*◐ JAB -AANKH - KHULEGI ◐*

    *◑Bismillahirrahmanirraheem◐*

         ┄─═✧═✧ ═✧═✧═─┄

     *◐ JAB -AANKH - KHULEGI ◐*

     ┬━─━─━─━─━─━─━─┬

  

*☞ Fir Rabb se Ja Milenge _,*   

          

○┅✧ Ey insaan ! Tu Apne Rab ke Paas pahunchne tak koshish kar raha hai , Fir usse ja milega _," *(Surah Al- inshiqaq ,6)*

○┅✧ Haq Ta'ala Shanhu ne hume Yaha'n bahut mukhtasar waqt ke liye bheja hai aur ye Zindgi Amal ke liye hai , Jesi karni wesi bharni , Achchha Amal karenge to achchha badla milega aur Khuda na khwasta bura Amal karenge to fir bura badla milega , Hum per kai marhale guzre hai'n aur kai marhale baqi hai'n ,Jesa k Allah Ta'ala ka irshad hai :-

"__ insaan per ek bahut bada waqt guzar chuka hai ,jabki wo qabile zikr cheez nahi tha _," *(Surah Ad-Dahar -1)*

○┅✧ Mere Paida hone se pehle ,mere Walden ki shadi hone se pehle koi mujhe nahi jaanta tha ,Koi tazkira nahi tha ,......kai Sadiya'n guzri ,koi cheez bhi nahi thi ,... Ek daur hamare ouper ye guzra ,

○┅✧Doosra hamare ouper guzra jab hum Apni Maa'n ke Shikam mai aaye ,Allah Ta'ala ne ajeeb nijaam banaya ,Qurban jaiye us qudrat per uski rehmat v inayat per Maa'n ke pet mai Allah Ta'ala ne saara nijaam fit kar diya kisi ko pata bhi nahi ,koi kharch nahi , Jab hum Maa'n ke pet mai they to us waqt hamari haalat esi thi k na Maa'n Baap ko pata tha k ye kya hai ,na khud hume pata tha , Hume to kya pata hota Chaar Mahine tak mukhtalif shakle badalte badalte hamare andar Rooh daali gayi ,

     ┬━─━─━─━─━─━─━─┬

  

*☞ Chaar Maah baad Rizq Likh diya Jata Hai _,*   

          

○┅✧ Hazrat Abdullah bin Masoud Raziyallahu Anhu se rivayat hai ,Wo farmate hai'n k hume Rasulullah Sallallahu Alaihivasallam ne bayan farmaya Jo Sadiq v masdooq hai'n k Beshak tumme se har ek ko uski Maa'n ke raham mai Chalees Din tak nutfa ki shakl mai ,aur Chalees Din tak Jame hue khoon aur Chalees din tak gosht ke lothde ki shakl mai rakha jata hai,

┅Fir Allah Ta'ala fatishte ko bhejte hai'n Jo usme Rooh daalta hai ,aur use in Chaar cheezo ke likhne ka Hukm diya jata hai :-

1- iska Rizq kitna hoga ?

2- iski Zindgi kitni hogi ?

3- iski maut kab aur Kaha'n waq'a hogi ?

4- Aur ye k Woh nek bakht hoga ya Shaqi v Badbakht ....,"

*Sahih Muslim -6/332*

○┅✧ Farishta ye Sab Puchhta hai aur Puchhne ke baad fir Bachche mai Rooh daal di jati hai , Paanch Mahine is haalat mai Aadmi guzaarta hai , Fir farmaya :--

┅ Aur har insaan ,humne latka diya hai uski qismat ka parwana uski gardan mai , aur Qayamat ke din hum Uske liye ek kitaab kholenge ( ye uski naama e Amaal ki kitaab hogi ) Jisko WO faila huwa payega aur Kaha jayega :- Apni kitaab padh ,tu hi kaafi hai aaj ke din apna hisaab lene wala _,"

* Tarjuma Surah Bani Israiyl -Aayat 13 v 14 ,*

○┅✧Ab Aapki aur meri aur Duniya ke tamaam insaano ki Jo bhi qismat hai usko Allah Ta'ala ne parwane ki shakl mai gale mai latka diya , kitaab kya hai ,hamare Amaal Jo Kuchh bhi humne kiya hai ,Chhota ya bada ,tamaam ka tamaam likha huwa hai .....Allahu Akbar,

     ┬━─━─━─━─━─━─━─┬

  

*☞ Insani Zindgi Ka Doosra Daur _,*   

          

○┅✧ Maa'n Ke Pet ka Daur Guzar gaya Uske baad Hum Duniya mai aa gaye , Ab yaha'n se Doosra Daur shuru ho gaya , Yaha'n humne is zameen per qadam rakha ,

○┅✧Mufti Muhammad Shafi Sahab Reh. Ma'arful Qur'an mai likhte hai'n k Bachcha Jab Paida hota hai to usko koi hunar nahi aata Us Waqt Aankhe bhi band hoti hai, thodi thodi kholta hai der ke saath Chand lamho ke baad kholta hai , Bolna nahi aata , Apne saath Kapda koi nahi laya balki nanga hota hai ,Koi cheez bhi to nahi Uske Paas , Maalik ne Paanch Mahine Rooh daalne ke baad rakha ,Kul No Mahine rakha , Ab jab Paida ho gaya to bolna nahi jaanta ,hilna nahi jaanta ,ab sirf ek Rone ka kaam aata hai bas ....., 

○┅✧ Bachche ko Sirf ek Hunar aata hai Rone ka aur koi hunar nahi aata , Bhook lage to Royega ,Dhoop lage to royega ,Sardi lage to royega ,Takleef ho to royega ,Garz ye k Bachche ki tamaam haajate sirf ek zariye se poori hoti hai aur WO hai "Rona ", Bachcha Jab Rota hai to Maa'n samajh leti hai k isko fala zarurat hai ,

○┅✧Ye Daur bhi guzra Uske baad hum Aahista Aahista rengne lage aur Kuchh arse ke baad bolne lage ,fir mukhtalif marhalo se hamara Bachpan guzar gaya aur Humne Jawani ki dehleez per qadam rakha ,

     ┬━─━─━─━─━─━─━─┬

  

*☞ Insani Zindgi ka Teesra Daur :- Jawani aur Budhapa ,*   

          

○┅✧ Hadees mai hai Jawani Junoon ki ek Shaakh hai , Jawani aayi to humne samjha k na Maa'n Baap ko aqal hai na doosre logo ko ,Duniya bhar mai Aqal sirf hamare Paas hai aur itni k Apni is Aqal ke zariye Allah aur Uske Rasool ka bhi muqabla karne lage ,Jawani Pukhta hui to Aqal bhi pukhta hui ,Ye Daur bhi guzar gaya, 

○┅✧ Chalees Saal ki Umar ko pahunche to Budhape ki Dehleez per pahunche , Ab rafta rafta ye haal ho raha hai k Aankhe hai'n magar dekhne ka kaam nahi kar rahi ,Kaan hai magar Sunayi nahi de raha ,Taange hai'n lekin bojh nahi uthta , Haath hai magar kaam nahi karte , Maida hai magar Hajam nahi hota , Kabhi fala takleef kabhi fala .., 

     ┬━─━─━─━─━─━─━─┬

  

*☞ Andekhi Manzile_____*   

          

○┅✧ Budhapa bahut badi niyamat hai , Budhape mai Jawani ki saari lazzate chhoot jati hai, Log usse Pareshan hote hai'n lekin Aarifeen kehte Hai'n k Budhapa Pareshani ki cheez nahi balki Niyamate Kubra hai ,

○┅✧ Avval - isliye k Duniya se be ragbati aur iski lazzato se airaaz Allah Ta'ala ko bahut Mehboob hai , Hum ESE kaha'n they k Duniya ki lazzato ko tark karte ? Allah Ta'ala ne Ahsaan farmaya k humsw Aalaate Lazzat chheen kar hume Duniya ki beragbati ka maza chakha diya , Subhanallah ...Kya Ahsaan hai k hum khud Duniya ko na chhod rahe to zabardasti humse Duniya chhudwa di , Jis tarah Maa'n zabardasti doodh chhuda deti hai ,

○┅✧ Dom - Ye k ab hum maut ki dehleez per khade hai'n, qabr mai paanv latkaye bethe hai'n , marte hi humse Duniya ki saari lazzate hi nahi balki khud Duniya hi chhoot jayegi , Budhape ke zariye Allah Ta'ala pehle hi iski Mashq ( Practice ) kara dete hai'n , 

○┅✧Som - Ye k Aadmi Budha ho kar Aakhirat ki taiyaari shuru kar deta hai kyunki Jaanta hai k ab Chala Jaunga , Tauba karta hai ,Gunaho ki maafi maangta hai ,Kotahiyo ki talafi karta hai ,Budhape ki badolat in cheezo ki Tofeeq ho jana Ahsaan e Azeem hai ,isliye Aarifeen kehte Hai'n " Budhapa Maut ka Qaasid hai _" aur Jab Qaasid bulawa le kar aa jaye to Aadmi ko chahiye k Sab Kuchh chhod kar Safar ki taiyaari kare ( Allah Ta'ala Tofeeq ataa farmaye ),

○┅✧Yaha'n tak ke marahil to humne dekh liye magar iske baad ke Jo marahil hai'n WO hamare saamne nahi , Ab sabse Pehle Maut ka marhala hai , Fir Qabr hai, Fir Hashr hai ,Fir hisaab kitaab ,Fir Pul siraat se guzarna hai ,Uske baad hamari Aakhri manzil aane wali hai, Jannat Ya Dozakh ,

     ┬━─━─━─━─━─━─━─┬

  

*☞ Pehli Manzil Maut ____,*   

          

○┅✧ Hamari ye kamzori hai k Jis haalat mai hum hote hai'n Uske aage ki hume soch nahi aati , Sabko maloom hai k marna hai ,Pehle ke log bhi mare hai'n Hum bhi marenge , Duniya ki har cheez mai ikhtilaf hai magar Maut mai koi ikhtilaf nahi , Tamaam Musalman aur Kaafir is baat per muttafiq hai'n k Aadmi marega , 

