*◐ 6 -GUNAHGAAR -AURTE'N ◐*

🍀🎋                                      
     *◑Bismillahirrahmanirraheem◐*
         ┄─═✧═✧ ═✧═✧═─┄
    *◐ 6 -GUNAHGAAR -AURTE'N ◐*
     ┬━─━─━─━─━─━─━─┬

                    *◐ PART-01 ◐*

*☞KHAWATEEN KE MUTA'ALLIQ MAZMOON*

*☞ mere qabiLe Ahtaram doston or buzurgo bhai behno hamara ye Raah-e-haqq  Group 2 hisso par mushtamiL hai Ek mardon par dusra khawateen yani Auraton par kiyu  ke khawateen bhi hamare group se judi hain or inke liye Alag intezaam kiya gaya hai yahi  wajah hai is  group  me jo msg  hote hain wo mard or aurat  dono ke muta'alliq hote hain Lekin kabhi kabhi  koi khas  khawateen  ke  liye hota  hai or  kabhi  koi msg  khas  mardon ke  liye  hota  hai behar haaL  Aaj ke  msg  me  Aap sallallahu alaihivasallam ki ek hadees  bayan  karne  ka  iraada  hai jo khawateen  ke muta'alliq hai or  unke  liye  khas  hai agarche is hadees  me jo baten khwateen ke muta'alliq bayan ki gayi  hain wo mardon me  bbhi payi jaa sakti  hain Lihaza  agar  kisi mard  me wo baten mojood hon to unka wahi hukm hoga jo khawateen ke liye is hadees me bayan kiya  gaya  hai isliye ye hadees  khawateen  ke sath  mardon  ke  liye bhi Mufeed  hogi*

                    *◐ PART-02 ◐*

*☞ HUZUR E AKRAM SALLALLAHU ALAIHIVASALLAM KA RONA*

*☞  Ye hadees bahut Aham baton par mushtamiL hai is hadees ko hafiz shamshud'deen Rh ne apni mash'hoor kitaab Al kaba'ir ne naqaL farmaya hai is hadees ka Khulasa ye ke Ek martaba hazrat Ali RaziyaLLahu anhu or hazrat fatima RaziyaLLahu Anha huzur e akram sallallahu alaihivasallam se milne ke Liye Aap sallallahu alaihivasallam ke ghar tashreef Le gaye hazrat Ali RaziyaLLahu anhu farmate hain ke jab ham Aap sallallahu alaihivasallam ki khidmat me hazir hue to dekha ke Aap sallallahu alaihivasallam par giryah tari  hai  jab mene Aap sallallahu alaihivasallam ki haLat dekhi to arz  kiya ya Rasoolullah sallallahu alaihivasallam mere maa baap Aap par qurban  hon Aap sallallahu alaihivasallam  ko kis cheez  ne  RuLaya or kis bina par Aap sallallahu alaihivasallam itna  Ro rahe  hain  Aap sallallahu alaihivasallam  ne jawab me Farmaya mene Shabe meraj me apni ummat  ki aurton ko Jahannam ke andar qisam qisam ke Azaabon me mubtaLa dekha or unko jo Azaab ho  raha  tha wo itna shadeed  or hoLnaak tha ke us Azaab ke tasavvur se mujhe Rona Aaraha hai Allah hu akbar*

                    *◐ PART-03 ◐*

*☞ UMMAT PAR HUZUR E AKRAM SALLALLAHU ALAIHIVASALLAM KI SHAFQAT*

*☞ huzoor  e  Akram  sallallahu  alaihivasallam   ki  Apni  ummat   par  itni shafqat   hai   ke    ham  uska   andaza  bhi   nahi  kar   sakte  MasLan  Ek intehayi  meharban  or shafeeq   maa  jo  apni awLaad   par  jaan qurban   karne   waLi  ho agar   wo   maa Apni  awLaad   ko  jeL me  Shakht  Qisam  ki sazay  sehte  hue dekhe  to yaqeenan  us  maa  ka   kaLeja muh  ko  Aajayga  or un  sazao  ko  dekh  kar  wo  maa  yaqeenan  Ro  padegi Jab  ki  Aap sallallahu  alaihivasallam  ki shafqat  or  muhabbat  to  sari  duniya   ki maao se  kahin  zada badh  kar   ha isliye   Ap sallallahu alaihivasallam   ne  irshad   farmaya   jab mene   apni   ummat  ki  aurton  ko  hoLnaak Azaab  me  mubtaLa paya  to  is   wajah   se mujhe   Rona Aaraha hai ke  meri  Ummat  ki aurton  par   is tarah  ka  hoLnaak  Azaab  hoga Allah hu akbar*

                    *◐ PART-04 ◐*

*☞ ( 6 ) TAREEQON SE AZAAB PEHLA TARIQA*

*☞  Iske baad Aap sallallahu alaihivasallam ne  iski wazahat farmayi ke mene  jahannam ke andar aurton  ko kis  kis  tarah Azaab me mubtaLa dekha Chunache  Aap sallallahu alaihivasallam ne farmaya mene  ek aurat  ko dekha wo Apne baLon ke Zarye jahannam  ke andar Latki  hui  hai or  uska dimagh  handiyon ki tarah  pak  raha  hai Ek  to  khud  jahannam  ke  andar  hona  bazaat khud kitna hoLnaak Azaab  hai Allah ta'ala  ham sab ko Apni  panaah  me  Rakhe Aameen ya Rab Or  phir baLon ke baL Latakna ye intehayi takleef deh Saza hai Or  Phir  dimagh ka pakna ye teesri  Saza hai Allah hu akbar Allah ta'ala  ham sab ki jahannam  ke Azaab  se hifazat farmaye ham sab ko apne  hifz o Aman me rakhe  Aameen ya Rab*

                    *◐ PART-05 ◐*

*☞ ( 6 ) TAREEQON SE AZAAB DUSRA TARIQA*

*☞  Aap sallallahu alaihivasallam ne irshad farmaya mene dusri Aurat ko Jahannam me is tarah dekha ke wo zabaan ke baL Latki hui hai Ab Aap andaza karen kisi ki zabaan khich kar or nikaaL kar uske Zarye uske poore jism ko Latkaya jaye to isme kitni sakht takleef hai Agar sirf ek hath ke Zarye bhi kisi  ko Latka diya jaye to wahi uske liye maut se battar hai zabaan to bahut nazukh cheez hai  Allah hu akbar Allah ta'ala  ham sab ki jahannam  ke Azaab  se hifazat farmaye ham sab ko apne  hifz o Aman me rakhe Aameen ya Rab*

                    *◐ PART-06 ◐*

*☞ ( 6 ) TAREEQON SE AZAAB TEESRA TARIQA*

*☞  Aap sallallahu alaihivasallam ne irshad farmaya mene teesri Aurat ko dekha ke chatiyon ke baL jahannam  me Latki hui hai Allah hu akbar Allah ta'ala  ham sab ki jahannam  ke Azaab  se hifazat farmaye ham sab ko apne  hifz o Aman me rakhe Aameen ya Rab*

