*SHOHAR KI DAS GHALTIYAN*

🍁🍁🍁
.                                   
        
         ❈ *बिस्मिल्लाहिर्रहमानिर्रहीम* ❈

╭•∽–∽–∽–∽–∽–∽–∽–∽–∽•╮
    *SHOHAR KI DAS GHALTIYAN*      
╰•∽––∽–∽–∽–∽–∽–∽–∽•╮
        
                       *PART-01*
            ┅┅━━═۞═━━┅

*⚃➠ (01) BIWI KO NAZAR ANDAZ [IGNORE] KARNA*

*⚃➠ Pehli ghaLati jo Aam tor par akser shohar karte hein wo ye hai ke biwi ko nazar andaz [ignore]  karte hein, biwi ko waqt nahi dete mehfiLo'n mein bethte hein to dusre Logo ko tawajjoh dete hein, biwi ki taraf dhiyaan nahi dete, dusri Rishtedar aurton se bahut khushi se baat karte hein Lekin biwi ke sath baat karne ki fursat nahi, awwaL to ghar hi der se Aate hein or jaldi Aa bhi gaye to idhar udhar ke kamo me masroof rehte hein Yaad Rakhye Apni biwi ko nazar andaz [ignore] karna bahut badi Ghalati hai Shohar ko chahiye ke apni biwi ko bharpoor tawajjoh de, us ko mahsoos karaye ke mere Liye tum bahut kuch ho or mere dil me tumhara bada maqam hai  is tarah biwi ko sukoon milta hai*

                       *PART-02*
            ┅┅━━═۞═━━┅

*⚃➠ (02) TALAQ KI DHAMKI DENA*

*⚃➠ Dusri khatarnak Ghalati ye karte hein ke biwi ke sar par har waqt Talaq ki TaLwaar Latkaye Rakhte hein, zara koi bat hui to keh dete hein: “me tumhein chor dunga me tumhara faisLa kar dunga me tumhe tumhare ghar pohcha dunga Yaad Rakhiye Jis biwi ke sar par “Talaq ki TaLwaar” Latakti ho us ko kabhi itminaan nahi miL sakta, shohar boL kar chaLa jata hai Lekin biwi ke dimag me toofaan mach jata hai, wo soch me pad jaati hai ab mera kiya hoga ? Ab wo har Raaz ki aisi baat apne walidain ko batana shuru kar deti hai jo use nahi chahiye, Lihaza jhagde or badh jaate hein, kyun ke biwi ko Ahsase tahaffuz [sence of protection]  na raha, basa awqat wo Ghalat Qadam uthane ko tayyar ho jaati hai, Gunaho ka darwaza khuL jata hai Shaitaan use sikhata hai ke ye shohar tujhe kabhi bhi chor sakta hai, tu tayyar Rehna..! Wo Aurat kisi gair se ta'alluq jodne ko tayyar ho jaati hai*

 
        
                       *PART-03*
            ┅┅━━═۞═━━┅

*⚃➠ (03) DUSRI SHADI KAR LENE KI DHAMKI DENA*

*⚃➠ Akser Shohar Aam tor par Apni biwi ko kehte Rehte hain ke tum mujhe Acchi nahi Lagti ho, me dusri shadi kar Lunga Shari'at ne Agarche 4 nikah ki ijazat di hai Lekin us waqt jab ke har ek ke huqooq Ada kar sako, jab ek hi ke huqooq Ada nahi kar pate, ek hi ko itminaan nahi diLa pate, ek hi ke sath sukoon se nahi Reh pate or phir jab ek biwi aap ke sare taqazo ko pura kar Rahi hai phir dusri shadi karne ki kya zaroorat hai Wese dusri shadi karni hoti hi nahi sirf sokan ka dar diLa kar zehni tor par pareshan karna maqsood hota hai, is se us ki zindagi me bhi pareshani peda hoti hai or apni zindagi me bhi pareshani peda ho jati hai or gunaho ka darwaza khuL jata hai ghalat jazbaat peda hote hain Is se bachna bahut zaroori hai*