○┅✧Lekin hamari sabse badi bimaari ye hai k hum Zindgi ke  Jis Daur se guzar rahe hai'n usme hum ese ulajh kar reh gaye k Aage ki manzile humse ojhal ho gayi , Aur ye Haq Ta'ala Shanhu ka Ahsaan ,inayat uski rehmat uska fazal hai k Hamare Rasulullah Sallallahu Alaihivasallam ko Allah Ta'ala ne Apne Paigamaat de kar bheja , Duniya ki Aakhirat ki koi khair esi nahi Jisko Rasulullah Sallallahu Alaihivasallam ne bayan na farmaya ho aur Duniya aur Aakhirat ka koi Shar esa nahi Jisse Aap Sallallahu Alaihivasallam ne na daraya ho ,  

○┅✧ Abu Daowd Sharif ki Hadees hai - mai'n tumhare liye ba-manzila Baap ke hu'n ,Tumko taleem deta hu'n _,"  Yani Jis tarah Aulaad ke liye Baap hota hai Jo har har cheez ki taleem deta hai aur Waliden ki taleem nihayat ikhlaas wali hoti hai usme Apni moi garaz nahi hoti balki uska mansha Aulaad ki muhabbat v Shafqat hai , Yahi muhabbat taqaza karti hai k Aulaad ko har Aafat se bachaya jaye aur har Bhalaai ki taraf unki rehnumayi ki jaye ,

○┅✧ Aap Sallallahu Alaihivasallam Ummat ke liye Ba-manzila Baap ke hai'n aur Tamaam Ummat Aapki Aulaad hai , Aapko Apni Ummat ke saath esi muhabbat hai k Duniya bhar ki tamaam Maao'n ki mamta ko Jama kar liya jaye aur Tamaam Baapo ki Shafqat Jama kar li jaye to ye Sara majmua bhi Aap Sallallahu Alaihivasallam ki muhabbat v Shafqat ka muqabla nahi kar sakta ,

     ┬━─━─━─━─━─━─━─┬

  

*☞ Bando per Allah Ta'ala ki Shafqat v inaayat _*   

          

○┅✧ Ek Hadees ( Mishkaat- 2017 ) ka Mafhoom hai k Haq Ta'ala Shanhu ne Apni Rehmat ke So hisse kiye hai'n unme se ek hissa Allah Ta'ala ne Duniya mai naazil farmaya aur Usko Jinno ,insaano ,Jaanwaro aur Hashraatul Arz ke darmiyan taqseem kar diya , Aur is Rehmat ke Sove hisse ka asar hai k insaan ,jinn, janwar bhi Aapas mai Shafqat karte hai'n aur isi hissa e Rehmat ki vajah se Vahshi Jaanwar aur Faad khane wale darinde bhi Apni Aulaad per Shafqat karte hai'n , 

○┅✧Farmaya Rehmat ka ye Sova hissa bhi khatm nahi hua  , Allah ki Rehmat kese khatm ho sakti hai ? Qayamat ke Din Allah Ta'ala is Sove hisse ko un Ninyaanve hisso ke saath mila kar Apni Kaamil Rehmat Apne Bando farmayenge, Apne Khaas Bando per yani Jannati logo per ,

○┅✧isse andaza ho sakta hai k Allah Ta'ala Apne Bando per Kis qadar Raheem v Kareem hai'n ,aur Unki Rehmat v Shafqat Kis qadar wasi'a hai ? Allah Ta'ala ke baad Qaynaat mai sabse Zyada Rauof Raheem Aap Hazrat Sallallahu Alaihivasallam ki zaate aali hai ,
*

     ┬━─━─━─━─━─━─━─┬

  

*☞ Maut Ka Kasrat Se Zikr Karo _,*   

          

○┅✧ Hazrat Abu Huraira Raziyallahu Anhu Aap Hazrat Sallallahu Alaihivasallam ka irshad naqal karte hai'n k :- Lazzato ko khatm karne wali cheez Yani Maut ko Kasrat se yaad kiya Karo _," 

        *( Tirmizi -1/54)*

○┅✧ Duniya ki sari lazzate aur saari Khushiya is na-payedaar Zindgi tak mehdood hai ,Jab Rooh Badan ka rishta toot jayega to ye Aisho ishrat aur masarrat v Shaadmani Sare asbaab dhare reh jayenge , insaan ki gaflat ki vajah se Maut ka bhayanak chehra uski nazar se ojhal hai ,Agar ye gaflat ka gubaar chat jaye to Maut aur maut ke baad ka manzar Uske saamne rahe to is Duniya ki kisi cheez mai Dil na lage ,

○┅✧ Jis Chaheti Bivi ke liye Apne Deen ko bigaada ,Jis pyaari Aulaad ke liye Apni Aakhirat barbaad ki ,Jin Azeezo aqarib ki khatir Apni aaqbat se be parvaah they ,Unme se koi bhi to saath nahi dega , na Kothi bangla aur maal v daulat saath jayega , Qabr Ki tang v andheri kothri mai isko tane tanha Jana hoga ,Jis Jism ko banane Sanwarne per ghanto lagaya karta tha Chand Din baad gal sad kar Keedo ki khuraakh banega , Ye hai maut ka zaahiri naqsha ,

○┅✧ Baqi raha uski Roohani Sakhtiya'n ,Jaankani ka azaab ,Farishto ka saamna ,Qabr ke Azaab ki kaifiyat uska andaz to chashme tasavvur bhi nahi kiya ja sakta, Maut ko yaad rakhna bahut zaroori hai aur badi ibaadat bhi hai , Duniyavi pareshaniyo se nijaat ka ilaaj bhi hai ,Ye Aadmi ke liye taaziyana ibrat bhi hai ,Us Shakhs se bada badnaseeb koi nahi Jo Apni maut ko bhool jaye  ,Allah ta'ala hume sahi basirat ataa kare , Aameen,

     ┬━─━─━─━─━─━─━─┬

  

*☞ Haq Ta'ala Shanhu Se Mulaqaat Ka Zariya Maut Hai_,*   

          

○┅✧ Hazrat Ubada bin Saamit Raziyallahu Anhu Huzoor Aqdas Sallallahu Alaihivasallam Ka irshad naqal karte hai'n k - Jo Shakhs Allah Ta'ala se mulaqaat ka ishtiyaq rakhe ,Allah Ta'ala uski mulaqaat ko pasand farmate hai'n aur Jo Shakhs Allah Ta'ala se mulaqaat ko na-pasand kare ,Allah Ta'ala bhi uski mulaqaat ko na-pasand farmate hai'n _,"

   *Tirmizi Sharif -2/55*

○┅✧ Is Hadeese Paak ki Tashreeh Aap Sallallahu Alaihivasallam ne khud hi irshad farma di hai , Sahih Bukhari ki hadees mai hai k Jab Huzoor Aqdas Sallallahu Alaihivasallam ne ye irshad farmaya to Ummul Momineen Sayyada Ayesha Siddiqa Raziyallahu Anha ne arz kiya - Ya Rasulallah ! Maut ko to humme se har Shakhs na-gawaar samajhta hai , 

"__ matlab ye tha k Haq Ta'ala Shanhu se mulaqaat ka zariya to maut hai aur maut har Shakhs ko tab'an nagawaar hai to goya ba waasta Haq Ta'ala Shanhu Se mulaqaat bhi nagawaar hui ?

○┅✧iske Jawab mai Aap Hazrat Sallallahu Alaihivasallam ne irshad farmaya k - Ayesha ! Ye matlab nahi ,balki jab Momin ki maut ka waqt aata hai to use Haq Ta'ala ki razamandi aur karamat ki basharat  di jati hai ,Tab Uske liye isse badh kar koi cheez Mehboob nahi rehti aur WO Haq Ta'ala se mulaqaat ka mushtaaq ho jata hai aur Allah Ta'ala bhi usse mulaqaat ko pasand farmate hai'n,

,__Aur Jab Kaafir ki maut ka waqt aata hai to Use Allah Ta'ala ke Azaab v saza ki khabar di jati hai, Us waqt maut aur maut ke baad ki haalat se badh kar Uske liye koi cheez na-pasandida aur makrooh nahi hoti , Tab WO Allah Ta'ala se mulaqaat karne ko na-pasand karta hai aur Allah Ta'ala bhi usse mulaqaat ko pasand nahi farmate hai'n _,"

* Sahih Bukhari ,2/923*

     ┬━─━─━─━─━─━─━─┬

  

*☞ Maut Ki Tamanna Ki Muma'anat_,*   

          

○┅✧ Hadeese Paak mai Maut ki tamanna se muma'anat farmayi gayi hai ,Chunache irshad hai :- 

"__...Tumme se koi Shakhs maut ki tamanna na kare ,kyunki agar woh nekikaar hai to Shayad woh Apni nekiyo'n mai izafa kar sake aur bad- kaar hai to mumkin hai use Tauba aur maafi ki Tofeeq ho jaye _,"

 *Sahih Bukhari ,2/1074*

○┅✧Ek aur Hadees mai hai k Allah Ta'ala se maut na maanga karo aur agar sawal karna hi hai to yu'n kiya karo :- 

"__ Ey Allah ! Mujhe Zinda rakhiye Jab tak Aap ke ilm mai mere liye wafaat behtar ho _,"

 *Tirmizi - 1/ 116_,*

○┅✧ Isliye Momin ki shan ye honi chahiye k WO har dam maut ke liye taiyaar aur Haq Ta'ala Shanhu se mulaqaat ka Mushtaaq rahe lekin maut ki darkhwast na kare balki Zindgi ki Jo mohlat use mayassar hai use ganimat samjhe ,Apni nekiyo'n mai izafa kare aur Jo gunaah sarzad ho gaye unse Tauba istigfaar karta rahe aur Jo huqooq Uske zimme waajibul ada hai unko ada karne ki fikr kare aur Jo huqooq zaaya kar chuka hai unki talafi ki koshish kare taki jab bhi bulawa aaye to Jane ke liye bilkul taiyaar betha ho ,Haq Ta'ala Tofeeq ataa farmaye _, 

     ┬━─━─━─━─━─━─━─┬

  