                    *◐ PART-07 ◐*

*☞ ( 6 ) TAREEQON SE AZAAB CHOTHA TARIQA*

*☞  Aap sallallahu alaihivasallam ne irshad farmaya chothi Aurat  ko mene is tarah dekha  ke uske dono per seene se bandhe hue the or uske dono hath peshani se bandhe hue the Allah hu akbar Allah ta'ala  ham sab ki jahannam  ke Azaab  se hifazat farmaye ham sab ko apne  hifz o Aman me rakhe  Aameen ya Rab*

                    *◐ PART-08 ◐*

*☞ ( 6 ) TAREEQON SE AZAAB PAANCHVI TARIQA*

*☞  Aap sallallahu alaihivasallam ne irshad farmaya paanchvi Aurat  ko mene is haLat ne dekha ke uska chehra khinzeer ki tarah  hai or baqi jism ghadhe ki tarah magar haqeeqat me wo Aurat  hai or sanp bicchu usko Lipte hue hain Allah hu akbar Allah ta'ala  ham sab ki jahannam  ke Azaab  se hifazat farmaye ham sab ko apne  hifz o Aman me rakhe  Aameen ya Rab*

                    *◐ PART-09 ◐*

*☞ ( 6 ) TAREEQON SE AZAAB CHATA TARIQA*

*☞  Aap sallallahu alaihivasallam ne irshad farmaya chati Aurat  ko mene is  haLat me  dekha ke wo kutte  ki shakaL me hai or uske muh ke Raste se jahannam ki Aag dakhiL ho rahi  hai or pakhane ke Raste se Aag nikaL  Rahi  hai is tarah  6 Auraton ko hone waLe Azaab ki tafseel huzur e akram sallallahu alaihivasallam ne bayan  farmayi*

                    *◐ PART-10 ◐*

*☞ PEHLI AURAT KE AZAAB KA SABAB BE'PARDAGI*

*☞ Us ke baad hazrat fatima RaziyaLLahu Anha ne  arz kiya ke Abba jaan in auraton par  ye Azaab inke  kon se AamaaL ki wajah se ho  raha tha inke kon kon se aise AamaaL the jin ki wajah se Aap sallallahu alaihivasallam ne  inko is hoLnaak or dardnaak Azaab me mubtaLa dekha iske jawab me Huzur e akram sallallahu alaihivasallam ne irshad farmaya ke  jis  aurat  ko  mene  baLon ke Zarye  jahannam me  Latka  hua dekha or jis ka dimaagh handiyon ki tarah pak raha tha isko ye Azaab ghar se bahar nang'ge Sar jane ki wajah se ho raha tha wo Aurat namehram mardon  se Apne sar ke baaL nahi chupati  thi yaad  Rakho sar ke baaL bhi satar ka hi hissa  hai*
 

                    *◐ PART-11 ◐*

     *☞ SATAR  OR  PARDA*

*☞ Ab Agar  ham Apne gird o pesh ka jayza Len to  hame Aaj ye gunah Aam hota hua nazar Aata hai haLanke khawateen ke  liye hukm ye hai ke Sar ke baaL unke satar ka hissa hain kiyu  ke Aurat ka poora jism sar se paon tak Siwaye chehre ke or siway dono hatheLiyon ke Or dono pero,n ke Poora jism satar  hai jisko namaz  me chupana farz  hai kiyu ke Agar namaz me kam az kam chothayi sar ke baaL khuL jayen or itni der khuLe rahen jitni der me 3 Martaba subhanallah padh liya jaye to namaz nahi  hogi Ya Agar kisi Aurat  ne sar par bareek dupatta Audh liya jisme sar ke baaL jhaLak rahe hain to aise dupatte me bhi namaz  nahi  hogi kiyu ke Satar chupane ki Shart poori  nahi  hui baaz khawateen bareek dupatte me namaz padh Leti  hain ya us dupatte ko dohrah kar  leti  hain haLanke dohrah karne ke baad bhi baaL nazar aate hain ya baaz awqaad dupatta itna chota hota  hai ke iske andar baaL chowti  bahir  nikLi hui hoti hai wo  dupatte ke andar nahi chupati baaz khawateen ki Aasteen itni choti hoti hai ke dupatta pehanne ke bawajood unke baazu gatto tak nahi chupte or masLa ye hai ke agar chothayi sar ke baaL khuL jaye ya chothayi kaLayi khuL jaye ya chothayi pindLi khuL jaye or teen martaba tasbeeh padhne ke barabar khuLi rahe to namaz nahi hogi or chehra dono hatheLiyan or dono per or baqi sara jism namehram Mardon se chupana Zaroori hai ye parde ka hukm  hai*           

                    *◐ PART-12 ◐*

   *☞ PARDA OR SATAR ME FARQ*

*☞ Parde ka hukm Alag hai  or satar ka hukm alag  hai parde ke hukm me sar se paon tak poora jism dakhiL  hai jisko namehram mardon se chupana ghar me bhi zaroori  hai or ghar se bahir  bhi zaroori  hai Lihaza ghar me or ghar ke bahir namehram mardon ke samne sar ke baaL khoL kar Aana gunaah  hai Or  ye uska Azaab hai jo Aap pehLe part 4 me padh  chuke baaz parda'daar khawateen ghar ke bahir to Sar or chehra chupane ka Ahtamam karti  hain lekin ghar me jo namehram  mard ya qareebi namehram Rishtedar hain unse wo khawateen parda  karne ka Ahtamam nahi karti inke samne sar bhi khuLa hai ghardan bhi khuLi  hai baazu bhi khuLe hue hain girebaan tak khuLa  hua  hai or baaz khawateen Sadhi is andaaz se pehanti hain ke pet  or peeth  bhi isme nazar aati  hai masLan dewar ya jeth ya taya zaad bhai phopi zaad bhai mamu zaad  bhai or khaLa zaad bhai ghar me Aate rehte hain lekin inse parda karne ka koi Ahtamam nahi  hai inke samne sar sina hath or baazu sab khuLe hue hain jab ke shariyat me in sab se parda karne ka hukm hai or  inke samne sar khoLne ki ijazat  nahi  hai*  

                    *◐ PART-13 ◐*

   *☞ GHAR KE ANDAR REHNE WALE NAMEHRAM MARDON SE PARDE KA TARIQA*

*☞ Han itni gunjaaish hai ke  jo namehram mard ghar ke andar Rehte  hain jinse har waqt mukammal parda karna mushkiL hai masLan devar ya jeth ghar  ke Andar sath  Rehte hain ab har waqt inki Aamd o rafat Rehti  hai or wo aksar ghar par kaam kaaj bhi karte  rehte  hain Unke bare me ye hukm hai ke unke samne bhabhi ko chahiye ke wo koi bada or mota dupatta is tarah odhLe ke isme peshani  se upar ke or sar ke sare baaL chup jaye or dupatta is tarah bandhe jis tarah Namaz me bandha jata  hai or  isme dono bazu bhi chup jayen or wo apni pindLi bhi Shalwar waghera se chupaye pindLi ka Zikr isliye  kiya  ke Aaj kal unhe  khuLa  rakhne ka Riwaaj chaL  raha hai jo sara sar najaaiz hai  chehre par Gungat Rakhe or dono hatheLiyan or dono per khuLe  Rahen is haLat me inke samne Aana jana Rakhe or ghar ka kaam anjaam de to iski gunjaaish  hai or isme  bhi behtar ye hai ke chehre par gungat daaL kar inke samne aaye jaye or zaroorat ke waqt gungat me inse baat bhi kar  sakti hai or jawab bhi de sakti  hai*

