K Us Ka Per Sujh Kar Unt Ki Gardan Ki Tarah Ho Gaya Tha ?
1. Aas Bin Vaeel
2. Nazr Bin Haaris
3. Valid Bin Mugirah
4. Aswad Bin Abde Yagoos
Sahih Jawab # 1. Aas Bin Vaeel
Seerat Ul Mustafa
SAWAL # 317
Wo Konsa Dushman E Rasool Hai Jo Faris Ja Kar Waha K Badshaho K Qisse Kharid Kar Lata Or Logon Ko Jama Kar K Kehta K Muhammad Tumhe Aad Or Samood K Qisse Sunate Hai Aao Mere Pass Me Tumhe Is Se Achhe Qisse Sunau.
1. Uqba Bin Abi Mueet
2. Aswad Bin Muttalib
3. Umayyah Bin Khalf
4. Nazr Bin Haris
Sahih Jawab # 4. Nazr Bin Haris
Seerat Ul Mustafa
SAWAL # 318
Wo Konsa Kafir Bad Bakht Hai Jis Ne Aap Sallallahu Alayhi Wasallam K Chehra E Anwar Ki Janib Thukne Ki Koshish Ki Thi.
1. Abu Jahal
2. Ubai Bin Khalf
3. Uqbah Bin Abi Mueet
4. Aas Bin Vaeel
Sahih Jawab # 3. Uqbah Bin Abi Mueet
Seerat Ul Mustafa
SAWAL # 319
Wo Konse Sahabi Hai Jo Dehaat K Rehne Wale The Or Huzur Sallallahu Alayhi Wasallam Ki Khidmat Me Hadye Le Kar Aate The Aap Bhi Un Ko Shahar Ki Chize Dete The.
Ek Bar Aap Ne Un Ko Bazar Me Kharid Va Farokht Karte Dekha To Chupke Se Pichhe Se Aankhe Band Kar K Farmaya Kon Is Gulam Ko Kharidega ? Wo Chhudane Lage Magar Jab Pata Chala K Ye To Allah K Rasul Hai To Apne Aap Ko Huzur Se Qarib Karne Lage.
Aaj Koi Options Nahi. Sathi Apni Tahqiq K Mutabiq Jawab Dene Ki Koshish Kare
Sahih Jawab : Hazrat Zaahir Ibne Haram Ashjaee R.D.
Tirmizi Sharif
SAWAL # 320
3 Aadmi Chupke Chupke Kisi Ko Pata Na Chale Is Tarah Raat Me Huzur Sallallahu Alayhi Wasallam Ka Quran Sunne Jate The Or Vapsi Me Jama Ho Jate. Fir Va’Daa Karte K Agli Rat Nahi Aaenge. Fir Tino Jama Ho Jate. 3 Din Tak Aisa Hi Huwa.
Un Me Se
(1) Abu Sufyan
(2) Abu Jahal
(3) ……………………….. ?
Aaj Koi Options Nahi. Sathi Apni Tahqiq K Mutabiq Jawab Dene Ki Koshish Kare.
Sahih Jawab : Akhnas Bin Shuraiq.
Maarif Ul Quran
SAWAL # 321
Gazwa E Badr Me Jab Aap Sallallahu Alayhi Wasallam K Liye Chhappar Qaeem Kiya Gaya To Raat Me Us Ki Pehre Dari Karne Wale Kon The ?
1. Hazrat Sa’ad Bin Abi Waqqas R.D.
2. Hazrat Sa’ad Bin Ubadah R.D.
3. Hazrat Sa’ad Bin Muaaz R.D.
4. Hazrat Sa’ad Bin Rabee R.D.
Sahih Jawab # 3. Hazrat Sa’ad Bin Muaaz R.D.
Seeratul Mustafa
SAWAL # 322
Ek Martaba Nabi Sallallahu Alayhi Wasallam Ne Ek Foji Dasta Rawana Farmaya To Us Ka Amir Aise Shaksh Ko Banaya Jis Ko Soorah E …………….. Yad Thi.
1. Soorah E Baqarah
2. Soorah E Kahaf
3. Soorah E Yasin
4. Soorah E Muhammad
Sahih Jawab # 1. Soorah E Baqarah
Maarif Ul Quran
SAWAL # 323
Hazrat Abu Talha Ansari R.D Ne Apna Baag Rahe Khuda Me Sadqa Kar Diya Tha Use Kin Kin K Darmiyan Taqseem Kiya Tha ?
Aaj Koi Options Nahi. Sathi Apni Tahqiq K Mutabiq Jawab Deneki Koshish Kare.
Hazrat Abu Talha Ne Apna Bag Chachazad Bhaiyo Or Rishtedaro Me Taqsim Kiya.
1. Hazrat Ubai Bin Ka’Ab R.D.
2. Hazrat Hassan Bin Saabit R.D.
3. Hazrat Shaddad Bin Aus R.D.
4. Hazrat Naabit Bin Jabir R.D.
Maarif Ul Hadis
SAWAL # 324
Hazrat Jubair Ibne Muteem R.D. Ne Aap Sallallahu Alayhi Wasallam Se Konsi Soorah Ki Chabd Aayte Suni Thi K Kalma Padh Kar Musalman Ho Gae The ?
1. Sure Qamar
2. Sure Najm
3. Sure Toor
4. Sure Rahman
Sahih Jawab # 3. Sure Toor
SAWAL # 325
Quraan E Karim Me Dunaywi Zindagi Ki Misal Kis K Sath Di Gayi Yaani Duniyawi Zindagi ………………………….. Ki Tarah Hai.
1. Aasman Me Hone Wali Bijli
2. Aasman Se Barsne Wala Paani
3. Aasman Me Hone Wali Kadak (Garaj )
4. In Me Se Koi Nahi.
 Agar Jawab # 4 Hai To Fir Us Ki Wazahat Bhi Kare.
Sahihjawab # 2. & 4.
2. Aasaman Se Barasne Wala Pani.
Sure Kahaf
4. Duniya Ko Mata’a Kaha Gaya.
Sure Nisa
Duniyawi Zindagi Ko Lahw Va Laeeb ( Khel Kood ) Kaha Gaya
Sure Hadid
SAWAL # 326
Safar E Taeef Me Aap Sallallahu Alayhi Wasallam K Sath Kon The ?
1. Hazrat Abu Bakr R.D.
2. Hazrat Bilal R.D.
3. Hazrat Abdullah Ibne Msood R.D.
4. Hazrat Zaid Bin Harisah R.D.
Sahih Jawab # 4. Hazrat Zaid Bin Harisah R.D.
Seerat Ul Mustafa
SAWAL # 327
Wo Konse Sahabi Hai Jin Ki Qiraat Sun Kar Aap Sallallahu Alayhi Wasallam Ne Farmaya K Yaqinan Tum Ko Aale Dawood Ki Khubsurat Aawaz Or Khubsurat Lahja Diya Gaya Hai.
1. Hazrat Ubai Bin Kaab R.D.
2. Hazrat Abu Musa Ashari R.D.
3. Hazrat Abdullah Ibne Msood R.D.
4. Hazrat Muaaz Bin Jabal R.D.
Sahih Jawab # 2. Hazrat Abu Musa Ashari R.D.
Maarif Ul Hadis
SAWAL # 328
Wo Konse Sahabi Hai Jab Aate The To Huzur Sallallahu Alayhi Wasallam Un K Liye Apni Chadar Bichha Dete The Or Farmate The
” Marhaba Ho Us Shaksh Ko Jis K Bare Me Mere Parwardigar Ne Mujhe Itaab Farmaya ”
Aaj Koi Options Nahi. Sathi Apni Tahqiq K Mutabiq Jawab Batae.
Sahih Jawab : Hazrat Abdullah Ibne Umme Maktoom R.D
Seerat Ul Mustafa
SAWAL # 329
Ek Martaba Rasulullah Sallallahu Alayhi Wasallam Ne Khana Tanawool Farmaya Or Kuchh Bach Gaya To Farmaya K Abhi Ek Jannati Shaksh Aaega Wo Ise Kahega.