*☞ Maut Ka Farishta Tumhare Pichhe hai _,*   

          

○┅✧Hazrat Mujahid Reh.farmate hai'n k Hazrat Usman bin Affan Raziyallahu Anhu ne khutba diya ,usme irshad farmaya :- 

"__ Ey ibne Aadam ! Beshak Maut ka Farishta Jo tum per muqarrar kiya gaya hai WO hamesha tujhko chhod kar doosro ke Paas jata raha Jabse tu Duniya mai aaya hai ,aur bas yu'n samajh le k ab woh doosro ko chhod kar tere Paas aane wala hai aur woh tere iraade se chala hai ,

Lihaza Apne bachaav ka samaan kar lo , uski taiyaari kar lo ,gaflat na karo ,isliye k tujhse gaflat nahi ki ja rahi , Ey ibne Aadam ! Tujhe maloom hona chahiye k agar tu Apni zaat se gaflat karega aur taiyaari nahi karega aur Allah Ta'ala se mulaqaat baharhaal zaroori hai, So Apni zaat ke liye hissa le aur isko doosro ke supurd na kar_,"

* Kanzul Ummal ,Jild-15, Hadees -42790*

○┅✧ Hazrat Usman Raziyallahu Anhu farmate hai'n k Jabse tum Paida hue ho tumne logo ko marte dekha hai , maut ka farishta tum per bhi muqarrar kiya gaya hai lekin WO tujhko chhod kar doosro ke Paas jata raha hai lekin esa lag raha hai k ab tumhara number aa gaya ,ab doosro ko chhod kar tumhare Paas aayega ,matlab ye k Farishta kisi bhi waqt aa sakta hai, aur Jab uska aana Haq hai to tumhe Apni taiyaari karni chahiye, Apna boriya Bistar taiyaar rakho jab maut ka Farishta tumhare Paas aaye to chal pado ,isse gaafil nahi rehna chahiye,

○┅✧ Ek Hadees Sharif mai ye nasihat farmayi gayi hai :- 

"__ ...Jab tum namaz padhne ke liye tiyaar ho to yu'n samjho k bas ab ye tumhari Aakhri namaz hai ,( Jitni bana sanwaar ke padh sakte ho padh lo ) _,"

* Mishkaat- 445 _,*

     ┬━─━─━─━─━─━─━─┬

  

*☞  Gunaaho Ka Bojh _,*  

          

○┅✧Ek Ye k Jo Samaan laad rahe ho ye dekh lo k itna utha ke chal sakte ho k nahi ? Jesa k Hadees Sharif mai farmaya gaya hai :- 

"__ ...Jis Shakhs ne kisi ki ek baalisht bhi zameen hathiya li ,Qayamat ke Din Saat Zameeno se nikaal kar woh tukda Uske gale mai toq ke tor per pehnaya jayega _,"

* Mishkaat- 254_,*

○┅✧ Hum to 10 kilo mitti bhi nahi utha sakte , itna bada bojh kese uthayenge , Yaha'n to zameen ko badhane ki laalach mai k mera plot thoda bada ban jaye doosre ki zameen per qabza kar liya ,

○┅✧ Mere Bhai ! Doosre ki zameen per qabza nahi kiya balki apna bojh bhaari kar liya ,tumhare gale mai zameen ka tukda pehnaya jayega aur fir Kaha jayega :- Shabaash uthao ,

○┅✧ To maut se gaflat na karo ,WO to aani hai ,Maut se gaflat na karo balki Uske liye taiyaari karo ,Doosra ye k Apna bachaav karo , Aage Jo mushkilaat aane wali hai ,Un mushkilaat ka muqabla karne ke liye tosha saath lo ,

"Fir irshad farmaya :-__...Ey ibne Aadam ! Agar tu Apne nafs se gaafil raha aur uski taiyaari na ki to fir Teri jagah kon taiyaari karega ? 

     ┬━─━─━─━─━─━─━─┬

  

*☞ Kya Teeje ,Dasve ,Chaleesve aur Qur'an Khwani se Teri Magfirat ho Jayegi ?*   

          

○┅✧ Kya Khayal hai K Baad wale ( Tere Marne ke baad ) Teesre Din ya Qul Sharif karwa kar Teri bakhshish karwa lenge ? Tumne Qur'an e Majeed Zindgi mai kabhi khatm nahi kiya aur na rozana Tilawat ki ,Lekin Maut ke din ya Teesre Din tumhare liye Qur'an e Kareem khatm karwa ke tum samajhte ho k tumhara qarza ada ho jayega ?

○┅✧ Bhale Aadmi ! Tumne Apne liye Kuchh nahi kiya to doosra tumhare liye kya karega ? Aur tumhe nazar aata hai k ye log Teeja ,Saatva ,Dasvaa ,Chaleesva karte hai'n, usse bakhshish ho jayegi ,nahi Bhai ! Ye to mahaz rasme hai'n ,

○┅✧ Log kehte Hai'n k Ji Qur'an Khwani karwani hai , Qur'an Khwani ka matlab hai Qur'an Padhna , Padhna aata bhi hai k nahi ? Poochh lo unse k tumhe Qur'an Padhna aata bhi hai ? 

"_Apne khayal aur Apne andaz se Qur'an padhte hai'n , Qur'an Padhna sikha bhi to ho to Padhna aaye , Yahi vajah hai k Qur'an Khwani wale ek Safe ko do do Aadmi padhne lagte  hai'n ,ek idhar se ek udhar se , Mere Bhai ! Ye Tilawat ya Tilawat ka dhoka hai ? 

○┅✧ Yaad rakho Allah Ta'ala dhoko mai nahi aate , Kabhi Haafizo ko bula lete Hai'n aur unko ujrat dete hai'n, Ujrat le kar Qur'an Padhna ,iska Sawab hi nahi milta , do Chaar din ye rasmi baate karte hai'n ,Qul kar le. ,Teeja Dasva kar liya ,Chaleesva kar liya ,fir Saal ba Saal barsi per yaad aa gaye , fir bhi ek aadh taqreeb kar li ,Dost ahbaab ko ikattha kar liya aur Khana khila diya to goya Marne wale ka saara farz humne ada kar liya , 

"___Zara Sochiye Jis Shakhs ki 60 Saal ya 70 Saal ki Umar hui hai kya Uske zimme Allah Ta'ala ka bas itna hi farz tha ? Aur WO in rasmo se ada ho gaya ?

     ┬━─━─━─━─━─━─━─┬

  

*☞ Aakhirat Ka Muflis _,*   

          

○┅✧Rasulullah Sallallahu Alaihivasallam ka irshade girami hai :-

"__..Jaante ho Muflis kaun hai ? Arz kiya gaya :- Hum to Muflis usko kehte Hai'n Jiske Paas Rupiya Paisa nahi hota !

Farmaya :- nahi ,Meri Ummat ka Muflis Aadmi WO hai Jo Namaz ,Roza ,Zakaat vagera aur bahut saari nekiya'n le kar aaye , Lekin kisi ka maal khaya tha ,kisi ki be aabrui ki thi ,kisi ko gaali di thi ,uska naahaq maal khaya tha , uska naahaq khoon bahaya tha aur usko maara tha vagera ,

Pas uski nekiyo'n se un arbaabe huqooq ke huqooq ada kiye jayenge aur Kaha jayega k Namaze Woh le jaye ,Roze ye le jaye ,Zakaat ye le jaye , garz ye k uski saari nekiya'n Ahle huqooq le jayenge aur ye khaali ka khaali khada reh jayega ,

__Fir Uske huqooq agar nekiyo'n se poore honge to theek varna fir Ahle huqooq ke gunaah le kar us per daal diye jayenge aur usko oundhe moonh dozakh mai daal diya jayega ( Ye hai meri Ummat ka Muflis )_,"

* Mishkaat- 435_*

○┅✧ Hamari haalat ye hai k hamare zimme Allah Ta'ala ke Jo huqooq hai'n unse gaflat , Bando ke Jo huqooq hai'n unse gaflat, garz gaflat hi gaflat hai aur uski fikar hi nahi k aage kya manzile pesh aane wali hai'n ,

○┅✧ Afsos Marne se pehle Pehle Zindgi ki fikar khaye jati hai k mehngayi bahut hai ,Bachche kya khayenge ,kya karenge ?Zindgi Jese guzarenge ? Are Bhai ye to guzar rahi hai aur guzar jayegi , lekin marne ke baad Jo Zindgi shuru hone wali hai uska kya hoga ? Hume uski fikar karni chahiye,
_,*

     ┬━─━─━─━─━─━─━─┬
  
*☞ Momin Apne aur Doosro Ke liye bhi Aakhirat ka Samaan Kare,*   
          
○┅✧ Farmate hai'n :- Ey ibne Aadam ! Apne liye taiyaari kar ,gaflat na Kar ,agar tu Apni zaat ke liye taiyaari nahi karega to doosre Aadmi tere liye samaan nahi karenge _,"

○┅✧ Aur mai'n to kehta hu'n k Momin ko doosro ke liye bhi samaan karna hoga ,Dua ,istigfaar ,isaale Sawab karna hoga ,Hazrat Doctor Abdul Hayi Aarifi Quddus farmate hai'n k Aulaad ke zimme Haq hai k WO Aathve din Apne Maa'n Baap ki Qabr ki Ziyarat kare , unke liye isaale Sawab kare ,Kuchh padh kar bakhshe ,tamaam Ahle Imaan ke liye bakhshish ki Dua kare k Ya Allah ! Imaan salamat rakh ,khaatma bil khair farma _, Hum log to Apne liye hi gaafil hai doosro ki kya fikr karenge ?