                    *◐ PART-14 ◐*

*☞ PINDLI KHOLNE KA MANHOOS RIWAAJ*

*☞ Shareef or hayadaar Aurat  ke liye chehre par gungat daaL kar kaam kaaj karna  koi mushkiL nahi basharte ke Aakhirat ki fikr ho khof e khuda ho or Allah ta'ala ke Azaab se dar Lagta  ho Lekin sar khuLa  Rakhna ya sar ke Upar itna bareek dupatta odhna ke us me se sar ke baaL nazar Aarahe hain ya baray naam dupatta gaLe me daaL Rakha  hai sar par nahi  rakha bazu bhi khuLe hue hain kohni bhi khuLi hui hai kaLayi'yan bhi khuLi  hui  hain or un kaLayi'yon me  Zewar bhi  pehna  hua  hai Or Aaj  kaL  to pindLiyan khoLne ka manhoos Riwaaj bhi chaL pada  hai Lihaza ghar ke jo namehram mard  hain unke samne bhi in Aaza ko khoLna  jayaz  nahi or ghar se bahar khoLna to kisi haaL me jayaz nahi Lekin Aaj musalman khawateen ka jo haaL  ghar ke andar  hai usse zada bura haaL ghar  ke bahar ka  hai bahar nikaLte waqt burqe or parde ka koi naam nahi or jo kapde pehne hue hain wo bhi itne bareek  ya itne chust hain ke badan ka har hissa numaya ho  raha hai Lihaza  meri baat ko  khawateen ghor se sunLen namehram mardon ke samne nang'ge sar Aane ka Azaab Aap sallallahu alaihivasallam ye bayan farma rahe hain ke mene  Apni aankho se unko jahannam ke andar sar ke baL Latke hue dekha hai or  unka dimagh handiyon ki tarah pak  raha  tha Allah ta'ala  ki  panaah Allah ta'ala  ham sab ki jahannam ke Azaab se hifazat farmaye ham sab ko apne hifz o Aman me rakhe Aameen ya RabbuL AaLameen*

                    *◐ PART-15 ◐*

*☞  BE PARDAGI KI WAJAH SE AZAAB*

*☞ jahannam me auraton par Azaab  dekhne ke bare me huzur e akram sallallahu alaihivasallam ne or bhi bahut si hadees me bayan farmaya hai Chunache namehram mardon ke samne beparda nikaLne ke siLsiLe me Ek hadees me Huzur e akram sallallahu alaihivasallam ne farmaya mene jahannam me zadatar Auraton ko dekha phir farmaya  Auraton ke jahannam me kasrat se jane ki char wajah hain*

*☞ {01} Ek wajah ye hai ke inme Allah ta'ala ki itaa'at ka mada kam hota  hai*

*☞ {02} Dusri wajah ye hai ke inme huzur e akram sallallahu alaihivasallam ki tabedari ka jazba kam hota  hai*

*☞ {03} Teesri wajah ye hai ke inme  Apne shohar ki farmabardari kam hoti  hai*

*☞ {4} Chothi wajah ye hai ke inme ban than kar beparda ghar se bahar nikaLne ka jazba bahut zada hota  hai*

*☞ Ye chothi wajah wahi hai jo ham apni Aankho se dekh  rahe hain Aaj kaL jab aksar khawateen bahar nikaLegi to khoob AaLa se AaLa joda pehan kar or khoob Aarasta o perasta ho kar makeup kar ke khushbu Laga  kar beparda bahar nikaLegi agar koi khatoon mukammal shar'ee parde me ghar se bahir NikaLe or aisi khushbu Laga kar na nikaLe jis ki khushbu dusre namehram mardon tak jaye ya jo Aaraish o zebaish ke sath sirf apne shohar ke samne Aaye ya apne baap or bhai or bete ke samne Aaye to isne  koi burayi  nahi jayaz  hai kiyu ke shohar ke liye Aaraish o zebaish karna sirf jayaz hi nahi baLke behtar  hai Lekin ye Azaab o wabaaL is soorat me hai ke auraten namehram mardon ke samne Aaraish  kar ke Aayen chahe wo namehram ghar ke hon ya bahar ke hon is waqt ye fe'aL gunah or haram o najaaiz hai jisse bachna wajib hai*

                    *◐ PART-16 ◐*

*☞  DUSRI AURAT PAR AZAAB KA SABAB ZABAAN DARAZI*

*☞ Dusri Aurat jisko Aap sallallahu alaihivasallam ne dekha ke wo zabaan ke baL jahannam me Latki hui hai iske bare me Aap sallallahu alaihivasallam ne farmaya ke ye wo Aurat hai jo apni zabaan darazi se apne shohar ko takleef pohchaya  karti  thi baaz Auraton me biLa shuba ye buri khasLat o Aadat payi jaati  hai ke wo bahut hi muh phat zabaan daraz bad'go or bahut zada zabaan chaLa kar Apne shohar ko takleef pohchane ki Aadi  ho jati  hain Or ye baat to Mard ke  liye bhi jayaz nahi ke wo apni zabaan se apni Bivi ko na'haqq takleef pohchaye ya usko sataye or pareshan kare mard ke  liye ye baat ba'ise Azaab or ba'ise wabaaL hai Lekin is hadees me ye sifat khas Auraton ke liye bayan ki jaa rahi  hai ke baat baat par shohar se Ladna battamazi karna or aisi baten  karna  jisse shohar  ka diL  dukhe usko takleef or iza pohche aisi khawateen ke bare me ye Azaab bataya gaya hai ke wo jahannam me zabaan ke baL  Latki hongi*

                    *◐ PART-17 ◐*

*☞  ZABAAN DARAZI SANG'GEEN GUNAH*

*☞ Agar  insaan  kisi  ko haath  se  mar de ya kisi  cheez  se mar de iski  takleef  zada der tak  baqi  nahi  Rehti Lekin   zabaan se baaz Awqaad insaan Ek aisa kaLma keh  deta  hai ke  zindagi bhar  insaan isko  nahi  bhooLta Ek  shayar  ne  kya  khoob  kaha  hai TaLvaar  ka  zakhm bhara Zabaan  ka  zakhm hara Yani  TaLvaar  se  Laga  hua  zakhm insaan  ka  bhar  jata  hai  par  zabaan  ka  zakhm  kabhi  nahi  bharta  hamesha  hara  Rehta  hai Zabaan  ka jism to bahut  chota  hai magar  iske  gunaah bade sang'geen  hain in sang'geen gunaaho me  se Ek  gunah zabaan darzi  bhi  hai Ye aisa sang'geen gunah  hai ke  ghar ke sare sakoon  ko gharat kar  deta  hai or  Zindagi ko mushkiL bana deta  hai Agar  iska  sabab kisi  khatoon  ki zabaan  hai to  iske  liye hadees  me ye Azaab o wabaaL  bayan  kiya  gaya  hai isliye  khawateen  ko  is  baat  ka  khayal  rakhna  chahiye ke  wo  zabaan  se  koi  aisa kaLma  na  nikaaLe jis se  unke  shohar  ko  takleef  pohche  Aise hi shohron ki ye zimmedari hai ke wo bhi  Apni  zabaan  se aisi baat na  kahe jisse  bivi  ko  takleef  pohche BaLke  tamaam musalman  mardon Aurto'n ko ye  hukm  hai ke  wo  Apni zabaan  ko qabu  me  rakhe or  zabaan  se aisi baat  kehna  jisse dusre  ko takleef  pohche ba'ise  Azaab hai or gunah  hai or  kisi  musalman  ko na'haqq takleef  pohchana haram hai or jis  tarah  hath  ke  Zarye isharon ke Zarye takleef  pohchana  gunah  hai isi  tarah  zabaan  ke  Zarye  takleef  pohchana  bhi Gunaah  hai isliye  is baat  ka khoob  Ahtamam  karna  chahiye ke zabaan  se wahi baat  nikaLe jisse  dusron  ka diL  khush  ho or  dusron  ko  takleef  na  pohche  or  apni  zabaan  ko Hamesha  qabu  me  rakhiyega*