Ab Batlaiye K Kon Aae ? Kis Ne Khaya Wo Khana ?
1. Hazrat Sa’ad Ibne Abi Waqqas R.D.
2. Hazrat Abdullah Ibne Salaam R.D.
3. Hazrat Talha Ibne Ubaidullah R.D.
4. Hazrat Abdullah Ibne Msood R.D.
Sahih Jawab # 2. Hazrat Abdullah Ibnesalaam R.D.
Maarif Ul Hadis
SAWAL # 330
Wo Konse Sahabi Hai Jab Unho Ne Rasulullah Sallallahu Alayhi Wasallam K Madina Munawwarah Aane Ki Khabar Suni Us Waqt Wo Khajoor K Darakht Par Chade Hue The To Wahi Se Khushi Me Allahu Akbar Ka Naara Lagaya. Ye Sun Kar Un Ki Phuphi Ne Kaha Agar Tum Musa Ki Khabar Sunta To Is Se Zayadah Khush Na Hota ? To Us Sahabi Ne Kaha Khuda Ki Qasam Ye Bhi Musa K Bhai Hai Or Wahi Deen Ke Kar Bheje Gae Jo Musa Le Kar Aae The.
Fir Aap Ki Khidmat Me Hazir Ho Kar Musalman Ho Gae.
1. Hazrat Salman Farsi R.D.
2. Hazrat Abdullah Ibne Salaam R.D.
3. Hazrat Maimoon Bin Yamin R.D.
4. Hazrat Talq Bin Ali R.D.
Sahih Jawab # 2. Hazrat Abdullah Ibne Salaam R.D.
Seerat Ul Mustafa
SAWAL # 331
Qamar Ul Bat’Haa Yaani Sar Zamine E Bat’Haa ( Makkah Mukarramah ) Ka Chand Kis Ko Kaha Gaya ?
1. Aap Sallallahu K Par Dada Hashim
2. Aap Sallallahu Alayhi Wasallam K Dada Abdul Muttalib
3. Aap Sallallahu Alayhi Wasallam K Valid Abdullah
4. Aap Sallallahu Alayhi
5. In Me Se Koi Nahi.
Sahih Jawab # 5. In Me Se Koi Nahi
Qamar Ul Bat’Haa Abde Manaf Ka Laqab Tha Jo Aap Sallallahu Alayhi Wasallam K Dada K Dada Hai.
Seerat Ul Mustafa
SAWAL # 332
Aap Sallallahu Alayhi Wasallam Ne Kis Sahabi Ko Nasihat Ki Thi Ay ………………………… Apne Khane Ko Paakiza Bana Le. Mustajab Ud Dawaat Ban Jaega.
1. Hazrat Talha Bin Ubaidullah R.D.
2. Hazrat Sa’ad Bin Abi Waqqas R.D.
3. Hazrat Zubair Ibne Awwam R.D.
4. Hazrat Abdul Rahman Bin Auf R.D.
Sahih Jawab # 2. Hazrat Sa’ad Bin Abi Waqqas R.D.
At Targib Vat Tarhib
SAWAL # 333
Ek Martaba Aap Sallallahu Alayhi Wasallam Ko Bethe Bethe Ungh Aane Lagi. Fir Aap Ne Muskura Kar Sar Uthaya. Sahaba Neuskurane Ki Wajah Puchhi To Farmaya Mujh Par Abhi Abhi Ek Soorat Nazil Hui Hai. Fir Aap Ne Bismillah Padh Kar Wo Soorat Sunai.
Ab Batlaiye K Wo Konsi Soorat Thi.?
Aaj Koi Options Nahi. Sathi Apni Tahqiq K Mutabiq Jawab Batae.
Sahih Jawab : Soorah E Kawsar
Al Durrul Mandood
SAWAL # 334
Islam Me Sab Se Pehle Teer Chalane Ka Sharf Kin Ko Hasil Huwa ?
1. Hazrat Nabi D Akram Sallallahu Alayhi Wasallam
2. Hazrat Abdul Rahman Bin Auf R.D.
3. Hazrat Zubair Ibne Awwam R.D.
4. Hazrat Sa’ad Bin Abi Waqqas R.D.
Sahih Jawab # 4. Hazrat Sa’ad Bin Abi Waqqas R.D.
Kashful Bari
SAWAL # 335
Wo Konse Sahabi Hai Jo Per Se Mazoor The Fir Bhi Apne Israr Se Jang E Uhad Me Shamil Hue Or Shahdat Paayi.
Aap Sallallahu Alayhi Wasallam Ne In Se Farmaya Bhi Tha K Haq Ta’Ala Ne Aap Ko Mazoor Rakha Hai. Magar Fir In K Shoq E Jihad Ko Dekh Kar Ijazat Di Thi ?
1. Hazrat Amr Bin Jumuh R.D.
2. Hazrat Abdullah Ibne Haraam R.D.
3. Hazrat Sa’ad Bin Rabee R.D.
4. In Me Se Koi Nahi.
Agar Jawab Me Option # 4 Hai To Un Ka Naam Bhi Batlae.
Sahih Jawab # 1. Hazrat Amr Bin Jumuh R.D.
Kashful Bari
SAWAL # 336
Huzur E Akram Sallallahu Alayhi Wasallam K Zamane Me Suraj Gahan Huwa To Ittefaq Se Us Deen Kya Waqeah Bhi Pesh Aaya Tha ?
1. Aap Ki Zawjah Hazrat Zainab Binte Khuzaimah R.D. Ki Vafat Hui.
2. Aap Ko Hazrat Zaid Bin Harisah, Hazrat Jafar Bin Abi Talib Or Hazrat Abdullah Ibne Rawaha Ki Gazwa E Mutaah Me Shadat Ki Khabar Mili.
3. Aap K Farznd Ibrahim Ki Vafat Hui.
4. Aap Ko Hazrat Halima R.D. Ki Vafat Ki Khabar Pahonchi.
Sahih Jawab # 3. Aap K Farznd Ibrahim Ki Vafat Hui.
Al Durrul Mandood
SAWAL # 337
Gazwae Badr Me Aap Sallallahu Alayhi Wasallam Ne Madina Munawwarah Me Apna Ja Nashin Kin Ko Banaya ?
1. Hazrat Usman Gani R.D.
2. Hazrat Abdullah Ibne Umme Maktoom R.D.
3. Hazrat Abu Lubabah Bin Abdul Munzir R.D.
4. Hazrat Abu Salma Bin Abdul Asad R.D.
Sahih Jawab # 2 & 3
Pehle Jab Madina Munawwarah Se Nikle To Hazrat Abdullah Ibne Umme Maktoom R.D. Ko Banaya.
Fir Raste Me Maqam E Rawha Pahonch Kar Hazrat Abu Lubabah Bin Abdul Munzir R.D. Ko Amir Bana Kar Rawana Farmaya.
Tazkera Rasule Arbi
SAWAL # 338
In Jango Ko Tartib Se Batlaiye. Yaani Kon Pehle Fir Konsa ?
1. Sariyyah Sa’ad Bin Abi Waqqas R.D.
2. Sariyyah Abdullah Bin Jahash R.D.
3. Sariyyah Hamzah Bin Abdul Muttalib R.D.
4. Sariyyah Ubaidah Bin Haris R.D.
Sahih Jawab
Aaj Ka Jawab Samjhne Se Pehle In Jango Ki Tartib Samjhe.
Sariyyah Hamzah Kab Huwa ? Is Me 2 Qaul Hai. (1) Ramzan San Hijri 1 (2) Rabiul Awwal San Hijri 2
Sariyyah Ubaidah Bin Haris Kab Huwa ? Shawwal San Hijri 1
Sariyyah Sa’ad Bin Abi Waqqas Kab Huwa ? Zil Qadah San Hijri 1
Sariyyah Abdullah Ibne Jahash Kab Huwa? Rajab San Hijri 2

3. Sariyyah Hamzah Bin Abdul Muttalib R.D. ( Pehle Qaul K Etebar Se )
4. Sariyyah Ubaidah Bin Haris R.D.
1Sariyyah Sa’ad Bin Abi Waqqas R.D.