○┅✧ Aur Jo ye doosro ke liye kar raha hai WO bhi Apne liye hi hai k Jab tum doosro ke liye maangoge to Allah Ta'ala tumhe pehle ataa farmayenge , Doosro ke liye khair maangoge to Allah Ta'ala pehle tumhe khair ataa farmayenge, isliye k masla ye hai k Jab bakhshish ki Dua karni ho to yu'n Kaha jaye ;- Ya Allah ! Meri bakhshish farma aur Imaan wale mardo aur Aurto'n ki bakhshish farma ," is mukhtasar Dua mai Hazrat Aadam Alaissalam se le kar Qayamat tak aane wale tamaam Momineen ke liye Dua ho gayi ,

     ┬━─━─━─━─━─━─━─┬
  
*☞ Kaafir v Musalman Ki Allah se Mulaqaat Ka Haal _,*   
          
○┅✧ Marne ke baad Allah Ta'ala ke saamne Jana hai Koi Roshan chehra le kar jaye aur Koi nauzubillah Kaala moonh le kar jaye , Allah Ta'ala ki panaah , Bahar haal Jana hai aur Baargahe Khudawandi mai haazri laazim hai , Hadees Sharif mai farmaya gaya hai :-

"__Lekin Jab Momin ki wafaat ka waqt qareeb aata hai to Uske Paas Allah Ta'ala ki jaanib Se ek Khushi khabri sunane wala Farishta haazir hota hai aur Jo Kuchh Allah Ta'ala ke Yaha'n uska aizaaz v ikraam hone wala hai isse usko agaah karta hai ,to Uske nazdeek Allah Ta'ala se mulaqaat se Zyada koi cheez Mehboob nahi hoti , Pas WO Allah Ta'ala se mulaqaat ko pasand karte hai'n,

__Raha Faasiq v Faajir ! Jab uski maut ka waqt qareeb aata hai to Uske Paas bhi ek Farishta aata hai Jo use WO Sab Kuchh batlata hai Jo Uske saath bura sulook hone wala hai, To WO Allah Ta'ala ki mulaqaat ko na pasand karta hai aur Allah Ta'ala bhi uski mulaqaat ko na pasand karte hai'n _,"

 *Kanzul Ummaal -Jild 15 ,Hadees -42198,*

○┅✧ Farmate hai'n Allah Ta'ala se mulaqaat to zaroori hai ,Lihaza Apni zaat ke liye tosha taiyaar kar lo aur us tosha ki taiyaari ko doosro ke supurd na karo ,isliye l tum Apna tosha khud hi baandhoge ,tumhara tosha doosre nahi baandhenge ,
   
     ┬━─━─━─━─━─━─━─┬
  
*☞ Maa'n Ki Be-Adabi Karne Wale NoJawan Ka Waqi'a _,"*   
          
○┅✧ Ek baar Aap Hazrat Sallallahu Alaihivasallam ki khidmat mai shikayat ki gayi k ek Nojawan teen din se naja ki haalat mai hai ,uski Jaan nahi nikal rahi , Aap Sallallahu Alaihivasallam waha tashreef le gaye ye nojawan takleef mai tha , Usko dekh kar irshad farmaya :- iske Maa'n Baap zinda hai'n ? Arz kiya gaya iski Maa'n zinda hai ,farmaya k usko bulao ,

○┅✧ Uski Walida aayi to usse farmaya:- Badi Bi is Ladke ne tumhari koi gustakhi to nahi ki ? Koi be adabi to nahi ki ? 
Kaha- nahi ! Ye bada farmabardaar tha Albatta ek dafa isne mere patthar maara tha , (Bahut se bad bakht ese hai'n Jo Apne Maa'n Baap ko maarte hai'n ,unko gaali dete hai'n ),

○┅✧Aap Hazrat Sallallahu Alaihivasallam ne irshad farmaya k badi Bi ! Tum Apne bete ko Allah ki Raza ke liye maaf kar do ,
Kehne lagi - mai'n to maaf nahi karungi , kyunki mujhe isse bahut sadma hai , 
( Huzoor Sallallahu Alaihivasallam ke zamane mai koi Shakhs Apne Maa'n Baap per haath uthaye ? )

○┅✧Aap Hazrat Sallallahu Alaihivasallam ne Sahaba Kiraam Raziyallahu Anhum se  farmaya k Lakdiya'n  Jama karo , 
WO Maa'n Kehti hai k lakdiyo'n ka kya  karenge ? 
Farmaya - tere Bete ko jalayenge , Agar tum isko maaf nahi karogi to Allah Ta'ala isko jalayenge ,aur hamara jalana asaan hai aur Allah Ta'ala ka jalana sakht hai ,
WO Maa'n fir kehne lagi k Mai'n isko Dil se maaf karti hu'n ! Aap Hazrat Sallallahu Alaihivasallam ne us Nojawan ko farmaya k Kalma Padho , Usne Kalma Padhna aur Rooh Parwaaz kar gayi ,

     ┬━─━─━─━─━─━─━─┬
  
*☞ Momin Ki Rooh Asaani se nikal Jati hai _*   
          
○┅✧Huzoor Aqdas Sallallahu Alaihivasallam Ka irshade girami hai k Nek Aadmi ki Rooh ESE nikal jati hai Jese mashkiza se qatra girta hai , aur farmaya k bure Aadmi ki Rooh is tarah nikalti hai Jese dhuni hui rooi ho aur Kaante daar chhadi gili kar ke Uske ouper maari jaye aur fir lapet kar ke usko kheencha jaye , Ab WO chhadi to us rooi se juda nahi ho sakti ,Yahi haal bure Aadmi ke naze ka hai k Uske rago reshe mai Rooh siraat kar jati hai, ek ek rongte mai chhupne ki koshish karti hai, usko kheenchne mai to ek ek rongte ko takleef hoti hai ,

○┅✧Bahut se Allah ke bande ese Hai'n Jinke liye Allah Ta'ala us waqt ko Asaan farma dete hai'n ( Allah Ta'ala hamare liye bhi us waqt ko Asaan farmaye ,imaan per khaatma farmaye aur naza ko Asaan farmaye ,Aameen) ,

○┅✧Aur bahut se Bande ese hai'n k Naza ke waqt unki saari Umar ki lazzat khatm ho jati hai, Allah Ta'ala isse panaah mai rakhe ,

     ┬━─━─━─━─━─━─━─┬
  
*☞ Maut Ki Sakhti Ko Yaad Rakho  ,*   
          
○┅✧Ye maut ka pyala itna kadwa hai k uski talkhi baaz logo ko Hashr tak baqi rahegi ,Allah Ta'ala panaah mai rakhe , Hum Zindgi guzaarte hue is qadar gaafil ho jate hai'n k kabhi ye khayal hi nahi aata k iska asar hamari maut per to nahi waaq'a hoga ?

○┅✧ Duniya mai Dosti karte hue, Duniya mai mamlaat karte hue, Duniya mai naqal v harkat karte hue, Chhup kar ya elaaniya gunaah karte hue hum is baat se gaafil hote hai'n k maut ke waqt iska anjaam kya hoga ? Marne wale ko log Kalma talqeen kar rahe Hai'n lekin kisi ko pata nahi k WO kaha'n fansa hua hota hai ?

○┅✧ Hazrat Hasan Reh. farmate hai'n k Hazrat Usman bin Affaan Raziyallahu Anhu ne logo ko khutba diya aur Hamdo Sana ke baad farmaya :- Logo Allah Ta'ala se darna ganimat ki cheez hai ,Aur sabse hoshiyar aur Daana Aadmi WO hai Jo Apne Nafs ko Allah Ta'ala ke ahkaam ka paaband kare aur Maut ke baad Zindgi ke liye Amal kare aur Qabr ke andhere ke liye Allah Ta'ala ke Noor mai se kuchh Noor haasil kar le ,

"__ Bande ko isse darna chahiye k Qayamat ke din Allah Ta'ala usko andha uthaye Halanki WO dekhne wala tha ,Hakeem aur Daana Aadmi ke liye Chand mukhtasar kalimaat kaafi hai, aur behra to yu lagta hai k wo sunta nahi hai , Khoob Jaan lo k Jis Shakhs ke saath Allah ho WO kisi cheez se nahi darta aur Allah Ta'ala Jis Shakhs ke muqable mai ho WO fir iske baad kis se ummeed rakhega ?

○┅✧ Hadees Sharif mai farmaya hai k sabse ounchi hikmat aur hikmat ka sila ,hikmat ki choti Allah Ta'ala se darna hai ,Jo Shakhs Allah Ta'ala se nahi darta usme hikmat nahi hai aur Yani buniyaad hai tamaam nek amaal ki aur tamaam bure amaal se bachne ki ,

     ┬━─━─━─━─━─━─━─┬

*☞  Azaabe Qabr Ka Khof _,*  
          
○┅✧ ...( Hazrat Usman Raziyallahu Anhu ) Kabhi Kabhi qabristaan jate to itna rote k Daadhi Mubarak tar ho jati ,arz kiya gaya k Hazrat Aap Jannat aur Dozakh ka tazkira karte hai'n to itna nahi rote jitna k Qabr ko dekh kar rote hai'n ?

"_ Irshad farmaya :- Maine Rasulullah Sallallahu Alaihivasallam ko ye irshad farmate hue suna hai k Qabr Aakhirat ki manzilo mai se pehli manzil hai ,Jo Sakhsh Yaha'n nijaat paa gaya WO in sha Allah aage bhi nijaat paa jayega ,Jo yahi'n fas gaya isse aage ki kya tawaqqo hai ,Uske bare mai kya tawaqqo hai ?

* Mishkaat- 62_*

○┅✧ Ye to pehli manzil hai , Qabr se le kar Jannat tak Barzakh ka faasla ,Qayamat se pehle Pehle ka faasla aur fir Qayamat ke Din ka Pachaas Hazaar Saal ka faasla aur khuda Jane isme kitni manzile aane wali hai'n , Kya Kya halaat pesh aane wale hai'n , Jo Shakhs Pehle marhale ( qabr ) mai pakda gaya WO aage kya karega ?