        
                       *PART-04*
            ┅┅━━═۞═━━┅

   *⚃➠ (04) BE IZZAT KARNA*

*⚃➠ Aam tor par Aksar shohar ye Ghalati karte hein ke apni biwi ko us ki kisi ghalati par Logo'n ke Samne be izzat kar dete hein, us ka mazaq Udate hein, Logo'n ke samne Ghalat Andaz me rok tok karte hein, daant piLate hein Is tarah karne se Logo'n ki nazar me to Acche ban jate hein Logo'n ko ye massage dene me kamyab ho jate hein ke dekho mera mere ghar me kitna control hai Lekin biwi ki nazar me apne waqar ko Zeero kar dete hein, is Liye har ek ko izzate nafs piyari hoti hai  jab kisi ki izzat ko zakhm pohchta hai to us ka diL toot jata hai Shohar ko is Ghalati se bachna zaroori he. Biwi se koi Ghalati ho jaaye to use tanhaayi me samjhana chahiye or biwi ko bhi chahiye ke wo aisi koi ghalati na kare jis se shohar ko rok tok ki zaroorat pade or shohar ke ishare ke zarye us ke ‘ha’ ya ‘na’ ko samjhe*

                       *PART-05*
            ┅┅━━═۞═━━┅

*⚃➠ (05) BIWI KO WAQT NA DENA*

*⚃➠ Bahut khatarnak Ghalati jo Aam tor par aksar shohar karte hein or is Ghalati me nek Log bhi mubtala hein wo ye ke biwi ko waqt nahi dete hein Dosto ke sath raat me der der tak bethe Rehte hein or idhar udhar ki batein karte rehte hein, nek Log Apne kamo me mashghooL Rehte hain ya apne bhai behno ya maa baap ke pass beth kar der tak batein karte rehte hein, jab nind Aana shuru hoti he to room me Aa kar so jate hein Biwi se baat bhi nahi karte, us ka haalchaal, tabiyat bhi nahi puchhte Ye bahut badi Ghalati hai,  shar'ee taqaza hai biwi ka shohar use waqt de. Ye Ghalati biL'aakhir gharelu jhagdo ka sabab banti hai Har ek ko us ke moqe par waqt dena chahiye*                                       

        
                       *PART-06*
            ┅┅━━═۞═━━┅

*⚃➠ (06) BIWI KE LIYE PABANDI OR APNE LIYE AAZADI*

*⚃➠ Shohar Apni biwi ke Liye sakht usooL bana kar biwi se us ki pabandi karwata hai, Lekin khud un usooL ki pabandi nahi karta, biwi se parda karwata hai Lekin khud nahi karta, biwi ko burqa, dastane or moze pehnata hai or biwi ke samne hi gair mehram Auraton ko dekhta hai balLke gair mehram Auraton ki tareef or un ke awsaf biwi ko bayan karta hai biwi se namaz ki pabandi karwata hai or khud nahi karta Ahkaam sab ke Liye hein or sab ko pabandi karni chahiye shohar khud pabandi nahi karega to biwi par Ghalat asar padega or us me baghawat paida hogi Ye kahan ki insaaniyat hai Dusre ko Qed kar ke Rakhe khud ke Liye har cheez ki Aazadi jese tum chahte ho wo Aapki soch ke mutabiq dhaL jaye pardah kare sirf aapko chahe pyaar kare wese uske pass bhi to ek diL hai jo ye sab chahta hai or sab se badh kar ye chahta hai aap sirf usko pyaar karen use chahe isse zada to or kuch nahi chahta na aapse*                            

        
                       *PART-07*
            ┅┅━━═۞═━━┅

*⚃➠ (07) NUKTE CHINI KARTE REHNA*

*⚃➠ Aam tor par Shoharo ko Ye Ghalati bhi hoti hai ke biwi ki chhoti chhoti baton par nukta chini karte rehte hein Jese jab khane ke liye dastarkhawan par bethenge to khana chahe kitna hi umda kyu na ho Lekin shohar ke liye goya ke aib nikalna farz or tareef karna haraam ho is tarah kuch na kuch aib zaroor nikalenge, kuch na mile to namak ki kami ziyadti to hogi hi !!! Tareef ke liye to ek lafz bhi nahi milega Isi tarah biwi ki har choti moti baton par nukta chini karte rahenge. BaLke bachcho ke sath bhi yahi bartao karte hein Bahir ki har cheez acchi lagti hai or ghar ki cheez chahe kitni umda kyu na ho buri lagti hai Ye badi khatarnaak bimari hai, jab har waqt biwi nukta chini ka nishana banti rahegi to  use sukoon kese milega ? Haan !!! Jo baat shariyat or muashare ke khilaf ho us ki islaah zaroor karni hai or action bhi Lena hai Lekin choti moti baton ko nazar andaz kar dena chahiye*