2. Sariyyah Abdullah Ibne Jahash R.D.
Or
4. Sariyyah Ubaidah Bin Haris R.D.
1Sariyyah Sa’ad Bin Abi Waqqas R.D.
3. Sariyyah Hamzah Bin Abdul Muttalib R.D. ( Dusre Qaul K Etebar Se )
2. Sariyyah Abdullah Ibne Jahash R.D.
Seerat Ul Mustafa
SAWAL # 339
Gazwah E Uhad Me Abu Sufiyan Ne Kis Boot Ka Nara Lagaya K Ay ………….. Tu Buland Ho. Tera Deen Buland Ho.
1. Laat
2. Uzza
3. Manaat
4. Hubul
Sahih Jawab # 4. Hubul
Seerat Ul Mustafa
SAWAL # 340
Wo Konse Sahabi Hai Jinho Ne Gazwa E Badr Me Ek Kafir Sardar Ko Nezaa Mara Tha Jo Us K Sar K Paar Ho Gaya Tha. Fir Us Sahabi Ne Khinch Kar Nikala To Us Ki Nok Tedi Ho Gayi Thi.
Aap Sallallahu Alayhi Wasallam Ne Yaad Gar K Tor Par Wo Nezaa Le Liya Tha.
1. Hazrat Zubair Ibne Awwam R.D.
2. Hazrat Talha Bin Ubaidullah R.D.
3. Hazrat Sa’ad Bin Abi Waqqas R.D.
4. Hazrat Abu Ubaidah Bin Jarrah R.D.
Sahih Jawab # 1. Hazrat Zubair Ibne Awwam R.D.
Kashful Bari
SAWAL # 341
Hazrat Abbas R.D. Ki Salat E Janazah Kis Ne Padhayi ?
1. Hazrat Usman R.D.
2. Hazrat Abdullah Ibne Abbas R.D.
3. Hazrat Ali R.D.
4. Hazrat Fazal Ibne Abbas R.D.
Sahih Jawab # 1. Hazrat Usman R.D.
Kashful Bari
SAWAL # 342
Wo Konse Sahabi Hai Jo Itar Ka Karobar Karte The. Meena Me Ek Martaba Unho Ne Dekha K Ek Mard Or Ek Aurat Or Ek Ladka Aa Kar Namaz Padhne Lage To Tajjub Huwa. Hazrat Abbas Waha The Un Se Puchha Kon Hai Ye. To Kaha Ye Mere Bhatije Muhammad Or Aurat Un Ki Bivi Khadija Hai. Or Wo Ladka Bhi Mera Bhatija Ali Hai.
Fir Wo Iman Le Aae.
Aaj Koi Options Nahi. Sathi Apni Tahqiq K Mutabiq Jawab Batae
Sahih Jawab : Hazrat Afif Kindi R.D.
Seerat Ul Mustafa
SAWAL # 343
Wo Konse Sahabi Hai Jin Ki Laash Ko Aasman Par Utha Liya Gaya ?
1. Hazrat Khubaib R.D.
2. Hazrat Haram Bin Milhan R.D.
3. Hazrat Abdullah Ibne Taariq R.D.
4. In Me Se Koi Nahi. Ye Khususiyat Kisi Sahabi Ko Hasil Nahi Hui. ( Faqt Hazrat Isa A.S. Ko Aasman Par Utha Liya Gaya Hai. )
Sahih Jawab : Hazrat Aamir Bin Fuhaira R.D.
Ye Waqeah Gazwa E Beer E Maoonah K Waqt Pesh Aaya. Jis Me Aap Sallallahu Alayhi Wasallam Ne 70 Qurea Sahaba Ko Bheja Tha Or Dushmano Ne Dhoke Se Inko Qatl Kar Diya Tha.
Is Hisab Se Aaj K Jawab Me Option No4. Aadha Sahi Hai K In Me Se Koi Nahi. Us K Bad Ka Jumla Sahih Nahi.
Kashful Bari
SAWAL # 344
A. Kis Sahabi Bachhi Ki Tarbiyat Karne Or Apne Pass Lene K Bare Me 3 Sahabi Me Jhagda Huwa.?
1. Hazrat Hamza R.D.
2. Hazrat Musab Ibne Umair R.D.
3. Hazrat Ubaidah Bin Haris R.D.
4. In Me Se Koi Nahi.
 1. Hazrat Hamza R.D.
Agar Jawab Me Option No4. Ho To Un Ka Name Batlaiye.
B. Wo 3 Sahabi Kon The ?
1. Hazrat Sa’ad Bin Muaaz R.D. , Hazrat Sa’ad Bin Abi Waqqas R.D. , Hazrat Sa’ad Bin Ubadah R.D.
2. Hazrat Abu Bakr R.D., Hazrat Umar R.D., Hazrat Usman R.D.
3. Hazrat Ali R.D., Hazrat Jafar R.D., Hazrat Aqil R.D.
4. Hazrat Ali R.D., Hazrat Jafar R.D., Hazrat Zaid Bin Harisah R.D.
 4. Hazrat Ali R.D. , Hazrat Jafar R.D., Hazrat Zaid Bin Harisah R.D.
C. Wo Bachhi B. Wale Options Me Se Kin K Pass Aayi.?
 Hazrat Jafar R.D.
D. Wo Bachhi Jin K Pass Aayi Un Ki Bivi Is Bachhi Ki Kya Thi ?
1. Naani
2. Fufi
3. Razaee Ma
4. Khala
4. Hazrat Jafar R.D. Ki Bivi Us Bachhi Ki Khala Thi.
Us Bachhi Ki Tarbiyat Karne Wali Khatoon Ka Name Yaani Hazrat Jafar R.D. Ki Bivi Jo Us Bachhi Ki Khala Thi Wo Hazrat Asma Binte Ais R.D. Hai.
Us Bachhi Ka Name Kya Hai ? Is Silsile Me 5 Qaul Hai.
Ammarah , Fatimah , Umama , Amatullah , Salma.
Kashful Bari
SAWAL # 345
Gazwah E Khandaq K Mauqe Par Muhajirin Ka Jhnda Kin K Pass Tha ?
1. Hazrat Sa’ad Bin Abi Waqqas R.D.
2. Hazrat Ali Bin Abi Talib R.D.
3. Hazrat Zaid Bin Harisah R.D.
4. Hazrat Zubair Ibne Awwam R.D.
Sahih Jawab # 3. Hazrat Zaid Bin Harisah R.D.
Seerat Ul Mustafa
SAWAL # 346
Hazrat Sa’ad Bin Rabee R.D. Kon Se Gazwe Me Shaheed Hue ?
1. Gazwa E Badr
2. Gazwa E Uhad
3. Gazwa E Hunain
4. In Ki Shahadat Nahi Balke Wafat Hui Hai.
Sahih Jawab # 2. Gazwa E Uhad
Kashful Bari
SAWAL # 347
Aap Sallallahu Alayhi Wasallam Ko Zahar Dene Ka Waqeah Kab Pesh Aaya ?
1. Gazwa E Bani Nazir K Waqt
2. Gazwa E Bani Quraiza K Waqt
3. Gazwa E Bani Qynuqaa K Waqt
4. Gazwa E Khaibar K Waqt
Sahih Jawab # 4. Gazwa E Khaibar K Waqt
Seerat Ul Mustafa
SAWAL # 348
Wo Konsa Gunehgar Hai Jis Ko Qayamat K Deen Aisi Nahar Se Pilaya Jaega Jo Zaaniya Aurton Ki Sharmgah Se Khun Va Peep Ki Shakal Me Bhehti Hogi.
1. Zeena Karne Wale Mard ( Zeena Karwane Wali Aurat Ki Saza Us Ki Sharm Gah Se Khun Va Peep Ki Nahar Jaari Jar Di Jaegi )
2. Sharab Pine Wale
3. Maal E Haram ( Sood , Rishwat , Yateem Ka Mal Wagerah Khane Wale )
4. Geebat Karne Wale ( Kyu Ki Wo Murdaar Bhai Ka Gosht Khata Hai )
Sahih Jawab # 2. Sharab Pine Wale
Anwar E Hidayat
SAWAL # 349
Ek Rivayat Me Farmaya Aap Sallallahu Alayhi Wasallam Ne K Allah Taala Jis K Sath Kher Ka Muamla Farmate Hai Use Kam Par Laga Dete Hai. Sahaba Ne Arz Kiya Ya Rasulallah ! Kaise Kam Par Laga Dete Hai ? Aap Ne Farmaya …………………………….