                    *◐ PART-18 ◐*

*☞  TEESRI AURAT PAR AZAAB KA SABAB BEHAYAYI , BEHAYAYI  KE SANG'GEEN NATA'IJ*

*☞ Teesri Aurat jis ko Aap sallallahu alaihivasallam ne dekha  ke  wo chathiyon ke baL jahannam me  Latki hui  hai uske  bare me Aap sallallahu alaihivasallam ne irshad farmaya ye  wo  Aurat  hai  jo  shadi  Shuda  hone  ke  bawajood  dusre mardon  se najayaz ta'alluq rakhti  thi Shareef or bahaya Aurten  to iska  tasavvur  bhi  nahi  kar  sakti isi  tarah  shareef or bahaya  mard  bhi iska  tasavvur  nahi  kar  sakte  Lekin  jis  muaashre me  haya ka khatma ho  chuka  ho or behayayi  ka  dor dora  ho usme  is  baat  ko  kahan  bura Samjha  jayga baLke Aise maashre me isko feshan ke tor  par Akhtiyaar  kiya  gaya  hai  Huzure Paak Sallallahu Alaihivasallam  ne irshad farmaya haya imaan ki  ek  shakh  hai yani  deen or  imaan  ka  ek  Aham shoa'ba haya  hai Ye  haya  aisi  cheez  hai  jo  insaan  ko  bahut  se  gunaah  Se  bacha  Leti  hai Chunache  jinsi noyi'yat ke  jitne  gunaah  hain un  sab  me  haya  Ek parda  or  Rukawat  ban  jaati  hai isi  haya  ki  wajah  se  insaan ghairmehram Aurat ki taraf  Nazar  nahi  utha  sakta kisi  namehram ke pass jane  or  uske pass tanhayi me bethne se  haya  us  insaan  ko  Rokegi  Isi  Tarah  agar  aurat  hayadar  hai to  wo  haya  usko namehram mard  ki  taraf  dekhne  se Rokegi or  ye haya  hi dar AsaL baap or beti ke darmiyan bhai or behan  ke darmiyan sasur or bahu  ke  darmiyan parda  hai  Allah ta'ala  na  kare Agar  kisi  jagah par kisi  waqt is  haya  ka khatma ho  gaya to  phir  beti  or  Ajnabi  Aurat  sab barabar  hain*

                    *◐ PART-19 ◐*

*☞  BAAP OR BETI KE DARMIYAN HAYA KA PARDA*

*☞ Mere  ek  dost  jo bahut  bade  AamiL  hain unke pass zadatar Auraton ki Aamad o rafat  Rehti hai kisi  par  jin  chadha  hua  hai kisi  par Aaseb ka  asar  hai kisi  par  jadu  ka  shuba  hai kisi  ke  liye  Shadi  ki  koshish  hai Ek maah  pehLe jab meri  unse mulaqaat  hui to  wo  mere  kaan  me  chupke chupke  kehne Lage ke Aaj  kaL  mere pass Aksar aurten  Apni pareshani  Lekar  Aati  hain ke  koi  Aisa taveez  de ke  baap  ki  nazar  beti  se  hat  jaye isliye  ke  hame  Raat ko baar  baar uth kar pehra  dena  padta  hai ke  kahin  Aisa  to  nahi  hai ke baap  beti  ko pareshan kar  raha  ho phir  kehne Lage  me  to  sun  kar  kaanp  jata  hun ke  inko  kya  iLaaj  bataun jab  baap  hi  ka  diL  beti  par  Aagaya to  Ab  zameen  par  chaLne  ka  kya  haqq  Reh  gaya*

*☞ BEHAN SE BHAIYON KA ZINA  KARNA ALLAH HU AKBAR*

*☞ Ye  baat  kitaab  se  nahi  likh  Raha  hun mere  ghao  khera Afgaan  me  jod  tha hamare  Maulana  mojood  the  Maulana  apne  bayan  me  farma rahe  the  mere  pass  ek  Ladki  ka  phone  Aaya  Maulana  mere  liye  dua  karna mera  koi  nahi  hai maa baap  bhi  nahi  hain 2 bhai  hain jo 2 (years) SaaL  se  mere  sath  Lagatar  Apni  jinsi khahishat  ko  poora  karte  Aarahe hain itna  sunte  hi  Maulana  Rone  Lage  Maulana  ne  poocha  beti  tum  kis  jagah  Rehti  ho  kehne  Lagi  bas  dua  karna  Address  nahi  diya    Allah hu akbar Ye  sab  behayayi  ki  wajah  se  hua kiyu ke  jahan  behayayi  Aati  hai  wahan  se behan  beti  or  ghair  me  koi  farq  nahi  Rehta Jahan poori family miL kar TV me aise programme dekhte ho'n jinko akeLe dekhne me bhi sharm mehsoos hoti ho wahan se to haya ka janazah nikaL hi chuka hota hai Allah ta'ala  ham sab ko bahaya banaye Allah ta'ala  ham  sab ko haya  ki  doLat  se maLa maal  farmay  Aameen ya Rab*

                    *◐ PART-20 ◐*

         *☞   TV KA WABAAL*

  *☞ Magar  Logon ko ye baat  samjhme  nahi Aati  ke ye  sab TV dekhne ka  natija  hai wo  to  kehte  hain ke  TV  dekhne  me  kya  harj  hai haLanke  ye sara wabaaL TV  ka  hai isliye  ke TV  par nang'gi filme dekh  dekh  kar haya  ka janaza nikaL  gaya hai baap  se  bhi  haya  nikaL  gayi  hai  or  bhai se  bhi  haya  nikaL  gayi hai or  jab Haya baqi  na  rahe To Aap  sallallahu alaihivasallam ne irshad farmaya hai jab tumhari  haya  ka khatma ho jaye to  jo chahe  karo isliye  ke  phir  har  burayi  Aapke  liye  barabar  hai haya  hi  ye  batati  hai  dekh ye teri beti  hai or  ye  teri  behan  hai ye teri maa hai ye teri  bahu  hai Agar  haya  nahi  phir  iske  nazdeek  sab  khawateen  barabar  hain phir  to  jaanwaron jesi  haLat  hogi kiyu ke  janwar  me  bhi  haya  nahi  isliye  inke  andar  maa  behan  ka Rishta  bhi  nahi  hai  insaan  ke  andar Allah ta'ala  ne  haya  ka madah  Rakha  hai wo haya  hi  isko in baton se Rokti hai or jaanwaron  se mumtaaz  karti  hai*