"__Haq Ta'ala Shanhu Hamari hifazat farmaye ,Allah Ta'ala sabki qabro ko Munawwar farmaye ,Qabr ke Azaab se aur Jo cheez azaabe Qabr ko saabit karne wali hai ,Allah Ta'ala hume unse bachaye ,

○┅✧ Taqriban 15 ke qareeb Sahaba Kiraam Raziyallahu Anhum se ye hadees marvi hai, Maine ek hi mazmoon mai Sabhi Sahaba Kiraam Raziyallahu Anhum ke Asma e Girami ko Jama kiya hai ,

     ┬━─━─━─━─━─━─━─┬
  
*☞ Azaabe Qabr Ke Asbaab _,*
          
○┅✧Azaabe Qabr se mutalliq ek doosri rivayat ke alfaaz ye hai'n :-

"__ Huzoor Aqdas Sallallahu Alaihivasallam tashreef le ja rahe they ,farmaya :- Ye do qabre hai'n, in dono Qabr walo ko Azaab ho raha hai , Kisi badi baat per inko Azaab nahi ho raha ,in me se ek Chugal Khori kiya karta tha ( Aapko baat mere Paas aa kar lagayi aur meri baat Aapke Paas jaa kar lagayi ,Ye Bimari aam ho gayi hai ,Chugli karna aur geebat karna ye cheeze mojibe azaabe qabr hai ) __ Ye doosra Aadmi Peshaab se ahatyaat nahi karta tha _,"

*Bukhari _ 1/184*

○┅✧ Ye Jitne bhi Jeans ,Paint Pehanne wale hai'n Sab ESE hi hai'n k inko na istinje ki zarurat pesh aati hai, na dhele ki , Khade khade peshaab kar lete hai'n aur fir hu'n hi foran Jip band kar lete hai'n , Peshaab Aadmi ka ho ya jaanwar ka ,isse bachna laazmi hai aur doosra idhar ki udhar lagana chugal khori karna  ye bahut bada jurm hai , isse ahatyaat karo k azaabe Qabr ka mojib hai ,

○┅✧ Arz ye karna chahta hu'n k bahut saari cheeze Qabr ki zulmat ka sabab hai ,Qabr ke andar andhere ka sabab hai ,Allah Ta'ala unse bachaye , Aur bahut saari cheeze Qabr ki Roshni aur Noor ka sabab hai , isi ko farmaya :- Qabr ki Roshni ke liye Allah Ta'ala ke Noor mai se koi Noor le kar jaao , Bahut saari cheeze esi hai'n Jo Qabr ke Azaab se bachane wali hai'n unka ahatmam kiya jaye ,

     ┬━─━─━─━─━─━─━─┬
  
*☞ Qabr Jannat Ka Baag Hai Ya Jahannam Ka Gadha_,*   
          
○┅✧ ....Iske baad Hazrat Usman Raziyallahu Anhu ne farmaya k Aap Sallallahu Alaihivasallam ne farmaya :- Qabr Jannat ke Baago mai se ek Baag Hai Ya Dozakh ke gadho mai se ek gadha hai ,

"__Allah Ta'ala Hamari Qabro ko Jannat ke baago mai se ek Baag banaye ,( Aameen ),

○┅✧Aaj Kal Kuchh bewaqoof log ye poochhte hai'n k Qabr mai Azaab hota bhi hai ? Allah ke Bando Kis chakkar mai Pad gaye ho  ? Shaitaan ne tumko Kis chakkar mai daal diya hai ? Tumko Rasulullah Sallallahu Alaihivasallam ki baat per aitbaar nahi raha ?

     ┬━─━─━─━─━─━─━─┬
  
*☞  Shukr Karo Azaabe Qabr Sunayi nahi deta_,*  
          
○┅✧ Ye us Mehboob Sallallahu Alaihivasallam ki wajahat ka tufail hai k Azaabe Qabr Sunayi nahi deta ,Kyunki Aap Sallallahu Alaihivasallam ne farmaya k Agar mujhe ye andesha na hota k tum Apne Murdo'n ko Qabr mai dafan karna chhod doge to mai'n Allah Ta'ala se Dua karta k tumhe Suna de Jo mai'n Sunta hu'n _,"

* Mishkaat- 25_*

○┅✧Qabr ka Azaab Jo Qabristan mai ho raha hai, agar sunayi deta to qabristan mai qadam rakhne ki jurrat na hoti ,Ye us Mehboob Sallallahu Alaihivasallam ke tufail hai k Allah Ta'ala ne Parda daal diya , is per Shukr ke bajaye ulta kehte Hai'n k hume Kyu sunayi nahi deta ? Allah Ta'ala ne barzakh ka Parda daal diya hai ,

○┅✧ Sheeshe ke makaan mai Aadmi Band ho to Awaaz aage nahi jati ,WO udhar se sun raha hai, dekh raha hai, magar Awaaz nahi pahuncha sakta , Tumhara ye Sheesha Awaaz ko ROK deta hai to Agar Allah Ta'ala ne Parda daal diya aur WO ROK raha hai to tumhe Kyu tajjub ho raha hai ?Tum Kyu israar karte ho k hume dikhna chahiye, sunna chahiye to hum maanenge ,

"__ Zara Thehar jao thoda waqt hai tum per bhi ye marhala aayega ,fir achchhi tarah tajurba kar Lena ,Yaha tum Rasulullah Sallallahu Alaihivasallam ke kehne se nahi maante to tajurba ho jayega ,fikr na karo , Fikr uski taiyaari ki karo ,Waha'n sirf nek A'amaal hi kaam aayega ,

     ┬━─━─━─━─━─━─━─┬
  
*☞ Qabr mai Sirf Nek A'amaal hi Kaam aayenge_,*   
          
○┅✧ Hazrat Ayesha Raziyallahu Anha se Rivayat hai k Rasulullah Sallallahu Alaihivasallam ne ek Din Apne Sahaba se farmaya :-

"__ Jaante ho tumhari misaal aur Tumhare Ahlo Ayaal aur Amal ki misaal kya hai ? Arz kiya :- Allah Ta'ala aur Uske Rasool Sallallahu Alaihivasallam behtar jaante hai'n ,

┅✧ Farmaya :- Tumme se ek ki misaal aur Uske maal aur Aal v Aulaad aur Amal ki misaal esi hai k ek Aadmi ke Teen Bhai they ,Jab uski wafaat ka waqt aaya to usne ek Bhai ko bulaya aur Kaha k - Mujh per Jo haalat taari hai WO tum dekh rahe ho ,Batao tum mere liye kya kar sakte ho ?

┅✧Usne Kaha k - mai'n ye kar sakta hu'n k Teri timaardaari karu aur Teri Jo haalat hai us per Din Raat khada rahu , Jab tu mar jaye to tujhe Gusl du kafan pehnau aur uthane walo ke saath tujhe uthau ,Kabhi uthau aur Kabhi kandha hata du , Aur jab mai'n tujhe dafan kar ke waapas aa jau to logo ke saamne Teri tareef karu ,Jo bhi mujhse tere bare mai puchhe ,

*( Ye Bhai Uske ghar ke log Yani Bivi aur Bachche Hai'n )*

"___ (Aap Sallallahu Alaihivasallam ne Sahaba Raziyallahu Anhum se sawal kiya k ) Tum is Bhai ke bare mai kya Raay rakhte ho ? Unhone Kaha - Ya Rasulullah ! Hum nahi sunte koi esi cheez jisme koi manfa'at ho !
          
○┅✧ Aap Sallallahu Alaihivasallam ne irshad farmaya :- Fir WO Apne doosre Bhai ke bare mai kehta hai k mujh per Jo haalat aayi hai tum dekh rahe ho ,Batao tum mere liye kya kar sakte ho ?

┅✧Wo kehta hai k - Tumhare liye mere Paas Koi kaam ki cheez nahi ,magar jab tak tum zindo mai shumaar hote ho , Jab tum mar jaoge to tumhara raasta doosra hoga ,mera raasta doosra _ ,( Aap Sallallahu Alaihivasallam ne irshad farmaya ) - ye uska doosra Bhai hai Jisko maal kehte Hai'n, Batao tum isko kesa dekhte ho ?

"__ Sahaba Raziyallahu Anhum ne arz kiya - Ya Rasulullah ! Kuchh kaam ka nahi !

┅✧ Fir Aap Sallallahu Alaihivasallam ne farmaya k WO Teesre Bhai Se kehta hai k mujh per Jo haadsa naazil hua hai aur Mere Ahle Khana ne aur mere maal ne Jo jawab diya hai WO tumne sun kiya hai , Tum Batao k tum mere liye kya kar sakte ho ?

┅✧ WO kehta hai k - mai'n tera Rafeeq rahunga Teri Lahad mai ,tera mo'nnis aur tera gamkhwaar rahunga Teri Vehshat mai aur mai'n beth jaunga wazan ke din tere taraazu mai ,( aur tere taraazu ko bhaari karunga ),

┅✧ (Aap Sallallahu Alaihivasallam ne farmaya k-) ye Uska Bhai hai Jisko Amal kehte Hai'n ,iske bare mai tumhara kya khayal hai ? Sahaba Raziyallahu Anhum ne arz kiya k - Ya Rasulullah ! Bahut hi achchha bhai hai aur bahut hi achchha Rafeeq hai ! Farmaya k - fir maamla yu'n hi hai ,

* Mafhoom Hadees ( Kanzul Ummal -Jild -15 ,Hadees -42981)*

┅✧ Aap Hazrat Sallallahu Alaihivasallam ki Ye Hadees kahi mukhtasar aur Kahi lambi hai , Bahut saari kitaabo mai mojood hai aur isme Rasulullah Sallallahu Alaihivasallam ne Aadmi ke maal ,Uske Ahlo Ayaal aur Uske A'amaale Saleha ki misaal bayan farmayi hai ,

     ┬━─━─━─━─━─━─━─┬
  
*☞ Bewafa Dost -ibne Aadam Ka Maal,*    
          
○┅✧ Aap Hazrat Sallallahu Alaihivasallam ne ye Baat samjhayi hai k Sabse Zyada Bewafa Dost maal hai k Tumhari Zindgi mai to tumhare kaam ka hai ,Lekin Jab Rooh tan se alag ho jaye to doosre ke Paas chala jata hai,

○┅✧ Ek Hadees Sharif mai Aap Hazrat Sallallahu Alaihivasallam ka irshad marvi hai :-

"__Aadam ka Beta kehta hai k :- mera maal ! Mera Maal ! Aadam ke Bachche ! Tere maal mai se sirf tera maal wahi hai Jo tune khaa liya aur Khaa kar khatm kar diya ,Ya tune Pehan liya aur  Pehan kar boshida kar diya , Ya tune Aage bhej kar Apne liye Jama kar liya ,

*__Aur in teeno cheezo ke alawa baqi jitna tera Maal hai tu usko doosro ke liye chhod kar chala jayega ,WO tera nahi  !_,"

* Mishkaat- 440_,*

     ┬━─━─━─━─━─━─━─┬
  
*☞ Ahlo Ayaal Qabr mai Kaam na denge _,*   
          
○┅✧ Aur Ahlo Ayaal ke bare mai farmaya k :- Qabr ke kinaare tak saath dete hai'n ,

○┅✧ Aadmi Marne wala ho ,maut aur Zindgi ki kashmkash mai ho to ye Apni had tak uski jaan bachane ki koshish karte hai'n , Jo khidmat ye kar sakte hai'n Uske karne ki koshish karte hai'n, WO bhi kisi ko naseeb hai kisi ko nahi , Mar gaya to Gusl aur Kafan ka intezam kar diya ,aur Kandhe badal badal kar Qabr tak pahuncha diya , Qabr mai Lita kar ouper hazaaro man wazan daal diya taki ye bhaag na aaye ,

○┅✧ Chand roz ro dho le ,Kuchh Apni rasmo rivaaj ke mutabiq taqribaat kar liye aur koi ta'aziyat ke liye aaya to Uske saamne tareefe kar di aur bas Allah Allah ,khair Salla ! Qissa khatm ....lekin Qabr mai us per kya guzar rahi hai ? Iska kisi ko Kuchh maloom nahi !