1. Use Shahadat Ki Maut Ata Farma Dete Hai.
2. Us K Liye Halal Rozi Ka Intezam Kar Dete Hai.
3. Use Ma Baap Ka Khidmat Guzar Bana Dete Hai. ( Taake Ma Bap Ki Koi Dua Use Lag Jae Or Us K Liye Kher K Darwaze Khul Jae )
4. Use Marne Se Pehle Aamal E Saliha Ki Taufeeq Ata Farmate Hai.
Sahih Jawab # 4. Use Marne Se Pehle Aamal E Saliha Ki Taufeeq Ata Farmate Hai
Mishkat Sharif
SAWAL # 350
Maalik Ibne Auf K Lashkar Se Aap Sallallahu Alayhiwasallam Ka Muqabla Konse Gazwe Me Huwa Tha ?
1. Gazwa E Hunain
2. Gazwa E Tabuk
3. Gazwa E Khaibar
4. Gazwa E Taeef
Sahihjawab # 1. Gazwa E Hunain & 4. Gazwa E Taeef
Malik Bin Auf Se Pehle Muqabla Hunain Me Huwa. Fir Wo Bhag Kar Apne Sathiyo K Sath Taeef Chala Gaya. Aap Sallallahu Alayhi Wasallam Bhi Apne Lashkar Ko Le Kar Waha Pahonche.
Goya Dono Gazwe Me Malik Bin Auf Ka Muqabla Huwa.
Kashful Bari
SAWAL # 351
Fathe Makkah K Mauqe Par Jab Aap Sallallahu Alayhi Wasallam Nikle To Dushmano Ki Jaanib Se Tahqiq E Haal K Liye 3 Shaksh Aae The. (1) Abu Sufiyan (2) Hakim Ibne Hizam (3) …………………. ?
1. Ikramah Bin Abi Jahal
2. Budail Ibne Waraqah
3. Safwan Ibne Umaiyyah
4. Urwah Ibne Masood Saqafi
Sahih Jawab # 2. Budail Ibne Waraqah
Kashful Bari
SAWAL # 352
Wo Konse Sahabi Jinho Ne Iman Lane K Bad Aap Sallallahu Alayhi Wasallam Se Unt K Gosht Na Khane Ki Or Sanichar K Deen Ki Tazeem Karne Ki Darkhawast Ki Thi ?
1. Hazrat Salman Farsi R.D.
2. Hazrat Amr Bin Maimoon R.D
3. Hazrat Abdullah Ibne Salaam R.D.
4. In Me Se Koi Nahi.
Agar Jawab Me Option # 4. Ho To Fir Un Ka Naam Bhi Batlae
Sahih Jawab # 3. Hazrat Abdullah Ibne Salaam R.D.
SAWAL # 353
Ek Rivayat Jis Me Hazrat Jibrail Al. Ne Huzur Sallallahu Alayhi Wasallam Ki Khidmat Me Hazir Ho Kar Kuch Sawalat Kiye Or Aap Ne Us K Jawabat Diye ( Ye Rivayat Hadise Jibrail K Naam Se Mashoor Hai )
Is Rivayat K Raavi Kon Sahabi Hai ?
1. Hazrat Abdullah Ibne Masood R.D.
2. Hazrat Anas Bin Maalik R.D.
3. Hazrat Abu Hurairah R.D.
4. Hazrat Umar Faruq R.D.
Sahih Jawab # 4. Hazrat Umar Faruq R.D.
Muslim Sharif
SAWAL # 354
Shabe Meraj Me Kin Logon Ko Dekha K Un K Sar Patthar Se Kuchle Ja Rahe Hai.
1. Sood Khane Wale
2. Geebat Karne Wale
3. Farz Namaz Me Susti Karne Wale
4. Quran E Karim Ki Be Hurmati Karne Wale
Sahih Jawab # 3. Farz Namaz Me Susti Karne Wale
Seerat Ul Mustafa
SAWAL # 355
Zainab Binte Haris Kon Thi ?
1. Aap Sallallahu Alayhi Wasallam Par Sahar ( Jaadu Karne Wali )
2. Aap Sallallahu Alayhi Wasallam K Liye Gosht Me Zahar Milane Wali
3. Aap Sallallahu Alayhi Wasallam K Raste Me Kaante Bichhane Wali
4. Aap Sallallahu Alayhi Wasallam Par Kachra Dalne Wali
Sahih Jawab # 2. Aap Sallallahu Alayhi Wasallam K Liye Gosht Me Zahar Milane Wali
Kashful Bari
SAWAL # 356
Aap Sallallahu Alayhi Wasallam Ne Farmaya K Kon Hai Jise Me Apni Talwar Doo Or Wo Us Ka Haq Ada Kare.
Ye Talwar Kis Ko Di Gayi ?
1. Hazrat Abu Darda R.D.
2. Hazrat Sa’ad Bin Abi Waqqas R.D.
3. Hazrat Talha Bin Ubaidullah R.D.
4. Hazrat Abu Dujana R.D
Sahih Jawab # 4. Hazrat Abu Dujana R.D.
Kashful Bari
SAWAL # 357
Wo Konse Sahabihai Jin Ko Aap Sallallahu Alayhi Wasallam Ne Apne Pichhe Sawari Par Sawar Kiya. Thodi Der Bad Farmaya K Ay………………………. Tumhare Jism Ka Konsa Hissa Mere Jism Se Lag Raha Hai. Kaha Pet Pr Sina. Aap Ne Farmaya Ay Allah Us Ko Ilm Se Bhar De.
1. Hazrat Amir Muawiyah R.D.
2. Hazrat Abu Darda R.D.
3. Hazrat Abdullah Ibne Masood R.D.
4. Hazrat Amir Hamza R.D.
Sahih Jawab # 1. Hazrat Amir Muawiyah R.D.
Fatawa Rahimiyah
SAWAL # 358
Ek Martaba Huzur ﷺ Ne Apne Jute Mubarak (Nishani Ke Tor Par) Hz. Abu Huraira Rd. Ko De Kar Farmaya :
Mere Ye Dono Jute Le Jaao Aur Aur Is Baag Ke Baahar Tumhe Jo Ye Gavahi Deta Huwa Mile Ke Allah Ke Siwa Koi Ma’Abud Nahi Aur Woh Dil Se Is Par Yaqeen Karta Ho, Usey Jannat Ki Basharat De Dena.Hz. Abu Huraira Rd. Ko Sab Se Pehle Hazrat ………………….. Rd. Mile Aur Hz. Abu Huraira Rd. Ke Seene Par Is Zor Se Maara Ke Wo Surin Ke Bal Zameen Par Gir Pade. Aur Unho Ne Hz. Abu Huraira Rd. Ko Wapas Bhej Diya..
Ab Batlaiye K Wo Sahabi Kon The ?
1. Hazrat Khalid Bin Valid R.D.
2. Hazrat Umar Faruq R.D.
3. Hazrat Sa’ad Bin Abi Waqqas R.D.
4. Hazrat Ali Bin Abi Talib R.D
Sahih Jawab # 2. Hazrat Umar Faruq R.D.
Hayat Us Sahaba
SAWAL # 359
Ek Martaba Ek Sahabi Safar Me The, Raaste Me Ittela Mili Ke Bete Ka Inteqal Ho Gaya. Wo Sahabi Unt Se Utre, Do Raka’At Namaz Padhi. Fir “Inna Lillahi Wa Inna Ilayhi Raajiun” Padha Aur Fir Farmaya Ke Ham Ne Wo Kiya Jiska Allah Ne Hukam Farmaya Hai.
Ab Batlaiye K Ye Sahabi Kaun The ?1. Hazrat Abdullah Ibne Masood R.D.