                    *◐ PART-21 ◐*

*☞ TV HAYA SAAF KARNE KA USTARA*

*☞ Behar haaL ye TV haya ko saaf karne ka ustara  hai  AkhLaaq  ko barbaad  karne  ka  Zariya hai Imaan  ko  gharat  karne  ka  sabab  hai Jis  tarah  ustare se saare sar ke baaL saaf ho jaate  hain isi tarah  TV or  filme  dekhne  se insaan  ki haya  ka  khatma  ho  jata  hai AkhLaaq  ka khatma  ho jata  hai AamaaL  ka khatma ho jata  hai or  Aakhir  me baaz martaba  imaan  bhi  chaLa  jata  hai Behar haaL  jo aurten  dusren  mardon  par  nazar  rakhti  hon or  unse najaaiz  ta'alluqaat  rakhti  hon uske  liye ye Azaab  hai ke jahannam me usko chatiyon ke baL Latkaya jayga lihaza  is  gunah  se bache Allah ta'ala  AmaL  karne  ki tofeeq  ata farmaye Aameen ya Rab* 

                    *◐ PART-22 ◐*

*☞  CHOTHI AURAT PAR AZAAB KA SABAB ISTEHZA*

*☞ Chothi  Aurat jis ko Aap sallallahu alaihivasallam ne is haLat  me  dekha ke  uske  dono per seene se bandhe hue hain or dono hath sar se bandhe  hue hain  iske bare me Aap sallallahu alaihivasallam ne irshad farmaya ke  ye  wo Aurat  hai jo  duniya me janabat or  haiz  se paak saaf  Rehne  ka Ahtamam nahi  karti  thi Or namaz  ke sath badi  Laparwahi baLke istehza ka mamLa  karti  thi*

 

                    *◐ PART-23 ◐*

*☞  GUSAL FARZ  ME TAKHEER KI HAD*

*☞ GhusaL ka  masLa ye  hai  ke jab  mard or Aurat  par  ghusaL farz ho jaye to afzaL ye hai ke  usi  waqt  ghusaL karLe or  agar  is  waqt  ghusaL  na kare  kam az kam istanja kar ke wazu  karLe or  phir so jaye or  agar  ye  bhi  na  kar  sake  kam az kam istanja  karLe or  kuL'Li  karle or hath  dho  kar  so  jaye Or  agar  itna  bhi  na  kar  sake  to phir Aakhri darja  ye  hai  ke subha sadiq hone par jama'at se itni der pehLe ghusaL  karle ke agar mard  hai to uski namaz  bajama'at Ada ho jaye Agar aurat  hai to ghusaL se Faraghat ke baad tuLu Aaftaab se pehLe namaz  fajar Ada karle ye Aakhri darja hai is  waqt  se zada takheer karne ki gunzaish  nahi  hai  Lihaza  agar  koi  Shakhsh  janabat  ki haLat  me  so  gaya or  phir  sooraj nikaLne ke baad  Utha to uske  liye ye Azaab  o wabaaL hai kiyu ke ghusaL  karne me itni takheer  karna jis ki wajah  se namaz   ka waqt jata  rahe ya namaz  qaza ho jaye najaaiz  or haraam hai  Ab  mera  un  musalman bhaiyon or behno  se  sawaL  hai jo  kehte hain jab unko namaz  ke  liye  kaha jaye ki  kapde napaak hain Upar  kya  Likha  hai dhiyaan se padhLe Allah ta'ala  ham sab ko sahi  samjh  ata  farmaye  tamam bataon par  amaL  karne  ki tofeeq  ata farmaye Aameen ya Rab*

                    *◐ PART-24 ◐*

*☞  DER SE SONE KI NAHUSAT*

*☞ Hamare  yahan  der  se sone  ka aisa manhoos  fashion chaL  pada  hai jis ki wajah se umuman Subha sawere Uthna mushkiL  ho jata hai Raat ko itni der jaagna jis ki  wajah se fajar ki Namaz  Qaza ho jaye jayaz  nahi  hai phir Agar janabat ki haLat me ho to fajar ki Namaz ka qaza hona or yaqeeni ho jata  hai chahe  wo mard ho ya Aurat Or janabat ki haLat me  is  tarah sari Raat guzaarna ke fajar ki Namaz bhi qaza ho jaye  or zada najaaiz  or gunah hai or ba'ise Azaab hai Lihaza gunah se bachne ki fikr karni chahiye*

                    *◐ PART-25 ◐*

*☞  MAAHWAARI SE PAAKI PAR FORAN GHUSAL*

*☞ Is tarah maahwari ke mamLe me bhi ye hukm  hai ke jis Waqt paak ho taharat ho jaye or paaki ki Alamat payi jaye or  us waqt ki Namaz  ka  bhi  waqt  hai or imkaan hai ke Agar jaLdi  se  ghusaL kar  liya  jaye to  waqt nikaLne  se pehLe  kam az kam Allah hu akbar  kehne  ka waqt mil  jayga to  is  waqt ki Namaz  farz  ho  jaygi isliye  us waqt ye  hukm hai ke foran jaLdi se ghusaL  kar ke namaz  padhe or  agar isse zada waqt mile to phir batareeq awLa namaz  farz ho jaygi masLan namaz ka waqt khatm hone me Ek ghanta baqi  hai or paaki ki Alamat mojood hai to foran ghusaL kar ke namaz  padhe  Lekin Aaj ki khawateen me  ye marz Aam hai ke us waqt ko Laparwahi me guzaar deti  hain Chunache Agar Raat ko isha  ke baad paak ho gayi to sari Raat bager ghusaL ke napaaki  ki halat me guzaar dengi haLanke Subha sadiq se pehle ghusaL  kar ke isha ki Namaz padhna in par farz  ho chuka hai isliye aisi soorat me inko  chahiye ke ghusaL kar ke paak saaf ho jaye or namaz ada  karen Hazrat Sahabiyaat RA ka Aakhirat ki fikr ki wajah se ye haaL tha ke wo Raat ko baar baar uth kar or chiragh JaLa kar dekha karti thi ke kahin aisa to nahi ke taharat ho chuki ho or namaz farz ho chuki  ho or phir hamari namaz qaza ho jay  Aaj kaL to chiragh jaLane ki Zehmat bhi nahi hai sirf batan dabane ki der hai jisme  koi dikkat  nahi  hai iske bawajood uske andar Laparwahi karne or kayi kayi namaze Zaye karne ka ye Azaab or wabaaL hai  Aap sallallahu alaihivasallam ne jo is hadees me irshad farmaya lihaza janabat or maahwari ke mamLe me bahut hoshiyar rehne ki zaroorat hai ke iski wajah se hamari koi namaz qaza na hone paye Or Aam halat me bhi namaz qaza karne se bachna chahiye*           