 
                       *PART-08*
            ┅┅━━═۞═━━┅

*⚃➠ (08) TEESRE SHAKHSH [THIRD PARTY] KI WAJAH SE BIWI SE JHAGDNA*

*⚃➠ Ek Ghalati ye hai ke shohar dusro ki wajah se biwi se jagda karta hai aksar aisa hota hai ke shohar or biwi apni nizi muamle [private matter] ki waja se ek dusre se nahi jhagdte Lekin teesre Shakhsh ki wajah se jhagda kar bethte hein Ye teesra Shakhsh shohar ya biwi ke maa, baap, bhai, behan, Rishtedaar ya dost v ahbaab me se koi hota hai Kabhi jhagde me teesre Shakhsh ka koi dakhaL nahi hota sirf wo sabab ban jata hai aise moqe par shohar or biwi ko chahiye ke wo apne aap ko sambhaLein Kabhi teesra Shakhsh shohar or biwi ke darmyaan jhagda daLne ki koshish karta hai, aise Shakhsh ko chahiye ke wo soche ke hadis sharif me farmaya gaya hai ke aise Shakhsh ki “laylatul qadr” me bhi magfirat nahi hoti*

                       *PART-09*
            ┅┅━━═۞═━━┅

     *⚃➠ (09) ILZAAM LAGANA*

*⚃➠ Badi khatarnaak Ghalati jo shohar karte hein ke chhoti chhoti bato par Apni biwi par shak karte hein or iLzaam Lagate hein, jese dekha ke biwi phone par kisi se baat kar rahi hai or wo bata bhi deti hai ke kis ka phone tha phir bhi shak karne lag jate hein Sirf AkhLaq or kirdar me nahi baLke choti choti baaton me shak karte hein ke ye nuqsaan teri wajah se hua, bachche teri wajah se bigde fulaan kam waqt par teri wajah se nahi hua, kisi bachche ne baat nahi mani to keh diya ke tune bigad diya hai Choti choti baaton me shak karna or iLzaam lagana ek mohLik bimari hai ghar ki buniyad hiLa deti hai, is se bachna zaroori hai*

 
        
                       *PART-10*
            ┅┅━━═۞═━━┅

*⚃➠ (10) BIWI KO US KE RISHTEDARO SE MILNE NA DENA*

   *⚃➠ Aakhri badi Ghalati shohar ye karta hai ke shohar biwi ke Rishtedaro se be tawajjuh Rehta hai baLke kabhi kabhar to biwi se keh deta hai “mujhe tum se to pyar hai Lekin tumhare abbu mujhe pasand nahi ya tumhari ammi acchi nahi ya tumhara bhai ya bahan thik nahi Jab biwi se ye keh diya haLanke in logo se biwi ka rishta khooni hai, biwi kese bardasht karegi ??? Biwi ke dil par zabardast chot lagti hai Shariyat ne saas or susar ko maa baap ka darja diya hai, biwi shohar ke maa baap ko or shohar biwi ke maa baap ko apne maa baap smjhe to sara jhagda hi khatm ho jaayega Phir shohar ye karta hai ke biwi ko apne ghar walo se milne ya phone par baat karne nahi deta, shohar ko chahiye ke biwi ko us ke Rishtedaro'n  se mulaqat ka moqa bhi de or phone se baat cheet ki ijaazat bhi de or dusri janib biwi ko chahiye ke had me reh kar baat kare, Amanat me khayanat na kare shohar ke ghar ke Raaz Apne ghar walo ko na bataaye Allah RabbuL izzat ham sabko tamam bataon par amaL karne ki tofeeq ata farmaye Aameen ya RabbuL AaLameen*

  *╟❥  ALHAMDULLAH MUKAMMAL*
•┄┄┅┅━━═۞═━━┅┅┄┄• 
                                     
💕 *ʀєαd,ғσʟʟσɯ αɳd ғσʀɯαʀd*💕
     ︶︶︶︶︶︶︶︶︶︶︶︶
Ĺ
        ⌈﹂﹂﹂﹂﹂﹂﹂﹂﹂﹂⌉
       ▏  ✍🏻  *RAAH-E-HAQQ*     ▏.    
 
http://apkemasailorunkahal.blogspot.com/?m=1

*https://www.facebook.com/babar.khansr.1
👆🏻👆🏻 *Visit for all Msgs*

      ⌊﹁﹁﹁﹁﹁﹁﹁﹁﹁﹁⌋

🍁🍁🍁