2. Hazrat Abdullah Ibne Umar R.D.
3. Hazrat Abdullah Ibne Amr Ibne Aas R.D.
4. Hazrat Abdullah Ibne Abbas R.D.
Sahih Jawab # 4. Hazrat Abdullah Ibne Abbas
Fazail E Aamal
SAWAL # 360
Ek Gazwe Me Sahaba Ki Haalat Kharab Thi Bhook Ki Wajah Se. Allah Ta’Ala Ne Un Ko Anbar Machhli Ata Farmayi K Itni Badi Thi K Us Ki Pasli Ki Haddi Ko Khada Kar K Ek Tawil Qad Aadmi Ko Guzara Gaya To Wo Aasani Se Us K Niche Se Guzar Gaya.
Ab Batlaiye K Wo Tawil Qad Sahabi Kon The ?
 Aaj Koi Options Nahi. Sathi Apni Tahqiq K Mutabiq Jawab Batae.
Sahih Jawab : Hazrat Qais Bin Sa’ad Bin Ubadah R.D.
Kashful Bari /8
SAWAL # 361
Aap Sallallahu Alayhi Wasallam Ki Razai Validah Hazrat Halima Saadiya Jab Aapko Makka Le Kar Aayi To Aap Bhid Me Guum Ho Gaye. Us Waqt Aap Sallallahu Alayhi Wasallam Ko Kaun Le Kar Aaya ?
1. Abdul Muttalib
2. Abu Talib
3. Waraqah Bin Naufal
4. Abu Lahab
Sahih Jawab # 3. Waraqah Bin Naufal
Madaarijun Nubuwwah
SAWAL # 362
Aap Sallallahu Alayhi Wasallam Ko Ek Shakhs Khwab Me Dikhaya Gaya Jo Sufed Libas Me Tha Aur Farmaya Agar Wo Dozakhi Hote To Unka Libas Sufed Na Hota Uske Alawa Hota.
Ab Batlaiye K Khwab Me Jo Shakhs Dikhaye Gaye Wo Kon The ?
1. Najaashi ( Shah E Habshah )
2. Tubba Al Himyari ( Yaman Ka Badshah. Jis Ne Makan Banaya Kar Shamul Hakim Ko Diya Tha. Or Usi Makan Me Aap Sallallahu Alayhi Wasallam Ne Hijrat K Bad Madina Munawwarah Me Qayam Kiya Jo Abu Aiyub Ansari Ki Milkat Me Aaya Tha. Tubba Aap Sallallahu Alayhi Wasallam Par 600-700 Sal Pehle Iman Laya Hai. Tubba Hi Ne Aap Sallallahu Alayhi Wasallam K Name Khat Likh Kar Ek Aalim Ko Diya Tha. Or Usi Aalim Ki Nasal Me Hazrat Abu Aiyub Ansari Hai Yahi Khat Aap Ne Abu Aiyub Se Mangaa To Wo Heran Reh Gae. )
3. Habib E Najjar ( In K Bare Me Bhi Mufassirn Ne Likha Hai K Aap Sallallahu Alayhi Wasallam Ki Tashrif Aawri Se Barso Pehle Iman Laae )
4. Waraqah Bin Naufal
Sahih Jawab # 4. Waraqah Bin Naufal
Hayatus Sahaba
SAWAL # 363
Aap Sallallahu Alayhi Wasallam Ki Wo Konsi Zawjah Hai Jis Ne Aap Se Arz Kiya Tha K Aap Meri Bahan Se Nikah Kar Lijiye. Aap Ne Farmaya Tumhare Hote Hue Wo Mere Liye Halal Nahi Hai.
1. Hazrat Umme Habiba R.D.
2. Hazrat Umme Salma R.D.
3. Hazrat Sawdah R.D.
4. In Me Se Koi Nahi. ( To Fir Un Ka Naam Batlaiye )
Sahih Jawab # 1. Hazrat Umme Habiba R.D.
Al Durrul Mandood /4
SAWAL # 364
Ek Martaba Hazrat Umar R.D. Ki Majlis Me Kisi Shaksh Se Reeh Kharij Ho Gayi ( Hawa Nikal Gayi.) Majlis Me Badboo Felne Lagi. Hazrat Umar R.D. Me Farmaya K Reeh Kharij Karne Wale Par Laazim Hai K Wuzu Kar K Aae. Ek Sahabi Ne Mashwera Diya Ay Amir Ul Muminin Aap Tamam Ko Hukm Dijiye K Wo Wuzu Kar K Aae. Taake Us Ka Raaz Zahir Na Ho. Hazrat Umar R.D. Ko Ye Mashwera Bahot Pasand Aaya.
Ab Batlaiye K Wo Mashwera Dene Wale Sahabi Kon The ?
1. Hazrat Abdullah Ibne Abbas R.D.
2. Hazrat Ali Bin Abi Talib R.D.
3. Hazrat Jarir Ibne Abdullah R.D.
4. Hazrat Zaid Bin Sabit R.D.
Sahihjawab # 3. Hazrat Jarir Ibne Abdullah Al Bajali R.D.
SAWAL # 365
Ek Waqt Aisa Tha Ke Sahaba Rd. Ko Namaz Padhni Hoti To Qaum Se Chhup Kar Namaz Padhte. Us Waqt Ek Sahabi Ne Mushrik Shaksh Ko Oont Ke Jabde Ki Haddi Se Mara Aur Sar Zakhmi Kar Diya. Aur Ye Pehla Khoon Tha, Jo Islam Ke Bare Me Bahaya Gaya.
Ab Batlaiye K Wo Haddi Maarne Wale Sahabi Kaun The ?1. Hazrat Zubair Ibne Awwam R.D.
2. Hazrat Talha Bin Ubaidulllah R.D.
3. Hazrat Amir Hamza R.D.
4. Hazrat Sa’ad Bin Abi Waqqas R.D.
Sahih Jawab # 4. Hazrat Sa’ad Bin Abi Waqqas R.D.
Hayatus Sahaba
SAWAL # 366
Wo Konse Sahabi Hai Jinho Ne Musalman Hone K Bad Shytaani Awaz Suni K Muhammad ( Sallallahu Alayhi Wasallam ) Girftar Kar Liye Gae To Fawran Talwar Sont Li Us Waqt Un Ki Umar 12 Saal Ki Thi. Aap Sallallahu Alayhi Wasallam Us Waqt Makkah K Baalaai ( Unchhai , Upar Wale ) Hisse Me The Waha Pahonche To Aap Ne Hath Me Talwar Dekh Kar Puchha Ye Kya? To Unho Ne Puri Tafseel Sunai. Aap Ne Un Ki Talwar K Liye Dua Di.
Ab Batlaiye K Wo Sahabi Kon The ?
1. Hazrat Sa’ad Bin Abi Waqqas R.D.
2. Hazrat Talha Bin Ubaidullah R.D.
3. Hazrat Abdullah Ibne Masood R.D.
4. Hazrat Zubair Ibne Awwam R.D.
Sahih Jawab # 4. Hazrat Zubair Ibne Awwam R.D.
Hayatus Sahaba
SAWAL # 367
Wo Konse Sahabi Hai Jin Ki Vafat K Bad Un K Farznd Ne Un Ki Jaedad ( Property ) Ko Becha To 5 Carod 2 Lakh Dirham Aae.
1. Hazrat Abdul Rahman Bin Auf R.D.
2. Hazrat Usman Gani R.D.
3. Hazrat Zubair Ibne Awwam R.D.
4. Hazrat Sa’ad Bin Ubadah R.D.
Sahih Jawab # 3. Hazrat Zubair Ibne Awwam R.D.
Riyaz Us Salihin
SAWAL # 368
Huzur Sallallahu Alayhi Wassalam Ki Aadat Ye Thi Ke Jang Me Jis Taraf Jane Ka Iraada Hota (Use Na Zaahir Karte ) Balke Aisa Andaz Ikhtiyar Karte , Jisse Kisi Aur Taraf Jane Ka Iraada Hota Ho. Lekin Ek Jang Me Aapne Iraada Saaf Saaf Zaahir Farma Diya Wo Jang Kaun Si Thi ?