 
                    *◐ PART-26 ◐*

*☞  AZAAB KA SABAB NAMAZ KA ISTEHZA*

*☞ Is Azaab ki teesri wajah  Aap sallallahu alaihivasallam ne bayan farmayi wo namaz ka istehza or mazaakh Udana hai or namaz  ko mamooLi samjh  kar iski taraf se Laparwahi karna hai is mamLe me hamare Aam mardon or Aurto'n ka taqreeban yaksa haaL hai Chunache  jitne Nojawan  hain umuman inke andar namaz  ka Ahtamam nahi na Ladkiyo'n me  or na Ladkon me Isi Tarah Aazaad mansh Auraton me bhi namaz ka koi Ahtamam nahi or agar inse namaz  ke bare me kaha  jaye to aise tareeqe se jawab diya jata  hai ke jisse aisa maloom  hota  hai ke inki nazar me namaz koi zaroori kaam nahi HanLanke Shadi ho ya ghami Lekin namaz chordna jayaz nahi Aaj kaL ki taqribaat me Dekhiye inme kis tarah Ladkon Ladkiyo'n or mardon or Auraton ki Namaze barbaad hoti  hain or aisi taqribaat dar haqeeqat wabaaL hai Allah ta'ala ham sab ko aise wabaaL se bachaye or pakka saccha namazi banay Aameen ya Rab*        

 

                    *◐ PART-27 ◐*

*☞  PANCHVI KHATOON PAR AZAAB KA SABAB CHUGHLI*

*☞ Panchvi khatoon jisko Aap sallallahu alaihivasallam ne is haLat me dekha ke uska chehra khinzeer ki tarah hai or baqi jism ghadhe ki tarah hai or sanp bicchu usko Lipte hue hain iske bare ne Aap sallallahu alaihivasallam ne irshad farmaya ye wo Aurat thi jisko jhoot bolne or chughLi khane ki wajah se Azaab ho raha tha Aap hazraat jante hain ke ye dono gunaah sirf Auraton ke sath khas nahi hai baLke agar Mardon ke andar bhi ye gunah paye jayenge to unki bhi pakad hogi or un par bhi Azaab hoga*

*☞ CHUGHLI OR GHEEBAT ME FARQ*

*☞ Ek gunah hai gheebat or Ek gunah hai chughLi ye dono gunaah haraam hain dono se bachna zaroori hai Lekin in dono me thoda farq hai gheebat use kehte hain ke kisi ki peeth piche uski is tarah burayi karna ke agar usko maloom ho jaye to wo usko napasand kare masLan kisi Shakhsh me koi ayb  hai Ab ham dusron ko jaa kar bata  rahe  hain ke faLan Shakhsh me ye Ayb hai iska naam gheebat  hai Lekin agar ham kisi Shakhsh ki burayi uski peeth piche is niyat se karen take dono me Ladayi ho badgumani ho or na'ittafaqi peda  ho isko chughLi kehte  hain or chughLi ka gunaah gheebat se badh kar  hai isliye ke gheebat me to sirf dusron ki burayi maqsood hoti  hai lekin chughLi me to burayi ke Alawa ye bhi maqsood hai ke in dono ke darmiyan Ladayi ho or dono ke darmiyan jo dosti or muhabbat ka ta'alluq hai wo khatm ho jaye masLan saas ne bahu ki baten sasur ke samne  ya uske Shohar ke samne Lagayi Ab shohar bivi se khafa ho raha hai or sasur bhi bahu se badguman ho raha  hai ye chughLi hai or haraam hai Aaj kaL ye masLa Aam hai or har ghar ka masLa hai Ek gharana jo saas bahu sasur or shohar par mushtamiL hai Lekin charon Ek Dusre se kate hue hain isliye ke charon is chughLi ki museebat me mubtaLa hain or har Ek Dusre ki chughLi or badgumani me Laga  hua  hai is wajah se ghar ka nizaam darham bharham ho gaya ghar ka sakoon gharat ho gaya or Aakhirat me bhi in par bada Azaab o wabaaL hai Allah ta'ala ham sab ki chughLi or gheebat se hifazat farmaye  Aameen ya Rab*

                    *◐ PART-28 ◐*

*☞ EK CHUGHALKHOR KA QISSA*

*☞ Ek chughaLkhor ka qissa yaad aaya ek Shakhsh  ne bazaar me dekha ke ek Shakhsh  apna ghuLaam bench raha hai or  ye Awaaz bhi Laga  raha  hai ke  ye  bahut  accha  ghuLaam  hai iske  andar  iske  alawa koi or aib  nahi  hai ke  ye kabhi  kabhi  chughLi khata  hai kisi  Shakhsh  ne ye Awaaz  suni usne  shocha isme  to  koi aib  nahi  hai or chughLi khana to Aam baat  hai usme kya kharabi  hai us ghuLaam ko khareed Lena chahiye Chunache usne soda kar ke  us  ghuLaam  ko khareed  liya or apne ghar Le Aaya kuch arse tak to wo ghuLaam  sahi kaam  karta  raha uske baad  usne apna rang dikhana  shuru  kiya Chunache  chughaLkhori ke andar wo mahir  tha isliye  usne chughaLkhori ke andar apna kartab dikhLaya or sabse pehLe wo apni malika ke pass gaya or usse ja kar kaha Apke shohar  jo mere Aaqa  hain wo kisi  or Aurat  se ta'alluq rakhte  hain or uske pass Aate jaate  hain or anqareeb wo tujhe chord kar usse shadi karlenge or ye teri khair khahi ke liye tujhe bata  raha  hun kisi or ko mat batana ye baten sun kar wo bivi bahut  ghabrayi or pareshan  hui phir khud ghuLaam  hi ne uski pareshani ka iLaaj bataya ke mujhe ek tarkeeb  Aati  hai tum us par AmaL  karLo wo ye ke jab tumhare shohar so jayen to tum ustare se unki dhadi ke Ek do baaL kaat kar apne pass rakh lena phir dekhna kiya hota hai phir wo hamesha tumhare ho kar rahenge kabhi dusri Aurat ki taraf Nazar nahi uthayenge Aurat ne jawab diya ye kya mushkiL kaam hai ye to me Aaj hi karlungi khuda na khasta kaL kuch or ho gaya to kiya hoga Ab wo ghuLaam Aaqa ke pass Aaya or usse kaha ke tumhari bivi ke dusre mardon se najaaiz ta'alluqaat hain or anqareeb wo Aapko khairbaad kehne waLi hai or usne ye tuhayya karliya hai ke wo Aaj raat apko ustare se zibaah karegi Agar Aapko meri baat par yaqeen na ho to Aap jhoot mooth so kar dekhna or gaLa na kat jaye to batana Chunache wo Aaqa jaa kar jhoot mooth so gaya or idhar bivi is intezar me thi ke kab inki Aankh Lage or me Apna kaam karun miyan ko neend kahan Aati isliye isne masnoyi kharrata lena shuru kar diya Ab bivi ko yaqeen ho gaya ke miyan sahab ko neend Aagayi hai Foran ustara Le kar pohchi or Abhi haLkasa ustare ko gaLe par rakha tha ke Aaqa ne foran Aankh khoLdi or bivi ko pakad kar kaha accha tum mujhe zibaha karna chah  rahi thi gussa to pehLe hi se Aaraha tha us Aaqa ne usi ustare se bivi ko zibaha kar diya Jab bivi ke khandan walon ko pata chaLa ke shohar ne hamari beti ko zibaha kar diya hai unhone Aakar usi ustare se shohar ko zibaha kar  diya Ab shohar ke khandan wale bhi Aagaye or dono khandano me khoob jhagda hua or beeso Lashe gir gayi*