     ┬━─━─━─━─━─━─━─┬
  
*☞ Qabr Ki Pukaar _,*    
          
○┅✧ Hadees Sharif mai farmaya hai k Qabr Aadmi ko rozana pukaarti hai , Tirmizi Sharif ki ye hadees hai , Qabr kehti hai ---

"__ mai'n tanhaai ka ghar hu'n ,mai'n Wahshat ka ghar hu'n, mai'n mitti ka ghar hu'n ,mai'n keedo'n ka ghar hu'n !_,"

* Tirmizi -2/69_*

○┅✧ Kaha jata hai k Qabr rozana Paanch martaba pukaarti hai, aur Tumhare liye Rozana Paanch hi Namaze muqarrar ki gayi hai'n taki tum ye Dua padho :-

*_( Tarjuma )* __ Ey Allah ! Mai'n panaah maangta hu'n Susti se ,Budhape se ,Gunaaho se ,Aag ke fitne se ,Dozakh ke Azaab se ,Maaldaari ke fitne ke shar se ,aur mai'n Panaah maangta hu'n Tangdasti ke fitne se aur Mai'n Panaah maangta hu'n Kaane dazzaal ke Fitne se _,"

*_ Bukhari -2/943 _,*

     ┬━─━─━─━─━─━─━─┬
  
           *☞ Azaabe Qabr __,*   
          
○┅✧ Ek Rivayat mai hai :- Hazrat Ayesha Siddiqa Raziyallahu Anha farmati hai'n, Ek dafa ek yahoodi Aurat mere Paas aayi ,Usne Qabr ka zikr chhed diya ,Fir kehne lagi :- Allah Ta'ala tujhe Azaabe Qabr se panaah ata farmaye ( Maine azaabe Qabr ki baat Kabhi nahi suni thi ,Maine Kaha :- kya Azaabe Qabr hota hai ? )

Aap Hazrat Sallallahu Alaihivasallam ne farmaya :- Qabr ka Azaab barhaq hai , 
Hazrat Ayesha Raziyallahu Anha irshad farmati hai'n k is waqiye ke baad mujhe yaad nahi k Aap Sallallahu Alaihivasallam ne kabhi Namaz Padhi ho aur usme Azaabe Qabr se panaah na maangi ho _,"

* Mishkaat- 25_,*

     ┬━─━─━─━─━─━─━─┬
  
*☞ Murde Ki beja Tareef Per Azaab _,*   
          
○┅✧ Baaz martaba log Murde ki tareef bhi gair waqai karte hai'n, Ye itna kamata tha ,itna khata tha ,Ye karta tha ,WO karta tha - Hadees Sharif mai aata hai k jab uski tareef karte hai'n aur jhooti tareefo ke pul baandhte Hai'n to :-

"__ Allah Ta'ala Marne wale per Do farishte muqarrar kar dete hai'n aur WO dono Murde ko choke de kar kehte Hai'n:- Tu ese hi tha ? ,"

* Mishkaat- 152_,*

○┅✧ Lijiye Ahlo Ayaal, Bivi Bachche aur Dost Ahbaab ab bhi us gareeb ka pichha nahi chhodte ,balki kehte Hai'n k usne ghar ke liye ye ye cheeze kharidi thi , TV laye they, Fala cheez laye they, Dubai gaye they fala fala cheeze laye they , Qabr mai in cheezo ko puchhenge , Tareef to karte hai'n magar esi fizool be mahal bilkul lagv ,Jisse us gareeb ki takleef mai mazeed izafa ho jata hai ,

○┅✧ Unke moonh se ye nahi nikalta tha k tahajjud ki Namaz padhte they ,Unke moonh se ye nahi nikalta tha k Sahar ke waqt ye Allah Ta'ala ke saamne gidgida kar roya karte they, Kisi ka Haq nahi maarte they, Kisi ke saath nainsaafi nahi karte they, Faraiz Shari'at ke paaband they, Allah Ta'ala ka Nek Banda tha , Ye baate unke moonh se nahi nikalti hai , hoti to nikalti !
*
     ┬━─━─━─━─━─━─━─┬
  
*☞ Murde Ki Waqayi Achchhai Bayan Karo  !*  
          
○┅✧ Tareef ki baate Allah Ta'ala ke Yaha'n Shahadat ban jati hai'n , Mashoor hadees hai :-

"__ Hazrat Anas Raziyallahu Anhu se rivayat hai t Aap Hazrat Sallallahu Alaihivasallam ke Paas se Janaza guzra ,Farmaya :- Waajib ho gayi ! Ek aur Janaza guzra Farmaya :- Waajib ho gayi !

Hazrat Umar Raziyallahu Anhu ne arz kiya :- ( Ya Rasulullah! Do janaze guzre ,dono per Aapne farmaya - Waajib ho gayi ) Kya Waajib ho gayi ?

Aap Sallallahu Alaihivasallam ne irshad farmaya :- Pehla Janaz guzra to tum logo ne uski achchhi tareef ki k ye bahut achcha Aadmi hai ,Nek Aadmi hai , Maine Kaha k Waajib ho gayi yani Jannat Waajib ho gayi ,

Aur Jab doosra Janaza guzra to tumne doosri qism ki raay ka izhaar kiya ,more nafiq tha ,bada Zaalim tha , Maine Kaha k Waajib ho gayi yani Jahannam Waajib ho gayi ,

┅✧ Tum Allah Ta'ala ke gawaah ho zameen mai yani tumhari Shahadat ke mutabiq faisla farmayenge _,"

* Mishkaat- 145 _,*

     ┬━─━─━─━─━─━─━─┬
  
*☞ A'amaal e Saleha Ki Wafadaari _,*   
          
○┅✧ Agar Teesre Dost ( A'amaal e Saleha ) Ko Saath le jao to WO har moqe per Tumhari madad karega ,Naza se le kar mizaan tak ,Qayamat ke din , Hashr ke din ,Mizaan yani Tarazu Jo rakhi jayegi us waqt tak Teri madad karega , Tere Saath rahega aur tera gamkhwar banega ,Teri ( Qabr ki ) tanhaai per tere akelepan ko door karega ,Ho saka to Roshni bhi karega ,

○┅✧ Koi ( Azaab ) tujh per hamla Karne aayega to jawab bhi dega ,mudafat bhi karega ,Munkar nakeer jab sawal karenge to Jawab ki bhi kifayat karega ,aur Qayamat ke Din us ( Mizaan ke )Palde mai beth jayega Jis Palde ko tu bhaari dekhna chahta hai , Aur Jitni Himmat hogi ,Jitna A'amaal e Saleha ka wazan hoga ,Apna poora wazan tere Palde mai daal dega , Yaha'n tak k Tujhe Jannat mai Pahuncha dega __,"

○┅✧ YU'n bhi aata hai k Jab farishte aate hai'n maarne ke liye to Namaz fala taraf ho jati hai, Sadqa fala taraf ho jata hai, Qur'an e Kareem ki Tilawat fala taraf ho jati hai, aur Doosre A'amaal e Saleha ek taraf ho jate hai'n, Chaaro taraf se usko Nek A'amaal gher lete hai'n aur Kehte hai'n k maarne nahi denge ,Azaabe Qabr ko taal dete hai'n _,

"_ Surah Mulk ( Tabarakallazi ) ke bare mai farmaya hai k ye maut ko is tarah apne paro ke niche le leti hai Jis tarah murgi apne Bachcho ko paro ke niche le leti hai, Aur Azaabe Qabr se bachati hai , Ye Uske A'amaal e Saleha hai'n Jo Marte waqt bhi Uske saath, Qabr mai bhi Uske saath ,aur Hashr mai bhi Uske saath honge ,

     ┬━─━─━─━─━─━─━─┬
  
*☞ Qabr mai Bure A'amaal Ki Shakl _,*   
          
○┅✧ Hadees Sharif mai aata hai k Badkaar Aadmi ke saamne nihayat darawni shakle aati hai'n aur WO unko dekh kar ghabrata hai , Ghabrahat to Pehle hi mojood hai, Tanhaai aur Vahshat hai , Chunache ye chillate hue Pareshani ka izhaar karte hue Kehta hai k Khuda tumhara naas kare tum kon ho ?