1. Gazwa E Khaibar
2. Gazwa E Tabuk
3. Gazwa E Hunain
4. Gazwa E Bani Quraizah
Sahih Jawab # 2. Gazwa E Tabuk
Seerat Ul Mustafa
SAWAL # 369
Ek Hadis Me Aaya Hai Ke Jo Shaksh Qudrat Ke Bawajud Gussa Pi Jaye, Allah Ta’Ala Qayamat Me Saari Makhluq Ke Samne Usko Bulakar Farmaenge Ke………………….
1. Jannat Ke Jis Darwaze Se Jana Chahe, Chala Ja.
2. Tu Ne Mere Liye Apna Gussa Rok Liya Me Tujh Se Apna Gussa ( Azab ) Rok Leta Hoo.
3. Jis Hoor Ko Dil Chahe, Intikhab Kar Le.
4. Tu Shafaat Kar. Jis K Liye Tu Shafaat Karega Mene Us Ko Muaaf Kar Diya.
Sahih Jawab # 3. Jis Hoor Ko Dil Chahe Intekhab Kar Le
Fazail E Sadqat
SAWAL # 370
Ek Pyala ( Cup) Hai. Jis Me Dudh Bhara Hai. Us Pyale Ko Ek Murge Ne Chonch Maar Kar Gira Diya.
Aap Sallallahu Alayhi Wasallam Ne Ye Khawab Kis Moqe Par Dekha Tha ?
Aaj Koi Options Nahi. Sathi Apni Tahqiq K Mutabiq Jawab Batae
Sahih Jawab : Gazwah E Taeef K Waqt
Kashful Bari / 8
SAWAL # 371
Aurton Ko Haiz Or Nifaas Ke Dino Me Niche Diye Hue Options Me Se Kya Hukm Hai ?
1. Namaz Aur Roza Dono Muaaf Hai, Qaza Vaajib Nahi
2. Namaz Muaaf Hai Lekin Roza Ki Qaza Karni Padegi
3. Roza Muaaf Hai Lekin Namaz Ki Qaza Karni Padegi
4. Namaz Aur Roza Dono Ki Qaza Karni Padegi.
Sahih Jawab # 2. Namaz Muaaf Lekin Roze Ki Qaza Karni Padegi
Kutub E Fiqah ( Nurul Izah, Baheshti Zewar , Malabud Vagerah )
SAWAL # 372
Wo Kon Si Sahabiyah Thi Jo Aap Sallallahu Alayhi Wasallam Ke Sath 6 Jang Me Sharik Hui Aur Waha Bimar Aur Zakhmiyo Ka Ilaaj Karti Thi Aur Aap Sallallahu Alayhi Wasallam Se Itni Muhabbat Thi Ke Jab Kabhi Aap Ka Mubarak Naam Leti To Iske Sath Ye Bhi Zarur Kehti Ke Mere Maa-Baap Aap Par Qurban Ho.
1. Hazrat Umme Atiyyah Rd.
2. Hazrat Asma Binte Umais Rd.
3. Hazrat Umme Sulaim R.D. Rd.
4. Hazrat Umme Salit Rd.
Sahih Jawab # 1. Hazrat Umme Atiyyah R.D.
Behashti Zewar
SAWAL # 373
Hz. Umar Faruk Rd. Ek Sahabi Ko Gazwa E Badar Me Sharik Hone Wale Badey-Budhon (Badi Umar Wale) K Sath Apni Majlis Me Sharik Farmaya Karte The,
Ek Martab Un Se Hz. Abdurrahman Bin Auf Rd. Ne Kaha : Aap Is Navjawan Ko Hamare Saath Sharik Karte Hai, Haalaa Ke Iske Jitne To Hamare Bete Hai.Ab Batlaiye K Wo Sharik Hone Wale Sahabi Kon The ?
1. Hazrat Abdullah Ibne Zubair R.D.
2. Hazrat Anas Bin Malik R.D.
3. Hazrat Abdullah Ibne Abbas R.D.
4. Hazrat Abu Hurairah R.D. ( Hazrat Abu Hurairah Badri Sahabi Nahi Hai. San Hijri 7 Me Islam Laae Magar Maqam K Etebar Se Bahot Unche Hai. )
Sahih Jawab # 3. Hazrat Abdullah Ibne Abbas R.D.
Hayatus Sahaba
SAWAL # 374
Hazrat Luqman Alayhis Salam Ne Ek Martaba Apne Sahabzaade Ko Nasihat Ki Ke Jab Tujh Se Koi Gunah Sa’adir Ho Jaay To Ye Amal Kiya Kar.
Ab Batlaiye K Wo Amal Kya Hai ?
1. Sila Rahmi Karna
2. Sadka Karna
3. Zikr E Ilahi Karna
4. Padosi Ke Sath Husne Suluk Karna
Sahih Jawab # 2. Sadqa Karna.
Fazail E Sadqat
SAWAL # 375
Fatimah Binte Qais R.D. Ko Jab Pehle Shohar Ne Talaq Di Thi Huzur Sallallahu Alayhi Wasallam Ne Un Se Farmaya Tha K Jab Tumhare Paigam E Nikah Aae To Mujhe Batlana. 3 Paigam E Nikah Aae.
Ab Batlaiye K Niche Diye Hue Options Me Se Kis Ka Paigam Nahi Aaya Tha.
1. Hazrat Muaviyah Bin Abi Sufiyan R.D.
2. Hazrat Abu Darda R.D.
3. Hazrat Usamah Ibne Zaid R.D.
4. Hazrat Abu Jahm R.D.
Sahih Jawab # 2. Hazrat Abu Darda R.D.
Al Durrul Mandood
SAWAL # 376
Marhab Naami Pahelwan Se Muqabla Kis Gazwe Me Huwa Or Usi Me Wo Qatl Kiya Gaya.
1. Gazwah E Hunain
2. Gazwah E Uhad
3. Gazwah E Khandaq
4. Gazwah E Khaibar
Sahih Jawab # 4. Gazwa E Khaibar
Kashful Bari
SAWAL # 377
Jo Shaksh In Suraton Ko Padhega Wo Jannatul Firdaus Ke Rehne Walo Me Pukara Jaata Hai. Wo Suraten Kaun Si Hai ?
1. Soorah E Fatiha – Soorah E Falaq – Soorah E Naas
2. Soorah E Taaha – Soorah E Yasin – Soorah E Rahman
3. Soorah E Kahaf – Soorah E Dukhan – Soorah E Tabarak
4. Soorah E Rahman – Soorah E Waqiah – Soorah E Hadid
Sahih Jawab # 4. Soorah E Rahman Soorah E Waqiah Soorah E Hadid
Fazaile Quran
SAWAL # 378
Hazrat Usman Rd. Ne Ek Martaba Farmaya Ke Mujhe 3 Chize Mehbub Hai. (1) Bhuko Ko Khilana (2) Nango Ko Kapda Pehnana Aur (3) ………………. Kya Farmaya ?
1. Namaz Ko Uske Waqt Par Adaa Karna
2. Mehman Ki Khidmat Karna
3. Qurane Paak Ki Tilawat Karna
4. Allah Or Rasool K Liye Apne Maal Ko Lutana
Sahih Jawab # 3. Quran E Pak Ki Tilawat Karna.
Fazail E Namaz
SAWAL # 379
Ek Hadis Me Rasulullah Sallallahu Alayhi Wasallam Ne Farmaya K Jis Aadmi Ko Ye Bat Khush Kar De K (1) Us Ki Umar Daraz Kar Di Jae (2) Us K Rizq Me Wus’At Kar Di Jae Or (3) Maut Ki Sakhti Us Se Dur Kar Di Jae To Use Chahiye K
A. Taqwa Ikhtiyar Kare.
B. ……………………………?.
1. Bewa Or Yatimo K Sath Hamdrdi Kare.
2. Sila Rahmi Kare.
3. Padosiyo K Sath Husne Suluk Kare.
4. Achhe Akhlaq Ikhtiyar Kare.
Sahih Jawab # 2. Sila Rahmi Karna
Baihaqi
SAWAL # 380
Ek Sahabi Hai Jinho Ne Africa K Jangalon Me Shahar ( City ) Basana Chaha To Elan Kiya ” Ay Jangal K Saanpo Or Darindo Ham Muhammad Sallallahu Alayhi Wasallam K Ashab Hai Yaha Rehna Chahte Hai To Tum Kisi Or Jangal Me Chale Jao.