*☞ is waqiye se hame ek Sabaq bhi miLta hai Agar koi Aapse kisi ki chughLi karta hai ya Aapke Apno ke beech Ladayi karwana chahta hai to uski baat sun kar gussa karne se accha hai baat ki haqeeqat ko jaane or wo chughaLkhor  jiske baare me aapse chughLi Laga raha hai usko buLa kar baat ko saaf karen isse chughaLkhor zaLeeL hoga ho sakta aisa karne se uski ye buri Aadat bhi chut jaye ham tahqeeq karte nahi hain or hamare gharane barbaad ho jaate hain*

                    *◐ PART-29 ◐*

*☞ GHAR KE AFRAAD ME CHUGHLI*

*☞ Aapne dekha ke is ghuLaam ne zarasi chughLi se kis tarah se dono khandan ko tabah kar  diya  Isliye is chughLi ko shariyat ne haraam qaraar diya hai Ab chahe har jagah chughLi qataL na karaye magar diL to para para ho hi jaate hain  Ab tak bahu or saas me badi muhabbat thi magar Ab chughLi laga laga kar dono ke diL phaad diye Ab tak sasur Apni bahu ke sath badi shafqat ke sath pesh Aata tha lekin saas ne uske kan bhar bhar ke bahu ki taraf se uska diL phad diya  Ab ghar ke andar ye haaL ho gaya hai ke na bete ke diL me baap ka Ahtaram raha or na sasur ke diL me bahu ka Ahtaram raha or na bahu ke diL me saas ki muhabbat Rahi Or ye chughLi karna or kaan bharna jis tarah ghar ke afraad ke darmiyan hota hai isi tarah ghar ke bahar ke Afraad me bhi hota hai masLan dosto me Rishtedaron me Ahle ta'alluqaat me ye chughLi khayi jaati hai or kisi ke sirf batane par hi poora yaqeen kar lete hain ke waqiyatan isne aisa kiya hoga jab ke is tarah suni sunayi bataon par biLa tehqeeq yaqeen karna bhi jayaz nahi  Beharhaal ye chughLi itni buri cheez hai isne hamare andar se muhabbat ko khatm kar ke rakh diya hai koi Shakhsh  tumhare samne beth kar  kisi ki bhi chughLi kare foran mana kardon yaad Rakho jisme chughLi ki Aadat mojood hogi wo yaqeenan jhoot bhi boLega isse bahut zada bachna chahiye  Allah ta'ala ham sab ko sahi samjh ata farmaye tamam bataon par amaL karne ki tofeeq ata farmaye Aameen ya Rab*

                    *◐ PART-30 ◐*

*☞ AZAAB KA SABAB JHOOT BOLNA*

*☞ Is chughLi ke sath dusra gunah jo Aap sallallahu alaihivasallam ne irshad farmaya wo hai jhoot boLna Aap hazrat jaante hi  hain jhoot boLna kitna bada gunaah  hai or chughLi ke andar jhoot ka hona Lazmi  hai isliye ke jhoot  ke baghair  chughLi kese chaLegi or jis tarah Aaj hamare muaashre me chughLi Aam  hai isi tarah jhoot bhi Aam hai har medaan me jhoot  ka ek khatm na hone waLa siLsiLa hai Ab jaaLi Sanand banayi jaa rahi  hai paise de kar sanand  LeLo wakaLat  ki sanad LeLo doctor  ki sanand LeLo teacher ki sanad LeLo jhooti sanad tayyar  hai jhoote kaghaz par  MuLazimaten job Akhtiyaar ki jaa rahi  hai Yaad  rakho  in tamaam soorton me jhoot boLna likhna batana sab haraam hai or sakht gunah  hai*

                    *◐ PART-31 ◐*

*☞ TEEN QISAM KE AFRAAD PAR QAYAMAT KE DIN AZAAB*

*☞ Isiliy Ek hadees me Huzur e akram sallallahu alaihivasallam ne irshad farmaya ke teen Aadmi aise hain ke Allah ta'ala unki taraf qayamat ke roz nazar e rehamat nahi farmayenge na unse baat  karenge or na unka tazkiyah farmayenge or unke liye dardnaak Azaab hai*

*☞ Ek Aadmi wo hai jo haLate safar  me  hai or uske pass zaroorat  se zada pani mojood  hai dusre musafir ko pani ki zaroorat hai or wo usse pani taLab karta  hai magar ye pani dene se inkaar kar  deta  hai is Shakhsh ke liye ye Azaab hai Albatta agar pani zaroorat ke mutabiq hai to phir inkaar kar dena jayaz hai isme koi gunaah  nahi*

*☞ Dusra Shakhsh jisko ye Azaab diya jayega wo tajir  hai jo kharidaar ko kehta  hai ke mene ye cheez itne me kharidi hai or tumhe itne me farokht karta  hun or is par Qasam bhi khaLe haLanke wo jo qeemat khareed khareedaar ko bata raha  hai usne us qeemat par wo cheez nahi kharidi masLan wo kehta hai mene ye cheez Ek hazaar rupy me kharidi hai or tumko 1200 me farokht karta  hun or Ek hazaar me khareedne par Qasam bhi khaLeta  hai jab ke isne wo cheez 800 me kharidi  hai or Qasam khane  ki wajah se khareedar mutma'in ho gaya or usne mutma'in ho kar wo cheez 1200 me khareedLi Agar khareedar ko ye maloom hota ke usne ye cheez 800 me kharidi  hai to wo kabhi bhi 1200 me na khareedta Lihaza usne jhooti qasam khayi us jhooti qasam par ye Azaab hai jo Aap sallallahu alaihivasallam ne bayan farmaya*

*☞ Teesra Shakhsh wo hai jo Ahsaan kar ke  jatLata hai usko bhi ye Azaab hoga ke Allah ta'ala qayamat ke roz uski taraf Nazar e Rehmat nahi farmayenge or na usse baat cheet farmayege or na uska tazkiyah farmayenge or uske liye dardnaak Azaab hoga Baaz  Logon me Ahsaan jatLane ki badi Aadat hoti  hai wo is gunah se batore khas bache Allah ta'ala  ham sabko tamam  gunah se bachne ki tofeeq ata farmaye Aameen ya RabbuL AaLameen*