○┅✧ To WO kehta hai k tum fikr na karo ,Mai'n tumhara WO bura Amal hu'n Jo tune kiya tha ,iske baad WO saare ke saare A'amale bad parra baandh ke aa jate hai'n Chidiyo'n ki shakl mai ,Bad Rooho ki shakl mai , Bhediyo'n ki shakl mai ,Jungle ke darindo ki shakl mai ,Saanpo aur Bichchhuo'n ki shakl mai , WO Uske saath aa kar let jate hai'n ,

"__Kehte hai'n na k Qabr mai Saanp aur Bichchhu honge , WO yahi Apne Bure A'amaal Hai'n __( Jo Saanp Bichchhu ki shakl mai saamne aayenge ) , Allah hum sab ki hifazat kare ,

*☞ Qabr mai Achchhe A'amaal Ka manzar_,*  

○┅✧ Aur Nek Aadmi hota hai to Uske A'amaale Saleha nihayat hi haseen shakl mai Uske saamne aate hai'n , Ye kehta hai k Allah Ta'ala tumhara bhala kare ! Mai'n to bahut tanhaai mai tha ,Mai'n wahshat mehsoos kar raha tha ,Tum log kon ho Jo mere uns ke liye aur meri wahshat ko door karne ke liye aa gaye ? WO kehte Hai'n k :- Aapke Nek A'amaal hai'n !

     ┬━─━─━─━─━─━─━─┬
  
*☞ Badkaar Ka Apne Bure A'amaal Per izhare Hasrat _,*   
          
○┅✧ Qur'an e Kareem (Surah Az-Zukhruf, Aayat 38) mai hai k Apne Bure Amal ko dekh kar kahega k :-

َ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ

"__ Kaash ! K mere darmiyan aur tere darmiyan Magrib v Mashrik ka faasla hota ,tu bahut hi bura saathi hai _,"

○┅✧ Faasla kese hota ? Tune to khud kiya tha , Jhoot khud bole they, Zulm khud kiya tha ,Badkaariya'n aur Behayaiya'n khud ki thi ,aur Aaj kehte ho k Magrib v Mashrik ka faasla hota ,

○┅✧ Jab tumse Kaha gaya tha k Ye Sab gunaah ki baate hai'n tumne maana hi nahi ,tumne to soch liya tha k Zindgi in baato ke bager kese guzar sakti hai ? , ..Maut aane do tumhe khud pata chal jayega k Ye Jo tumne laanat gharo mai daali hui hai , TV aur isi tarah Movi banate ho, Camere rakhe hue hai'n , Ye Tasveere latkayi hui hai'n ,aur Ye Bachcho ke khilone Buto ki shakl mai rakhe hue hai'n , aur Jo tum badkaariya'n karte ho ,tumhe khud pata chal jayega k ye Sab kya cheez hai ?

     ┬━─━─━─━─━─━─━─┬
  
*☞ Us Waqt Ka Rona Koi Kaam nahi dega*   
          
○┅✧ Aaj Tum Rasulullah Sallallahu Alaihivasallam ki baat Sun kar bhi us per yaqeen nahi karte , Tab ( Jab Maut aayegi ) Aankh se dekh kar Yaqeen la doge , aur us waqt koi ilaaj kaar nahi  hoga ,

○┅✧ Hadees Sharif mai aata hai k :- Dozakhi log ek hazaar Saal tak Aansuo'n ke saath royenge , ek hazaar Saal tak Aankho se Khoon niklega ,aur ek hazaar Saal tak Peep nikalti rahegi _,"

○┅✧ Allah Ta'ala aur Uske Rasool Sallallahu Alaihivasallam ki baat Sun kar tum usko Mullaiyat kehte ho ( Mullo ki baat keh kar mazaaq banate ho ) Zara waqt aane do _" Is gubaar ko chhat Jane do ,Tumhe maloom ho jayega k tumhare niche Ghoda tha Ya Ghadh tha ,

○┅✧ Garz ye k Jitna Jitna Kisi ka nafa hai ,Aadmi usse utna hi talluq rakhe ,Aqal ka qaayda yahi hai aur is Aqal ka hum duniya mai istemal bhi karte hai'n, Lekin Aakhirat ke maamle mai Hamari Aqal kaha'n chali jati hai ? Aqal ke saamne andhera Kyu aa jata hai ?

○┅✧ Aqal ki misaal esi hai Jese Aankho ki Roshni ,Ye andar ki Roshni us waqt kaam deti hai jabki Baahar bhi Roshni ho , Dekhne ke liye hum Do Roshniyo'n ke mohtaaj hai'n , Aqal ki Roshni us waqt kaam deti hai jabki Dil mai hodayat ki Roshni bhi ho ,Noore Hidayat bhi ho aur humne to Chiraage Hidayat Foonk maar kar bujha diya , Aakhirat ke maamle mai hum bilkul andhe ho gaye hai'n , Duniya ke maamle mai to Hamari Aqal bahut kaam karti hai, Aakhirat ke maamle mai Kyu kaam nahi karti ,? Kese kare ? Dekhe kese ? WO to Noore Nabuwat rehnumayi karega to Hamari Aqal bhi dekhegi ,

     ┬━─━─━─━─━─━─━─┬
  
*☞ Duniya v Aakhirat mai Kaam aane Wali Cheez se Talluq Chahiye*   
          
○┅✧ Ye qaayda hai k Jitni cheez faayde mand hoti hai Aadmi usko akhtyar karta hai , Hona ye chahiye k A'amaale Saleha ka ahatmam ho ,Uske SaTh rafaqat ho ,

○┅✧ Hadees Sharif mai aata hai k _" Hazrat Ayesha Siddiqa  Raziyallahu Anha farmati hai'n k Aap Sallallahu Alaihivasallam hamare saath ghar mai tashreef late they to ghar ke kaam kaaj mai mashgool rehte they ,Jese ghar mai kaam hota hai, Lekin Jese hi Azaan ki awaaz sunte is tarah khade ho jate they Jese hume pehchante hi nahi hai'n _,"

* Fazaile Namaz -88 _,*

○┅✧ Hona ye chahiye k Jese hi hukme ilaahi aa jaye Hamari Jaan Pehchan sabse khatm ho jaye ,

     ┬━─━─━─━─━─━─━─┬
  
*☞ Maal Ka Nafa Kharch Karne mai hai_,*   
          
○┅✧ Maal to esi Bekaar cheez hai k jab tak usko kharch na karo nafa nahi degi , Dher laga laga kar rakhte raho ,Kuchh faayda nahi ,

○┅✧ Haaji Abdul Sattaar Sahab ne Apni kitaab mai ek Waqi'a likha hai k Ek Seth tha ,Apne khazane ki Sayr karne ke liye gaya ,Dair ho gayi to WO Nazar nahi aaya ,Uske Naukro Chaakro ne darwaza band kar diya aur chale gaye ,Seth andar hi tadap tadap kar mar gaya , Agle Din darwaza khola to Seth ji mare pade hai'n , Halanki Khazana mojood tha , Kyunki WO khane pine aur bhook pyaas bujhane ka kaam nahi deta ,haa'n usko kharch kar ke khane pine ka samaan haasil kiya ja sakta hai,

○┅✧ Garz ye k ye maal aur Khazane Kisi kaam ke nahi hai'n jab tak tum inko kharch na karo isse  fayda nahi uthaya ja sakta ,Lekin humne maamla ulta kar liya , Hamara Jitna talluq Maal se hai utna Ahlo Ayaal se bhi nahi , Maa'n Beti ki ladaai aur Baap Bete ki ladaai , Bhai Bhai ki ladaai Kis cheez per hai ? Paise per hai !

○┅✧Ye Paisa Sab cheezo per gaalib aa gaya hai, Hona to ye chahiye tha k Paise ko in per kharch kiya jata , Lekin Aaj ho ye raha hai k ( is Paise ki vajah se ) in Rishto ko is per kharch ( khatm ) kiya ja raha hai , ( Talluq tode ja rahe Hai'n ) aur Maal ke liye Ahlo Ayaal ke liye Apna Deen bhi qurban kiya ja raha hai ,

"__Allah Ta'ala hume Sahi samajh ata farmaye aur Allah Ta'ala hume ESE A'amaal e Saleha ki Tofeeq ataa farmaye Jo naza ke waqt bhi hamare kaam aaye , Qabr mai bhi hume kaam de ,Hashr mai bhi kaam de , ( Aameen ),

    ┬━─━─━─━─━─━─━─┬
  
*☞ Aalame Barzakh Hamari Aankho se Poshida hai*   
          
○┅✧ Haq Ta'ala Shanhu ne Apni Rehmat farmayi hai ,WO Jo Agla jahaan hai Jise Aalame Barzakh kehte Hai'n aur Jo Marne ke baad mujhe aur Aapko pesh aane wala hai , Huzoor Aqdas Sallallahu Alaihivasallam ne farmaya :-

"__ Us zaat ki qasam jiske qabze mai meri jaan hai agar tum jaan lo WO cheez Jisko Mai'n jaanta hu'n to tum kam hansa karo aur Zyada roya karo aur dhaade maarte hue Jangalo ki taraf nikal jao _,"

* Mishkaat- 456,457_,*

○┅✧ Agar WO manzar hamare saamne aa jaye to WO itna holnaak hai k hum Murde dafnana chhod de ,kisi ki Himmat hi na pade k qabro mai murdo ko dafan kar sake , Ye to Haq Ta'ala Shanhu ka Ahsaan hai k hum per gaflat ka Parda daal diya hai , k istehzaar nahi aur  khayal hi nahi k hume ye marhala pesh aane wala hai ,

○┅✧ Amirul Momineen Hazrat Usman bin Affaan Raziyallahu Anhu jab Qabr ka tazkira karte to itna rote k daadhi Mubarak tar ho jati ,logo ne arz kiya k Hazrat Aap jannat aur Dozakh ka tazkira karte hai'n magar itne nahi rote ,Jitna k Qabr ke tazkire per rote hai'n ,

Farmaya k :- Maine Aap Sallallahu Alaihivasallam se suna hai k Qabr Aakhirat ki manzilo mai se pehli manzil hai, agar insaan Yaha'n Kaamyab hua to Agli manzilo mai bhi kaamyab ho jayega aur agar Yaha'n nakaam hua to agli manzilo mai kaamyabi ki kya Soorat aur kya ummeed ki ja sakti hai, _,"

Aur irshad farmaya k Mai'ne Aap Sallallahu Alaihivasallam se ye bhi suna hai k Maine Jitne manazir dekhe hai'n unme sabse Zyada khofnaak Qabr ka manzar hai _,"