Ye Sun Kar Janwar Apne Bachho Ko Le Kar Nikal Gae.
Ab Batlaiye K Wo Elan Karne Wale Sahabi Kon Hai ?
Sahih Jawab Hazrat Uqbah Ibne Nafe’a R.D.
Al Kamil ( Ibne Asir )
SAWAL # 381
Ek Hadis Me Hai Ke Jo Shaksh 40 Din Ikhlaas Ke Sath Is Tarah Namaz Padhe Ke Takbir E Ula Faut Na Ho To Usko Do Parwane Milte Hai. (1) Nifaq Se Bari Hone Ka Aur (2) ………………………………….. ?
1. Jahannam Se Chhutkare Ka
2. Dahne Hath Me Nama E Aamal Milne Ka.
3. Pulsirat Par Jaldi Se Guzarne Ka.
4. Nabi Sallallahu Alayhi Wasallam Ki Shafat Hasil Hone Ka.
Sahih Jawab # 1. Jahannam Se Chhutkara Pane Ka
Fazail E Namaz
SAWAL # 382
Soorah E Qital – Kis Soorah Ka Name Hai ?
1. Soorah E Anfal
2. Soorah E Taubah
3. Soorah E Quraish
4. Soorah E Muhammad
Sahih Jawab # 4. Soorah E Muhammad
Jalalain
SAWAL # 383
Wo Konsi Sahabiyah Hai Jo Aone Chhote Bachhe Ko Le Kar Aap Sallallahu Alayhi Wasallam Ki Khidmat Me Aayi Thi Or Aap Ne Us Bachhe Ko God Me Liya To Us Ne Aap Ki God Me Peshab Kar Diya Tha ?
1. Hazrat Umme Atiyyah R.D.
2. Hazrat Umme Sulaim R.D.
3. Hazrat Umme Qais Binte Mihsan R.D.
4. Hazrat Umme Hani R.D.
Sahih Jawab # 3. Hazrat Umme Qais Binte Mihsan R.D.
Al Durrul Mandood
SAWAL # 384
Rasulullah Sallallahu Alayhi Wasallam Ko Me’Raj Kab Hui ?
 Aaj Koi Options Nahi. Apni Tahqiq K Mutabiq Jawab Batae
Sahih Jawab Waqeah E Me’Raj Me Bada Shadid Ikhtilaf Hai. Or Wo Bhi Mukhtalif Pehluon Par.
 Me’Raj Kis Saal Hui ? Is Silsile Me Hafiz Ibne Hajar Asqalani R.A. Ne Fathul Bari Me 10 Aqwal Bayan Farmae Hai.
(1) Hijrat Se 6 Mahine Pehle
(2) Hijrat Se 8 Mahine Pehle
(3) Hijrat Se 11 Mahine Pehle
(4) Hijrat Se 1 Sal Pehle
(5) Hijrat Se 1 Sal 2 Mahine Pehle
(6) Hijrat Se 1 Sal 3 Mahine Pehle
(7) Hijrat Se 1 Sal 5 Mahine Pehle
(8) Hijrat Se 1 Sal 6 Mahine Pehle
(9) Hijrat Se 3 Sal Pehle
(10) Hijrat Se 5 Sal Pehle
 Me’Raj Kis Mahine Me Hui ? Is Silsile Me 6 Aqwal Talash Kar K Mile Hai.
(1) Rabi Ul Awwal
(2) Rabi Us Saani
(3) Rajab
(4) Ramazan
(5) Shawwal
(6) Zil Hajj
 Me’Raj Kis Taarikh Ko Hui ? Is Silsile Me 4 Aqwal Milte Hai.
(1) 7 Tarikh
(2) 13 Tarikh
(3) 17 Tarikh
(4) 27 Tarikh
 Me’Raj Kis Raat Me Hui ? Is Silsile Me 3 Aqwal Milte Hai ?
(1) Jumerat Ka Din Guzar Kar Jumah Ki Rat
(2) Jumah Ka Din Guzar Kar Sanichar Ki Rat
(3) Itwar Ka Din Guzar Kar Pir Ki Rat.
In Tamam Aqwal Ko Naqal Karne K Bad Awam Va Khawas Me Mashoor Qaul 27 Rajab Ka Hai. Magar Ye Raat Aap Sallallahu Alayhi Wasallam Ki Zindagi Me Aa Kar Guzar Gayi. Har Sal Nahi Aati.
Seerat Ul Mustafa
Nashrut Tib
Al Durrul Mandood
Tohfatul Almaee
SAWAL # 385
Wo Konsa Gunah Jis K Mutalliq Rasulullah Sallallahu Alayhi Wasallam Ne Farmaya K Agar Us Me Kisi Ne Aadhe Kalme K Barabar Bhi Madad Ki To Allah Ta’Ala Se Is Hal Me Milega K Us Ki Dono Aankho K Darmiyan Peshani Par ” Allah Ki Rahmat Se Na Umid ” Likha Huwa Hoga.
1. Kisi Mumin Ko Nahaq Qatl Karna
2. Kisi Mumin Par Jutha Ilzam Lagana
3. Kisi Mumin Ki Aabru Rezi Karna
4. Kisi Mumin Ki Gibat Karna
Sahih Jawab # 1. Kisi Mumin Ko Nahaq Qatal Karna
Mishkat Sharif
SAWAL # 386
Ek Riwayat Me Hai Ke Jisne Magrib Aur Isha Ke Darmiyan In Do Surato Ko Padha Goya Usne Laylatul Qadr Me Qiyam Kiya. Wo Do Surat Kaun Si Hai ?
1. Soorah E Waqeah – Soorah E Dukhan
2. Soorah E Rahman – Alif Laam Mim Sajdah
3. Soorah E Tabarak – Soorah E Alif Laam Mim Sajdah
4. Soorah E Tabarak – Soorah E Waqeah
Sahih Jawab # 3. Soorah E Tabarak & Soorah E Alif Laam Sajdah
Fazail E Quran.
SAWAL # 387
Aap Sallallahu Alayhi Wasallam Ki Konsi Zawajah Hai Jis Ne Aap Ki Bimari Ki Taklif Ko Dekh Kar Kaha Tha K Ye Taklif Aap K Bajaae Mujhe Hoti. Ye Sun Kar Dusri Azwaj Unhe Ghurne Lagi. Aap Ne Farmaya K Wo Sahi Keh Rahi Hai.
1. Hazrat Safiyah R.D.
2. Hazrat Juveriyah R.D.
3. Hazrat Aaysha R.D.
4. Hazrat Maimunah R.D.
Sahih Jawab # 1. Hazrat Safiyah R.D.
Kashful Bari
SAWAL # 388
Huzur Sallallahu Alayhi Wasallam Ne Kis Sahabi Rd. Ki Dubli Patli Pindli Ko Dekh Kar Farmaya Ke : Qayamat Ke Din Inka Wazan Uhad Pahaad Se Bhi Ziyada Hoga
1. Hazrat Abdullah Ibne Abbas R.D.
2. Hazrat Abdullah Ibne Umar R.D.
3. Hazrat Abdullah Ibne Masood R.D.
4. Hazrat Abdullah Ibne Zubair R.D.
Sahih Jawab # 3. Hazrat Abdullah Ibne Masood R.D.
Hayatus Sahaba
SAWAL # 389
Ek Hadis Me Hai Ke Allah Paak Teen Chizo Ko Dekh Kar Khush Hote Hai
(1) Jamaat Ki Saf Ko (2) Aadhi Raat Ki Namaz(Tahajjud) Padhne Wale Ko Aur (3) ……………………………………….?1. Wo Shaksh Jo Kisi Lashkar Ke Sath Lad Raha Ho
2. Wo Shakhsh Jo Namaz Ke Intezar Me Betha Huwa Ho.
3. Wo Shakhsh Jo Sakht Sardi K Waqt Wuzu Karta Ho.
4. Wo Shakhsh Jo Apne Naraz Rishtedar Se Bhi Husne Suluk Karta Ho.
Sahih Jawab # 1. Wo Shaksh Jo Kisi Lashkar K Sath Lad Raha Ho.