                    *◐ PART-32 ◐*

*☞ JHOOT KA RIWAAJ AAM*

*☞ Beharhaal ye teen Aadmi aise hain jinko dardnaak Azaab diya jayga or wo dardnaak Azaab ye hai ke inka chehra suwar ki tarah hoga or baqi jism kutte ki tarah hoga or jahannam ke sanp bicchu usko Lipte hue honge Ye Azaab chughLi or jhoot boLne  ki wajah se hoga Aaj hamare gharon me jhoot boLa jata  hai hamare bazaro me jhoot boLa jata  hai hamare daftaron me jhoot boLa jata  hai hamari taqribaat me jhoot boLa jata  hai Or jhoot ko fashion ke tor par apnaya gaya hai  Or jhoot ki  beeson Jadeed qisme hamare muaashre me payi jaati  hain  jis par hazrat Maulana mufti taqi Usmani Sahab DB ne tafseel se bayaan farmayi  hai inka wo bayan kitaabi shakhaL me jhoot or uski mirwajah soorten ke naam se chap chuki hai iska zaroor mutaLa karen or  apni islaah karen*          

                    *◐ PART-33 ◐*

*☞ CHATI AURAT PAR AZAAB KA SABAB AHSAAN JATLANA*

*☞ Chati Aurat jisko Aap sallallahu alaihivasallam ne is haLat me dekha ke wo kutte ki shakaL me hai or uske muh se Aag dakhiL ho rahi thi or pakhane ke Raste se Aag nikaL Rahi thi or farishte jahannam ke gurz se uski  pitayi kar rahe hain maar rahe hain iske bare me Aap sallallahu alaihivasallam ne farmaya us Aurat ko ye Azaab do gunaho ki wajah se ho raha  hai Ek hasad karne ki wajah se or dusra Ahsaan jatLane ki wajah se Ye dono gunaah aise hain jo Mardon ke andar bhi paye jaa sakte hain mard bhi hasad kar sakte hain or Ahsaan jatLa sakte hain isliye is dardnaak Azaab ke wo mustahiq ho sakte hain Agar khawateen in gunaho ko karegi  or toba nahi karegi  to wo bhi is Azaab ke andar mubtaLa hogi*

*☞ AHSAAN JATLANE KA MATLAB*

*☞ Ahsaan jatLane ka Matlab ye hai ke hamne kisi ke sath husne salook kiya Lekin jab hamara moqa Aaya ke hamare sath koi Hamdardi kare or Ahsaan kare hamare sath tavun kare us waqt us Shakhsh ne hamare sath tavun na kiya to ab foran ye Ahsaan jatLa dete hain ke tumhare moqe par to hamne tumhari badi khidmat ki bahut kaam Aaye Lekin hamare moqe par tumne tote ki tarah Aankhe band karLi  ye hai Ahsaan jatLana ye baat khawateen me bahut payi jaati  hai Shadi biyaah ke moqe par or Bimaari ke moqe par unhone khidmat kardi or unke moqe par dusre ne khidmat na ki Ab wo Aurat sare me dhandora peetegi jo bhi iske pass aayega uske samne jatLaygi hamne iske sath faLa khair khahi ki madad ki or aisa kiya or Aaj jab hamara moqa hua to usne hamare sath aisa salook kiya  isliye mardon or Auraton ko chahiye ke jiski koi khidmat kare wo mehaz Allah ta'ala ki Raza ke liye kare or Allah ta'ala hi se iske Ajar ki ummeed rakhe or jab kisi se koi ummeed na hogi baLke Allah ta'ala se sirf ummeed hogi to phir wo shikwa or giLa diL me peda na hoga Ghar ke Andar bhi iski Aadat rahe or ghar ke bahar bhi doston me bhi iski Aadat rahe ke jo kuch karna hai sirf Allah ta'ala ke liye karna hai Allah ta'ala se sawab ki Ummeed Rakhe doston se Ahbaab se Rishtedaron se badLe ki koi ummeed na rakhe or tavaq'qo Rakhe Agar wo kare to uska Ahsaan samjhe Agar na kare jo Allah ta'ala hi par nazar rakhe  Bas is AmaL se insha Allah diL me pareshani or takleef peda nahi hogi*                

                    *◐ PART-34 ◐*

*☞ AZAAB KA DUSRA SABAB HASAD KARNA*

*☞ Isi Tarah Aaj kaL hasad bhi itna peda ho gaya hai ke koi Shakhsh dusre ko khaata nahi dekh sakta peeta nahi dekh sakta pehanta nahi dekh sakta Rehta nahi dekh sakta ye hasad mardon me bhi paya jata  hai or Aurto'n me zada paya jata hai masLan kisi ke Acche kapde dekhe to diL me hasad peda ho raha hai kisi ka accha ghar dekha to hasad peda ho raha hai kisi ko dekha ke uski badi tezi se taraqqi ho rahi hai to is par hasad ho raha hai kisi ke mansaf or ohde par kisi ki khoobsurati par kisi ki maaLdari Se kisi ki sehatmandi se kisi ke husn o jamaL se kisi ke maaL o mata se kisi ke AhLo AyaL se gharz jitni niyamaten dusron ko hasiL  hain inko dekh dekh kar hasad peda ho raha hai*

        *☞ (HASAD KA MATLAB)*

*☞ Hasad ka mana hain ke insaan dusre ke pass koi niyamat dekh kar diL me jaLe or ye tamanna kare usse ye niyamat chin jaye or mujhe miL jaye ZawaL e niyamat ki tamanna karna iska naam hasad  hai or ye gunahe kabira hai ke iski wajah se us Aurat ko dardnaak Azaab ho raha tha jo Aap sallallahu alaihivasallam ne is hadees me bayan farmaya*

               *☞ (KHULASA)*

*☞ Beharhaal ye char gunah aise hain jo Mardon me bhi paye jate hain or khawateen me bhi jhoot boLna ChughLi khana Ahsaan jatLana Hasad karna Ye charon gunah aise hain jo hamare muaashre ke Andar Aam hain Agar khuda na khasta ye gunah jiske andar hon uske liye Aakhirat me bhi Azaab hai or duniya ki zindagi bhi iske liye ba'ise wabaaL hai isliye is sab se toba karni chahiye or bachna chahiye Beharhaal ye 6 Auraten hain jinka Zikr Aapne is hadees me ba'tarteeb bayan farmaya hai or in gunah ka ta'alluq khawateen se bhi hai or mardon se bhi hai Lihaza in tamaam gunaho se khawateen hazraat ko hi nahi baLke ham sabko khawateen ko bhi Mardon ko bhi badon ko bhi choton ko bhi bachne ki fikr karni chahiye take ham jahannam ke Azaab se bach sake Ab dua farmaye ke Allah ta'ala ham sab ko in tamaam baton par AmaL karne ki tofeeq Ata farmaye Aameen*

   *┬ ALHAMDULLAH MUKAMMAL*
     ┬━─━─━─━─━─━─━─┬
             ★

     *ʀεғεʀεηcε:- ┬*  
 
*📁 6 Gunahgar Aurtein : Mufti Abdur Rauf Sakharvi(DB)*

  💕 *ʀєαd,ғσʟʟσɯ αɳd ғσʀɯαʀd*💕
                          ✍
             *❥ Raah-e-haqq  ❥*
http://apkemasailorunkahal.blogspot.com/?m=1
    
       *👆🏻Visit for All updates,*
          ┄─═✧═✧ ═✧═✧═─┄
               
*Facebook* https://www.facebook.com/babar.khansr.1

🍀🍃🎋