* Mishkaat -26 _,*

     ┬━─━─━─━─━─━─━─┬
  
*☞ Agle Jahaan Ki Taiyaari Karo ,*   
          
○┅✧ Aadmi Duniya mai ye samajhta hai k Mai'n Yaha'n hamesha ke liye aaya hu'n , Koi Taiyaari karne ki fikr hi nahi , Allah Ta'ala hume tofeeq ata farmaye ( Aameen ) Baaz hazraat aur Baaz Bande to ese honge Jinko Apni Aakhirat ki Taiyaari ki ,Apni Agli manzil ki taiyaari ki fikr hogi k mujhe Jana hai aur jaa kar hisaab v kitaab dena hai ,

○┅✧ Ek to bada hisaab Jo Qayamat ke din hoga WO to baad ki cheez hai , Ye Jo pehla hisaab hai Jo Marne ke baad ka marhala hai uski fikr hogi k itni si jagah hoti hai jisme Aadmi ko lita dete hai'n, fir ouper se usko band kar dete hai'n aur mano mitti daal di taki bhaag kar na aa jaye , Halanki WO bejaan mahaz nahi hota balki usme Rooh daali jati hai aur WO Apne Dafan karne walo ki Jootiyo'n ki aahat sunta hai ,Jesa k Hadees mai hai :-

"__ Hazrat Anas Raziyallahu Anhu se rivayat hai k Rasulullah Sallallahu Alaihivasallam ne farmaya k Murde ko abhi dafnane wale ke qadmo ki aahat sunayi di hi hoti hai, yani jab WO Dafna kar waapas hote hai'n unke qadmo ki Aahat sun raha hota hai k Do Farishte aa jate hai'n Jinko Munkar Nakeee kehte Hai'n ,(baaz rivayaat mai aaya hai k unko Mubasshir Basheer kehte Hai'n )_,"

* Mishkaat- 24,25 _,*

     ┬━─━─━─━─━─━─━─┬
  
*☞  Qabr mai Teen Sawalaat_,*   
          
○┅✧ Khulasa Ye hai k usse bahut Asaan se Teen Sawal karte hai'n :-

"__ Hazrat Bara bin Aazif Raziyallahu Anhu se rivayat hai k Huzoor Aqdas Sallallahu Alaihivasallam ne farmaya :- Us Aadmi ke Paas Do farishte aate hai'n, usko Qabr mai bithate hai'n fir WO dono farishte usse sawal karte hai'n k Tera Rab Kon hai ?( Agar WO nek Aadmi hota hai to ) kehta hai k Mera Rab Allah hai ,

Fir WO dono farishte us nek Aadmi se sawal karte hai'n k Tera Deen kya hai ? WO Nek Aadmi jawab deta hai k mera Deen islam hai ,

Fir WO Farishte usse sawal karte hai'n k us Aadmi ke bare mai tumhara kya khayal hai Jo tumme bheja gaya tha ? WO Aadmi kehta hai k Woh Allah ke Rasool hai'n ,Fir farishte usse sawal karte hai'n k tujhe kese maloom hua ? WO Aadmi kehta hai k Maine Allah Ta'ala ki kitaab padhi thi , us per Maine yaqeen kiya tha aur Maine tasdeeq ki thi ....,"

○┅✧ ( Agar koi Badkaar Aadmi hota hai to ) usse farishte sawal karte hai'n k tera Rab kon hai ? To WO kehta hai mujhe maloom nahi ,mujhe maloom nahi , Fir WO farishte usse sawal karte hai'n k Tera Deen kya hai? WO kehta hai Mujhe maloom nahi ,mujhe maloom nahi , Fir WO Farishte usse sawal karte hai'n k Us Aadmi ke bare mai tumhara kya khayal hai Jo tumme bheja gaya tha ? WO kehta hai k mujhe maloom nahi, mujhe maloom nahi_,"

* Mishkaat -25  __*
,*
     ┬━─━─━─━─━─━─━─┬
     

*☞ Aalame Barzakh Hamari Aankho se Poshida hai*   
          
○┅✧ Haq Ta'ala Shanhu ne Apni Rehmat farmayi hai ,WO Jo Agla jahaan hai Jise Aalame Barzakh kehte Hai'n aur Jo Marne ke baad mujhe aur Aapko pesh aane wala hai , Huzoor Aqdas Sallallahu Alaihivasallam ne farmaya :-

"__ Us zaat ki qasam jiske qabze mai meri jaan hai agar tum jaan lo WO cheez Jisko Mai'n jaanta hu'n to tum kam hansa karo aur Zyada roya karo aur dhaade maarte hue Jangalo ki taraf nikal jao _,"

*📁 Mishkaat- 456,457_,*

○┅✧ Agar WO manzar hamare saamne aa jaye to WO itna holnaak hai k hum Murde dafnana chhod de ,kisi ki Himmat hi na pade k qabro mai murdo ko dafan kar sake , Ye to Haq Ta'ala Shanhu ka Ahsaan hai k hum per gaflat ka Parda daal diya hai , k istehzaar nahi aur  khayal hi nahi k hume ye marhala pesh aane wala hai ,

○┅✧ Amirul Momineen Hazrat Usman bin Affaan Raziyallahu Anhu jab Qabr ka tazkira karte to itna rote k daadhi Mubarak tar ho jati ,logo ne arz kiya k Hazrat Aap jannat aur Dozakh ka tazkira karte hai'n magar itne nahi rote ,Jitna k Qabr ke tazkire per rote hai'n ,

Farmaya k :- Maine Aap Sallallahu Alaihivasallam se suna hai k Qabr Aakhirat ki manzilo mai se pehli manzil hai, agar insaan Yaha'n Kaamyab hua to Agli manzilo mai bhi kaamyab ho jayega aur agar Yaha'n nakaam hua to agli manzilo mai kaamyabi ki kya Soorat aur kya ummeed ki ja sakti hai, _,"

Aur irshad farmaya k Mai'ne Aap Sallallahu Alaihivasallam se ye bhi suna hai k Maine Jitne manazir dekhe hai'n unme sabse Zyada khofnaak Qabr ka manzar hai _,"

*📁 Mishkaat -26 _,*

     ┬━─━─━─━─━─━─━─┬
  
*☞ Agle Jahaan Ki Taiyaari Karo ,*   
          
○┅✧ Aadmi Duniya mai ye samajhta hai k Mai'n Yaha'n hamesha ke liye aaya hu'n , Koi Taiyaari karne ki fikr hi nahi , Allah Ta'ala hume tofeeq ata farmaye ( Aameen ) Baaz hazraat aur Baaz Bande to ese honge Jinko Apni Aakhirat ki Taiyaari ki ,Apni Agli manzil ki taiyaari ki fikr hogi k mujhe Jana hai aur jaa kar hisaab v kitaab dena hai ,

○┅✧ Ek to bada hisaab Jo Qayamat ke din hoga WO to baad ki cheez hai , Ye Jo pehla hisaab hai Jo Marne ke baad ka marhala hai uski fikr hogi k itni si jagah hoti hai jisme Aadmi ko lita dete hai'n, fir ouper se usko band kar dete hai'n aur mano mitti daal di taki bhaag kar na aa jaye , Halanki WO bejaan mahaz nahi hota balki usme Rooh daali jati hai aur WO Apne Dafan karne walo ki Jootiyo'n ki aahat sunta hai ,Jesa k Hadees mai hai :-

"__ Hazrat Anas Raziyallahu Anhu se rivayat hai k Rasulullah Sallallahu Alaihivasallam ne farmaya k Murde ko abhi dafnane wale ke qadmo ki aahat sunayi di hi hoti hai, yani jab WO Dafna kar waapas hote hai'n unke qadmo ki Aahat sun raha hota hai k Do Farishte aa jate hai'n Jinko Munkar Nakeee kehte Hai'n ,(baaz rivayaat mai aaya hai k unko Mubasshir Basheer kehte Hai'n )_,"

*📁 Mishkaat- 24,25 _,*

     ┬━─━─━─━─━─━─━─┬
  
*☞  Qabr mai Teen Sawalaat_,*   
          
○┅✧ Khulasa Ye hai k usse bahut Asaan se Teen Sawal karte hai'n :-

"__ Hazrat Bara bin Aazif Raziyallahu Anhu se rivayat hai k Huzoor Aqdas Sallallahu Alaihivasallam ne farmaya :- Us Aadmi ke Paas Do farishte aate hai'n, usko Qabr mai bithate hai'n fir WO dono farishte usse sawal karte hai'n k Tera Rab Kon hai ?( Agar WO nek Aadmi hota hai to ) kehta hai k Mera Rab Allah hai ,

Fir WO dono farishte us nek Aadmi se sawal karte hai'n k Tera Deen kya hai ? WO Nek Aadmi jawab deta hai k mera Deen islam hai ,

Fir WO Farishte usse sawal karte hai'n k us Aadmi ke bare mai tumhara kya khayal hai Jo tumme bheja gaya tha ? WO Aadmi kehta hai k Woh Allah ke Rasool hai'n ,Fir farishte usse sawal karte hai'n k tujhe kese maloom hua ? WO Aadmi kehta hai k Maine Allah Ta'ala ki kitaab padhi thi , us per Maine yaqeen kiya tha aur Maine tasdeeq ki thi ....,"

○┅✧ ( Agar koi Badkaar Aadmi hota hai to ) usse farishte sawal karte hai'n k tera Rab kon hai ? To WO kehta hai mujhe maloom nahi ,mujhe maloom nahi , Fir WO farishte usse sawal karte hai'n k Tera Deen kya hai? WO kehta hai Mujhe maloom nahi ,mujhe maloom nahi , Fir WO Farishte usse sawal karte hai'n k Us Aadmi ke bare mai tumhara kya khayal hai Jo tumme bheja gaya tha ? WO kehta hai k mujhe maloom nahi, mujhe maloom nahi_,"

*📁 Mishkaat -25  __*

,*          ★

     *ʀεғεʀεηcε:- ┬*   
  
*Maut aur Maut Ke Baad Ki Zindgi Ke Marahil- ( Shaheed-ul-islam Hazrat Maulana Muhammad Yusuf Ludhiyanvi Reh.)*

   *ʀєαd,ғσʟʟσɯ αɳd ғσʀɯαʀd*