Fazail E Namaz
SAWAL # 390
Ek Sahabi Hai Jin K Pass Dudh Laya Gaya. Jab Piya To Ajib Sa Maloom Huwa. Dudh Lane Wale Se Puchha K Ye Kaha Se Laya ? Us Ne Kaha Jangal Me Jo Zakat K Janwar Char Rahe The Us Ka Laya Hoo To Us Sahabi Ne Fauran Qai ( Womit ) Kar Diya.
Ab Batlaiye K Wo Sahabi Kon Hai ?
 Aaj Koi Options Nahi. Apni Tahqiq K Mutabiq Jawab Batae
Sahih Jawab : Hazrat Umar Faruq R.D.
Fazail E Aamal
SAWAL # 391
Wo Konsa Gunah Hai Jis K Mutalliq Rasulullah Sallallahu Alayhi Wasallam Ne Farmaya K Agar Wo Mar Jae To Allah Se Is Hal Me Milega K Jaise Boot Parast.
1. Zina Karne Wala
2. Sharab Pine Wala
3. Sood Khane Wala
4. Gibat Karne Wala
Sahih Jawab # 2. Sharab Pine Wala
Mishkat Sharif
SAWAL # 392
Soorah E Munjiyah ( Najat Dene Wali ) Kis Soorah Ka Name Hai ?
1. Soorah E Baqarah
2. Soorah E Waqiah
3. Soorah E Tabarak
4. Soorah E Yasin
Sahih Jawab # 3. Soorah E Tabarak
Tafseer E Ibne Kasir
SAWAL # 393
Aap Sallallahu Alayhi Wasallam Ne Farmaya Jo Shaksh Mujh Par 1 Martaba Durud Padhega Allah Us Par 10 Rahmate Nazil Farmaenge. Or Jo Mujh Par 10 Martaba Durud Padhega Allah Us Par 100 Rahmate Nazil Farmaenge. Or Jo Mujh Par 100 Martaba Durud Padhega Allah Ta’Ala (1) Allah Us K Liye Nifaq Se Bara’At Likh Denge. (2) Jahannam Se Bara’At Likh Denge. (3) ……………………………. ?
1. Azab E Qabr Se Hifazt Farmaenge.
2. Use Shaeedon K Sath Uthaya Jaega
3. Pul Seerat Par Tezi Se Paar Laga Denge.
4. Use Aap Sallallahu Alayhi Wasallam Ki Shafaat Or Un K Hatho Se Jaam Nasib Farmaenge.
Sahih Jawab # 2. Use Shaeedon K Sath Uthaya Jaega
SAWAL # 394
Huzur Sallallahu Alayhi Wasallam Ne Ek Gazwah Me Shahido Ko Dekha To Farmaya Mai In Sab Par Gawah Hu, Jo Bhi Allah Ke Raaste Me Zakhmi Kiya Jaayega Allah Use Qayamat Ke Roj Is Tarah Uthayega Ke Uske Zakhm Se Khoon Beh Raha Hoga, Jiska Rang To Khoon Hi Ka Hoga Magar Khushbu Mushk Si Hogi.
Ab Batlaiye K Ye Gazwah Kaun Sa Tha ?
1. Gazwah E Badar
2. Gazwah E Hunain
3. Gazwah E Khandaq
4. Gazwah E Uhad
Sahih Jawab # 4. Gazwa E Uhad
Hayat Us Sahaba
SAWAL # 395
Ek Rivayat Me Rasulullah Sallallahu Alayhi Wasallam Ne Farmaya K Aadmi Ka Ek Ghadi Khamosh Rehna ………….. Saal Ki Ibadat Se Behtar Hai.
1. 40 Saal
2. 60 Saal
3. 80 Saal
4. 100 Saal
Sahih Jawab # 2. 60 Saal
Mishkat Sharif
SAWAL # 396
Hadis Sharif Me Sachhe Khawab Ko Nubuwwat Ka …………….. Hissa Kaha Gaya Hai.
1. 40 Wa
2. 46 Wa
3. 48 Wa
4. 50 Wa
Sahih Jawab # 2. 46 Wa
Mishkat Sharif
SAWAL # 397
Nubuwwat Milne Se Pehle ………………… Aap Sallallahu Alayhi Wasallam Ko Sachhe Khawab Aate Rahe.
1. 6 Mahine Tak
2. 8 Mahine Tak
3. 10 Mahine Tak
4. 1 Saal Tak
Sahih Jawab # 1. 6 Mahine Tak
Bukharisharif
SAWAL # 398
Jab Misr Fatah Huwa To Hazrat …………………………….. R.D. Ne Hazrat Umar R.D. Ko Ye Paigam Bheja Tha K Yaha Ek Buri Rasm Hai K Saal Me Falaan Tarikh Ko 1 Ladki Darya E Neel Me Dalte Hai Or Usi Se Wo Darya Behta Hai.
Is Par Hazrat Umar R.D. Ne Jawab Me 1 Parchi Bheji Thi K Isi Darya E Neel Me Daal Do. To Us Sahabi Ne Aisa Hi Kiya Jis Se Wo Darya Jaari Ho Gaya Or Ye Buri Rasm Khatam Ho Gayi.
1. Hazrat Abu Moosa Ashari R.D.
2. Hazrat Sa’ad Bin Abi Waqqas R.D.
3. Hazrat Muawiyah Bin Abi Sufiyan R.D.
4. Hazrat Abdullah Bin Amr Bin Aas R.D.
Sahih Jawab Hazrat Amr Bin Aas R.D.
Aaj Ka Jawab Options Me Nahi Hai. Option # 4 Ko Dekh Kar Baaz Log Khata Kar Gae.
Allah Ta’Ala Sab Ki Mahnat Ko Qubul Farmee.
Nafhat Ul Arab
SAWAL # 399
Wo Konsi Khatoon Hai Jo Rasulullah Sallallahu Alayhi Wasallam K Badan Mubark Se Niklne Wale Mubarak Pasine Ko Bhar Rahi Thi Ek Shishi Me. Kisi Ne Puchha Ye Kya To Kaha K Ham Ise Shadi Me Dulhan K Kapde Me Istemal Karenge.
1. Hazrat Umme Atiyyah R.D.
2. Hazrat Umme Hani R.D.
3. Hazrat Umme Sulaim R.D.
4. Hazrat Umme Ruman R.D. ( Hazrat Aaysha R.D. Ki Validah )
Sahih Jawab # 3. Hazrat Umme Sulaim R.D.
Muslim Sharif
SAWAL # 400
Ibteda Me Jab Roze Farz Hue Tab Ye Hukm Tha K Aadmi So Kar Uthe To Naya Roza Shuru Ho Jata. Ab Ek Sahabi Deen Bhar Mahnat Kar K Sham Ko Ghar Pahonche Or Bivi Se Khana Talab Kiya Wo Lene K Liye Gayi To In Sahabi Ki Aankh Lag Gayi. Jab Bivi Khana Le Kar Aayi To Shohar Ko Sota Huwa Dekha To Kaha Ab Kya Fayda Naya Roza Shuru Ho Chuka. Agle Deen Dopher Hote Hote Wo Sahabi Behoah Ho Gae.
Ab Batlaiye K Wo Sahabi Kon The?
 Aaj Koi Options Nahi. Sathi Apni Tahqiq K Mutabiq Jawab Batae
Sahih Jawab : In Sahabi K Mutalliq 2 Baate Hai.
(1) Al Durrul Mandood /2 Me In Ka Name Sirmah Bin Qais Bataya Gaya Hai.
(2) Maarif Ul Quran/1 Me In Ka Name Qaisbin Sirmah Bataya Gaya Hai.
No comments:
Post a Comment